開係旺角豉油街既四寶食堂門面用左我最愛既湖水藍，餐廳有一大幅非常打卡able既粉紅花花牆。剛剛開業嘅時候仲以為呢間係一間少女系打卡Cafe，原來係一間新派港式茶餐廳。.餐廳地方好闊落，裝修用咗唔少心機，例如好鍾意佢地月球吊燈併粉紅色牆身，座位好多仲要有好多舒服嘅卡座。.食物選擇多之餘，混合港式茶餐廳同埋港式西餐嘅風格，亦都有唔少創新菜式。例如除咗有一般湯麵常餐同茶記必備炒粉麵飯，仲多咗西餐廳常見嘅菜式例如各類嘅漢堡包、不同部位嘅牛扒，仲有各類西式甜品供應，務求做到創新之餘各適其適。.黑蒜油叉燒滑蛋飯 💲60⭐️4/5呢到招牌菜式包括：喜哥蔥油豬扒太陽蛋飯、黑蒜油叉燒滑蛋飯、常餐必備招牌沙嗲牛肉公仔麵。其實三款都想試之下揀咗叉燒滑蛋飯，雖然呢個菜式每間茶餐廳都有，但係要做得好食其實都好考功夫。叫得招牌菜確實落足心機做，滑蛋唔過火仲有少量蛋漿啱啱好，滑身唔會老。叉燒食得出唔係平價茶餐廳貨式，份量亦都慷慨。加咗黑蒜油既甜豉油汁，更加香，不經不覺食哂。.巴馬火腿星洲炒米 💲72⭐️3.7/5巴馬火腿配星洲炒米唔多唔少係一個新噱頭，巴馬火腿嘅份量唔多大約兩塊，經過烘烤之後已經變咗脆片狀，主要其實都係食炒米。星洲炒米質素四平八穩，冇太多批評嘅空間。.黑松露炸薯條 💲48⭐️3.6/5既然話得佢係港式茶記mix西餐，當然唔少得好多西餐廳都有嘅小食例如炸雞翼、薯條等等。叫咗個黑松露薯條試吓，黑松露醬嘅份量唔算多，間中過下口癮還好。.粉紅草莓雲朵 +💲15奶茶 +💲0補錢叫咗個粉紅草莓雲朵，其實即係草莓牛奶加忌廉，唔甜幾好味。幾欣賞佢地杯熱奶茶，茶底夠香唔會有苦澀味。.總結：地點方便就腳，食物種類選擇多，價錢合理，定期回訪系列。.不專業食評 nei.foodie …查看更多
