CHEF STAGE de Eddy Chu

已經係2訪Chef stage了，食物水準好高，menu 有新菜式，服務好細心。日本麵鼓帶子薄片配鮮蝦肉-第一次食用日本麵鼓作調味的帶子，好特別好新穎-帶子同蝦都非常新鮮，大大舊松露煮日本年糕-非常簡單的食材，賣相平平無奇，但好推介！-松露味好足，成個汁都係松露鮮味，年糕非常彈牙。焗連殻食法國田螺-田螺新鮮爽口-殻係脆餅，加埋薯容係底，一大啖食大大提升口感黑松露磨菇湯-唔係好thick 個種，厚度適中-松露同菇味都好濃郁，仲保留到少許菇的口感鮮蘆魚柳酸甜香草汁-蘆魚好厚肉，魚肉結實新鮮-份量好大，好似主菜的size 慢煮美國肉眼-姐最歡喜的一碟，每次叫牛都冇失望-牛味好濃，慢煮比煎少左個油膩感-配芋泥，第一次食西餐配芋泥，出色！燒羊鞍-燒得恰到好處，入面好juicy， 羊味好出…查看更多

呢間西餐廳真係唔錯唔錯，不過座位唔係好多，所以想食既記得book位，就算是閒日，都全場爆滿，好彩朋友一早book左位。餐廳有一堆set dinner..今晚同朋友決定散叫，揀下自己想食既野。首先叫左少少前菜。先來一客雞肉凱撒沙律。呢個沙律好好味，沙律菜好爽，吃起來會食到爽爽聲，好清脆好清新，拌上少少沙律醬，好新清，唔錯。另外雞肉片數量都唔少，仲要片片都幾大片同厚身架，仲要肉身好腍好好味，冇諗到雞肉沙律既雞肉都可以做到咁出色，好好味，令人好難忘。之後吃另一款前菜了，都令人眼前一亮呢款係焗連殼法國田螺，味道好好，外殼焗得好脆，好似食曬脆米片咁，好好味。中間既田螺肉厚，好味，好好咬口。而且底部既薯蓉都好香好幼滑。用來拌脆脆田螺，口感同味道都一絕。食完前菜就講下d湯。點了兩款湯，同朋友開心share...所以兩款口味都試了。一款是黑松露磨菇湯。濃濃既黑松露味，黑松露愛好者必試。好香好濃，湯中仲有好多磨菇粒，味道又好，口感又正。而另一款是忌廉鮑魚冬陰海鮮湯，呢個湯好吸引。首先入面超足料，有一粒大大帶子、一隻大大鮑魚、蝦、菇等等，好豐盛。而且味道都幾冬陰公，但又唔會好刺喉好辣，所以入口好易，味道又香，帶點點微辣，唔錯唔錯。前菜同湯都超滿足，主菜都一樣沒有令我們失望。呠酒燴羊膝，好豐盛。大大隻既羊膝，肉質腍身，啖啖肉，味道好香好濃，好正。仲有隻大蝦伴碟，大蝦肉質好爽，肉厚，正。仲有芋頭蓉同羽衣甘藍為伴碟，好好味大滿足。d伴碟都好用心，好好味。仲會好飽肚，因為個羊膝份量都不少，加埋個汁黎食，正。另一份主菜點了黑毛豬肋肉條。有好多條肋肉條，份量都不少，黑毛豬肉味好重，好濃。吃起來肉質好腍好惹味，肉質肥瘦適中，唔錯唔錯。而且仲有兜菠蘿同香草葉，可以吃一吃菠蘿以解油膩，咁樣食起黑毛豬來會更為新清味濃。是晚好滿足好開心，朋友真的冇介紹錯。…查看更多

每年生日都會同媽媽一齊去慶祝母難日, 報答佢每年既照顧, 呢間餐廳幾年前試過一次, 一直都好想同佢黎, 今年終於可以達成到上次經驗講俾我知, 2個人係食唔曬一個2人餐, 所以今次點左一個單人餐, 加散叫其他食物, 無謂浪費食物首先黎左乳酪鮮蝦芒果沙律, 蝦夠新鮮彈牙, 而沙律配用乳酪好開胃食仲未食完沙律, 海鮮盤已經黎到生蠔好新鮮及creamy, 媽媽覺得本身個味已經好足夠, 但我都係愛加上檸檬既味道大蜆配上蜜糖麵豉汁或香草汁, 香草汁比較似泰式既味道, 好特出到蜆既鮮味帶子刺身係爽口和鮮甜鮑魚非常之彈牙, 本身煮到已經好入味, 唔需要再加其他醬汁大蝦都係鮮甜, 彈牙另外餐廳都做優惠, 每位食滿HK$450 會送2隻生蠔, 我地就加埋有4隻, 其中一隻我試過唔落任何調味/檸檬, 真係好好食, 蠔味超夠之後黎左前菜 - 清酒蟹肉日本年糕個汁係非常夠味, 但年糕有D煮唔熟, 令到個汁入唔到味到上湯啦黑松露湯 - 黑松露味濃但唔會搶曬成個味, 磨菇粒粒好有口感鮮蟹肉濃湯配生蠔杯  - 個蟹肉湯濃到好似湯羹咁, 初初飲係好鮮味, 但飲多2啖就覺得好鹹; 根據侍應教咁飲一半湯壐食個蠔, 真係起左化學作用咁, 變得更好味上到主菜, 我地點左美國牛肉眼, 肉既生熟啱啱好, 唔會好鞋, 肉味重, 個汁鹹度剛剛好, 呢個亦係媽媽食過都贊既牛之一, 平時佢係好難會贊出面D牛煮得好尾尾以甜品作結, 紅桑子味唔會太甜帶酸, 令到甜品唔會好漏, 口感足夠濕潤全餐飯都令到媽媽好滿意, 侍應服務亦都好好, 令佢叫我俾貼士都要手鬆D…查看更多

找西餐吃來慶祝朋友生日的時候看到這間，生日當天會送蛋糕和有現場演唱生日歌，所以選擇了。點了一個二人套餐，頭盤時海鮮拼盤，生蠔肥美，海鮮也不俗，頗新鮮湯方面選了黑松露蘑菇湯，黑松露味濃，每一啖也充滿了蘑菇茸熱食有兩個，一個是焗連殼田螺，殼是用麵粉做成田螺殼型焗成的脆餅，不需用手吃田螺之餘，連脆餅一起吃口感更好另一個是黑松露年糕，是用卡邦尼醬汁煮年糕，黑松露味則不太特出。主菜選了紐西蘭羊架，原來在菜單中是羊T骨，當晚因爲沒有便轉了羊架，叫了五成熟但來到時感覺是七八成熟，有點韌。另一個選了慢煮牛肉眼，相比起來牛煮得不錯，肉嫩多汁，但感覺還是多過五成。最後還有是日甜品，當天是士多啤梨芝士餅，味道普通。整體感覺其實還不錯，還有現場演唱氣氛也很浪漫，大玻璃窗也能看到外面景色。…查看更多

尋晚同男朋友去左尖沙咀食晚飯🍽～～～佢帶左我去一間幾有情調嘅西餐廳燈光都幾有情調同氣氛☺️.仲要食緊野嘅時候 有人會係你身邊彈結他唱抒情歌🎤好Chill!!!😂😂.乳酪鮮蝦芒果雜菜沙律 ($138)呢個沙律配搭好Fresh 入面有乳酪同芒果令味道有d酸酸甜甜 特別開胃～😋加上有爆爆珠 食落口感又再豐富左一層！.焗法國連殻食田螺 ($128)極度推介呢碟❤️❤️同傳統田螺唔同佢係外層圍住脆脆的餅乾包住田螺再加上底層既蒜蓉 令到口感不單調☺️而且味道好香 好好味😋.紅咖喱蟹肉配熱脆麵包 ($148)佢嘅咖喱係唔算辣用脆麵包沾上咖喱一齊食 唔會覺得淨係食咖喱感覺咁寡而咖喱𥚃有切成一條條嘅蟹肉作配搭令到有一陣微微嘅鮮甜味 好食啊😋.我地每人各自叫咗唔同嘅湯🍲黑松露磨菇湯 ($68)鐘意黑松露嘅我 簡直大愛好Creamy 松露味好濃郁～.忌廉鮑魚冬蔭海鮮湯 ($88)而男友飲嘅冬蔭公湯🍤 而𥚃面真係有原隻鮑魚😳😳再有原隻帶子及一隻甜蝦 味道帶鮮甜性價比極高！.紐西蘭聖子配米酒白汁扁意粉 ($168)呢碟意粉🍝加了米酒去煮所以令聖子完全無腥味而且聖子亦好新鮮 帶鮮甜味道！配上白汁係明智之選 令味道超creamy🙈.香燒紐西蘭羊鞍 ($258)羊鞍無太濃郁嘅羊羶味而且非常輕易就可以切開～肉質粉嫩旁邊亦配上紫薯 係幾新穎嘅配搭😂.(右)Mystery Mocktail ($58)呢杯係一杯無酒精飲品 味道較甜感覺係mix berries 酸酸甜甜嘅果汁 飲落特別開胃！(左)Mnady's Cure ($58)成間餐廳都頗有情調而且食物質素亦幾高 在場見到好多人慶生/慶祝都幾啱曬情侶黎拍下拖👫🙈…查看更多

作為人妻已經大半年，不知是喜還是悲，婚後跟媽媽同住，雖然二人世界時間少了，但卻有媽媽作後盾，可以step by step去熟習婚後生活，不用一下子由做女時飯來張口，突然要變成精通十八般武藝。本身入廚經驗如同白紙，首先要學習的是買餸，所以最近開始每星期一大早跟星仔外出買定一星期的餸，當然事前媽媽有俾貼士買豬肉要到這家，買菜要到那一家，但實戰經驗當然好過紙上談兵，雖說不上有甚麼大成就，不過起碼知道各種菜的價錢，不同菜式要買甚麼部份的豬肉等等。第二樣當然是煮飯，雖然暫時只有媽媽不在家才要我們下廚，雖然每一次下廚其實都是跟星仔合力完成，但起碼對於一餐飯的流程都有一個初步概念，起碼兩餸一湯加白飯也有一個烹調的先後次序。另一樣要慶幸的是星仔的父母都不在香港，之前跟同事午飯，已婚同事就提到每逢周末，不是要到自己娘家，就是要到6299家，想在家休息下的時間都沒有。而我們卻還有這一點休息和拍拖的時間。＊＊＊＊＊＊＊＊＊＊＊＊Eddy Chu很久之前已經跟朋友朝聖過，高水準的菜式令我和朋友都留下深刻印象，但見星仔未食過又話想食，就陪他來一次當拍拖吧。餐廳位於亞士厘道一棟食店雲集的商廈內，店面雖不算特別大，但景觀卻開揚，配上柔和的燈光，都幾有情調。Fruit Tea Cooler($58)水果茶雖然沒有冰塊，但飲落都夠凍，入面有切粒蘋果、士多啤梨和藍莓，茶味和甜味都適中。Mandy's Cure($58)這杯飲料主要由紅桑子、西柚和青檸製成，所以整杯都是玫紅色，味道酸酸甜甜，都幾開胃。黑毛豬熱脆包($88)熱脆包質地有點像硬豬，但比較薄身，旁邊佐以菠蘿，侍者上菜時著我們可以一口熱脆包，一口菠蘿，以菠蘿中和黑毛豬的膩感。打開熱脆包，見到黑毛豬厚薄適中，下面還有wasabi醬。熱脆包入口超級香脆，但又不會過硬，黑毛豬肥瘦適中，豬肉香味充滿口腔，wasabi的清香令黑毛豬的膩感大減，菠蘿酸甜有致，實是一道非常出色的前菜。松露煮日本年糕($98)日本年糕躺在creamy的醬汁內，驟眼看有點像忌廉湯。年糕切成薄片，所以煙韌得來不會過於韌口，帶有濃濃的松露香味，份量適中不會有膩滯之感。艾迪乳鴿($98)艾迪乳鴿我上次都有點，乳鴿是用上bb鴿，所以體形亦比一般茶樓食到的乳鴿小一點。乳鴿雖然肉不多，但勝在皮脆肉嫩，醃得夠味之餘亦不會過鹹。大大隻蝦多士($168)蝦多士份量驚人，一隻蝦多士約有成人手掌般長。蝦多士旁邊伴有沙律菜。沙律菜已預先加上醋汁，另外原來還有爆珠，酸香味十足。多士顏色均勻，多士和蝦肉的比例剛剛好，不會有包多蝦少之感，多士香脆，蝦肉爽彈，食完都已有兩分飽。黑松露磨菇湯($68)磨菇湯非常熱辣辣，上枱後我仍要等一會才可飲用。磨菇湯菌香味和黑松露的香味交織在一起，質地濃稠，口感順滑，沒有隔渣所以能吃到一粒粒磨菇碎，非常有咬口。忌廉鮑魚冬陰海鮮湯($88)雖然這個湯比磨菇湯貴$20，但有鮑魚、帶子、鮮蝦和三文魚籽，非常足料。帶子夠大隻，入口微彈，鮑魚彈牙，鮮蝦爽口，但亮點絕對是湯底，因為creamy得來能飲得出冬陰功的微辣，很待別的一個fusion湯。蒜香辣味鮮蝦意粉($188)意粉簡單以橄欖油和鮮蝦、番茄等食材炒，意粉軟硬度適中，橄欖油令意粉不會黏在一起，以意粉來說味道其實不錯，不過與之前的前菜相比，就少了一點驚喜。燒西班牙黑毛豬肋肉($188)整碟豬助肉約有八條，原先以為是骨多肉少，但食落才知道完來沒有骨，全部是肉來的。旁邊還伴以番薯蓉和蔬菜，西餐多配以薯蓉，番薯蓉都是第一次見，比起薯蓉多了一股甜味，配搭幾新鮮。豬肋肉燒得香口，但略嫌過油，每一次咀嚼都清楚感到油份在豬肋肉中揸出來。雖然事隔上次光顧已有一年有餘，但食物質素絕沒有因為名氣而下降，侍應亦勤於換碟，基本上每吃完一道有醬汁或有骨的菜式，他們就會主動換碟，即使價錢不算便宜，但絕對值回票價，非常適合朋友慶生或情侶慶祝記念日。…查看更多

最近,有一位曾為他做紅娘,早前又介紹朋友幫他買樓,令他賺了一點少財.他說一定要請我食飯, 而且還是一間由高級廚師打做的--CHEF STAGE de Eddy Chu!他說--早前因為與顧客傾談生意,是顧客介紹他上來的.他食後感覺很特別, 又聽聞我最近開始不做宅媽, 要做井上蛙, 學人家寫食評,便刻意要帶我過來開眼界.一入到來, 餐廳分開左右兩邊,兩邊都有寬闊大玻璃, 醉人黃昏海景一覽無遺!平實高雅傢俬令人坐得舒服.( 可惜這條恐龍已讓了給別人....可惜!可惜! 真笨!)第一道菜是, 艾廸乳鴿--$98是早一晚用鹵水汁浸醃,然後,當有客人點它便放入焗爐焗熟.雖是乳鴿, 但SIZE並不小,吃落啖啖肉, 而且, 沒有中菜酒家的油膩,更不需要點上淮鹽, 鹵水味剛剛好, 正合不喜歡太濃味的我!香煎鮮蝦冬陰奄列配西班牙黑毛豬--$118配有3種醬料1:長島忌廉( 鹹,酸味 )2:冬陰公醬 (酸, 辣味)3: 印度鹹芝士( 鹹, ,酸,芝士味)這個菜最考起我這個宅媽,因為它們表面看上去, 顏色差不多,但原來材料豐富到不能食出全部內容,有蛋, 蝦, 黑毛豬肉, 麵包,辣味風乾肉腸, 洋蔥,有一個個細少的好像印度人的香烤包,( 口感脆脆的)..........隨意點上任何一個醬都很好味.椰子雞絲雜菜湯--$68粒粒香濃椰子肉, 配上雞絲雜菜,清甜得來卻帶點椰香.黑松露蘑菇湯--$68香,濃,滑! 不能言諭!香燒正宗法國羊腩--$168中式羊腩煲時時食, 但每次食都會有一陣陣的羊羶味,還要點腐乳辣醬才好吃.但他們先把羊腩切薄, 醃味, 煮前放上麵包糠,以半煎炸而成, 再以蘆筍, 蕃茄和紫薯蓉伴碟,除了令顏色鮮艷吸引食慾外,羊肉只有一點點應有的羊羶味而已!甜品--Tiramisu是我的至愛! 長島醬遺留了一個未介紹黑毛豬扁意粉--$188一條條幼身的黑毛豬肉, 配上青菜,加上軟硬適中的扁意粉,口感與味覺簡直一流!這一餐雖然不是我付錢,但定當不便宜!不過, 真的很多謝這位朋友,是他帶我見識了一次同樣材料, 卻不同煮法, 不同味道, 但再高層次的廚房藝術!…查看更多

有D餐廳, 你食過之後每隔一段時間你會心思思想再去, 呢間係其中之一一早訂好位, 已預留左一張二人枱給我打開餐牌, 沙律/前菜, 熱湯, 廚社精選, 主菜到甜品一應俱全亦有供應酒類及非酒精飲品神秘無酒精鷄尾酒 ($58)及青檸梳打 ($45), 前者材料為莓類, 兩杯飲落酸中帶甜, 幾醒胃!個人習慣食西餐會叫個沙律"清新"一下, 呢客凱撒沙律配煙三文魚 ($148), 以清脆多汁既沙律菜, 脆口多士粒及咸香煙三文魚而造成, 煙三文魚份量都唔少, 兩者味道都幾夾!呢款店內精選燒牛脷熱脆飽 ($88), 一客三件, 薄燒牛脷配以芥末醬汁, 被熱脆上下包圍, 腍身牛脷配以硬脆飽, 一軟一硬雙重口感, 好味道!另一款店內精選松露煮日本年糕 ($98), 一片片煙韌年糕被香滑松露汁所包圍, 有少少菇片作伴菜, 入口香滑軟熟, 個濃汁若然用黎配意粉/法包都相當唔錯!餐牌上湯有三款選擇, 我地分別點左黑松露磨菇湯($68), 質感creamy帶有好香菇菌味, 亦食到菇菌蓉, 幾飽肚!另一款為忌廉冬蔭公海鮮湯($88), 西式同泰式既混合湯, 味道偏重冬蔭公味, 有D辣度, 加埋忌廉可增加入口滑度, 海鮮料包括原隻鮑魚, 帶子, 蝦, 蟹籽等, 十分豐富!主菜出場 : 燒美國牛肉眼配茄汁扁意粉 ($198), 選用肉眼位置, 肉質有D嚼勁但肉味偏淡; 扁意粉偏硬, 又可以演繹成有口感; 茄汁味道偏甜, 帶酸返少少會感覺好D!食西餐點鴨脾既次數好少, 友人反而有興趣, 呢客香燒正宗法國鴨脾配鮮薯蓉 ($178)就係咁而出現係我地餐枱上, 鴨脾都唔算細隻, 外皮被燒至香口, 切出黎既肉都唔少! 我承認對呢樣食物有點偏見, 目測應該係好乾及肉嚡, 即管點少少醬汁放入口睇下會否"好味"D, 點知....................入口係竟然係嫩滑, OH.................我要向呢隻法國鴨脾SAY SORRY! 另外佢既薯蓉係用黃蕃薯整, 入口香甜幼滑, 好好味!為左令呢餐更完滿, 點都要預留位置比甜品, 呢客藍莓芝士蛋糕份量精緻, 擺碟亦吸引, 酸中帶少甜既藍莓醬中和左芝士蛋糕既膩感!…查看更多

顧名思義，「Chef Stage by Eddy Chu」這間餐廳由老闆兼總廚Eddy Chu坐鎮主理。Eddy Chu入行超過三十年，擅長法國料理的他在酒店業界被喻為「西餐浪子」，並曾任職多間星級酒店及高級會所的總廚。餐廳位於尖沙咀亞士厘道，交通十分便利，由地鐵站行過去都只係五分鐘左右。一走出那銀座式商廈的十九樓，第一眼見到的便是非常醒神、會自動變色的logo，上面的玻璃還見到Eddy Chu準備食物時的「chok樣」！餐酒的選擇非常之多，由最常見的法國、意大利酒廠出品以至平時較少見的智利、新西蘭等等都有，非常適合不同口味的朋友！雖然只是平日，但七點半唔到餐廳已經差唔多全場滿座！Sweet Red Wine ($58)︰浸泡著新鮮水果的Red Wine，整體感覺就好像平時常見的Sangria。入口十分香甜得黎之餘亦帶點淡淡的水果香氣，用黎配肉類非常一流！Mandy's Cure ($58)︰這其實是混合了Cranberry Juice、西柚汁及青檸汁而成的果汁。雖然感覺十分清新醒神，但冰塊的份量好似重手左D，剛上枱時，第一啖飲落口真係凍到打冷震！海鮮拼盤 ($498)︰大大碟的拼盤有齊生蠔、飽魚、日本刺身帶子、鮮蝦同埋紐西蘭聖子刺身，份量方面真係冇得輸！特別要讚的是自家製的香草汁，開胃清新得黎又唔會太濃味，遮晒海鮮的鮮味！松露煮日本年糕 ($98)︰絕對係「有驚喜」的一道菜！煙韌、有咬感的日本年糕上放滿香噴噴的黑松露及清新的磨菇，十分開胃醒神，令人停唔到口！黑松露磨菇湯 ($68)︰簡簡單單的一道菜。「Less is More」清清地作為主菜前的前奏非常不錯！燒西班牙黑毛豬「肉眼蓋」($188)︰絕對是全晚的亮點！由於用左慢煮烹調技巧，黑毛豬除左做到肉質非常腍、非常易入口之外，亦能保持本身淡淡的「橡果味」。鮮嫩的黑毛豬只係淡淡的以鹽及胡椒修飾，除了嫩滑爽口之外亦能更加帶出肉本身的質感，伴碟的菠蘿更可以減輕黑毛豬的油膩感！不過，美中不足的是豬肉好似生左少少，我明白這是係了保持肉的質感，但要食「生豬肉」這個心理關口真係唔容易衝過！黑毛豬扁意粉 ($188)︰黑毛豬煮到非常之腍，配埋扁意粉及配菜之後整體感覺竟然有D似茶餐廳名菜「黑椒牛柳絲炒意」！美中不足的地方是豬肉比較油膩，如果可選用更瘦的部份會更好、更為健康！總括來說，今次用餐體驗實在非常不錯。除了食物的「性價比」一流外，店員亦十分有禮、服務細心，點餐前亦會詳細了解客人的要求而作出相應的建議，整體服務水平值得一讚！…查看更多

每個月的月底是跟另一半的紀念日, 我們會輪流在網上搜尋餐廳及訂座, 今個月又到我了今晚訂了位於亞士厘道的西餐廳, 先乘電梯上19/F, 在電梯上升期間已經慢慢看到尖沙咀的夜景, 到達門口後便等候侍應安排坐位, 入座後侍應先為我們鋪上餐巾, 其後問我們需否先點飲品, 西餐的正統禮儀, 未進食已經感受到飲品點了一杯無酒精Fruit Tea Cooler, 果茶配上幾款果汁混在一起, 帶生果粒充滿熱帶風味頭盤先點一份香燒日本吞拿魚腩沙律, 加上黑醋汁的沙律菜配上菠蘿及蕃茄粒, 特別之處是沙律中竟然發現有荔枝味的爆珠, 主角魚吞拿魚腩共八件, 四四方方的放在底部, 並加上淡淡的wasabi沙律醬醬汁, 味道沒有被搶, 吞拿魚腩煎得香脆, 魚肉爽實, 味道越咬越出, 仲可以將吞拿魚自行壓碎跟沙律菜一起進食食完第一道冷盤, 店員便換上另一隻碟, 沒有任何污跡的新碟子, 是熱的松露煮日本年糕, 年糕本身帶點咸咸的味道, 每一塊都切得夠薄, 醬汁可以完完全全地黏在年糕上, 口感除了應有的煙靱外, 更帶來多一份軟滑, 松露醬內加上洋蔥及白酒在等候另一道菜的期間, 侍應亦不忘幫我們更換新碟此店的廚房是Open kitchen, 亦分開凍房及熱食兩邊, 眼見大廚都是親力親為為食客煮菜Bb乳鴿, 味道非常入味, 相信是醃製時間長, 帶上少少酒香, 肉質嫩滑, 中式乳鴿食得多, 西式都是第一次, 食起上黎時不覺得困難隨後, 分別點了兩份湯share黑松露磨菇湯, 加入大量野菌加入打成碎, 口感實在, 再加上適量黑松露醬點綴, 亦唔會蓋過野菌味, 整體味道更為特出, 湯夠晒熱, 第一口更是燙口忌廉鮑魚冬陰海鮮湯, 奶白色的海鮮湯, 湯頭內加入香茅碎, 蟹籽,令每一啖都非常濃味帶少少辣, 有泰國風味, 食到蟹籽時更卜卜聲, 海鮮份量好足, 半生熟帶子, 鮮蝦, 鮑魚一整隻雖然份量不算多, 但貴精不貴多, 已經足夠, 煮得非常出色, 大推主菜燒西班牙黑毛豬肋肉條,下檯時侍應提醒先食一點菠蘿後才食豬肋肉條, 隔著進食, 目的是減低油膩感, 菠蘿粒加上香葉, 多了一份香氣, 豬肋條外脆內軟, 切下去時肉汁更慢慢流出, 一客6-7條, 多人分享絕無問題食肉獸的我倆更點了一份燒美國牛肉眼配茄汁扁意粉,肉眼成數大概4成熟, 上檯時已經碎上, 牛肉眼扒充斥著陣陣牛香, 咀嚼後在口內徘徊, 扁意粉夠挺身, 配上自家製茄醬有新鮮蕃茄,茄汁及蕃茄蓉, 每條都沾著茄醬時間過得好快, 一下眼已經食了兩小時, 整晚氣氛非常好, 服務員照顧周到, 不會趕著翻第二輪檯, 每食完一道菜後主動換新碟並不是間間餐廳會做到, 頭盤/湯/主菜, 跟足西餐的次序…查看更多

餐廳門面雖然不大，但未進門，在外面已能見到醒目耀眼的燈飾。廚房對正大門，隔着大玻璃可看到廚師們正在努力地烹調，可見餐廳對其食品質素的自信。左邊玻璃櫃擺放著大大少少的獎牌和奬狀，更令食客餐廳增添多一份信心。餐廳裝潢亦很有時尚感，以黑色為主。我們7時到達，餐廳已坐滿了剛下班的上班族，整個氛圍都很relax。【食物】黑松露蘑菇湯 ──  蘑菇粒先被切成小粒，每一啖喝下去都能感受蘑菇香味，而且蘑菇特別嫩滑，不用咀嚼，也容易滑進咽喉。再加上黑松露的獨有味道，很匹配。湯不是很creamy的那種，濃度恰到好處，好處是不會覺得太膩，可留力於美味的主菜。艾迪乳鴿 ── 乳鴿而是被輕輕的烤熟所以肉質還很鮮嫩。整隻乳鴿肥瘦適中，乳鴿皮也是厚薄適中，咬下去油香和肉香混在一起，非常美味而且油不是很多，作為頭盤也很適合。焗法國連殼食田螺 ── 必點菜式，很有特色的一道菜，可吃的田螺殼還是第一次見。將田螺肉放在預先焗製的脆殼內，造型十分精緻，製作很花心思。田螺殼製作得很神似吧? 連紋理也做出來。另外一個特別之處是下面鋪的薯蓉比一般餐廳吃的較甜，相信是蕃薯蓉。螺肉也很新鮮，若size再大粒一點就更好。松露煮日本年糕 ── 吃這個感覺就像喝黑松露忌廉湯一樣，黑松露很多，每一口都充滿黑松露味道，年糕也很煙靭彈牙。簡簡單單卻是味道口感兼備。燒西班牙黑毛豬肉眼蓋 ── 據餐廳侍應所說肉眼蓋即是中國人所說的梅頭肉，肉質非常軟腍，一切下去不用太用力就能切開，一口咬下去肉汁瞬間溢出，就像是豬肉版的日本和牛。伴碟是清新的新鮮菠蘿加羅勒葉。吃主菜前可以先嚐幾口以去除前幾道頭盤菜餚的味道，或者邊吃豬肉邊吃菠蘿以調節肉味，醒一下胃。燒牛脷配日本芥辣蜜糖汁 ── 之前吃牛脷都是串燒，或是烤肉店的鹽燒牛舌，都是薄薄的，從來沒見過這麼厚的牛脷，厚度大約為一個＄5硬幣的直徑，可稱之為牛脷扒，想必是從一頭「巨牛」而來的。牛脷本身鹹淡適中，我較喜歡原汁原味; 而朋友則喜歡沾滿蜜糖芥辣醬作調味。牛脷條四邊都烤得脆脆的，切成厚厚一粒吃下去就很有口感。焗法國連殼食田螺、燒西班牙黑毛豬肉眼蓋、燒牛脷配日本芥辣蜜糖汁都捨棄選用牛油味濃的薯蓉，換上清甜高纖維的蕃薯蓉，吃得又瘦又健康，值得一讚。【服務】餐廳提供的服務也非常好，每吃一道菜，不論是頭盤還是主菜，侍應都會幫我們換碟，而且換上的碟都是熱烘烘的，能保持食物的溫度，很是細心。多謝洗碗碟姐姐付出的辛勞。…查看更多

有個朋友以前在法國讀書，他十分掛念精緻的法國菜式 所以我便提議到Chef Stage de Eddy Chu 。餐廳地點不錯，從地鐵站只需十分鐘。暗淡的燈光令餐廳顯得十分有情調，再配上尖東的夜景，環境真是無可挑剔。環境好之餘， 食物的質素亦十分重要。首先，我們點了兩個前菜：香嫩的黑毛豬配上芝士，加上烤脆了的包， 香和脆是這道菜的特色。而松露煮法國原粒磨菇的特色就係鮮香濃集在一身，原粒磨菇的鮮配上肉腸濃郁的咸香味，吃起來新鮮又開胃。叫來兩款湯：黑松露磨菇湯和忌廉冬陰海鮮湯。黑松露獨特的香味再配以鮮香的磨菇湯，好吃之餘又暖胃。 另一道忌廉冬陰海鮮湯。酸辣的冬陰湯帶出了帶子，鮑魚和其他海鮮的鮮味，這個新鮮的配搭真令人十分開胃。主菜：燒黑毛豬肋肉條，肉質鮮嫩又肥美的黑毛豬吃起來十分香口，而肉條的外層則被燒至十分香脆， 這道外脆內軟的菜式真是令人回味無窮。 燒牛脷日本芥辣蜜糖汁。牛脷肉質的細嫩是無庸置疑的，但燒牛脷本身是一道又乾口又膩口的， 但廚師設計這道菜時候想得十分周到，配上的日本芥辣消除了牛脷的膩口和乾身的感覺…查看更多

約左朋友2017年首次飯局, 當然要搵間特別少少既餐廳, 腦海裏不期然諗到呢間..............................一出升降機就見到呢個搶眼既招牌光管, 亦見到忙爆既廚師係度埋頭苦幹, 牆上掛上老闆既照片, 感受到佢對食物時堅持及熱誠!餐廳提供二人套餐/散叫, 食物菜式咁多選擇, 一於散叫呢2杯係餐廳都幾受歡迎既飲品, Fruit Tea Cooler ($58) 同 Mystery Mocktail ($58), 前者味道酸甜又可以食到水果粒, 後者係以士多梨及藍莓打成既無酒精飲品, 飲到好香莓味!開下胃先叫香燒日本吞拿魚腩沙律 ($148), 香燒吞拿魚腩粒到外香內軟, 魚肉入面仍然保持粉紅色, 一舊魚食到2種口感, 咸香既魚肉, 酸味既醬汁, 帶甜味既椰果爆珠, 幾種味道係呢一碟沙律到, 令人有驚喜!艾迪乳鴿 ($98), 餐廳招牌菜式, 細細隻皮香肉嫩, 鹵水味整得非常入味, 每人半隻當做小食非常好! 侍應建議用手食, 送上濕紙巾抺手!松露法國原粒磨菇 ($98), 呢款係以法國原粒磨菇配松露忌廉汁, 食時切半片西班牙鮮辣肉腸夾埋磨菇一齊食, 帶淡味又多汁既磨菇同香辣肉腸味道互相配合, 一淡一濃, 呢個配搭幾好!黑松露磨菇湯 ($68) - 喜歡佢夠晒熱辣辣, 湯內食到不少菇塊, 再加上淋上黑松露醬, 喜歡菇味既朋友千祈唔好錯過!蟹肉濃湯配鮮蠔杯 ($128), 蟹湯同鮮蠔分開上, 侍應話先飲一半蟹湯, 哇.......味道超濃蟹味, 仲有蟹肉, 跟住一口食蠔SHOOTER (味道似泰式酸汁底, 蠔隻好腍滑), 估佢用意係清洗一下你既味蕾, 然後再飲埋餘下既蟹湯, 減低膩感!慢燒美國牛肉眼 (約4成熟) ($388), 哇....重量級牛肉眼上枱時都嚇一嚇我地, 咁大塊既? 目測應該有10-12安士, 由於約4成熟, 切開仍然見到有紅色, 配上燒肉汁及芥末, 一放入口食到超濃肉味又夠多汁, 岩晒牛魔王朋友!燒西班牙黑毛豬「肋條肉」($178), 採用西班牙黑毛豬, 切成肋條肉方便進食, 肉質咬落有嚼頭, 油香係口內爆發, 為減低油膩感, 特設菠蘿粒, 味道酸中帶甜, 食一粒清下口腔都幾唔錯, 一客份量都唔少, 同人HAPPY Share之選!呢度每食完一道菜侍應都會幫你換碟, 又主動加水, 亦會介紹返每道菜既特色, 令你更了解你食左D咩! 價錢同食物水準及服務態度成正比!…查看更多

之前經過呢座大廈有好多間食肆, 預早BOOK呢間CHEF STAGE, 門面已好多報章雜誌報導同不少獎牌, 已知是非常出名。先叫了一個二人套餐($1388), 當中包了一個枱枱都指定一盤的迷你海鮮拼盤, 其實一啲都唔迷你喎, 好震撼,  海鮮拼盤超高級的食材: 有生蠔4隻, 日本鮑魚 2隻, 日本刺身帶子 2隻, 鮮蝦 8隻, 紐西蘭聖子刺身, 冇得頂呀! 還包了兩杯餐酒, 叫了一紅一白, 好清甜的白酒係我首選的,沙律有芒果配西班牙風乾火腿, 好清新呀! 餐湯仲有好香味的黑松露磨菇湯, 啖啖磨菇肉粒, 沒有打至CREAM狀, 還有濃郁的黑松露香味, 另有熱盤-蘑菇田螺, 好香濃, 嫩滑的口感 ; 仲有咖喱蟹肉配脆包, 新穎菜色配搭, 真不錯, 新鮮感。主菜為羊T骨, 完全唔重的羊羶味喎, 好香, 啖啖肉, 好厚身, 火喉控制不錯,剛好熟, 店員推介呢個"48個月橡樹果級風乾腿配格魯吉亞煙燻芝條" $228, 果然冇介紹錯, 勁特別, 好難忘的菜色, 一絲的芝士, 完全冇諗過芝士都可以好似手撕雞咁食法, 唔會太濃太芝士蘇味,另外48個月橡樹果級風乾腿,有少許木果香味, 帶出風乾腿的肉咸香味, 配上伴菜的新鮮菠蘿, 令口腔清新, 無得頂呀! 配上餐紅酒, 絶配, 最後當然唔少得甜品, Chocolate mousse cake, 好軟身, 濃郁CHOCOLATE味道!…查看更多

Chef Stage一直都在我的to eat list上，今晚約了一位舊同事食飯，就決定book這裡。因為我倆都懶得自己單點，一於食精選二人晚餐($1388)就好了。二人晚餐實在超級豐富，而且這位舊同事實在健談，吃了約三小時才吃完。*海鮮拼盤這個海鮮拼盤真的很豪華，作為前菜對於吃得不太多的我來說，已經有點飽。海鮮拼盤有買隻生蠔、兩隻鮑魚、兩隻日本帶子刺身、四隻鮮蝦和紐西蘭聖子刺身。生蠔很肥美，雖然用上了兩款不同產地的蠔，但兩款我都覺得是偏重海水咸味的。鮑魚爽口又彈牙，不會很un，很易就可以咬開，而且煮得很入味，又不會太咸，真的很想再吃多一隻！紐西蘭聖子刺身很爽滑鮮甜。今次的鮮蝦是我第一次成功用刀叉拆殼的。首先蝦肉沒有煮得過熟，而且不痴殼，很輕易就可以分離；蝦肉很爽口彈牙。日本帶子刺身用了一個小杯盛著，底放了一些帶點酒味的汁，帶子很厚肉鮮甜。*果茶本來是配餐酒的，因為我們都不飲酒，所以就轉了果茶。果茶甜甜的，上面放了很多水果粒。*乳酪芒果雜菜沙律配大蝦因為今晚沒有黑毛豬，就改為用了大蝦。這個沙律菜切得夠細條，吃起來不令人狼狽；乳酪醬適中，加上有芒果的甜味；大蝦和拼盤的一樣爽口；這個沙律整體來說都很清新，適合炎熱的天氣。*黑松露磨菇湯磨菇蓉煮成的湯，加入了黑松露，味道很香，因為不是忌廉湯的關係，所以湯的質感較為稀一些，同時亦不會太飽濟。飲完湯之後，就先上三道熱的前菜。*磨菇法國田螺這個已經起了肉的田螺，用上磨菇汁和洋蔥煮，再伴了紫薯蓉；田螺厚肉大隻，煮得入味，肉質爽口。*咖哩蟹肉配熱脆麵包咖哩蟹肉汁帶點辣，配上比較硬身的脆麵包，若果即上即食的話，味道應該更好，因為吃得太慢，放涼了一點，所以麵包都沒有那麼脆身。*黑松露年糕年糕真的少在西餐廳見到，這個年糕用上了黑松露汁煮，煙UN得來又不會煮得過熟而失去本身的形態。*香燒全條鮮魚配酸甜香草汁上枱的時候真的有點驚訝，一直都以為是一般西餐吃到的魚，沒有骨，而且很厚肉的，不過這裡是原條上的燒魚。魚皮燒得很脆，魚肉亦能保持水份，不會太乾，仍然很滑；魚很厚肉，而且鮮甜，沒有太多的碎骨，懶人都岩吃！*西班牙橡果級黑毛豬肉眼蓋第一次吃黑毛豬肉眼蓋這個部位。這個位置不會太肥，而且比起想像中的肉質而為淋身，不會煎得太乾，仍然有一定的肉汁；調味方面適中不會太咸。*是日甜品是日甜品為一個藍莓芝士蛋糕配水果。藍莓芝士的餡不會太濟，是比較輕身的芝士；藍莓醬個人認為多了一點，所以偏甜。水果切成一口size，方便食，建議先吃水果就不會覺得水果不甜了！…查看更多