Vista

北京道一號嘅無敵大海景餐廳，前身係Aqua，環境同服務都好優秀，好適合情侶嚟食！. 🎐 薄切西西里紅蝦配碎魚子醬及開心果 $295 推薦，呢個配搭能夠更帶出紅蝦嘅鮮味，清爽開胃. 🎐 水牛芝士配意大利火腿及自家製蕃茄醬 $245 .🎐 鹽焗海鱵魚配西西里燉菜及香草油醋 $495 平時好少食焗魚，但出乎意料地覺得魚肉好嫩滑亦唔腥，配香草好夾.🎐 澳洲300g肉眼牛扒伴紅酒汁 $450 Keep到肉汁，肉質嫩滑而且幾有牛味，同紅酒汁好配. 🎐 龍蝦青檸意大利扁麵 $340 番茄汁酸甜適宜，扁麵al dente好彈牙🤌🏻. 🎐 開心果意大利芝士蛋糕 $148招牌菜即整打卡一流嘅tiramisu！可選原味、開心果同埋榛子✨ 蛋糕嘅質感好軟滑，開心果亦可以中和返比較重嘅咖啡味，值得一試…查看更多

兩年前係黎食仲係aqua 雖然環境無變但食物上都差別都幾大 記得之前黎食覺得食物一般，而且不值個價錢今次嚟食大有不同🐷手撕豬肉意大利包豬肉撕唔會太乾，入口多汁，麵包索哂即場淋既汁，味道唔好好咸，但味道唔覺得太出眾🍕意大利香腸配水牛芝士紅洋蔥辣椒薄餅一見到覺得似西蘭花薄餅🫣但個薄餅底薄身係幾好食🦞龍蝦青檸意大利扁麵即場屑啲青檸皮好香，扁麵好煙韌，龍蝦🥩澳洲肉眼牛扒伴紅酒汁食落有陣炭燒味唔知係咪用炭燒，肉味重夠淋身，全部黎講呢個係最好食🐷意式炸小牛排伴黑松露及黑松露蛋黃醬初初睇餐牌見到個牛字好出奇點解係手明明見到係白肉，黎到食落都係豬，係一定係豬😂口感酥脆，不過覺得黑松露醬掩蓋左黑松露片個陣味，我試左拎開啲黑松露醬試先食到個種層次感🐖油封乳豬配千層薯仔及羽衣甘藍呢個係最失望，乳豬肉質感好爛，反而千層薯仔比較出眾，羽衣甘藍比較鹹🎂甜品無影相叫左士多啤梨白朱古力撻有驚喜地因為book枱既時候講左因為生日食飯，佢係我哋唔知情既情況下幫我哋寫左happy birthday同蠟燭，呢個舉動非常之好🫶🏼開心果蛋糕…查看更多

❀ Vista #尖沙咀 ❀❗️採用落地玻璃觀望整個維港 提供高質意大利菜❗️——————————————————位於尖沙咀北京道一號，係昔日Aqua嘅位置，採用全落地玻璃，能夠飽覽整個維港景色，環境裝修簡約高尚，甚有情調😍有好多款創新嘅意大利菜，而且大部份仲加入表演元素，店員會喺面前即席烹調，睇得又食得✨.✷𝑀𝑒𝓃𝓊✷☞ Cicchetti♥ 薄切西西里紅蝦配黑魚子及開心果 $295 (4.1/5)用西西里紅蝦製成嘅capaccio，清爽鮮甜☺️店員仲會拿出乾魚子，香港好少見到，冇一般魚子醬咁鹹，但又能夠提出蝦嘅鮮味。.♥ 手撕豬肉意大利包 $175 (4.1/5)手撕豬用慢煮方法烹調，食用嘅時候先淋上BBQ醬，保持豬肉濕潤，麵包又唔會變淋。加埋芝士同香蔥就更加香口😚。.♥ 意式生牛肉他他 $225 (4/5)第一次見即場製作嘅他他😍店員會先將配菜，包括細香蔥、生洋蔥、蛋混勻。然後加入生牛肉，配上用薯仔製成嘅薯片，口感味道豐富！.☞ Pasta♥ 意式香腸意大利飯 $230 (4.1/5)貌似普通，但有驚喜😛用上蕃紅花、芝士製作，配上肉@v丸般嘅意式肉腸，鹹鹹香香，非常惹味。飯粒非常有咬口添！.♥ 龍蝦青檸意大利扁麵 $340 (4.1/5)平時冇咁鍾意紅醬意粉，但今次比到驚喜我🤩蕃茄味酸甜到恰到好處，浸透著龍蝦嘅鮮味。用上扁麵，口感彈牙，非常掛汁。. ☞ Pizza e Pizzette (4.1/5)♥ 芝士意大利肉腸開心果薄餅 $290完全係為我而設😍有齊我最喜愛嘅芝士同開心果，仲用咗三款不同芝士，Mozzarella+ Mortadella+ Burrata，既有軟心芝士又有拉絲。平時唔鍾意薄底pizza，但呢款香脆得來又帶點煙韌，仲特登用少咗酵母，食落就無咁滯🥰.☞ Portate Principali (3.9/5)♥ 鹽焗海魚配西西里燉菜及香草油醋 $495店員會即席淋上酒再燒，打卡一流👏🏻以鹽焗方式烹調，簡單加上香草、橄欖油勾出魚嘅鮮味。即使咁大條魚，但肉質依然滑嫩。.☞ Contorni ♥ 意大利車厘茄紅蔥頭沙律 $78 (4/5)♥ 香煎抱子甘藍配風乾豬面頰肉 $78 (4.1/5).☞ Dessert♥ 意大利芝士蛋糕 $148 (4/5)Aqua旗下嘅餐廳大部份都有呢款即場即整嘅招牌tiramisu，可以選擇原味、開心果味或者榛子😆店員會先喺手指餅上淋上咖啡酒，繼而加上軟滑mascarpone cheese。口感比較濕潤，咖啡味濃郁，但酒味就唔太重。.♥ 香橙開心果黑朱古力慕斯 $118 (4/5)參考盆栽作擺盤，用開心果製成綠色蛋糕，朱古力慕絲就仿照泥土😲表面仲有塊脆片，食之前先要敲碎！朱古力味香濃甘苦，中間仲有層清新酸甜香橙 puree中和膩感。——————————————————✨整體味道: 4.1/5 ✨環境裝修: 4.5/5✨服務態度: 4/5✨性價比: 4/5✨再訪興趣: 3.9/5 .💞整體來講環境甚優，食物質素唔錯，以呢個地段來講價錢相宜，絕對係慶祝嘅好之選！…查看更多

尖沙咀新開意大利菜！採用全落地玻璃，維港美景一覽無遺。燈光昏暗有情調，好幾款菜式都會於桌邊即席製作，打卡一流，絕對係約會嘅好地方！⁣𝘾𝙞𝙘𝙘𝙝𝙚𝙩𝙩𝙞▪️手撕豬肉意大利包 $175/3件經慢煮嘅手撕豬肉 相當軟腍入味，加埋店員即場淋嘅醬汁，味道濃郁唔會過鹹。麵包軟熟超索汁▪️薄切西西里紅蝦配黑魚子及開心果 $295本身仲諗緊店員做乜無啦啦拎粒黑松露岀黎，一問先知原來係乾嘅黑魚子，無平時嘅魚子醬咁鹹之餘，亦有提鮮嘅作用。加埋開心果碎，口感層次更豐富~▪️意式生牛肉他他 $225店員即場混合生牛肉、細香蔥、生洋蔥、蛋黃等材料~ 生牛肉入口軟滑帶彈性，無我最怕嘅酸瓜味，食落仲幾清新。旁邊就配左薄脆富薯香嘅真薯片！真心想要多幾塊𝙋𝙖𝙨𝙩𝙖 𝙚 𝙍𝙞𝙨𝙤𝙩𝙩𝙤▪️龍蝦青檸意大利扁麵 $340龍蝦口感彈牙 鮮味十足！扁麵裹滿微酸嘅醬汁，加上青檸皮，清新開胃~▪️番紅花意式香腸意大利飯 $230意大利飯粒粒分明，每粒都裹滿橙黃色嘅醬汁，飯芯保留左些微硬度。意式香腸軟腍多汁富鹹香，加上店員即場灑嘅芝士碎，呢個組合絕對唔會輸𝙋𝙞𝙯𝙯𝙖 𝙚 𝙋𝙞𝙯𝙯𝙚𝙩𝙩𝙚▪️芝士意大利肉腸開心果薄餅 $290/largePizza餅底同平時食開嘅有啲唔同，薄身酥脆，幾重麵粉香。意大利肉腸柔軟帶鹹香，面頭仲有軟滑流心嘅burrata，一酥脆一軟滑，香口得黎唔會太鹹。𝙋𝙤𝙧𝙩𝙖𝙩𝙚 𝙋𝙧𝙞𝙣𝙘𝙞𝙥𝙖𝙡𝙞▪️鹽焗海鱸魚配西西里燉菜及香草油醋 $495店員即席點火，拆骨起肉，只加入香草油醋調味，主要都係食返海鱸魚本身嘅鮮味~𝘾𝙤𝙣𝙩𝙤𝙧𝙣𝙞 ▪️香煎抱子甘藍配風乾豬面頰肉 $78一改我對抱子甘藍嘅印象，煎得香口無青臭味，加埋香脆嘅風乾豬面頰肉，鹹香唔寡。▪️意大利車厘茄紅蔥頭沙律 $78車厘茄酸甜多汁！𝘿𝙚𝙨𝙨𝙚𝙧𝙩▪️意大利芝士蛋糕 (經典/開心果/榛子) $148Tiramisu有專人席前製作，夠晒睇頭。mascarpone cheese軟滑，手指餅偏濕口感較為軟腍，係一款咖啡香濃、酒味低調嘅tiramisu。唔飲酒嘅朋友仔應該幾滿意，不過嗜酒之人就prefer酒味重啲嘅tiramisu~▪️香橙開心果黑朱古力慕斯 $118係以盆栽為概念嘅甜品~ 尤如綠草嘅開心果蛋糕軟熟，但無乜開心果味。不過尤如泥土嘅黑朱古力mousse就唔錯，軟滑香濃甜度低。中間嘅香橙purée增添左一絲酸甜清新，整體食落都唔會太甜膩。…查看更多