人生有限杯.串燒店

好耐冇同爸爸撐枱腳，今日決定帶佢食串燒飲啤酒一齊啤啤佢🍻！鹽燒西班牙五花腩油脂香濃！味噌松板豬肉質鮮嫩！泰式燒墨魚鬚爽口彈牙，配上泰式醬汁，辣得過癮！鹽燒雞腿肉又係好鮮嫩！鹽燒鮮雞皮鹹香酥脆超好食！食串燒配生啤真係世一！生啤買一送一， 大大杯超抵！焦糖菠蘿鵝肝醬多士都幾特別！蒜蓉燒蠔大大隻好juicy，超吸引！蝦多士酥脆彈牙，九肚魚炸得香脆內裏嫰滑，外皮灑上椒鹽、紫菜加埋泰式辣醬真係超好食！一定要食蟹粉豆苗！清新又鮮甜！呢款墨魚滑紫菜大蝦好有創意！值得一試！咖喱牛舌手抓餅都好好食！最尾梗係要食甜品啦！呢款港式蜜糖多士夾雪糕真係超吸引！外脆內軟，冰火交融，食到我地好開心🍻❤️…查看更多

平時去開的燒烤店都係比較平實，今次去咗呢間主打創意燒物，由街頭風到高級感都有，除了燒物特別之外，連餐廳環境都好有高級感，簡潔嘅牆身配上射燈，簡單得嚟舒服又充滿現代感。餐牌有好多選擇，點咗一啲比較特別嘅創意燒物，價錢唔貴大眾化，最平$10嘅都有，好抵食。除咗串燒外，仲有主食、小食和沙律，清酒啤酒、cocktail、特色梳打。鹽燒西班牙五花腩 - 肥瘦分明，炭香十足，鹽味啱啱好惹味燒雞腳筋 - 好脆口彈牙，微辣醒胃蟹粉豆苗 - 秋天蟹季特登點咗呢道菜，蟹粉香濃而且份量好多，充斥着整個碟，非常鮮味焦糖菠蘿鵝肝醬多士 - 鵝肝醬厚實濃郁，配上焦糖菠蘿嘅甜香，層次感超豐富，食完仲想encore！蒜蓉菜脯燒元貝 - 鮮甜嘅元貝加少少微辣，蒜蓉同菜脯加埋有啲港式fusion feel，好開胃。芝士菠菜卷 - 好有水準，芝士菠菜卷香濃豐富，啱晒打卡荔枝檸檬梳打 - 清新解膩，仲有好多荔枝果肉，食完燒物飲返杯好正港式蜜糖多士夾雪糕 - 外脆內軟，厚厚雪糕夾喺蜜糖多士入面，蜜糖味好香又濃郁，出色！…查看更多

上次食完呢間真係覺得又抵又好食，已經推介咗俾身邊好多朋友黎！！個個都話正💖最平$10串真係叫多幾串個荷包都唔肉赤▪️鹽燒西班牙五花腩$10見到$10都唔洗諗，可以叫多幾串，五花腩片薄身，肥瘦適中，好似食緊燒肉咁香口👍🏻▪️鹽燒雞腿肉$20雞腿肉夠滑，厚切juicy，外皮亦燒得夠脆▪️鹽燒鮮雞皮$20雞皮燒得好香，唔會太乾，食落唔油膩，正🤤▪️蟹粉日式豆腐$68見隔離枱嗌好吸引，所以就叫咗，個底裝滿晒濃厚蟹粉醬，配嫩滑炸豆腐，味道夠鮮，一口滿足😌▪️韓風燒牛肋肉$28調味偏甜，牛肋肉較有口感▪️鹽燒和牛牛小排 $48 ▪️鹽燒牛舌心$28牛小排同牛舌心我覺得係呢到必叫嘅串燒，牛小排肉味濃郁，牛舌亦爽口▪️蒜蓉菜脯燒元貝$48一份兩隻，燒得幾乾身，size適中，滿滿蒜蓉鋪面，加埋粉絲係底，夠晒惹味▪️日式淮山配蛋黃醬$48淮山口感爽脆，外層炸粉夠薄，最正係個自家製嘅蛋黃醬，夠濃蛋香，同淮山幾夾▪️咖喱牛舌手抓餅 $58咖喱汁味道超濃，咸香味十足，亦唔會太辣，牛舌軟腍，手抓餅酥脆，配咖喱Perfect!!▪️蒜蓉欖角燒蟶子$38蟶子新鮮爽彈，亦冇沙，值得一試～▪️蝦多士$58呢樣都係見隔離枱叫又跟🤣蝦多士兩隻都脹卜卜，蝦膠彈牙，多士較薄身，金黃香脆▪️明太子忌廉烏冬$58忌廉烏冬都係encore嘅一樣主食，烏冬夠滑溜，忌廉汁加蛋黃質地濃稠Creamy▪️手打檸檬茶$28▪️菠蘿可爾必思$28…查看更多

最近心郁郁好想食串燒，黎到呢間串燒店！睇餐牌發現價錢相當親民，最平$10就有一串，今次可以放肆食過癮！😻🔶$10區🐽鹽燒西班牙五花腩 皮脆肉嫩鹹香惹味，油香四溢脆卜卜，邪惡但過癮🦑泰式燒墨魚鬚 墨魚鬚爽口彈牙，燒得啱啱好，泰式酸辣醬超夾🔶$15區🐽味噌松板豬 $15肉質爽脆焦香滿分，味噌濃郁甘香惹味，鹹甜交織好開胃🔶$20區🐤鹽燒雞腿肉 外皮脆口內裡嫩滑，鹹香恰到好處吊出鮮味，肉汁滿滿🐤鹽燒鮮雞腎雞腎爽脆彈牙，鹽燒焦香惹味，咬落卜卜聲🐤鹽燒鮮雞尾甘香油潤卜卜脆，鹽燒焦香冇得頂～爽口彈牙越食越上癮🍢黑松露金菇卷松露菌香澎湃撲鼻，金菇爆餡多汁，外層焦脆內裡濕潤🔶$28區🐂鹽燒牛舌芯牛舌芯厚切超軟嫩，鹽燒焦香鎖肉汁，入口即化有嚼勁，牛魔王必食！🔶$38區🧄蒜蓉欖角燒蟶子（微辣）蒜香撲鼻欖角鹹鮮，蟶子爽脆唔韌口🔶 嗌晒佢都無錯系列🍯焦糖菠蘿鵝肝醬多士（2件） $58焦糖菠蘿熱辣香甜，鵝肝醬冰涼豐腴，份量亦都勁多；多士脆卜卜承托，冷熱交織口感奢華🐟椒鹽＋紫菜味＋泰式辣醬＋九肚魚 $68外皮酥脆到嗦嗦聲，椒鹽吊味，紫菜碎鹹香，再點埋泰式辣醬，三重滋味夾攻；的確係必試！🔶必食惹味小食🦑墨魚滑＋紫菜＋大蝦 $68份量極多，真係成條火龍卷咁多😆 墨魚滑爽彈鮮甜，紫菜薄脆帶香，大蝦爽口惹味，三重口感完美融合，鮮味MAX!!!!🔶主食🥘咖喱牛舌手抓餅餐廳人氣之選～咖喱濃香惹味，濃郁但唔太辣；牛舌厚切軟嫩彈牙，手抓餅千層酥化，夾埋啖啖肉汁香口！🍋青檸檬菠蘿Gin（微醺） $38味道幾fresh ，解一解油膩感🍊薄荷桔仔Gin （微醺） $38飲完透心涼，夏日消暑必飲⭐️好味指數：7.8/10📍 人生有限杯.串燒店 (旺角)旺角通菜街1A-1L號威達商業大廈Deli2 1樓1A號舖…查看更多

出旺角食晚飯，又想食串燒😆，今次來到呢間人生有限杯串燒店🤗串燒由$10/串起，非常抵食，今次食咗呢d:豚肉類:🌟鹽燒西班牙五花腩 $10鹽燒豬肋肉 $28味噌松板豬 $15🌟豚肉荔枝卷 $15豚肉蘆筍卷 $28估唔到$10/串嘅五花腩都咁高水準😍，薄薄一片層層分明，豚肉荔枝卷就酸酸甜甜好開胃，食多幾串都唔覺得膩👍🏻==============================牛類:🌟鹽燒牛舌芯 $28鹽燒和牛牛小排 $48牛舌芯夠爽口唔靭，簡單鹽燒就已經夠晒味，一d都唔騷❤️==============================雞類:🌟鹽燒雞腿肉 $20鹽燒雞中翼 $20紫菜鵪鶉蛋卷 $20雞腿肉好嫩滑，連塊雞皮都燒到脆皮好香口，啖啖肉好正🤤==============================海鮮類:🌟蒜蓉燒蠔(2隻)$48🌟蒜蓉菜脯燒元貝(2隻)$48燒蠔都幾大隻🤩，連埋蒜蓉成隻入口，爆晒汁充斥住蠔鮮味😋，燒元貝配菜脯都係第一次食，估唔到又幾夾，脆口又帶少少辣好惹味🤤==============================蔬菜類🌟香燒翠玉瓜 $10鹽燒芥蘭頭 $10翠玉瓜一上枱已經覺得好吸引，好少見到蔬菜會燒得咁金黃而又保持多汁，極力推介🙌🏻==============================飲品🥤手打檸檬茶 $28百香果檸檬茶 $28食咗咁多嘢好飽好滿足，餐單有特色而價錢仲要咁親民，下次gathering又可以encore了🥳🥳🥳…查看更多

人生有限杯竟然在旺角開分店，出名又平又抵食，7點多已經座無虛席！鹽燒系列的菜品，如【西班牙五花腩】、【椒鹽雞軟骨】、【雞腿肉】、【鮮雞腎】和【牛舌芯】，均以簡單的鹽燒手法呈現，突出了食材的鮮香。尤其是牛舌芯，口感細膩，鹽的調味恰到好處，讓肉質的鮮味昇華。雞腿肉則肉汁豐盈，外層微脆，內裡柔嫩。炸物系列同樣令人驚喜，【日式秘製汁炸無骨雞翼】外皮酥脆，秘製醬汁甜鹹平衡還夾著大蔥，入口誘人。店主推薦的【九肚魚】香氣四溢，口感爽脆，是一款非常適合佐酒的小吃。卷類料理如【豚肉秋葵卷】、【豚肉蘆筍卷】，將嫩滑的豚肉與清爽的蔬菜完美結合，口感層次豐富，而【老油條釀芝士墨魚滑】創意十足，外脆內滑，芝士的濃郁與墨魚的鮮味很夾又好吃。【泰式燒墨魚鬚】和【韓風燒牛肋肉】各具風味，前者帶著微酸微辣的泰式風情，後者濃郁的韓式醬料突出肉質的柔嫩多汁。【手打檸檬茶】清新解膩。【荔枝檸檬梳打】則帶來一抹甜美的果香。…查看更多

人氣超高的串燒店，超乎期望，全部無伏🌟的是必食!!!海鮮類火候💯，多汁軟嫩，比很多酒樓的出品更好吃，專程來吃海鮮都值得個人偏愛的白鱔也是皮脆肉彈，冇得輸😽$10的五花腩肉感足，不覺肥膩，調味惹味，性價比勁高🤤麻薯豚肉燒鹹甜煙韌，意想不到的好吃!!唯獨挑剔一下，蜜糖掩蓋了菠蘿的酸味，想要走蜜糖的版本🤣 〈$10〉🌟 鹽燒西班牙五花腩 ✿ 蜜糖燒菠蘿 〈$15〉✿ 燒雞心 ✿ 味噌松板豬 〈$20〉✿ 鹽燒鮮雞腎 ✿ 豚肉秋葵卷 🌟 麻薯豚肉卷 〈$28〉✿ 免治雞肉棒配日本蛋 ✿ 鹽燒牛舌心 ✿ 鹽燒豬肋肉 ✿ 蜜糖燒芝士年糕(1串2件) 〈$38〉🌟 蒜蓉欖角燒蟶子(1隻) 〈$48〉🌟 蒜蓉燒蠔(2隻) 🌟 蒜蓉菜脯燒元貝(2隻) 🌟 山椒鰻魚汁燒白鱔(1串) ✿ 熱白桃味烏龍茶 $18：有兩個大茶包😱 超抵 (要知道cafe $38都只有1個茶包🙈)✿ 可樂 $16 職員有禮，服務不錯，每次上菜是都有介紹名稱，收碟都很快👍…查看更多

「想人生有限杯，渾幾個重陽節」——《雙調．夜行船．秋思》【離亭宴煞】新一年的願望是活在當下，珍惜身邊所擁有💛 把酒談心的地方除了有買一送一的啤酒外🍻，串燒真的是個下酒好選擇。作為燒烤堂的副線，串燒的口味選擇雖然不及本店多（同一款肉可選港/川/韓/日等燒烤風味），但質素絕不輸蝕，而且更低至$10一串！真的只吃串燒吃飽也不會太貴$10區有驚喜的是鹽燒五花腩，燒得乾身香脆，油脂揮發後不覺五花腩的肥膩🐷雞肝淋上蜜餞醬汁更易入口🍯，味道甘香再加上黑松露醬又意外地頗為適合最出色的是紫菜鵪鶉蛋卷🥚，每一顆鵪鶉蛋用煙肉包裹著更有油香，上面灑滿紫菜條，最讚是自家製的洋蔥碎蛋他他醬🥚，令鵪鶉蛋黃不會那麼乾，且味道很搭海鮮也很花算，燒蠔及扇貝的價錢都是包含兩隻🦪。雖然用上大量蒜蓉調味很重，但也能吃得出海鮮還是新鮮的，不會因為有調味蓋過就用些劣貨。貝類飽滿多汁，白鱔更是肉質彈牙，非常出色小吃也能體現此店的創意，如用拉絲mozzarella cheese及彈牙墨魚滑釀入酥脆「油炸鬼」，靈魂在於🍋檸蜜醬汁🍯，更是體現了香港中西合璧的特質。另外用香港茶餐廳名物菠蘿包做主食，中間夾著港式微辣的黃咖喱配炆得軟腍的厚牛舌👅，再加隻太陽蛋是畫龍點睛🍳戒酒的話，這裡的梳打和果茶也是很吸引的🍸 果味都是偏清新系，🍋例如檸檬和薄荷，桔仔酸酸甜甜的甚是開胃配肉串吃非常爽，如濃郁蛋汁的免治雞肉串惹味的韓醬牛肋肉、香口的薄牛舌芯，及果甜味的豚肉荔枝卷🥓絕對是下班消遣的好地方，約三五知己來更是花算-鹽燒西班牙五花腩🐷($10)黑松露燒雞肝🐤($15)豚肉荔枝卷🥓($15)紫菜鵪鶉蛋卷🥚($20)免治雞肉棒🍗(配日本蛋🍳) ($28)鹽燒牛舌芯👅($28)韓風燒牛肋肉🐮($28)🧀老油條釀芝士墨魚滑🐙($38)蒜蓉燒蠔🦪($48/2pc)🧄蒜蓉菜脯燒元貝 ($48/2pc)山椒鰻魚汁燒白鱔 ($48)咖喱牛舌菠蘿包😛($58)荔枝檸檬梳打🍋($28)桔仔薄荷梳打🍸($28)…查看更多