泰王海南雞 (已易手)

今日去紅磡打波, 打波前搵個飯食下先, 記得之前係附近做野係紅磡廣場個頭都有D食肆, 所以去左個邊搵食。見到一間食海南雞飯好似都OK, 所以就坐低左喇。老闆娘好好人,一坐低就問你想飲咩, 有龍眼冰, 山楂冰, 豆漿等等…今日天氣好熱, 叫杯龍眼冰就啱哂喇 然後餐牌都唔睇就叫左個海南雞飯啦, 叫得呢個名, 無理由唔叫呢個招牌飯啫。龍眼冰真材實料, 清甜生津, 甜度剛剛好落左單大約5分鐘後就有得食啦, 仲有薑蓉同泰式醬跟埋添。先試個豆角, 連個配菜都有用心做, 食得出有用麻油撈過, 唔係就咁白烚, 脆口再食個雞, 完全無骨, 肉質非常嫰滑試埋個泰式醬, 有少少蒜香同魚露, 加埋一齊食就更加惹味喇油飯有淡淡既油香叫個飯送埋野飲, 性價比高見到老闆係廚房入面好用心咁起骨同準備, 老闆娘就熱情咁招呼客人, 真係一間好值得支持既家庭式小店外賣自取仲減2蚊添, 下次都可以黎呢到買番屋企食呀!…查看更多

泰王去骨海南雞脾配油飯我諗呢個都算係招牌菜，基本上跳得雞髀，就全部都係靚肉😍 攤開就一次過show case睇哂。都幾易睇到雞皮同埋雞肉中間有一層啫喱狀嘅靚野👍🏻 係膠原蛋白果類嘅野😋 仲會有埋蒜蓉，或者係酸辣汁掂，都幾好食😍叻沙兩餸麵揀咗金邊粉，再加金菇同埋牛腩。雖然湯底就真係唔係好強烈嘅叻沙味，朋友形容有少少似係咖喱味，但係其實食落可以count as 好食嘅野。同埋份量足夠就堅嘅：牛腩有好多舊，係入口即溶嗰隻，但就係啖啖肉嘅👍🏻 金邊粉、金菇都ok 唔錯龍眼冰我就幾鍾意佢呢種龍眼冰，雖然只係得咁嘅㨂、兩把一陣都可以返到去室溫、養生人士like me 都飲得😂 同埋我飲落去就真係冇落堂，全部係靠龍眼乾沖水浸出嚟嘅甜味carry , 所以都健康feel. 配雞飯算係幾清新嘅choice …查看更多

今日路過紅磡廣場既後巷，見到有間泰菜餐廳，雖則算係室外，不過見有帆布頂，天氣又涼涼地，就坐低試下。泰王店面雖小，只有幾張接枱，不過食物出乎意料。我叫左個午餐海南雞飯，加錢轉左要雞髀。飯上枱既時候已經聞到陣陣油飯香味，再加上好大份既雞髀肉，而且冇骨既，真係可以大啖大啖咁食。雞好嬾好滑，皮薄脂肪唔算厚，唔會咬落去成口油，作為舖頭既主打菜式，絕對不為過，而且海南雞飯配菜有豆角，增強左個口感，配埋兩個送既醬汁，一個帶酸另一個係薑蓉，完美突顯海南雞飯既優點。飲品方面我叫左龍眼冰，應該似係預先調配好再放入雪櫃，所以唔會有冰整淡飲品，龍眼大大粒，飲落又唔甜，解膩一流。最後老婆娘重送上糖水，誠意度已經滿分！…查看更多