蠔灣 (金巴利道)

我同朋友都好鍾意食生蠔，今次特登揀左一間生蠔吧，一路聽住柔和既音樂，一路品嚐新鮮生蠔同埋刺身。店員介紹左4款法國生蠔比我地，由淡味食到濃味：🦪Tia Maraa $44/隻口感爽口清新，帶有輕微堅果味，餘韻悠長。🦪 Josephine No.1 $56/隻人口清甜清新，肉質堅挺，有淡淡既礦物質味道，層次感獨特。🦪 Tarbouriech oyster (Pinky) No.1 $56/隻口感滑膩，肉質厚實，飽滿度高。🦪 Gillardeau No.0 $68/隻海水味重，質地鮮甜質地，肉質肥厚結實有彈性，海水鹹味與甜味平衡，帶有果仁香，餘韻悠長。北海道活赤貝刺身味道自然而純淨，帶有一種淡淡既海水鮮味，肉質爽脆。車厘蜆刺身活蜆刺身既必然之選，味道鮮甜豐腴，口感結實爽脆，富有彈性，蜆味濃郁。北海道帶子粒刺身帶子厚身，肉質柔軟細膩，加少少醬油令帶子既甜味更突出。活法國藍龍蝦套餐🦞龍蝦刺身：肉質細膩且富有彈性，完全感受到龍蝦既自然甜味，清新而純粹。🦞龍蝦湯：一上枱已經香氣撲鼻，味道濃郁，每一口都讓人感到滿足。🦞龍蝦意粉：龍蝦肉大大件，肉質鮮嫩爽口，意粉混合左奶油汁，口感 creamy。…查看更多

餐廳提供嘅蠔，約一半都係法國生蠔。法國生蠔好多時都會有 No.0、No.1、No.2 嘅數字，呢d主要係用嚟分蠔嘅重量。 No.0係最重嘅，重量超過 150 克嘅；其次喺111 至 150 克之間嘅係 No.1；86至110 之間就係 No. 2。 💁‍♀️店員非常專業有禮，用心地介紹左幾款蠔俾我地，上枱時仲根據生蠔嘅濃淡度排好次序，等我地可以由較淡嘅味道開始，慢慢細嚐唔同蠔嘅鮮味。 🍋我食蠔好鍾意點sauce，而餐廳就安排左Cocktail Sauce、Wasabi、紅酒醋同埋檸檬俾我地。 我地點左4款蠔，少少刺身，仲有個活龍蝦套餐，非常豐富嘅晚餐。食蠔之前，先食相對較清淡嘅刺身，🦞龍蝦尾刺身真係一定要叫，龍蝦肉晶瑩剔透、結實彈牙兼爽脆，果種口感同鮮味係食完一件好想即刻食第二件。 活赤貝($78)，味道帶有小小海水嘅鹹味，而口感係十分柔韌、爽彈。 🦪🦪🦪🦪生蠔由較清淡排序1.Tia Maraa Pearl ($36)第一款建議食嘅蠔，蠔身相對較細隻，不過肉質都幾肥美，海水味係慢慢滲出嚟，不過唔算重，淡味清甜，有少少脆口。 2. Lambert No.2 法國藍寶石蠔($42)，肉質結實順滑，有礦物味，海水味較明顯，尤其當咬破生蠔時，海水味忽然湧出嚟，鮮甜可口，餘韻細膩。3. Krystale No.2 法國水晶蠔 ($42)，蠔肉好飽滿。口感爽脆幼滑，夠鮮甜，海水味非常濃郁鮮香。 4.最後一款係最期待嘅Gillardeau石蠔($65)，佢好出名，係頂級嘅法國蠔，難得嚟到，我地決定點呢款，仲要叫最大果款No.0。真係成隻手掌咁大隻，蠔肉厚身肥美、肉質爽脆、味道細膩、層次感豐富，入口最初係柔和嘅海水味，然後係香濃嘅蠔鮮味，由鮮入甜，細嚐會食到帶有榛子味，餘韻非常持久。 食完4款咁靚嘅生蠔，朋友笑我話，見到我由心笑出嚟。 車厘蜆($48)排在生蠔之後進食，可能由於生蠔嘅餘韻仍留在口腔之內，當食呢個cherry stone 時，覺得味道特別鮮香。 🦞活龍蝦套餐(波士頓)$788，有龍蝦尾刺身、龍蝦湯、仲有燴龍蝦意粉。🥣龍蝦湯，湯頭十分濃郁，裡邊仲有一大塊龍蝦肉，鲜脆，大大提升了濃湯的口感。 🍝最後食埋燴龍蝦意粉，意粉用左洋蔥同橄欖油烹煮，上枱時香味撲鼻而來，寬扁嘅意粉加上濃稠嘅醬汁，每啖意粉都非常掛汁，嗜濃味者一定會鍾意食呢碟意粉。非常美觀大隻嘅龍蝦鉗，咬落啖啖肉，肉質味鮮有彈性。 🍽💕呢餐海鮮宴，喚醒了味覺，不同嘅鮮味、海水味等都足以再三回味。…查看更多

間唔中就會心郁郁想食生蠔海鮮，今次去咗近期好多朋友推介嘅蠔灣嘅尖沙咀分店。嚟到呢度梗係要試吓佢嘅自選生蠔海鮮拼盤，打開餐牌樣樣都好吸引，淨係生蠔已經有十幾款法國生蠔同十幾款其他國家嘅生蠔可以揀，其他海鮮有龍蝦、蟹、海膽、赤貝、帶子等，經過一輪篩選，我哋揀咗：Tia Maraa Pearl $36@Speciales Lambert-No.1 $52@Namibia (West Africa) $39@Krystale $42@Pousse en Claire $42@北海道活赤貝 $78北海道帶子$38活龍蝦套餐$688-套餐包括： -龍蝦刺身 -龍蝦湯兩碗 -燴龍蝦意大利飯House White $78個拼盤真係發住光咁上㗎，海鮮色澤亮麗，非常吸睛！店主好細心咁教我地食海鮮同生蠔嘅次序，以確保用最好嘅味覺去品嚐海鮮。首先食龍蝦🦞刺身，WOW~龍蝦鮮味十足口感有彈性，點少少豉油同Wasabi食剛剛好。跟住到帶子刺身，帶子質感有彈性，味道鮮味甘甜。跟住到好新鮮嘅赤貝，最鍾意赤貝外脆內嫰嘅口感，活赤貝海水味特別濃郁。跟住就開始食生蠔🦪，由淡至濃順序品嚐，生蠔外型大隻飽滿，肉質肥美，由淡味清甜開始食到去重礦物味就可以品嚐到每隻蠔都有嘅獨特餘韻。如果唔清楚點樣嘅配搭最啱自己口味可以問吓店員，我見每一檯落單佢地都好耐心咁比意見。食完冷盤飲返個龍蝦湯剛剛好，龍蝦湯質感濃稠、口感豐富、啖啖鮮甜，值得一讚係溫度夠晒熱份量又足，飲完已經七成飽了。最後上埋個燴龍蝦意大利飯，每粒意大利飯都被好濃郁嘅龍蝦汁包住，唔會好杰身，亦唔會膩，鮮味十足，為呢一頓海鮮餐畫上完美嘅句號。整體嚟講對食物嘅質素非常滿意，下次海鮮癮起會再去試吓唔同口味嘅蠔同想試下海膽。平日嘅晚上見到有客人walk in 都安排唔到座位，大家如果想去試嘅話記得先訂位呀！…查看更多

前排食完生蠔🦪就一直諗諗不忘門口嘅蠔鮮味🤤我哋點左4⃣️款生蠔、1⃣️隻活海膽、北海道帶子、地中海紅蝦同龍蝦3⃣️食🦞廚師好貼心咁將蠔同海鮮由淡到濃味排列，確保唔會浪費咗每款刺生獨有嘅味道～🦪South Africa’s Rock 南非石蠔👉🏻味道鮮甜口感creamy，海水鹹味適中。🦪Krystal 法國水晶生蠔👉🏻帶🈶️較濃嘅海水鹹味，口感爽脆。🦪La Perle Noire 法國黑珍珠蠔👉🏻 呢款 #蠔后 🈶️濃濃嘅礦物味及蠔味，味道清甜。🦪Gillardeau No.00👉🏻好大隻，成隻手掌咁大🖐🏻肉質肥厚creamy, 味道鮮甜🈶️好濃郁嘅蠔味。就係前排食咗佢之後，令我諗諗不忘😌帶子刺身肉厚鮮甜‼️原隻活紫海膽味道非常鮮甜，入口即溶‼️我哋真係完全🈚️諗過紅蝦係🉑以咁好味，蝦味非常濃郁，而蝦頭🈶️滿滿嘅蝦膏，仲要起沙😋簡直係令我驚艷😍🦞龍蝦刺身晶瑩通透，肉質結實彈牙爽口，味道清甜。🦞龍蝦湯入面有一大塊龍蝦肉，肉質熟度剛好，依然食到肉嘅鮮甜而且肉質彈牙。湯頭味道夠濃但唔會🈶️苦澀味👍🏼🦞燴龍蝦意粉賣相非常吸引，有2⃣️大隻拆咗肉龍蝦鉗，食落啖啖肉。意粉唔會係好多醬汁個種，反而啖啖都有好香濃嘅牛油味，當中嘅洋蔥同西芹粒令口感更加豐富～…查看更多

雖然曾經訂購過蠔灣的生蠔海鮮速遞，但倒是首次到實體店享用晚餐，除了尖沙咀之外天后亦有分店，與上次的生蠔海鮮速遞一樣食材新鮮，質素有所保證。除了十一款法國生蠔外，亦有智利、澳洲、塔斯曼尼亞等來自世界各地的生蠔，而我們則點了South Africa Rock ($33)、Scottish Rock ($32)、La Perle Noire ($42)，以及餐牌上沒有的時令Tla Maraa Pearl ($36)和Spanish Giant Oyster ($62)共十隻生蠔；另外更追加了兩隻紐西蘭深海龍蝦仔 ($88)、北海道赤貝 ($78)及北海道帶子 ($38)，冰底擺盤精緻之外能夠維持溫度確保新鮮。上次品嚐生蠔海鮮速遞時，其中一款最令人喜出望外的就是紐西蘭深海龍蝦仔，而這次亦一如既往鮮甜爽嫩。生蠔由小至大順時針開始品嚐，來自愛爾蘭東南部的Tla Maraa Pearl比較細小，味道清爽；相比之下南非的South Africa Rock明顯濃味而厚肉得多；蘇格蘭的Scottish Rock濃度相若但肉身較瘦之餘略帶輕微苦味；法國La Perle Noire充滿海水鹹香，味道鮮甜最令人難忘；西班牙珍寶Spanish Giant Oyster顧名思義尺寸特大，同樣鮮甜而海水味濃。活龍蝦套餐 ($688) 包括龍蝦刺身、龍蝦湯兩碗及燴龍蝦意粉、意大利飯或沙律，據稱一份套餐已經用上一整隻龍蝦炮製，而龍蝦刺身則放於生蠔海鮮拼盤當中同上，味道清甜而口感彈牙。龍蝦忌廉湯質感稠密香滑，雖然當中只有一件龍蝦肉，但事實上龍蝦精華已經徹底融入湯中，充滿濃厚龍蝦鮮味之餘微微帶辣更加惹味。燴龍蝦意粉可以改配意大利飯或沙律，扁意粉軟硬適中而且混入粒粒蟹子更富口感，而龍蝦肉亦保持鮮美爽彈，但相對而言意粉整體比較清淡，忌廉汁胡椒味重不過龍蝦味欠奉，個人覺得如果以近似龍蝦湯一樣的龍蝦汁作為意粉醬定必更上一層樓。…查看更多

座位舒適，座位不多，記得提早預約。食物高質價錢小貴，適合節日、慶祝時豪食(๑╹ω╹๑ )店員服務態度很好，會逐一解釋每款生蠔🦪或刺身。部份特別的刺身需要提早一兩日預訂（如原條象拔蚌等）另收加一服務費～#生蠔海鮮拼盤 #生蠔 #🦪可以自由選配自己想吃的生蠔款式和刺身，根據自己的口味配搭(⁎ꏉ ◡ꏉ⁎)ﾉ ʚ♥ɞ krystale $42pc , Speciales Lambert No.2 $42pc , Tia Maraa Pearl $36pc , Spanish $62pc , Josephine $42pc , Gillardeau No. $52pc生蠔全部都好新鮮，海水味不會蓋過生蠔的鮮味😋肥美#北海道帶子 Scallopo $38pc清甜肥美，鮮味十足，必食推介#活龍蝦 #🦞 Live Lobster Set $688有龍蝦刺身、龍蝦湯和龍蝦意粉 （可以選擇意大利飯或沙律🥗）#龍蝦刺身 比較清爽，沾點了壽司豉油和芥末 之後味道昇華很多，主要吃口感～#龍蝦湯 🥰食完生冷野飲落去好暖胃，濃濃的龍蝦味，不會太鹹，微辣，而且有龍蝦肉，好好飲#龍蝦意粉 有兩隻已拆殻的龍蝦鉗和龍蝦肉，好足料。而且很欣賞這間餐廳的意粉，很香麥味，感覺很健康又不會太鹹，好味😋每樣野都好好食～一分錢 一分貨，好耐無食過咁高質既餐廳(๑˘ ³˘๑)～♡服務質素：9/10環境舒適度：8/10ᶘ ᵒᴥᵒᶅ個人口味評分：9.5/10…查看更多

❀ 蠔灣 #尖沙咀 ❀❗️臥虎藏龍 超高質多款式生蠔 仲有龍蝦刺身❗️——————————————————絕對係少數喺香港可以食到滿意生蠔、海鮮刺身嘅地方🤩位於尖沙咀金馬倫道，餐廳裝修就唔算好出眾，但有多達20款生蠔、十多種海鮮刺身選擇，而且質素好高，難怪平日夜晚嚟到都坐滿人。最特別嘅仲係可以自由選擇海鮮拼盤配搭，另外仲有鮮甜彈牙嘅龍蝦盛宴選擇✨！.✷𝑀𝑒𝓃𝓊✷☞ 活龍蝦套餐Live lobster set🦞$688♥龍蝦刺身♥龍蝦湯兩碗♥燴龍蝦意大利飯龍蝦係餐廳親自入手，確保龍蝦最新鮮咁直接運到，所以先可以整成龍蝦刺身，口感爽口鮮甜，非常高質👍🏻。龍蝦湯亦係我飲過之中最香濃，唔係平時加忌廉製作嗰種，而係用上龍蝦頭龍蝦殼去熬製，所以唔會膩，但又非常之鮮，內裏仲有少量煲完湯都彈牙嘅龍蝦肉😚。連意大利飯都非常高質，有兩大舊鮮甜爽口嘅龍蝦鉗、龍蝦肉。燴飯嘅口感做到al dente，美中不足唔係用上龍蝦汁，而係就咁忌廉、洋蔥、蘑菇，但係不得不讚佢個醬汁都非常之香，包圍着每粒飯😋。味道: 4.5/5 整體性價比: 4/5.☞ 自選海鮮拼盤🦐🦪♥生蠔Speciales Lambert $42Honey point $34Chile Montt $36Fine de claire $36Majestic $52Gillardeau $62♥ 北海道帶子$38♥北海道活赤貝$78有成多達20多款生蠔選擇🤩店員話按照你嘅喜好同埋budget作推薦，今次品嚐咗六款唔同口感味道嘅生蠔，真係每款各有特色，最印象深刻絕對係gillardeau，手掌咁大，鮮甜爽口，蠔味唔會被海水味遮蓋。另外帶子、赤背就唔係餐廳主打，但質素都絕對唔差。味道: 4.5/5 整體性價比: 4/5.整體來講，雖然價錢唔算平，但質素真係有保證👍🏻👍🏻👍🏻好難得喺香港食到咁鮮甜嘅生蠔，仲有爽口彈牙嘅龍蝦刺身，味道真係高質！絕對係醫治海鮮癮嘅好地方😆！…查看更多