Paper Moon

第一次食咁貴嘅餐廳🤭多謝小編朋友請嘅生日飯😆呢度嘅食物質素係好嘅，但主要係食個景，成晚有得望住個維港食飯感覺自己做咗上流人士😏一嚟就會擺低餐前麵包，雖然我唔鍾意橄欖但佢個橄欖包嘅橄欖幾清爽濃味都食得落口😂海鮮意大利飯嘅份量就真係細咗d，兩三啖就食晒，但醬同飯嘅配搭啱啱好，海鮮有蝦、帶子、青口，都新鮮嘅😗之後就嗌咗呑拿魚薄切，味道係薄嘅呑拿魚刺身加d酸酸鹹鹹嘅汁，非常開胃🤤重頭戲係穀飼牛柳⭐️煮得好夠淋同入味，牛肉咬落有咬口得嚟又唔會韌，配埋佢個胡椒汁有微辣醒神嘅感覺，薯蓉亦好滑🥰食完海鮮飯都唔夠飽就嗌多個pizza😂估唔到有驚喜⭐️佢嘅pizza係用嗰d傳統石爐烤焗，批邊都整得超級好食😆辣肉腸絕對係pizza經典，配埋佢嘅辣椒、洋蔥同薄批底，唔會太辣又夠晒惹味🔥士多啤梨酥餅係餐廳主打，見openrice好多人嗌，但食落冇乜驚喜，鬆脆嘅酥餅夾埋d吉士味嘅cream，覺得唔係好使試😂…查看更多

Dated back July 2020，一個星期五既lunch hour係海港城同朋友相聚，係Paper Moon先訂位，最後選擇左露天茶座。當日風和日麗，景色正不在話下，侍應生既服務態度亦超級好，主動走黎問你有咩需要，亦容許我地揀位🥰。睇完Menu揀左2個lunch set。首先，有餐前麵包，3款，可添。朋友選左好濃既南瓜湯，我揀左沙律，好好食，啲菜新鮮之餘，配埋脆脆既麵包粒有唔同既質感👍🏻朋友main course選左羊扒，賣相唔算太吸引。但你以為只係普通炸物？Nonono...我都試左一小塊，外脆內軟，調味適中，非常juicy，無得彈😋👍🏻👍🏻👍🏻我叫既Pizza Regina就失策喇，味道okay，但份量太多，亦略嫌有點油膩同埋太咸，食左兩塊已經非常飽滯，最後打包走人...😔個lunch set仲有配埋甜品同餐飲，賣相一流，味道不錯。總括而言，景色一流，但選擇露天座位需考慮會否太大風，吹到頭都亂埋...服務不錯，食物也有一定的水準，特別推薦羊扒（雖然唔係我叫，但諗起都想食😂）。…查看更多

平時你地同另一半會唔會特別在意去慶祝紀念日？我地就係好隨意，有時就算正日都冇特別慶祝，但有時見到個日子，想慶祝就慶祝，畢竟人生都係要有d儀式感🙊-今次我地就去左來自意大利🇮🇹米蘭既Paper moon尋找下儀式感，呢間餐廳W小姐之前都同朋友食過，就意外發現佢d pizza都幾好食，所以今次就帶埋pizza控H先生黎試下😊-餐廳既環境對於儀式感/慶祝節日係非常重要，呢間餐廳一大賣點就係佢冇遮擋既維港景色🌃，無論日頭定夜晚都係冇得輸既美景，可惜我地早左2個星期book都已經冇哂窗口位，所以大家想要靚景就真係要再早d book😉-🥑蘇格蘭三文魚牛油果青瓜他他 $188擺盤靚、砌得靚，但唔係得個樣，食落都好好味，有牛油果同青瓜，感覺好fresh，再加上三文魚既啖啖魚油，係唔錯既開胃菜😋-🍝Homemade Pappardelle 煙燻豬肉寛條麵 $208望落好似好少，但食落原來都幾飽肚，寬條麵係餐廳自家製，煮得岩岩好，口感比較煙韌，再加上上面爆香左既煙燻豬肉，幾得意，但份量可以再多dd😂-🍕Pizza Regina $228材料: 蕃茄、Mozzarella牛乳芝士、巴馬火腿、蘑菇、橄欖、Oregano奧勒岡葉用左來自米蘭既超巨型烤爐，即叫即烤既pizza都好難唔好食，但H先生就覺得冇wow一聲既好味，普普通通，不過不失🙂-🍓Strawberry Millefeuille 士多啤梨千層酥餅 $108千層酥入邊夾住唔少既士多啤梨同埋custard，口感有層次，有驚喜，仲要擺盤非常靚❣️，一定要相機食先📸-🇮🇹Tiramisu $118有層次既，有淡淡既芝士味既，mascarpone係creamy既，上層朱古力粉既份量適合既，但同樣W小姐都係覺得酒味唔夠，咖啡味亦都可以再濃郁d🤪-總括黎講，我地覺得Paper moon價錢算合理，環境氣氛都唔錯，如果可以睇埋維港美景就真係正，記得早d book，非常適合慶祝或者節日儀式感下😌…查看更多

歡送同事聚餐，特意選擇同事喜愛的意大利餐廳。Paper moon環境舒適，適合好朋友飯聚聊天，一邊享用美食 餐包有3款，配上橄欖油和黑醋，鬆軟可口 。前菜點了水牛城芝士配蕃茄，芝士的奶香配上蕃茄酸甜，勁夾 👍🏻主食點了招牌 Seafood Risotto，是全晚亮點，值得一試；Pizza Regina吃完仍意猶未盡；西冷扒肉質厚實。整體來說主菜都很對胃口，四人吃夠飽，人均消費不到400元。…查看更多

之前已兩次預早兩星期於PAPERMOON 訂枱都不成功今次第三次，預早一個月，終於成功訂到枱了。PAPERMOON 位於海港城LCX 最入位置⋯⋯⋯佔盡地利入到去，真係「嘩」了一聲，維港美景盡收眼底看了MENU，真的有點選擇困難，所以盡量選一些Signatrue 點完餐，先來一客「餐前麵包」暖暖的，非常鬆軟，朋友都食到贊不絕口，好味！！頭盤點了「巴馬火腿伴蜜瓜」雖然不是Signature 的菜色，但本人總覺得食意大利菜必食蜜瓜跟方間的不同，是切一片片的，我覺得跟一片片的Parma Ham 的夾，更易入口不過蜜瓜份量可以多一點更好！！「火箭菜伴番茄及巴馬臣芝士」小妹是非常鐘意食「火前菜」，喜歡其香味！！這個沙律的箭菜同番茄都好新鮮，一配上意大利醋，好味！！主角PIZZA 來了我不喜歡太花巧的PIZZA, 所以選了「番茄、水牛芝士、香草及醍魚」所造的PIZZA NAPOU第一塊熱辣辣，薄薄的PIZZA, 芝士拉絲的感覺好正！！但餅底就欠缺了「煙靭」的感覺。意粉選了「白酒蜆意粉」味道偏淡，不過不失還有「牛肝菌寬條麵」牛肝菌很香、寬條麵口感「煙靭」，味道不錯食西餐，一定要食埋甜品先CompleteTIRAMISU 絕對是必點除了賣相呃LIKE, 味道都非常好咖啡味很香、芝士打得很滑很滑，正！！「朱古力心太軟伴椰子雪糕」這個就一般啦！！心太軟朱古力味不重，椰了雪糕都亦沒有椰香。「蘋果批伴雲呢拿雪糕」肉桂味很香，可惜小妹不太愛肉桂愛肉桂的朋友就吃得高興吃飽飽，不要忘了走出露天地方影相，真係太美了！！…查看更多