陳小館 (已結業)

🇬🇧英式High Tea就食得多，🇭🇰港式High Tea set你又試過未呢？今日行過The one見到街邊開左間點心店，見到佢嘅雙層點心下午茶包埋茶介都只係$199，係好奇心驅使下，我同朋友就一於入去High個Tea🤭點 心 下 午 茶 ($199加一)飲茶食點心就當然先講下個茶🍵我地就揀左烏龍茶，雖然係用茶包沖，但茶味香醇濃郁唔會食到茶葉，唔錯🫖而點心下午茶方面，第一層甜點分別有🍰雪 影 白 切 糕椰 汁 流 心 球麻 香 綠 茶 餅個人覺得最有驚喜嘅係椰汁流心球!起初無睇以為係煎堆，點知一咬就有濃濃嘅椰汁香爆出黎而且唔係太甜🤩大推！而第二層咸點就分別係🍤鮮 蝦 菜 苗 餃黑 魚 子 燒 賣金 箔 蝦 餃 皇超 多 芝 蝦 蝦 春 卷咸點整體都係皮薄餡靚，爽口彈牙都有齊😋超多芝蝦蝦春卷同樣係足料，唔會炸得太硬身，點埋喼汁食就岩哂😜有 雞 先 定 有 蛋 先？🍮而要數造型最特別可愛嘅，當然係用藤籃另上嘅”有雞先定有蛋先？”其實佢係鹹水角同凍嘅燉蛋，鹹水角皮脆又煙靭，入面足料，雖然燉蛋就稍微差左啲蛋味，但加埋啲餅乾碎食又幾特別喎😌呢個價錢兩個人食倒點心下午茶試倒咁多款點心，有得食又有

本來諗住簡單食個下午茶點心，先發現原來點心店都可以食到”層架Tea Set”😳成件事好新鮮🤣中式CrossOver西式～.🫔超多芝蝦蝦春卷係長形嘅春卷！夠跪身，好多蝦🦐😋.🐟黑魚子燒賣食落無咩魚子味，雖然味道上特別，但係好鐘意呢度俾喼汁我去點😆知我口味！.🥚有雞先定有蛋先（安蝦鹹水角配原隻薑汁蒸蛋）個名好得意🥺會唔捨得食小雞🐣鹹水角唔會重口味，煙靭感唔錯。反而原隻蒸蛋食落較淡，要到底先食到鮮蛋味～.🍵麻香綠茶餅友人最鐘意呢個點心，芝麻味較重，亦夠香脆💖.點心Tea Set跟一般西式high tea唔同嘅就係鹹點比較豐富✨✨飲嘅都係中式茶（用茶包👍🏻）帶男朋友去食實無投訴🤣佢地實飽啦！值得一試💁🏻‍♀

係一間我會想佢喺我樓下開分店嘅高質點心小店首先啲點心好食！第二價錢親民😗，早餐$38！超平！如果我樓下都有就好啦點心下午茶 $199佢係點心high tea ，分咗上下兩層，上面嗰層主要係甜點，有綠茶餅、椰汁流心球、影雪白切糕下面嗰層係鹹點，蝦餃，鮮蝦菜苗餃，芝士蝦春卷，墨魚燒賣，另外仲有鹹水角同埋薑汁蒸蛋佢話薑汁蒸蛋係凍嘅，我會當佢做甜點個椰汁流心球有驚喜！裏面好重椰汁味，仲有啲細細粒嘅椰果喺裏面，食落出邊脆卜卜，裏面好軟熟！下午茶餐 $48呢個下午茶都好抵食！佢有五星拼盤，裏面有叉燒包，墨魚燒賣，兩粒鮮蝦菜苗餃，薑汁紅棗糕另外仲配一份小食，可以揀炒麵XO醬蘿蔔糕又或者粥，我就揀咗XO醬蘿蔔糕，佢個XO醬好香配蘿蔔糕好食！另外佢個蘿蔔糕都唔粉，食到一條條蘿蔔

好日都唔出尖沙咀嘅我都比我搵到間食點心嘅好野餐廳位置非常易搵 係地鋪嚟門口好大 路痴都搵到😂星期六下午茶時間都唔多人卡位闊落坐得好舒服我地揀左鐵觀音☕️茶香夠香醇亦都好滑個茶仲靚過一般酒樓👍🏻我地都飲左好多估唔到點心都可以有high tea二人set都係$199 仲免茶介 唔叫對唔住自己😂先講最特別嘅「有雞先定有蛋先」即係安蝦鹹水角配原隻薑汁蒸蛋個造型勁可愛 差啲唔捨得食鹹水角個餡好足料留意返薑汁蒸蛋係凍嘅 可以留返最後先食佢好彩薑味唔會太重 可以留有蛋香 啱啱好之後講下啲咸點超多芝蝦蝦春卷同樣餡料好足 點埋喼汁就好開胃金箔蝦餃王個皮都ok薄 入面嘅蝦係爽口夠新鮮黑魚籽燒賣佢應該係用咗啲魚肉 加上黑魚籽比平時食開嘅燒賣個鮮味更突出鮮蝦菜苗餃個人最中意呢個個皮晶凝通透 好薄 夾嘅時候小心啲😂裡面嘅菜苗真係好嫩 加埋鮮蝦真係好好味😋到甜點喇麻香綠茶餅內脆外軟 又唔會好甜 正椰汁流心球其實已經好後先食佢但出奇地仲係個皮好脆 裡面嘅椰汁都仲係流心都幾重椰香🥥影雪白切糕咬落非常煙韌幾樣甜點都唔會太甜 所以唔會太滯 啱曬我👍🏻呢個價錢兩個人食仲有咁多款可以試到真係幾抵 仲可以影相打下卡添😂