LAB EAT Restaurant & Bar (金巴利道)

上午在尖沙咀閒逛 ，突然想去一間較為安靜而且坐得舒適的西餐廳食個意粉，行行下就到咗呢間符合上述條件嘅餐廳。難得假日都有提供Set Lunch，而且最便宜的餐只是$88，連餐湯或沙律，以及餐飲，在尖沙咀區屬非常實惠。首先值得稱讚的是，雖然只是一百元上下的午市套餐，但餐包、餐飲都頗有格調，其中餐包竟然有擺盤，叫的熱檸茶有一整壺紅茶可以斟到幾杯，兩者都非常令人驚喜。餐湯番茄湯則正常發揮。吞拿魚配柚子冷麵 ($128) ★★★★✰我叫的main course是冷麵，用的麵質應該是西式天使麵的pasta，配上麻油及柚子醋及少少紫菜碎，是非常醒胃簡單的一道菜。擺碟尚有些心思。一開始食感覺有點淡味，很大程度靠吞拿魚及三文魚子的海鮮鹹鮮味，以及點綴的日式豉油作為味道基礎；食完後覺得調味對我來説剛剛好，食完整碟麵都不會覺得太膩。店員服務也非常周到，可能因為客人不多，兩位店員都非常attentive反應很快。綜合餐廳的舒適環境來説，連加一$150以內一人的午宴絕對是物超所值。…查看更多

📍尖沙咀 𝚃𝚜𝚒𝚖 𝚂𝚑𝚊 𝚃𝚜𝚞𝚒❝優雅浪漫氣氛🥂半高級西餐廳✨麵包 · 甜品 · Cocktails · 更有驚喜🤭❞幾surprised餐廳有welcome drink🥂係荔枝綠菜vodka😍然後再有麵包🥖sourdough好香脆鬆軟 而牛油係佢地自家人手手打製造 配上黑松露醬 好好食🤤🍞海膽魚子醬多士 $68 (4/5)香脆多士上有海膽同魚子醬 鹹香鮮味十足!😚🦞香草牛油烤龍蝦意大利麵 $388 (3.5/5)半隻大龍蝦 新鮮彈牙😬唔係手工意粉 但都算煮得有咬口 配上酸香蕃茄醬 但整體感覺普通左d🫣🥩𝐔𝐒 𝐏𝐫𝐢𝐦𝐞 𝐆𝐫𝐚𝐝𝐞 𝐑𝐢𝐛 𝐄𝐲𝐞 𝐒𝐭𝐞𝐚𝐤 $568 (3.5/5)牛排medium都幾香又juicy🤭調味唔多 要自己再點岩鹽/芥辣醬 整體唔錯但呢個價錢有d進取呢😶🍵西村抹茶白朱古力慕絲配抹茶蛋糕 $118 (4.5/5)呢個好食!😍佢有層抹茶mousse再有層挺身d既抹茶朱古力ganache 好似食緊某R日牌既翻朱古力 而最底係抹茶蛋糕🤤香濃回甘!✌🏻🍫𝟔𝟒% 朱古力焦糖慕絲配無粉朱古力蛋糕 $118 (4/5)朱古力男友至愛… 超濃郁🤯帶濃苦而微酸 朱古力mousse同底層蛋糕都好dense (大概因為flourless) 配上榛子脆皮 感覺好似金莎🌰呢個都幾膩 一定要share!🙋🏻‍♀️🍏𝐋𝐨𝐯𝐞 𝐒𝐨𝐧𝐠 $128 呢度好多特式cocktail 款款都好靚✨呢款以Gin作base 配青蘋果🍏接骨木花💐檸檬🍋蛋清🥚清新順滑! 好岩飲👍🏻☕️𝐈𝐧 𝐭𝐡𝐞 𝐌𝐨𝐧𝐞𝐧𝐭 $128見到咖啡男友即叫😂以Whisky作base 配上Espresso同焦糖 啡味好香濃 帶焦糖香甜 感覺好夾又好飲😜啡控可試!꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍LAB EAT Restaurant & Bar尖沙咀金巴利道87-89號僑豐大廈地下1-2號舖(另有旺角分店) 旺角彌敦道700號T.O.P. This is Our Place 5樓502號舖🗺𝘐𝘯 𝘵𝘩𝘦 𝘴𝘢𝘮𝘦 𝘭𝘰𝘤𝘢𝘵𝘪𝘰𝘯…#joys_尖沙咀 #joys_旺角🔖𝘔𝘰𝘳𝘦 𝘴𝘪𝘮𝘪𝘭𝘢𝘳 𝘤𝘶𝘪𝘴𝘪𝘯𝘦 /𝘧𝘰𝘰𝘥…#joys_西式 …查看更多

今晚丢低老公，同朋友出街食好西，好耐無同哩位朋友外出食飯喇，今晚決定要食得豪氣啲。我哋揀咗位於尖沙咀嘅Lab Eat Bar & Restaurant。之前食過位於旺角嘅Lab Eat Bistro，印象深刻，於是今晚就同朋友嚟到尖沙咀哩一間，一試水準。餐廳有少少隔涉，不過唔會難搵。室內設計以黑色及木色為主，樓底高，座位寬闊，坐得舒適。一坐低，餐廳就送上一小杯鮮果welcome drink 🍹🤩，裡面有士多啤梨🍓同藍莓，香甜清爽。另外，亦送上麵包，口感鬆軟，點上黑醋同橄欖油特別開胃。我哋叫咗杯Lawson’s Dryhills Sauvignon Blanc，白酒果味清香，入口柔和，口感輕盈清爽。1️⃣ 海膽多士🍞嚟到嘅時候，我同朋友都忍唔住「嘩」咗一聲，海膽巨大，肥美有份量，鮮甜美味，最重要係無任何腥臭味，口感厚滑軟綿，一大啖咬落去好滿足！2️⃣ 意式生牛肉薄片及新鮮黑松露🐂🧀🥬賣相吸引，加咗幾朵食用花作點綴，顏色更繽紛鮮艷。牛肉嫩滑，加上芝士薄片及新鮮黑松露片，能相輔相成，味道更濃郁但唔會蓋過牛肉的鮮味，口感層次亦更豐富。火箭菜新鮮，辛辣微苦，味道獨特。3️⃣ 牛肝菌湯配黑松露泡沫中間的黑松露泡沫賣相很可愛，牛肝菌味道非常強烈香濃，真材實料，湯嘅質感厚滑順口，質素高，大愛❤️。4️⃣ 炭燒威爾斯皇室羊扒🐑羊扒炭燒時間控制得宜，顏色粉嫩，肉質鮮嫩有彈性，肉汁豐富，中間散發住陣陣嘅炭燒香味，點上清甜薄荷醬，味精更鮮甜及不覺膩。薯仔粒新鮮可口，加上少少鹽同香料已十分惹味。同時，我哋亦專登叫咗杯紅酒🍷去配羊扒，讓肉扒味道及口感提升。5️⃣ 果木煙燻朱古力布朗尼🍫擺盤十分有玩味，餐盤像一個大圓盒，中間有幾個孔，會有煙冒出來😮，視覺及嗅覺效果獨特👍🏽。布朗尼很有份量，朱古力味濃郁，上面放咗一層碎果仁、朱古力條及燒棉花糖，賣相精緻，但略嫌口感較軟身，個人比較鍾意煙韌口感。另外要讚一讚服務，職員殷勤有禮，留意到食客需要，十分細心。…查看更多

餐包點好餐後會送上餐包，可以因應個人喜好加減橄欖油和黑醋。新鮮生蠔 $69/隻今日的生蠔是法國的Jolie，入口海水味濃郁，十分適合配白酒。有機桃駁梨子, 合桃及羽衣甘藍沙律 $188羽衣甘藍是近年大熱的superfood，Lab Eat處理得很好，羽衣甘藍沒有平常粗硬的口感同微甘的味道。配搭上梨和合桃，口感豐富又健康。沙律額外附上沙律醬，可以因應口味添加。西西里島海鮮意粉 $288海鮮全部都很新鮮，鮮蝦入口爽彈，墨魚同青口海水味濃郁。意粉彈牙有嚼勁，配上新鮮蕃茄和西西里醬很入味。脆魚鱗片甘雕魚柳 $498有驚喜！鯛魚柳上面是炸好的魚鱗，口感脆薄，完全想像不到原來是魚鱗。白朱古力檸檬意大利雪糕 $128內裏是檸檬gelato，外面是白朱古力。侍應會在甜品上枱後在淋上熱檸檬醬，溶化外層的白朱古力，十分打卡！Hopeful $88 (non-alcohol)Pineapple juice, Mint, Lime juice, Sprite, yogurt鍾意hopeful菠蘿的外型很好打卡，入口酸酸甜甜。Lab Eat Punch $88Gin, Triple sec, OJ, Strawberry mix, Sprite要形容的話，有點像有酒味的fruit punch，酒味不算太重，適合女仔。…查看更多

星期日晚同老公難得出去食一餐浪漫燭光晚餐。餐包麵包鬆軟，附有醋同橄欖油俾你自己蘸。Raclette Cheese with Rocket Leaves熱溶法國流心芝士好正，侍應會係係你面前將芝士批落沙律到，芝士係熱既，所以溶溶地，呢種最好食。沙律有火箭菜、車厘茄、三種火腿冷盤、蘆筍、薯仔，豐富又飽肚。Seafood Spaghetti Pomodoro西西里島番茄海鮮意粉有青口、魷魚、大蝦，調味好濃味，意粉屬於比較粗身，口感滑身得黎又煙韌，索晒番茄味，唔錯。Homemade Frozen Bailey Mousse Cake奶油威士忌咖啡凍餅無論cream定凍餅都好重酒味，咖啡凍餅有啲似食緊tiramisu，好特別又好食。…查看更多

由於抗疫疲勞，又係食好D時間，去了尖沙咀一間很有驚喜的餐廳。在門口先量體溫， 在枱上已預備好紙製口罩套，窩心又放心。內在環境燈光柔和，氣氛浪漫，牆上的畫和menu的插畫是同一系列，看得出悉心佈置。先來餐前飽上枱還有微熱，外脆內軟， 加少少醋和橄欖油， 醒神開胃。香煎鵝肝煎得外脆內軟， 有無花果和香梨蓉作配搭， 能夠有中和作用。 Purple Rain & Pink Perfume怪不得此餐廳有好玩的感覺，本身酒的顏色已經好靚，調酒師在我們面前玩玩把氣，不出一陣產生了化學作用，浮起一個大泡泡，超得意呀。雜菜加芝士如果是芝士控就有福了， 店員在我們面前把厚厚的芝士刨在雜菜上面。 雜菜本身也非常豐富，有炸薯角，蘆筍，酸雜菜等，芝士豐富了整碟菜的層次。 白酒煮青口份量十足，青口汁也很鮮甜。西班牙黑毛豬黑毛豬厚厚的， 食材新鮮， 烹調得剛剛好，也有香梨蓉和紫薯伴碟，加上芥末醬， 中和番啖啖肉的感覺。金箔芒果栗子卷隻碟上枱時也是冰冰的， 能夠保持甜品的溫度。 芒果蛋糕外面脆脆，內面creamy，上面放了栗子蓉， 有朱古力和鳥結糖伴碟， 配搭得天衣無縫。…查看更多

之前有計劃去旅行，但因為疫情關係，所以最後都係留喺香港。今晚就約左朋友出黎食飯傾下計，我地點左 海膽多士($78)*2、新鮮生蠔($68)*4、松露意式生牛肉薄片($188)、西班牙橡果飼黑毛豬($298)、金箔芒果栗子卷($118)、Daily cocktail($88)*2先送上餐包，麵包香脆，點埋橄欖油同黑醋汁黎食開下胃先Daily cocktail：今日試新野 Purple Rain-Blaster(左)、Pink Perfume-Blaster(右)，職員先送上Cocktail，然後會用枝氣泡槍加呢氣泡波波喺喺杯Cocktail上面，特別有D風吹到個波波搖下搖下，其他食客都即刻望一望，呢2杯Cocktail真係非常觸目Purple Rain-Blaster 提子味，而Pink Perfume-Blaster就桃味，飲落易入口，適合少飲酒嘅朋友品嚐新鮮生蠔：職員介紹為Jolie同Tatihou，都係黎至法國，因為我本身唔係食開生蠔，所以其實都唔係太認識D品種名。生蠔肉質食落去幾爽下，蠔味勁鮮甜之餘，亦有淡淡嘅海水味保留到海水味但D生蠔居然可以冇咩沙，真係處理得好好海膽多士：呢個真係超正海膽係黎至加拿大，可以望到夠大塊同夠厚身，份量十足食落去初時味道唔算好濃烈，不過之後就慢慢散發出佢海膽嗰種鮮甜香味，留喺口隻味好濃厚而多士夠脆身，配合住海膽，上層軟滑下面香脆幾好食松露意式生牛肉薄片：今次就到美國嘅生牛肉薄片，配上芝士片，沙律菜同黑松露黎食，每種食材嘅香味交雜出黎亦唔會濃到遮住左對方，味道層次豐富而且黑松露份量都唔少架，每一啖都食到松露香味西班牙橡果飼黑毛豬：平時食豬都應該聽過豬多菌，要煮熟晒先好食，但職員同我地講返西班牙黑毛豬呢隻品種嘅豬因為食橡果嘅緣故，夠健康所以可以7成熟都得，唔煮晒全熟所以食落口肉質特別嫩滑，而且味道香濃，如果表層可以再煎香多少少就更加好伴碟係紫薯蓉，甜度適中，而且佢係食落好香滑，既似甜品又係配菜咁金箔芒果栗子卷：同朋友SHARE黎食就啱啱好，栗子卷夠軟滑，外層同內裡芒果加埋D CREAM食落有D似鳳仙食埋D朱古力同鳥結糖開始太甜嘅時候，跟住食返D檸檬雪葩，味道夠清新，可以清一清甜品嘅甜味雖然短期內都應該都好難可以離開香港遠遊散心，但今晚一餐晚餐就可以食到各地高級優質食材，而且職員都好NICE上菜時會介紹下道菜，都喺呢一段苦嘅期間稍為滿足一下，希望可以快D完結疫情啦題外話：呢間餐廳都好細心，喺入座前都有提供紙袋俾客人入起口罩備用，而埋單時仲提供新口罩俾食客，喺疫情期間真係感受到當中對顧客嘅用心補MENU…查看更多

餐廳裝修頗有氣派，平日經過已心想有機會一定要來試試，早前有朋友提議尖沙咀食飯，我便順勢推薦這間我一直心儀已久的餐廳。麵包外脆，口感非常鬆軟lberico pork rack  1pc   $ 298 西班牙極品橡菓飼黑毛豬黑毛豬架外層油潤有光澤，雖然相當厚身，但就燒得剛剛好，將肉汁鎖住，十分juicy，肉質富彈性，帶點獨特橡果香味，配上酸酸甜甜的蘋果醬同吃，減低了肥膩感之餘，味道亦很清新。底下的紫薯蓉豐富了整碟菜的色彩外，甜甜的薯香味更令人忍不住一匙一匙往咀裏送。Quail leg  $138 烤鵪鶉腿煎香了的鵪鶉腿呈金黃色，甘香美味，肉質嫩滑可口，配搭上經烤過的大紅蕃茄片，上面還放上幾片蒜片，不但增添了整個菜式的可觀性，蕃茄片烤得非鮮甜，一點也不乾；以原粒橄欖及芥辣醬伴碟，鵪鶉腿無論以蕃茄或蘸上芥辣醬同吃都一樣美味。加入三色堇花作點綴，賣相清新。Spaghetti Pomodoro $158  番茄醬意大利面外表平凡，但以味道取勝，每一條意粉均沾上濃濃的番茄醬汁，意粉軟硬度適中，酸甜味道叫人胃口大開。Gis framngham sauvignon blanc $88這款白酒初段有股礦物質味，尾段散發陣陣的百香果味、還帶點葡萄柚香味，很有層次。Panna Cotta $68   意式奶凍侍應一送上檯，鄰桌客人的視線都不其然跟著甜品走，甜品賣相高貴，玻璃杯手感冰凍，相信是剛剛由雪櫃合出來，意式奶凍富濃濃的奶香味，入口滑溜，相信大部份女士都會喜歡。對今晚晚餐非常滿意，好有信心推介予其他朋友，餐廳環境高雅，最重要是出品有水準，是聚餐的好選擇…查看更多

聽同事講韓國街有間西餐廳唔錯，呢日就同朋友去試吓先。餐包 - 落咗單就會送上餐包，個包夠熱，煙煙韌韌，點埋橄欖油同黑醋食好正呀!紐西蘭白酒，西班牙紅酒 - 我叫咗白酒，朋友就叫咗紅酒，我嗰杯酒微酸又富果味，配海鮮真係好夾。48個月西班牙火腿配哈蜜瓜 - 火腿係比較乾身鹹香嗰種，食到堅果香味，配埋超甜哈蜜瓜，帶出咗火腿嘅鮮味。海膽蒜蓉多士 - 海膽超大份同新鮮，每一啖都好甘香，配埋脆卜卜嘅多士，食到停唔到口。白酒煮忌廉汁藍青口 - 藍青口細細隻，好嫩滑，用白酒忌廉汁煮就剛剛好，帶出青口鮮味，附上嘅烘多士點埋啲汁食，一流! 炭燒紐西蘭羊鞍配香草蒜蓉汁 - 羊鞍燒得一啲都唔嚡，仲保留咗好多肉汁好鮮，配上芥末醬同薄荷醬，可以辟去羊肉嘅膻味，連我咁怕膻味嘅人都接受到，唔錯! 甜品拼盤 - 呢款甜品包括朱古力心太軟，雲呢拿雪糕，芒果慕絲，朱古力馬卡龍，開心果泡芙，啱晒心多多嘅人。一啖心太軟，一啖雪糕，冷熱一同享受，食完再食芒果慕絲，酸酸哋平衡返，再食埋馬卡龍同泡芙，完美嘅一餐。…查看更多

之前見到呢間野想食好耐 結果係anniversary去咗食 叫左個二人set dinner 飽到上心口開頭嚟咗四隻蠔 都幾新鮮唔會話太鹹太重海水味 之後嚟咗個包同埋香檳 呢個野菌忌廉湯好重菇味 好好味！之後上左兩個前菜 分別有生牛肉同埋大啡菇 生牛肉唔係特別好食不過都唔差 好薄切加埋啲芝士都幾好味 大啡菇就真係好好味好多汁 跟住再上主菜呢個係黑毛豬同埋鴨肝 個黑毛豬外脆內軟 勁多汁 煮得啱啱好 個鴨肝都好香質感好飽滿 雖然食完成口都係油 但係食多十舊都仲得🤤另一個主菜係波士頓龍蝦 龍蝦勁彈牙 加埋啲芝士一啲都唔溜 同埋佢本身已經切開咗少少好意蚊出嚟食 最後個甜品係類似藍莓味嘅mousse 再加好多細嘅甜品 好豐富好好食 連甜品都好好味 仲可以叫佢寫唔同祝福字句成個餐仲有跟紅酒同白酒 每相一樣唔同嘅菜就會有唔同嘅酒 好pro! 好想每日都嚟食…查看更多

LAB EAT 正正在金巴利道的街尾，位處在掘頭巷內，我是從柯士甸道走過去，之後經過了一條比較暗窄的長巷，真是柳暗花明又一村，巷尾又是另一番景象。下午有happy hour，酒精飲品會有特價。餐廳不斷播放著Gordon Ramsay的真人SHOW煮食節目，望到流哂口水。餐包：外層微暖，但比較乾身，配上黑松露牛油，黑松露味較淡，不過牛油軟滑，有奶油香味。Elder & Lime Blossom：先來杯飲品是接骨木花及青檸混合而成，第一次飲這個接骨木花，花味比較清新，青檸味不濃，所以不會酸，反而酒精比較重，一飲入口有陣陣酒香，味道不道，感覺很清新。Lobster Bisque：龍蝦湯很濃稠，有少許龍蝦肉，蝦湯帶點炒香的蝦殼香味，質感幼滑，有濃郁的海鮮味，不過洋葱甜味欠奉。Black Truffle Escargot：田螺共有6隻，田螺上面舖上了黑松露，下面是薯蓉及烘過的多士。田螺肉質軟腍，殼內還有點湯汁，非常鮮甜，黑松露香氣四溢，兩者放在香脆的多士上，咸香味道滲透在多士內，是一個不錯的頭盤。Carbonara Spaghetti：卡邦尼份量十足，非常大碟。意粉表面有很多的巴馬臣芝士碎，加上用了大量忌廉醬，所以很濃稠，一定要趁熱食，冷卻後會較硬。意粉軟硬度適中，有蘑菇、洋葱粒及煙肉碎，但煙肉略嫌太少，所以意粉內的煙肉味較淡，另外，如果可以多點蛋香會更好味。Chocolate Molten with Icecream：心太軟外觀精緻，配上雲尼拿雪糕及一些生果的點綴，整個甜品美觀度提升。心太軟外層焗得香脆，朱古力味濃郁但不苦。一切開裏面有點流心效果，而裏面的朱古力醬很濃稠，而且不會太甜，比較飽滯。總結：食物質素不俗，每味菜式都有用心去做，無論是外觀、食材及烹調，外方面都很出色，加上侍應服務細心，每吃一道菜都會幫忙換碟，每吃完一道才上另一樣，每樣菜式都能在最新鮮時享用。…查看更多

月頭剛剛出糧，當然要慰勞一下自己，食返餐好的~ 在開飯仔找到這家Lab Eat，看她名列前茅，好評如潮，就馬上book位。一收工即刻向Lab Eat出發。餐廳位置未至於偏僻，但確實有一點難找。餐廳裝潢不錯，帶點昏黃的燈光，氣氛很好。可惜座位之間間隔很狹窄，沒什麼privacy。飢腸轆轆的我們，經餐廳職員推介，決定還是散點，挑選自己最想試的菜式。點餐過後，很快就為我們送上cocktail。Whisky  Sunshine這款是bartender新創的monthly cocktail，餐廳職員一送上的時候，會注入一些液態氮，很eye-catching~ 飲起身有Ginger beer, mint, 檸檬汁等，好fresh好開胃！Sparkling  Punch朋友所選的這杯sparking punch都有gimmick之處，分兩層，上面是三文魚砌成的花，下層是cocktail，一邊飲cocktail，一邊食三文魚，剛剛好，不會太甜。餐包麵包鬆軟，芝麻香撲鼻，個人喜歡蘸上黑醋食，更開胃~法式黑松露香草牛油焗田螺  Black  Truffle  Escargot混合了黑松露的法式香草牛油釀入每一隻田螺之中，酥香的牛油滋潤螺肉，當爐火把牛油熔於肉中，螺肉變得甘香軟滑，入口香酥帶松露香，再伴以香脆的麵包，嚼口食味更見突出。瑞士傳統熱溶芝士配新薯及火腿  Raclette  Cheese是日焦點之一。在開飯仔飽覽各位食客的食評之時，就決定今晚必試。職員手端半個車輪般大的芝士走向我們，用刀輕輕刮下經加熱的切面，熱熔后的芝士變得極度柔軟，垂垂下滑至預先送上的沙律面，芝味四溢。半溶流質的芝士真的超美味又邪惡呀~ 配上略帶味甘的火箭菜，鹹香的火腿片，還有澳洲新薯，令人大快朵頤~炭燒紐西蘭羊鞍配香草蒜蓉汁  Lamb  Rack 是日另一焦點。最近食牛食得有點多，今晚選擇了羊。Order了7成熟，較準成；羊架上每支羊鞍都有炭燒格紋，略帶油光，誘人非常。肉嫩多汁，不是很騷，香草蒜蓉汁更帶出了肉香。比較特別的是，所配的是紫薯蓉，而非一般的薯仔蓉；紫薯蓉很幼滑香甜。香煎鱸魚配檸檬牛油汁  Seabass鱸魚的油分恰好，肉質鮮甜，口感極好；檸檬牛油汁調味不錯，有點creamy，甜甜的。雲尼拿雪糕伴天然蜂巢  Vanilla  Gelato  with  Honeycomb看得出設計者很有心思，用碎冰鎮住雲呢拿雪糕，不易溶化；上方是天然蜂巢，蜂蜜緩緩流下，和著天然蜂蜜的雲呢拿雪糕格外香甜，夾有nuts和蜂巢，別具口感。法式焦糖燉蛋配法式泡芙  Cream  Brûlée法式泡芙還不錯～ 焦糖燉蛋的custard夠香滑，但層黃糖鋪面不夠均勻且略多，導致火槍噴後形成的焦糖脆面略厚，有所失色。全晚的服務都不錯，食物出品的速度會配合客人用餐進度，可以一邊聊天一邊慢慢細嘗出品。雖然性價比不算很高，但出品整體很不錯，餐廳還有推廣優惠，實屬鬧市一角的高質素的西餐廳~…查看更多

尖沙咀lab eat 我本身以為係指laboratory's eating 不過去到又唔見lab 既實体之餘 喺menu 都尋覓唔到 Chorizo Salad 有乾既火腿片 沙律菜同柑橘 本身胃口認真麻麻 點知沙律汁酸酸地 完全吊起胃口 啲果酸好香好fresh 諗住尋求更多既酸去食咗舊柑橘 點知佢一啲都唔酸 仲甜甜地 好似味道之旅咁 餐包餐包認真唔錯 又香又腍 最正既係每一張枱都配備咗黑醋同Oliver oil 配上麵包食一流Porcini Risotto其實即係蘑菇意大利飯 依度既意大利飯處理得好好 唔會好腍 仲keep 到個韌度 個sauce 都唔錯 夠creamy top up仲有少少芝士 配埋一齊食好match …查看更多

今年係我同我中學同學相識十週年的年份 女孩子都是喜歡一齊食下野傾下野 之前都有跟呢位朋友四處出外覓食，今次我哋藉著十週年呢個大日子我哋決定好一下搵一間有情懷既西餐廳來慶祝我們相識十週年餐廳充滿氣氛因為燈光柔和而且很有bar的感覺除此之外還有數部大電視，剛巧我坐著大電視的正前方。。所以我們都可以一邊欣賞電視奧運節目，一邊進食，一邊聊天我們點了兩杯啤酒 這一杯較甜的易入口 比較適合女生而且杯上有一個咀唇印圖案 幾得意另一杯的啤酒是桃味的啤酒雖然飲起來有微弱的桃味。。但我們也覺得這杯啤酒的啤酒味比較濃一點，所以如果喜歡啤酒味較強烈的朋友，這杯也是不錯的選擇這個餐包外型幾得意，因為餐包上有一些紋。。。包外脆內軟 我用這一個包來配啤酒令包的味道都變得特別了 感覺幾得意這三件生蠔都是不同的， 因為這一set生蠔可以讓你試到三種不同的生蠔口味。。分別是sehaller,gillardeau,majestic其實我都生蠔都不算有太多認識 而且本身我都不算太愛吃生蠔的，因為我怕濃濃的鏽味和海水味但這幾件生蠔的確令我對生蠔的印象改觀了因為生蠔比較鮮甜，完全沒有我不喜歡的鏽味，而且入口起來不會太黏，口感都是較易接受這是我們另一款點的海鮮白酒煮蜆白酒味不會太濃 所以很易入口，但食起來有淡淡的香味而且蜆肉肥大肉厚 不知不覺我們兩人已很快把這碟蜆一一掃清了蜆的size真的很大我都是第一次食這麼大的蜆吃起來比普通的蜆更有口感更能鎖著湯汁M5 和牛和牛分量很大我們點了7成熟除了有和牛外，還有一點薯菜，沙律。。可以中和一下和牛的肥膩度和牛很林而且肉汁能一一鎖住這客是黑松露燒春雞意大利飯 黑松露味十分出色，所以吃每一啖飯的時候，也有濃濃的黑松露味意大利飯上還有一點菇菌類除此之外意大利飯上放了四隻燒春雞脾， 因為春雞較嫩，所以雞肉都十分嫩滑juicy 外皮又很香脆這一餐雖然我們都覺得比較貴,但我們也覺得值得的因為這一次是我們是十週年好友的聚會，所以都想花多一點錢來享受一下不錯的環境，可以給我們靜靜地傾下少女心事，而且餐廳服務又很好，會為我們介紹一下菜式既特別之處。。是晚我們都過了一個既難忙又開心既晚上…查看更多

平日訂左位7點到唔洗等位但食食下到左8點幾發現成間餐廳都坐滿唔想黎到無得食最好BOOK 定枱店內環境較暗 有洋燭 好適合情侶黎-晚餐點SET配有湯,餐包,甜品 價錢大約$400-$500 一個SET-另外亦有二人套餐包埋紅酒/白酒/ 仲有生蠔同兩款前菜跟 呢個餐就$1288食生蠔配白酒本身唔食生蠔 得朋友食生蠔法國入口 $180/3 PCS店員介紹要由左邊順住食去右邊朋友話生蠔新鮮 三隻絕對唔夠食白酒就約$70杯 2014年自己叫左杯手工啤麥味重朱古力啤酒 女仔飲好易入口之後就黎餐湯同餐包餐包熱熱配黑醋同檻欖油一齊食 餐湯係磨菇忌廉 唔知有無記錯個湯好夠味 磨菇味唔會話強烈到蓋過晒其他味跟住就係香草生牛肉配火箭菜及巴馬巨芝士前菜個生牛肉食完一塊停唔到 加埋少少黑醋食幾夾牛肉切到薄薄一塊 超易吞 完全無根SET DINNER 的法式油封鴨肶配雜莓汁原來以為水果醬跟鴨肶一定唔夾點知意想不到地好食個肶好嫩滑 又好淋 幾本上都唔洗點切就可以叉到D肉出黎食呢個鴨肶又好大隻 食完已經飽由於兩個人驚叫兩個SET 食唔晒一個又好似太少最後加多個黑松露香煎帶子配意大利飯呢個黑松露飯好足料有幾何食黑松露飯真係會見到咁大片黑松露係面通常其他餐廳只係用黑松露醬整但係呢到唔係, 係真係一大片黑松露整成意大利飯整成配合香港人口味的口感 飯唔會太硬個忌廉同個黑松露好夾食落去個味慢慢出黎甜品芝士蛋糕賣相幾靚味道就正正常常…查看更多