蠔埕

開開心心又到週末，食好嘢慶祝吓先！尖沙咀「蠔埕」開業兩周年推出優惠套餐，鹿兒島A5和牛宴，半任食形式，日本牡蠣及飲品無限添加，每位$798（周一至四）或$808（周五六），限時120分鐘，講吓都開心，不過梗係配合行動好啦！日本清酒食日本菜，當然係配清酒最啱啦。黑松露和牛他他 一開始已經精彩，黑松露和牛他他好香呀！和牛他他細細粒，有點冰涼感，肥瘦參半，混合洋蔥粒，口感清爽，記得混合日式芥末及黑松露醬一齊食。海鮮拼盤有龍蝦、生蠔、大蝦、花螺，全部新鮮大隻，配備黑椒茄醬及蜜糖芥末。炙燒紅酒鵝肝松露汁和牛壽司 大啖入口，脂香滿嘴。炭燒串燒拼盤（廚師發板） 今日有阿波尾雞翼、雞肉、黑豚五花腩、粟米，全部燒得剛剛好，皮脆肉嫩，調味適當。其實坐喺度已經睇住廚師心機燒，香噴噴，已經好期待！炭燒黑松露和牛漢堡丼 大大塊黑松露，奢華感滿瀉。壽喜燒：鹿兒島A5黑毛和牛、雜菜盛盒、稻庭烏冬和牛非常有質素，見到雪花都知道靚，灼幾秒就熟，入口即化，好軟熟。日本牡蠣 好戲在後頭，一嚟就六隻日本牡蠣，極 creamy，可以追加，食到飽為止。…查看更多

適逢開業二周年的慶祝活動，今日嚟到尖沙咀嘅蠔埕享用「日本鹿兒島A5和牛松露鵝肝海鮮宴」，呢個價錢套餐包括咗黑松露和牛他他冷盤海鮮刺身（蝦／長腳蟹／榮螺／牡蠣）炭燒串燒拼盤紅酒鵝肝松露和牛壽司炭燒黑松露和牛漢堡丼鹿兒島A5黑毛和牛火鍋 仲有雜菜盛盒 稻庭烏冬附送追加半打時令牡蠣見到老闆遞嚟個半放題menu，已經好期待有咁多款菜式；當中冷盤海鮮會視乎當日海鮮供應，有機會係龍蝦或者長腳蟹，不過無論抽中邊款，都一樣咁值得打卡！今日係長腳蟹，十分新鮮而且有小剪刀開殼，食起上嚟都好方便！前菜算係香港比較少見嘅日式和牛他他，當中比較特別嘅係，佢加入咗日式芥末中式蒜容西式紅蔥混合嘅醬汁，冇腥味，新奇惹味令人開胃！而炭燒串燒拼盤，就係廚師發辦，當日有雞、豬、雞翼同粟米。紅酒鵝肝松露和牛壽司，鵝肝夠惹味，食完想再食多件。炭燒黑松露和牛漢堡丼，就比較飽肚，記住唔好食晒先，留肚畀重頭戲。重頭戲鹿兒島A5黑毛和牛火鍋，有別於其他地方，通常用壽喜燒嘅方式烹調，今次用嘅和風蔬菜清湯，更能突顯到和牛嘅鮮味同嫩滑，每舊都入口即溶，話咁快就清曬一碟……周一至周四嚟到都每人只需$758（已包加一），120分鐘仲有任飲清酒／日本生啤／飲品提供🍶食完時間如果仲有剩，可以無限追加日本牡蠣同飲品，真係同朋友同事收工，嚟好好傾計放鬆嘅好選擇！…查看更多

食日本野嘅癮又起😋見呢間好評都幾多，最近仲出左個半放題和牛海鮮宴，120分鐘任飲，仲可以揀Sapporo 月同Sake，放假前夕一於飲盡佢😆🔅日本鹿兒島A5和牛松露鵝肝海鮮宴 $798/位▪️黑松露和牛他他 黑松露同和牛他他兩樣混埋一齊幾夾，口感濃滑，新鮮冇腥味▪️海鮮拼盤拼盤會因應當日供應隨機俾鱈場蟹腳或者龍蝦，我當日去就係龍蝦🦞，龍蝦滿滿蟹膏😋肉質爽彈。拼盤另外有生蠔、白蝦、螺肉，新鮮豐富～▪️日本牡蠣 日本牡蠣可以無限追加😍隻隻鮮嫩多肉，絕對可以食回本▪️炙燒紅酒鵝肝松露汁和牛壽司整體油脂飽滿，一口食到鵝肝同和牛😚加上輕輕炙燒，味道獨特▪️炭燒串燒拼盤（廚師發板） 串燒拼盤有豚肉、雞腿肉、鹽燒雞翼同粟米，可以睇住師傅即場燒，調味正常發揮，過足串燒癮▪️炭燒黑松露和牛漢堡丼唔使排長龍都可以食到和牛漢堡飯🤣帶炭火香氣，加上數片黑松露，濃郁而且啖啖肉▪️鹿兒島A5黑毛和牛、雜菜盛盒、稻庭烏冬食完串燒仲有Shabu Shabu食，一次滿足幾個願望😋 A5和牛雪花紋勁細緻，油脂分布均勻，入口即溶，加埋蔬菜盛盒同稻庭烏冬，Perfect 💖係openrice訂座仲有85折，呢個價錢半放題可以無限追加日本牡蠣同飲品，Sapporo Draft Beer、Sake、汽水同埋黑糖薑茶都係任飲，啱晒鍾意啤一啤嘅客人！…查看更多