鮨逸

朋友生日，特登揀左一間Omakase餐廳慶祝，餐廳環境舒適，坐係長形吧檯可以近距離欣賞師傳功架，今次點左逸套餐（25品 $1580），包括湯及甜品。🔸沖繩水雲配蟹肉
水雲纖細滑嫩，上面鋪滿蟹肉，入口鮮甜，加入土佐醋做調味，微酸帶來清爽感覺。🔹鮟鱇魚肝口感綿密細膩，入口即化，柚子酸汁中和魚肝既濃郁，帶來完美既平衡。🔸汁煮黑梅貝肉質彈牙，汁煮後更顯鮮甜多汁。🔹縞鰺魚海膽豆腐海膽豆腐滑嫩如絲，縞深魚既鮮味浸透某中，口感柔滑細膩。🔸北寄貝刺身刺身脆嫩爽口，配搭新鮮Wasabi徑醃製漬物，增添了一份刺激口感。🔹沖繩小龍蝦刺身小龍蝦仲郁緊，非常新鮮，小龍蝦刺身入口爽口，配搭豉油Wasabi一齊食，龍蝦頭會用黎熬湯。🔸真羽太三升漬真羽太魚肉質細膩，三升漬係用醬油辣椒提成調味料，增加豐富既味道層次。🔹赤貝壽司口感脆嫩緊實，拍打後令肌肉收縮，增加彈性，加上青檸汁，帶來清香感覺。🔸秋刀魚壽司油脂豐富，鮮美多汁，配上薑蔥既辛香，解膩提鮮。🔹蟹膏豆腐口感豆腐滑嫩，配搭蟹肉同黑魚籽，蟹肉鮮甜，黑魚籽微鹹讓整體味道更加豐富，每一口都充滿驚喜。🔸粒貝刺身味道爽口清甜，帶淡淡海水味，用竹炭鹽做調味。🔹鰤魚刺身彈牙清爽，加入微辣既柚子胡椒完美提升魚肉既鮮美度。🔸北海道牡丹蝦牡丹蝦鮮甜爽口，加入蝦頭膏，香氣濃郁。🔹北海道仙鳳趾生蠔係日本排名頭一二品種，生蠔肉質飽滿，鮮甜多汁。🔸白見貝 （象拔蚌） 白見貝脆嫩，配搭微鹹既海鹽和青檸汁，口感豐富且清新。🔹筋子壽司筋子係未醃製過三文魚籽，更加原汁原味，入口爆漿，口感非常特別。🔸炙燒黑龍魚壽司炙燒過既黑龍魚魚脂香十足，配搭用wasabi 浸過嘅洋蔥，微辣且清爽，提升魚鮮味。🔹醬油漬吞拿魚配北海道馬糞海膽醬油漬吞拿魚入口即化，北海道馬糞海膽鮮甜，加上金箔增添奢華感。🔸北海道紫海膽紫海膽味道清雅，配搭炸紫菜一齊食，味道層次豐富，魚籽醬增添奢華感。🔹機煮鮑魚 用左4小時慢煮，肉質軟腍，加左香氣濃郁既蟹膏醬，每一口都係美味享受。🔸松葉蟹 肉質鮮甜，搭配酸酸地既蟹醋啫喱和炸過既紫蘇葉，口感層次豐富且獨特。🔹金鯛𩶘燐燒 用左200度高溫令魚燐飛起，魚皮超級脆，魚肉鮮嫩。🔸大拖羅脂肪豐富，入口即化，口感細膩而濃郁。🔹北海道白海膽白海膽鮮甜，配上燒過的鱈魚乾，口感層次豐富。🔸玉子布甸玉子布甸綿密滑嫩，甜而不膩。🥣湯蝦頭湯鮮甜，加入蕪茸菇令湯香氣濃郁。🍨甜品開心果雪糕香濃滑嫩，雷電赤肉蜜瓜甜美多汁。🍶空藏・愛山・純米大吟釀 ｢生原酒｣甜甜地好易入口，富有果香，口感清爽餘韻優雅，回韻帶點旨味。…查看更多

在銅鑼灣的美食琳瑯滿目，但想找特色食物，可謂要花一番功夫，因為都在樓山店鋪。經朋友介紹，這家日本料理，環境清幽，食物精緻，是聚會的好地方。吃OMAKASE肯定少不了SAKE清酒。一瓶翠玉純米吟釀,用純大米釀造而成，醇而不烈，易入口，配以每一款精緻的美食，完美配搭。前菜是松葉蟹昆布水雲菜，用酸汁調配而成，十分開胃。配以松葉蟹肉的鮮，是為一道特色的前菜。鮟鱇魚肝是一道好有特色味道的菜。魚肝的口感比豆腐結實一些，以柚子汁調成的醬汁，不但能掩蓋肝臟的味道，而且帶些柚子的清新。汁煮北海道黑梅貝，一隻海螺，充滿醬汁，肉感堅韌，帶點海水風味。北寄貝刺身，新鮮活北極貝刺身，手掌一樣大，嫩中帶鮮甜，口感爽口。活龍蝦刺身，上枱時候嘣嘣跳，肉質彈牙，鮮甜清香。活赤貝新鮮爽口，厚切，味道甜味十足。金目雕，油脂很豐富，入口嫩滑。蟹高豆腐，大量的蟹肉配以魚子醬，入口味道鮮甜，蟹膏味香濃。鰤魚，色澤鮮紅，油脂十足，入口又滑又嫩，魚味十分突出。長崎岩蠔， 大大隻，岩蠔非常肥美，充滿海水味道。加上醋啫哩，入口爆汁，無比嫩滑。吞拿魚醬油漬配馬糞海膽， 上面加點金箔，吞拿魚魚味香濃，馬糞海膽鮮甜十足，滿滿的鮮味。岩手縣紫海膽，原個新鮮紫海膽，配以三文魚子及醋啫哩，鮮甜味十足，海膽入口軟滑，魚子鮮甜爆汁，口感非常豐富。慢煮南非蝦膏鲍鱼，鮑魚吃起來口感非常軟嫩，慢煮吸收了醬汁更為入味，味道鮮香。龍蝦頭慕蓉菇湯，濃郁的菇味，龍蝦頭湯清甜。最後來一份抹茶雪糕，雪糕配以紅豆蓉，清新口氣，靜崗密瓜爽甜，淨化整晚的膩感。…查看更多

約女朋友食晚餐, 為表示心意,  我會先訂位.  知道她喜歡日式廚師發辨, 經細選後, 決定去銅鑼灣 [鮨逸].  餐廳設計時尚, 今晚我們安排了坐在吧枱前, 容易同師傅溝通. 先飲杯綠茶暖胃, 再叫了梅酒期待佳餚,  今晚好豐富廚師發辨共 25品.師傅介紹, 第一品開胃前菜:   松葉蟹水雲.    入口細滑如絲, 加鮮美蟹肉, 真係甘甜美味.鮟鱇魚肝:  口感細嫩, 冬日必選, 有豐富膠原蛋白.汁煮黑梅貝:  肥美而爽口, 肉質好味道,  咬落有口感. 雪魚白子海葡萄:  色澤光滑, 口感綿軟, 柔中帶香, 要細嚐.深海池魚包豆腐:  肉質嫩滑,  吃出不同層次感.赤貝:  十分新鮮, 師傅準備時, 仍鬱動.  即刻食, 好爽口.   伴著漬物,  有酸薑, 蘿蔔, 牛蒡. 小龍蝦刺身:  好精彩的主角, 活龍蝦, 即場拆肉,  龍蝦肉質鮮甜爽彈, 啖啖肉, 食得滋味.北寄貝刺身:  甘香爽口. 北海道白角魚壽司:  色有光澤, 味鮮.金目鯛壽司:   肉色鮮亮, 質感綿滑細膩, 每一口都洋溢濃郁的鮮味.松葉蟹肉豆腐:  蟹肉香滑, 吃得出色.鰤魚壽司:  魚油脂超甘香, 肉質細嫩軟滑.大蝦剌身:  蝦肉肥碩, 極富彈性,  甘甜濃郁, 餘味悠長.秋刀壽司:  肉質鮮嫩肥美, 入口軟棉.岩手縣生蠔:  蠔肉肥美豐腴, 口感豐富充實,  蠔味濃郁, 伴隨少少海水味,  配土佐啫喱醋, 辣椒蘿蔔蓉, 更鮮味.三文魚子卵:  波子巨型魚子卵, 彈牙好味.喜之次壽司火炙壽司:  肉質細膩緊實, 入口清脆甘腴.吞拿魚腩馬糞海膽:   味道甜美, 入口即溶, 鮮味無比大滿足.拖羅魚海膽最中餅:  這個最中餅好特別, 脆餅夾雜着甘甜拖羅魚海膽, 回味非常.慢煑鮑魚:  鮑魚切片好煙韌, 質感爽口, 微脆身金鯛立鱗燒:  油脂豐腴, 魚味極重, 立鱗燒著實精彩.花咲蟹:   冬天旺蟹季節, 蟹肉特別鮮甜.拖羅魚腩壽司:     魚脂鮮甜濃厚, 魚肉肥美, 口感正.馬糞海膽:  海膽甘甜, 入口即溶,  濃濃 嘅鮮甜海膽味, 確實令人回味無窮. 玉子布典:   滑得可口龍蝦清湯:   富美感又有濃厚龍蝦香, 食完餐飲碗熱熱湯, 有助暖胃. 蜜瓜雪糕加紅豆: 日本蜜瓜, 清甜多汁.  雪糕入口滑溜, 加紅豆香, 好滿意.    師傅做得好細心, 入口食材夠新鮮, 侍應不停加水換碟, 好窩心, 食物價錢合理, 物有所值,  要帶家人再來分享.…查看更多

朋友約我食 Omakase,  預訂了 銅鑼灣 [鮨逸] 晚餐 25 品, 好開心.  我對日本食物文化, 鮮同美, 加上師傅那種精細誠意, 好欣賞. 服務員介紹 京姬柚子梅酒, 白桃濁酒, 醇厚清香, 提升食物味道.  Cheer !!第一道菜由 松葉蟹水雲 開始.  沖繩島的海中寶~水雲, 入口柔軟貼滑,  伴上松葉蟹, 啖啖有蟹香, 加上醋汁好口感  , 令人口胃大開.  鮟鱇魚肝,  含膠原蛋白, 營養成分高. 感覺細嫩,  與水海草, 菊花作伴,  好食.汁煮黑梅貝:  肉質彈牙又美味.  佐酒佳品.銀鱈魚白子海葡萄:  珍貴的食材,  白子顏色白嫩, 入口帶點滑身, 加點海苔, 魚籽, 味道好獨特. 深海池魚包豆腐:  深海池魚, 肉質鮮嫩肥美, 加上豆腐, 蘿蔔蓉及菊花, 味道有層次, 鮮味滑口.北寄貝刺身:   鮮味濃甜. 小龍蝦刺身:  師傅由水缸活捉龍蝦, 即場拆肉,  龍蝦肉鮮爽彈滑, 食得大滿足.北海道白角魚壽司:  魚肉厚,  脂厚油香.赤貝:  橙紅色, 有光澤, 肉質彈牙爽口, 好鮮味.金目鯛壽司:   星級魚種. 肉質細膩,  鮮味不凡.松葉蟹肉豆腐: 豆腐好滑,  松葉蟹味香濃, 味道細緻.  鰤魚:   魚肉鮮美,  越吃越滋味.  大蝦剌身:  擺碟很美, 蝦肉肥碩, 極富彈性, 爽甜無比.秋刀壽司:  油脂濃郁,  鮮味出色.岩手縣真蠔:  手掌般大,  蠔迷至愛 , 生蠔肥大肉厚,  加上海水自然鹹味,  配上柚子醋,  蠔味更出眾. 三文魚桴卵:  巨型魚桴好彈牙, 魚油甘香細膩, 令人齒頰留香.喜之次壽司:   經火炙後更突出脂肪香氣.吞拿魚腩馬糞海膽:   吞拿魚脂鮮甜濃厚, 鮮味出色, 味道濃郁, 名貴金箔好吸引. 拖羅魚海膽最中餅:  拖羅魚海膽都糸我至愛. 今次有新食法,  滿滿食材夾入最中餅內,  (威化餅製的匣子), 既鮮甜又脆口, 有層次感, 吃得飄飄然.慢煑鮑魚:  鮑魚已切片, 味道稔甜,  真是海產極品. 金鯛立鱗燒:  魚鱗超脆, 魚肉嫩滑, 沾上岩鹽海苔汁,  好滿意.花咲蟹:   蟹肉鮮甜質優, 細嫩 可口. 拖羅魚腩壽司:   紋理好看肉質甜美, 脂高豐腴, 入口即化, 口感好好.   馬糞海膽:  味道不錯, 放在鱈魚乾片上, 脆口又鮮味.龍蝦頭舞茸菇清湯:  食完龍蝦肉刺身, 龍蝦頭做湯, 味道清甜, 既環保又有助我們暖胃. 甜品:  玉子布甸,  入口細滑, 蛋香味濃.  果物:   日本蜜瓜清甜可口, 雪糕加紅豆 , 又滑又美味.吃了 25 品, 鮮味, 精緻的日本刺身壽司,  廚師廚藝有水準,  食材新鮮又有質素, 價錢非常合理. 愛吃 Omakase 一族值得 到訪…查看更多

聽間鮨逸嘅食材很新鮮，由日本空運到港，有時還有罕有食材。所以，心思思想來試下。選左”逸’‘— 合共25品。重叫左支清酒增加風味。0️⃣楯野村純米大吟釀 — 香醇清甜，順滑易入口。1️⃣松葉蟹•沖繩水雲— 加左土佐醋，酸酸地，很開胃。水雲又名長壽藻，幫助腸胃消化。2️⃣ 鮟鱇魚肝— 配上柚子醋。口感綿密細膩，有點像鵝肝。3️⃣鱈魚白子— 生平第一次食白子。含有豐富嘅蛋白質同維他命D，有養顏功效。口感爽滑，入口即溶。4️⃣赤身，山藥— 赤身酸酸地，山藥有益脾胃，味道甘甜，發粘。5️⃣ 皮剝魚— 晶瑩剔透的皮剝魚包裏住味道清香的芽蒽及綿滑的魚肝。加少許的辣椒蘿蔔蓉。味道口感多元化。6️⃣北海道大溝貝— 廚師拍左幾下大溝貝，讓肌肉收縮。食的時候非常清甜彈牙。7️⃣北寄貝刺身— 很爽口。入口時首先賞到鹹香味道，後勁清甜。8️⃣金目鯛壽司— 鮮嫩肥美，油份甘香。9️⃣赤貝壽司—肉質爽口，味道鮮甜。🔟火炙鰤魚壽司— 軟嫩帶油香。1️⃣1️⃣京都豆腐皮·新鮮三文魚子— 豆味非常濃郁。1️⃣2️⃣響螺·粒貝— 口感清爽，甜道香甜。1️⃣3️⃣北海道牡丹蝦刺身—鹹香的蝦膏配上肉質緊致，有彈力的牡丹蝦，味道甘香濃郁。1️⃣4️⃣米崎生蠔—外表肥美。甜味後勁濃郁，餘韻十足。1️⃣5️⃣白見貝壽司— 口感像象拔蚌。味道清甜爽口。1️⃣6️⃣車海老壽司— 煮到－成熟，蝦肉非常鮮嫩。蝦頭鬆脆，蝦膏非常惹味。1️⃣7️⃣黑目魚壽司— 炙燒過，油脂感重。1️⃣8️⃣薄切間白魚·紫海膽— 味道清甜有回甘。1️⃣9️⃣原隻馬糞海膽— 配三文魚子、黑魚子及赤身。 用上貝殼做的匙羹🐚。海膽好像冰淇淋一樣綿滑。一啖清酒一啖海膽魚子，鮮味十足，極上享受。2️⃣0️⃣南非一頭鮑魚（慢煮4小時）— 鮑魚味在口中久久不散。鮑魚通常配鮑魚肝醬。呢度好特別，配蝦膏麵豉醬，好入味。2️⃣1️⃣甘鯛立鱗燒—配紫菜高湯。魚鱗一片片站起來，像花朵綻放，燒得很香脆。甘鯛魚味濃郁。2️⃣2️⃣龍珠果—有點像芒果，清甜多汁，有滋潤止咳、消腫解毒作用。2️⃣3️⃣白海膽- 配上淡雪鹽。嫩滑水潤。都幾creamy。配上薄脆一起吃，又幾香口。2️⃣4️⃣松葉蟹— 肉質軟滑，味道鮮甜。2️⃣5️⃣大拖羅— 油脂豐富，非常肥美。2️⃣6️⃣玉子布甸— 口感得意，蛋香十足。2️⃣7️⃣鯛魚清湯— 熱辣辣的清湯，很暖胃，舒服。2️⃣8️⃣密瓜—清甜多汁。食材新鮮有益健康。好像養顏的鱈魚白子、有益脾胃的山藥及消腫解毒的龍珠果。所有的海鮮都很鮮甜。最愛北海道牡丹蝦刺身及馬糞海膽，鮮甜味道在口中繞梁三日。食過之後很難返轉頭。絕對係我食過最好吃的omakase。…查看更多

之前嚟過食lunch omakase，難得一開返晚飯，梗係要嚟試吓25品omakase蟹肉水雲作為第一度菜，微酸開胃穴子 即係鰻魚嘅親戚，加咗鰹魚汁及薑蓉，口感好滑溜蟹肉豆腐唔止係一種蟹嘅蟹肉，而係撈咗幾款蟹肉，加啲微鹹嘅黑魚子，鮮味更突出海鱸魚係用昆布漬醃製咗一日嘅海鱸魚，愈𡁻愈有味道，如果連埋紫蘇花一齊食，鮮味更明顯富山螢光魷魚好開心呀係螢光魷魚！上面加咗黃色嘅食用花及薑絲，顏色賣相好靚。魷魚好肥，又多膏；我試咗用紫蘇葉夾住一齊食，比就咁食更加好味龍蝦刺身大廚即時喺魚缸撈上嚟嘅龍蝦，即切做刺身，肉質鮮甜彈牙炸白子刺身成日食，不過炸嘅白子真係第一次，口感好似炸豆腐，有趣！吉備奈子大廚介紹個名嘅時候，以為係人名，好好笑！銀色嘅魚皮好搶眼，唔油膩赤貝超級爽口鰤魚係我最愛嘅鰤魚呀，熟成10日，本身已經好肥美，加上柚子胡椒，食落唔會太膩鮟鱇魚肝好食到叫救命，口感綿滑，油脂香醇，俾多幾塊我encore都OK象拔蚌 加咗岩鹽及柚子鹽，更鮮甜，食起上嚟比起赤貝更爽脆北海道牡丹蝦蝦身上面嘅係來自蝦頭嘅蝦膏，肉質鮮嫩又厚肉，蝦膏超級香長崎縣陸前生蠔好肥美，加咗啲土佐啫喱食起上嚟無咁膩，口感爽脆，海水味好重喜之次輕輕燒過後魚皮香脆，魚肉豐腴嫩滑北寄貝繼赤貝及象拔蚌後，又一爽脆貝類，食起上嚟冇象拔蚌咁爽脆，口感好似軟綿啲富山縣白蝦呢件壽司係用咗好多隻白蝦！加少少魚子，鹹鹹哋吞拿魚卷將醬油漬吞拿魚包住日本蘿蔔苗及馬糞海膽，有多重口感，係咪好似金菇牛肉卷呢？紫海膽又係開心到叫救命！而家正正就係紫海膽季節，上面加咗三文魚子、紫蘇花及木魚啫喱，總之就係多種鮮味多重口感，好味到可以俾多幾個我食！！！鮑魚 慢煮4小時後嘅鮑魚好厚肉，不過肉質依然軟腍，同其他餐廳唔同嘅係佢哋冇加鮑魚肝醬，反而係加蟹膏，一樣咁滋味春魚BB細細條，非常香口，食到內臟位會有啲回甘大拖羅平時食嘅大拖羅都係燒過嘅，啲魚油必晒出嚟會好膩。但今次大廚只係輕輕燒過，切咗啲筋，再加上岩鹽，食落唔膩但亦都好易咬得開毛蟹加咗土佐啫喱嘅毛蟹肉，酸酸哋又一絲絲肉白海膽將白海膽放喺炸紫菜上，再加淡雪鹽，賣相好靚。淡雪鹽唔鹹，所以唔會搶咗海膽嘅鮮味布甸蛋好似食緊蛋糕咁舞茸龍蝦頭湯係頭先食嗰隻龍蝦嘅頭呀，攞佢嚟煲湯就唔會浪費！湯超級鮮甜，又係可以飲多碗最後食一件水信玄餅作結尾，一啲都唔甜，食完都唔會有罪惡感！25款食物都只係$1480，服務又好，大廚又夠貼心，見到我食薑辣到咳，佢即刻遞上一杯凍水，再喺我嘅薑上面加柚子！我會再嚟的！…查看更多

多得網上飲食誌拍片推介，得知托壽星仔女鴻福，於其生日前後一星期內到臨「鮨逸」享用廚師發辦晚餐，全單可享八折優惠（優惠期至3月31日為止），週四晚為好友慶生，XO仔請客都深感特別歡欣。樓上壽司屋座落於銅鑼灣核心地帶，大廈對面就係地鐵站，交通方便得很。新店佔用面積全層，並無設置私人廂房，步出升降機門即可望到整個用餐大堂內嘅壽司吧位及合併式散座。和式以木為主嘅間隔樸實開揚，窗邊可見少許可愛嘅擺設，最搶眼就係天花上與外出蔚藍天空極為相襯嘅球狀燈飾。既然有心要黎食廚師發辦，訂座時就講明要坐壽司吧，並確認當真可享網上所提及嘅生日折扣。除咗餐牌之外，壽司吧枱上只擺有自用餐碟及筷子。埋位後迅即有暖手嘅綠茶。清酒項目共有兩頁，每頁下方清楚列明如貴客自攜佳釀，開瓶費為$200一樽720ml及$350一樽1.8L。據悉，晚市最受歡迎就係二十五道菜嘅廚師發辦套餐（$1,280/位）。其餘散點項目則有三頁之多。為兩口子備餐嘅B師傅忙碌地處理食材之時，先呈上薑片及爽脆開胃嘅漬物。「鮨逸發辦」第一式為鮮紅清爽嘅「水果蕃茄」，由於糖份較高，所以完全唔覺酸。第二道嘅「無添加水母」晶瑩有光澤，咬落爽脆非常，輕輕黏上杯中嘅柚子醋即增添清新，墊底嘅兩片青瓜都一樣咁爽。剛踏入季節嘅海產代表有爽滑嘅「富山灣螢光魷魚」，簡單以鰹魚豉油伴薑蓉足以吊出螢光魷魚嘅鮮濃。勁想去日本嘅小肥留意到師傅刻意配上粉色嘅藍點小缽，彷彿正要帶大家一遊春天嘅富山灣，欣賞被沖上岸邊嘅螢光魷魚締造出如繁星天際般閃出藍光嘅海景，暗藏嘅心思有XO仔會意到哦！即場切出刺身前，師傅先展示一下北海道獨有嘅「大溝貝」真身。碟上兩片薄薄嘅大溝貝刺身上方為貝肉，下方為邊邊，食落好似厚厚嘅象拔蚌咁半爽半脆，鮮甜有嚼勁。半捲起嘅厚切「油甘魚刺身」鮮爽肥潤，！燈光問題下嘅照片效果偏黃，相中嘅「北海道水八爪魚肉」其實好白雪雪。八爪魚二重奏中前方為清甜爽彈、卜卜脆嘅吸盤粒粒。後方三片八爪魚肉薄片建議捲入剔透嘅桃佐醋啫喱進食，DIY八爪魚卷微酸帶甜，清麗怡神。鱈魚白子不時都會食到，細佬都係初嚐「河豚白子」，師傅介紹時講明此物不能生食，因河豚有毒，生食其白子後輕則感到麻痺，重則會死亡，絕對唔講得笑！圓餅形嘅鹽燒河豚白子外脆內軟綿，味道偏淡，食落有啲似燒豆腐咁。邊炙烤壽司時，師傅強調魚品為「地金目鯛」！用得個「地」字即代表其油份比普通金目鯛多，價格亦相對地高。地金目鯛壽司散發著魚油嘅焦香，橙亮嘅魚皮帶微微韌度，魚肉則柔潤鮮甜，感覺猶如美味嘅旋律在舌上舞動，何其精彩！灰邊嘅「北寄貝壽司」爽口脆身，唧上青檸汁令壽司份外清涼醒神。輕輕燒過嘅「BB銀鱈魚壽司」幼嫩軟滑，細膩在於其甜味跟隨油脂慢慢滲進味蕾，美妙窩心。粉色嘅「鮟鱇魚肝」經紅酒秘方慢煮，靚肝芳香軟腍，毫不乾嚡，香濃而不膩口，外表雖不甚吸引，但實屬極品也！離遠已聞到「牡丹蝦」傳出醇厚嘅酒香，原來蝦隻係用花雕酒醃過夜嘅。橙色紋理鮮明嘅牡丹蝦爽脆豐潤，從蝦頭啜出嘅蝦膏精華比蝦身更鮮濃入味！如相所示，源自長崎縣小長井嘅「華漣蠔」蠔殼色淡巧薄。據悉，殼薄厚肉嘅華漣蠔乃「日本蠔王」，選以華麗嘅透明玻璃器皿承載相信係要突顯其非凡之份量！肥嘟嘟嘅生蠔飽滿爽潤，滑溜非常，吃畢濃郁嘅鮮味洋溢口腔，王者風範盡在不言中！銀光閃閃嘅「深海池魚壽司」尤其有光彩，魚腩位鮮香肥潤，滋味無窮。疊得高高嘅「松葉蟹壽司」上層為雪白纖幼、清甜香嫩嘅松葉蟹肉，頂面有一丁點松葉蟹膏，另伴橙亮艷麗嘅三文魚籽，組合令口感更有層次，同時亦能提升各食材嘅鮮味，成功造出點精之效。魚皮燒至攣起嘅九州「赤鯥魚壽司」屬頂級白身魚，油脂豐厚得黎甜潤嘅魚肉極富彈性。「白見貝薄切」爽脆彈牙，簡單沾上山葵醬油已夠清甜。熟成咗七日嘅「鰤魚魚腩」紅潤爽厚。師傅將「磯煮鮑魚」切片後於鮑片上塗上一層薄薄以鮑魚肝混蟹膏調製出嘅秘醬，清中帶濃嘅鮑片好有嚼口。接著成條炸煮嘅為節令「香魚BB」，雖則話可以由頭食到落尾連骨都唔洗𦧲，忌骨嘅小肥當然係請埋魚后女伴啦！「馬糞海膽壽司」外層嘅紫菜巧薄香脆，海膽餡心軟嫩滑溜，濃甜味佳。同樣以紫菜包製嘅「藍鰭吞拿魚腩壽司」粉嫩嘅外表油潤有光澤，外脆內爽厚，鮮香無比！感激身邊嘅好友慣性地幫XO仔食有骨嘅魚生，不過細佬單憑「海鰻壽司」嘅外觀其實都已感覺到海鰻幼嫩溶口嘅質感。屈指一算，踏入甜品環節經已係第二十四道菜，真係冇諗過水果都可以製出天婦羅菜式喎！熱辣炸出嘅「士多啤梨天婦羅」只黏上超薄嘅炸漿，小杯中嘅日本士多啤梨小山呈現出鮮紅嬌美嘅色澤，菂薂可愛！師傅巧妙地於士多啤梨面灑上海鹽粉及唧上煉奶，神來之筆直令果物之香氣及甜美加倍濃烈可口，妙哉！金黃閃爍嘅「玉子布甸」用上蛋黃出名橙美嘅高級日本蛋蛋烹調，入口柔滑軟熟，香濃鮮美，且毫冇溜感！食完二十五道菜後仲有一碗清香暖胃嘅鮑魚湯，湯品內有隻是日加送嘅廉貝。壓軸上陣嘅「水信玄餅甜品」豐滿圓滑，於翠綠色嘅紫蘇葉上搖晃，極富夢幻嘅顏值咁高當然係要拍段短片同大家分享吓啦！清澈透光，質感爽涼嘅水信玄餅彈吓彈吓，韌度十足！點上側旁嘅黑糖漿及黃豆粉即能添上輕盈嘅甜美。由有美肌瘦身之效嘅「天使的眼淚」（水信玄餅之別稱）為豐盛嘅「鮨逸發辦」作結，似乎是寓意喜極而泣吧！銅鑼灣新店「鮨逸」環境簡潔企理，服務優質，師傅專業有耐性，花下心思所設計嘅晚市廚師發辦內容豐富，用材高質鮮美，菜式健美不膩滯，價格合理得很！XO仔已訂好下月壽辰再戰「鮨逸二十五式」，希望到時仍可享牛一優惠啦！…查看更多

有個大project要做，我諗如果唔食返個omakase嘅話，應該係冇力做嘅....... 一嚟到就見到寫咗我個名嘅歡迎字句，好窩心！！！午餐Omakase ($680) 前菜煮物大根超香甜，一啲渣都冇；茶碗蒸滑溜，仲有絲絲嘅蟹肉！鮟鱇魚肝係我最愛嘅時令鮟鱇魚肝呀！！！加咗柚子醋，再連埋昆布一齊食，一啲油膩感覺都冇。不過鮟鱇魚肝喎，乜都唔洗加都夠已經好滿足啦！活赤貝呈橙紅色又有光澤，食之前拍一拍，肉質爽厚彈牙，仲有啲海水味添BB吞拿魚輕輕捲起嘅BB吞拿魚魚背，肉身呈紅色，不含油脂，肉質實淨生蠔今日嘅生蠔叫令和之怪物，加咗柚子啫喱、食用玫瑰、辣蘿蔔及萬用蔥。生蠔好大隻，差不多有成隻手板咁大！蠔身非常肥美，質感爽脆，加咗柚子啫喱更加可以激發出蠔嘅鮮味障泥烏賊第一次食，平時嘅烏賊比較彈牙，但呢種障泥烏賊口感黏糯膠口，上面加咗海膽及三文魚子，鮮味大大提升銀鱈魚西京燒魚皮好脆又有焦香，肉質嫩滑天婦羅有蝦、番薯及南瓜。上菜時奇怪手點解冇醬汁及蘿蔔茸嘅？原來係因為炸嗰陣已經加咗海鹽，所以唔需要點任何醬汁都已經好有鮮味終於食到壽司嘞~鰤魚係野生鰤魚呀！肉質甜美，脂膏豐腴帆立貝加咗新鮮竹炭鹽、青檸，又拍一拍，肉質更爽口刺身級銀鱈魚又有食銀鱈魚嘞！輕輕燒過後，魚肉帶豐腴油分，口感嫩滑，鮮甜嘅味道比頭先西京燒嘅更加突出！珍寶大蝦上面加咗蝦頭膏及蝦子，甜上加甜！！！藍鰭吞拿魚腩用岩鹽紫菜包住食，啲油香喺口腔度久久不散！赤馬糞海膽每一粒都唔同顏色係佢嘅特色，味道濃郁，鮮味中帶少苦麵豉湯入面加咗生紫菜，不過煮到爛咗了，唔講唔知甜品隻咖啡杯好靚！旁邊嘅威化夾住意大利芝士雪糕，好味！仲有蕨餅，飽晒！…查看更多

晚間廚師發辦現在可以中午吃，$1280/位的25品廚師發辦真豐富，幸好訂了周末享用，慢慢食，唔趕！日本水雲以酸得醒胃的水雲開始，柔軟黏滑，清涼可口，最緊要是個汁，酸度高但不嗆喉，吃得舒服，喚醒味蕾。 這款海中寶，來自沖繩，與海葡萄一樣是養生名物，面頭一小撮薑蓉，正如中和海水味。 炙燒平貝剌身半熟平貝四面焦香，內心保持生嫩，對比乾脆利落的紫菜，酥爽脆甜，十分討好。接下來，師傅親手送上、我們亦要親手接還禮，因為是一道香脆紫菜包著的炙燒平貝。 串燒平貝裙邊喜歡師傅一味兩吃的做法，平貝裙邊灑上海鹽串燒，口感完全不同，惹味煙韌，佐酒一流。 醉樂無極 300ml. $280我們亦入鄉隨俗，碰碰杯熱清酒，暖暖胃。 真鯛刺身刺身由九州的真鯛開始，肉質軟柔清甜。活赤刺身活赤以日本青檸調味，更能提鮮，幼滑極爽，我很喜歡！ 蟹膏豆腐以蟹膏做豆腐，松葉蟹肉及黑魚子相伴，這一道真心好，造型亦矜貴。一口豆腐，濃郁的蟹膏香湧出，回甘超甜悠久。  金線鯛壽司金橙亮麗，魚脂豐富，炙熱更加逼出魚油。間八魚壽司接下來是間八魚壽司，以柚子帶出魚味。鰆魚壽司鰆魚即是膠魚，肉質特別，將別有魚香。鮟鱇魚肝加上了柚子醋，平衡得好。 牡丹蝦配自己的蝦膏蝦子，更以蝦頭蝦膏做醬汁，極品。 真蠔肥美滑溜。 花金古壽司花金古來自石垣島。白見貝壽司必需快吃，超爽甜。寒鰤壽司冰見市的熟成寒鰤魚質素最高、價錢最貴，因為寒星鰤游到冰見市剛好最肥美；但寒鰤魚必需熟成處理，新鮮的味道會很淡，今日面前的，入口鹹甜交替，鮮美無比。蟹膏飽魚預先處理了三小時，柔韌豐腴，另一精華。活北寄貝唔打唔生性，拍打之後特別有彈性，回甘很甜。  海鰻天婦羅簡單以海鹽調味，爽口肉彈，炸得好，完全不油。右口魚邊再來紫菜系列、包著右口魚邊，滿咀豐腴油脂。 赤海膽壽司赤海膽是北海道馬糞海膽的一種，海膽味更濃。 大拖羅壽司開了幾刀的大拖羅切，預先灸燒，魚油逼爆，柚子醬調味，入口即化，吃到鹹香。 吞拿魚醬油漬壽司回甘強烈醬油鹹香，討好。草莓天婦羅 真好玩，日本草莓可以做天婦羅，效果唔錯，味酸甜。 玉子燒最後玉子燒，布旬蛋做法，相比一般黏稠。熱辣辣的麵豉湯暖胃。胡麻蛋糕胡麻蛋糕作終站，完美結束。 一般鮨店環境設備，服務態度唔錯，性價比合理。   …查看更多