Slowlife 漫活堂

慢活堂係全港首間越南菜生酮餐廳地點都幾方便～喺佐敦Eaton逸東酒店地下舒服的木系裝潢配落地玻璃望住餐廳街景人來人往時反而有種悠閒恬靜.─ 越南小食 ─.🇻🇳 炸軟殼蟹青木瓜沙律 $88蟹肉厚實鮮甜又夠酥脆青木瓜沙律清新又酸甜剛剛平衡番軟殼蟹油膩度雖然係生酮其實都係感覺好邪惡🙈 .🇻🇳 自家製手打鮮蝦餅 $98蝦餅超大塊再切成一片片用鮮蝦肉加豬油、岩鹽製成的蝦肉彈牙惹味～好香口又多汁🥹搭配的秘製調味醬汁仲幾襯呢.🇻🇳 漫活堂越式香草烤雞 (半隻) $138半隻燒春雞分量不少絕對唔係小食咁簡單😂指明用上無激素有機草飼雞雖然味道上同普通雞分別不大但係無激素喎當然就加分啦用香草醃製左好耐之後的確令雞皮外脆多汁雞肉都幾嫩滑有油香.─ 主菜 ─.🇻🇳 伊比利亞豬頸肉椰菜花飯 $98椰菜花飯真的超級推介呢❗️份量好多夠飽肚～應該用左啲特別醬汁來煮所以味道不怕單調燒到香脆又啖啖肉既豬頸肉永遠係邪惡又矛盾既代表👉🏻👈🏻食開生酮飲食既朋友就可以開懷大吃呢.🇻🇳 伊比利亞豬腩片湯河 $115 (+$20 轉生酮麵)終於試到蒟蒻麵啦❕原來係咁爽口彈牙🍜我覺得仲正過河粉呢叫得豬腩片當然係肥多瘦少🐽油香豐富餐廳話魚露湯底係特別用上60度魚露～雖然唔知同平時魚露有咩分別但係味覺係唔會呃人嘅🤩清甜有鮮味.🇻🇳 招牌生熟安格斯牛肉河 $128慢煮烹調安格斯牛肉成功鎖住肉汁牛肉片份量同樣慷慨～嫩滑既肥牛煮得幾入味湯頭豬骨湯仲幾清甜原來係經過十幾個鐘頭熬製出來🥣食得辣嘅朋友可以加附送既嘅辣椒、香葉調味.─ 飲品 ─.🇻🇳 鮮青檸薄荷梳打 $45🇻🇳 冷泡焙茶 $38.話呢間餐廳簡直可以Cafe黎形容因為飲品嘅款式多不勝數因為越南本身天氣大部分時間都比較炎熱主要飲品都係椰青呀、梳打咁慢活堂走前多步將越南既飲品加入特別既元素青檸薄荷梳打水用上既梳打水都係第一次試精緻賣相仲可以打下卡～增加悠閒感😌另外仲試左清爽解膩的養生泡茶大大杯都幾抵飲呢.─ 甜品 ─.🇻🇳 生酮巴斯克芝士蛋糕 $68巴斯克芝士熱潮可以延續咁耐係因為醜醜外表望落的確好治癒～食落更加滿忌廉芝士獨有的鹹甜味淡淡食到出黎呢款可以配搭綠茶就更加特別而且仲係用原大地稀有糖製造㗎.🇻🇳 咖啡千層糕 $58呢款賣相感覺似飲茶食既紅棗千層糕食落層感軟滑～咖啡味道好突出呢唔知係咪咖啡既關係食完整頓晚餐有種精神感覺！…查看更多

生酮以來，都少咗食越南菜，因為越南好多都以湯河為主，而且有些菜式都會加入麵粉去炸，所以食得唔放心，成日驚破酮。知道佐敦開咗一間「全港首間新派越南生酮餐廳」<Slowlife 漫活堂> ，所以今日就同朋友仔一齊去試下。<Slowlife 漫活堂> 的食物有分 Keto 同 non-keto ，我就當然係揀咗全Keto 食品安心食啦。🔸前菜🔸1️⃣炸軟殼蟹青木瓜沙律 ($88)用上24 個月大的軟殼蟹來做，蟹肉好較厚，味道好鮮甜，而且好酥炸。配上清爽微酸的青木瓜沙律，剛好中和軟殼蟹的油膩 ，青木瓜沙律是用上了美國蒸餾白醋、60 度魚露及稀有糖製造，非常美味2️⃣自家製手打鮮蝦餅 ($98) 鮮爽彈牙，店員話係用上純定100% 印尼海蝦加入岩鹽同稀有糖，手打而成，完全無麵粉。再以耐高溫橄欖油慢炸，令蝦餅口感外脆內嫩，鮮爽多汁，極富層次。 3️⃣漫活堂越式香草烤雞(半隻）($138)雞是用了無激素的有機草飼走地雞，以越式香草醃製 24 小時，先以 60 度低溫慢煮至半熟，即叫即燒，燒至皮脆肉嫩，讚🔸食事🔸4️⃣60 度魚露秘製伊比利亞豬腩生酮湯河 ($138)豬腩片用咗60 度魚露調味，再加上伊比利亞豬腩肉本身好鮮甜，十分惹味，配上生酮可以食既蒟蒻湯河，非常之爽口，而且好掛湯，我好鍾意5️⃣招牌生熟安格斯牛肉生酮湯河 ($148)鋪上滿滿的慢煮 3 小時牛面頰肉和半熟安格斯肥牛，牛面頰肉好軟淋，半熟安格斯肥牛好有牛味，正6️⃣伊比利亞豬頸肉配椰菜花飯 ($118)伊比利亞豬頸肉好入味，椰菜花飯加咗調味，比起一般既椰菜花粒好食 🔸甜品🔸7️⃣生酮巴斯克芝士蛋糕 ($68)呢款係咖啡味的巴斯克芝士蛋糕，有淡淡的咖啡味8️⃣咖啡千層糕 ($58)好有驚喜的咖啡千層糕，甜度剛好，而且好Q彈，好味🔸飲品🔸9️⃣鮮青檸薄荷梳打 ($45)青檸＋薄荷好清新，再配梳打水，很適合夏天飲🔟冷泡焙茶($38)有淡淡的培茶香氣，配上奇亞籽…查看更多

佐敦逸東酒店地下開咗間主打生酮飲食嘅越南餐廳，試咗佢嘅招牌生熟安格斯牛肉湯河同香煎伊比利亞豬頸肉，兩樣野嘅味道唔會好似平時食開嘅咁濃，所以感覺都幾健康，啱哂想keep fit 嘅朋友…查看更多

佢地係香港首間主打生酮嘅越南菜餐廳 真係好特別✨叫得漫活堂 環境真係好舒服😚.📌自家製手打鮮蝦餅 $98呢個蝦餅冇加麵粉 啖啖蝦肉 爽口彈牙🦐配埋個越式魚露蝦餅醬汁 酸酸甜甜 夠晒清爽又解膩 做前菜一流🙌🏻旁邊仲有青木瓜沙律 好開胃🥗如果炸得再脆啲 就Perfect😎.📌炸軟殼蟹青木瓜沙律 $88軟殼蟹真係炸得好酥脆 咬開勁多蟹膏蟹肉 好鮮甜🦀但係油膩感好重 食落一口油 連隻碟都係🥺同埋旁邊嘅青木瓜沙律份量都幾少 同蝦餅盤碟份量差唔多😣.📌金不換炒豬肉, 羅馬生菜 $98豬肉碎肥瘦均勻 加咗啲金不換,辣椒,洋蔥一齊炒 好香口🌿🧅🌶再加埋爽脆嘅生菜 好清新🥬.📌伊比利亞豬頸肉飯 $98個豬頸肉有驚喜 食得出係用咗靚嘅豬肉🐷切得好靚 外面脆脆地 肉質爽口嫩滑 加埋啲甘香嘅肥膏 真係好正💯椰菜花飯食落好有口感 唔會切得太碎 而且保留到菜嘅清甜味 仲好多汁💚建議一定要+$20轉 好食又解膩之餘 仲更健康‼️.📌生酮巴斯克芝士蛋糕 $68嘅個咖啡味幾濃 但又唔會蓋過芝士嘅味道☕️🧀不過口感就唔夠creamy軟滑😢Btw隻熊仔係自己加上去🐻.📌咖啡千層糕 $58原本以為佢係西式嘅蛋糕 但佢係類似中式嘅糕點🙈個咖啡味比蛋糕更加濃苦🤩一層奶味 一層咖啡味 夾埋食 味道啱啱好🥰.📌Espresso Tonic $45呢度嘅espresso係偏酸嘅 加埋tonic water 唔知點解有浸怪味 同朋友都覺得麻麻地🫣.📌鮮青檸薄荷梳打 $45呢個就幾好飲 青檸加薄荷味夠晒清新 配埋梳打水 夏天飲好清爽☀️…查看更多

提供生酮飲食嘅餐廳實在唔多，得知漫活堂有供應，就專誠去試吓啦。雖然係逸東酒店範圍，但其實似係一間獨立小店，得好少座位一眼望晒。我同友人星期五夜晚7點左右去到，大概八成滿座。唔想坐正門口，所以揀左對住窗口嘅bar枱坐位，又可以一邊食一邊望街都唔錯。餐牌嘅選擇唔多，畢竟只係小店cafe。主打越南菜式，大部分食物都係支持生酮飲食，啱晒我哋。二人晚餐$428 ，包3個前菜，1個主菜，2杯飲品和2件甜品。較散叫係抵好多，所以果斷揀左啲個二人餐。前菜1: 炸軟殼蟹青木瓜沙律 （本身係越南軟殼蟹米紙卷，因為生酮所以改左）個木瓜沙律加左薄荷葉，好清新。炸軟殼蟹都好好食，每人半隻唔覺好油膩，啱啱好前菜2: 全素生菜包 賣相好睇，亦都好食。主要係菇菌，好香，每人都有3-4件。前菜3: 漫活堂越式香草烤雞（半隻）其實啲個應該叫主菜，份量唔算少。食得出係冰鮮雞，冇雪味雞肉都好嫩滑。主菜：招牌生熟安格新牛肉湯河 （加$20 轉生酮麵）啲個係好食嘅。生牛好香好有肉味，而且好嫩，推薦。熟牛應該係牛腩，超淋一夾起就散，一樣好好食。值得一讚係個湯底，應該真材實料冇落味精，好夾個生酮麵。飲品： 鲜青檸薄荷梳打好細杯，好普通冇咩特別。單點要$45 就完全唔抵了，食材成本$2都唔洗甜品：咖啡千層糕 有微微嘅甜味，亦有咖啡嘅香味，非常唔錯。不過睇一睇menu，單點要$58 一件？ 嚴重overprice，真係會有人單點嗎⋯⋯總結：一個非常唔錯嘅生酮用餐體驗。職員服務周到亦有禮，食物環境都非常滿意，食物份量都足夠。生酮套餐有前菜主菜飲品加甜品，$448 算係抵食了。會再次幫襯。…查看更多

呢間 Slowlife 漫活堂係我生銅 wish list 入邊其中一間。開始左生銅其實都好擔心出街搵食選擇少左，始終都好鐘意食野架嘛🫣 所以搵到間食物選擇多嘅生銅餐廳就要好好bookmark 左佢👍🏻-呢間漫活堂走文青cafe休閑路線，木系濃，再配搭多種植物擺設，俾人一種好清新嘅田園感覺😊 職員禮貌服務又貼心，仲會上菜時對於食物多加介紹，呢樣嘢絕對唔係間間餐廳都有。-食物選擇方面，menu上大部份食物都適合生銅人士，仲有個好抵食又好飽肚嘅set dinner 添！-Keto Set Dinner $428 3份前菜：越南軟殼蟹米紙卷，全素生菜包，漫活堂越式香草烤雞（半隻）- 越南軟殼蟹米紙卷因為配合生酮要改為軟殼蟹木瓜絲沙律，木瓜沙律酸酸甜甜好開胃，佢哋大部份菜式都加咗薄荷葉，入口更加清新！-全素生菜包個餡料用咗好多菇，有近似黑松露嘅味道，再配上生菜包，即使素食都好味😋-漫活堂越式香草烤雞（半隻）烤雞有啲部位比較乾，髀位就依然有肉汁😊-三碟前菜都大大分，其實食完呢三碟都有啲飽😆主菜：招牌生熟安格斯牛肉湯河所謂嘅生熟安格斯係用左安格斯牛面肉以慢煮烹調而成，牛味濃之餘好林好入味！佢哋用嘅材料同烹調方式真係高質！-我哋加咗$20轉蒟蒻麵。佢哋用蒟蒻麵造成河粉形狀，幾爽口，而且索晒牛骨湯嘅味道，完全係似食緊真正嘅越南河😋甜品： 咖啡千層糕(兩件）淡淡咖啡呢，唔甜！飲品： 鮮青檸薄荷梳打整體感覺良好，值得介紹俾朋友，亦會想再去多次試其他菜式😇…查看更多