坤記煲仔小菜

呢間餐廳主打以瓷煲同火山石炮製嘅煲仔飯，全部由老闆親自掌爐，亦有多款煲仔小菜🔥💗油鴨鴛鴦腸煲仔飯 ($145)煲仔飯混以三種米，先用猛火煲飯，飯粒乾透後再加配料，煮熟後再轉慢火焗熟，煮出來嘅飯粒粒粒分明，而且好有米香，飯焦平均分佈成個鍋底，焦香脆卜卜，淋埋甜豉油撈埋一齊食🍚臘鴨、潤腸、臘腸嘅油香滲哂入飯到，尤其潤腸食落好甘香帶陣陣酒香🤤💗白鱔排骨煲仔飯 ($125)豉汁白鱔肉爽肥美，完全無腥味同泥味🪱另外加埋同豉汁非常夾嘅排骨，好嫩滑而且唔會淨係得骨🐷💗臘腸滑雞煲仔飯 ($110)飯面舖上嫩滑嘅雞件，再加埋臘腸嘅油香令成煲飯更惹味🐔💗椒鹽鮮魷 ($118)鮮魷爽口彈牙，炸皮夠薄又夠金黃香脆，椒鹽惹味鹹香🦑…查看更多

當日接大佬放工睇側田演唱會之前，再幫襯當年服務同食物不成正比嘅坤記煲仔飯。18:00去到，成棚人大概2、30人企晒喺門口等位。好彩大佬係常客，當日喺度食晏時同啲樓面姐姐留咗枱。坐室內或室外，都係咁上下逼。當日天氣都涼，見好多人都點咗豬骨煲或者煲羊腩煲。我就叫咗一個白鱔滑雞煲仔飯同沙嗲牛肉粉絲煲。都唔洗諗個牛肉煲先到，香濃沙嗲帶少甜，花生味好出，牛肉係一貫滑牛貨，粉絲量都可以，事實係比出面普通酒樓好食。等咗9個字，冇錯係45分鐘個煲仔飯終於上枱，熱辣辣，香噴噴。白鱔大大舊，滑而不爛有彈牙感，味道鮮甜油香，冇一股泥味，真係一讚。滑雞普通。最緊要係個飯，好香唔會有爛飯，粒粒飽滿，飯焦呢個賣點梗係冇欺場，啱啱好香而脆口，焦香得嚟唔係𤓓味。其實食物真係值得推介，不過坐位唔享受，服務一貫作風。而且宜家涼涼哋，好多人去食煲仔飯，等候時間同等食物時間長，真係好得閑唔趕時間嘅不妨去食個煲仔飯。…查看更多

好多時，一間好食既餐廳，總會有佢自己既規矩，例如：用粗口鬧你，唔比相機食先，食得勁急⋯等等，正正就係因為想食好西既心情，會令人多左份突如其來既耐性！就好似今次介紹既《坤記煲仔小菜》咁，佢既煲仔飯個個愛食之人都一定聽過，所以佢只係會招呼預先Book位既客人，如果Walk in真係一位難求⋯不過其實打電話book位都好難嫁。同埋呢，屈小姐睇Mr.O 就有好多人都會話呢度既服務態度點點點，不過呢，將心比己，佢地其實都已經忙到踢晒腳，但都盡快幫你，難免有時會粗魯少少既，其實真心佢地都好helpful，呢度又唔係高西餐廳，只係一般茶餐廳，仲好接近大牌檔文化，坐膠圓櫈，圓木槢枱，有啲仲係路邊食添！今次賴生好有幸，(打第11次電話就通左 屈小姐表示極爆欣賞賴生既耐性) 可以訂到位，仲邀請到屈小姐同佢好姊妹一齊食，3個人可以叫多D野麻⋯！窩心小提示：1）想食既，朝早11點開舖時打去訂位2）煲仔飯係等你落order之後，新鮮用炭火由生米煮既，要預最少30分鐘先上枱，請比D耐性，美食係需要等待既!3)  如果真係肚餓既，預先叫定小炒⋯會比煲仔飯快好多上枱!我地今次叫左3個煲仔飯同1個菜！先黎個賴生情義結 - 窩蛋牛肉飯 $80 (4.5星）- 一打開煲蓋已經香噴噴，熱辣辣，加埋豉油仲要炸炸聲，再加上隻蛋黃勁靚，一搞落去蛋黃汁流晒入飯⋯⋯⋯你話點唔流口水？- 呢度個豉油仲要較得好好，甜度適中，又有豉油味，真係幫煲仔飯加唔少分！- 飯粒粒粒分明，底同側面既飯焦勁脆勁香，可以成塊起出黎之外！仲要唔燶嫁，係全部金黃色！！，口感超絕一流，勁好食！！ 仲要3個煲仔飯都有咁靚既飯焦！ 水準穩定！- 呢度個窩蛋牛肉飯唔係用牛肉餅嫁，係用新鮮滑牛，正！保留番牛肉原咪同質感，如果真係要比呢個飯一個缺點，就係牛肉可以調味重番丁點，令牛肉味更出！再黎：招牌野 - 白鱔鮮雞飯 $95 （5星）- 呢個飯比窩蛋牛更優秀，因為加入辣椒，豆豉同蔥花，比窩蛋牛更香更濃味，味道層次更深！- 白鱔係呢度既名物，真心好好好好食，超新鮮，用厚切，肉質勁彈牙，有魚味，而且充滿魚脂（所以屈小姐覺得比較肥⋯），但魚既油份滲晒入飯，D飯更香更入味！- 鮮雞做煲仔飯又係冇得輸，除左唔會有冰鮮雞既雪藏味之外，肉質更實淨，雞味濃郁，極配炭火煲仔飯，而且呢度用走地雞嫁，雞皮下面層脂肪係比較少嫁！跟住出場既係：白鱔排骨飯 $95 （5星）- 排骨肉位多，少骨！肉質仲比較淋，好易食⋯！調味亦出色，排骨帶蒜香得黎亦有豬肉味！係肥左少少 （對屈小姐來說XD)，但肥亦有個好處既，排骨既精華又滲入飯lu！美味滿載最後係：生菜鯪魚球湯 $70（3星）- 鯪魚球份量都好多，彈口既，不過唔點辣椒豉油食既話，味道就比較淡口⋯不過不失啦- 個湯都偏淡⋯！如果改用魚湯/加金華火腿會更佳！- 不過呢個湯拯救左就黎餓暈既我地！#列封第一煲仔飯#互相分享互相學習互相影響#天文台最後先準#我地都好好彩#開始去認識耶和華#了解自己了解對方#感覺良好#老夫老妻?! #熱氣sensor…查看更多

前陣子還熱得要命，經過數天大雨後，居然涼了點，難道秋天回來嗎？趁著微涼，立時有藉口吃煲仔飯。燒臘煲仔飯，大家的浪漫。油鴨、田雞、菜遠，加入豉油，焉能抗拒。煲底烘到燶燶的飯焦有可能不是絕品嗎？任何人都不會放過，我們更刮到一粒不留！熱辣辣食到汗流浹背都要食！…查看更多

呢間野真係好旺,見到好多人排隊,仲要有D 係遊客因為有BOOK位,所以等左5MIN就有位,GOOD~~今次得2個人食,冇得叫豬骨煲,有D 遺憾,不過好彩其他野食都好味基本上佢d 煲仔飯係好難唔好食,因為佢係燒到有飯焦先上ge,所以d 餸o既油同香味都有足夠時間比d 飯吸哂所以極之建議大家點一d 有臘味o既煲仔飯,因為真係好正~~不過都係呢個原因,所以要等好耐,最好就係等位時諗定食咩煲仔飯, 一坐低即刻叫,其他小菜坐低先慢慢諗都未遲霸王雞-上時係凍ge,不過d 皮好爽,攪到我唔係好食雞皮都忍唔住食哂,肉又幾滑唔錯炒白菜-冇咩特別臘腸排骨煲仔飯-好味椒鹽鮮魷-唔多粉,足炓,好味~下次一定要食到豬骨煲先~~…查看更多

除夕日放早, 天氣又開始凍, 所以決定試下西環聞名已久既坤記煲仔飯 見到各位食家既食評, 知道呢度訂位既重要性, 所以一早打左去訂位, 但老闆娘都話已經full左, 不過就話筆者果段時間應該都好快有位, 可以留左名先 坐叮叮去到附近, 見到"坤記", 望左兩眼, 發覺應該係新鋪, 新鋪要等位, 而且個老闆娘連應我地多一句都懶, 既然舊鋪叫做有訂位, 何不去舊鋪碰碰運氣呢?去到舊鋪, 人的確比較多, 不過好在筆者只係兩位, 加上真係有打過電話黎, 所以都算快有位坐, 再見d無訂位既人黎, 老闆娘好直接話無訂位既今日唔駛等了只係叫左枝竹羊腩煲 & 臘味滑雞煲仔飯, 始終兩個人眼闊肚窄...枝竹羊腩煲 - 話咁快已經黎到, 一路係你檯面煲, 味道嘛, 羊腩切得細件入味, 羊亦都有羊味, 唔會太羶配料有馬蹄, 枝竹, 係岩岩滾既時候大家要試一試啖湯, 筆者覺得唔錯的見到有食家話羊腩煲細, 其實兩個人食已經好夠臘味滑雞煲仔飯 - 煲仔飯等既時間比較長, 可能因為order多 & 即煲既關係筆者開頭既諗法係, 等埋個煲仔飯黎一齊食羊腩 & 撈汁, 所以一直慳住食羊腩, 呢個諗法係個煲仔飯黎左之後就發覺完全係錯誤煲仔飯好香, 完全唔駛撈羊腩汁, 撈左反而無左煲仔飯既香味, 醬油係最好既配搭女朋友教, 撈左之後唔駛急於翻d飯, 等個底繼續燒d飯焦出黎, 所以由中間開始食坤記煲仔飯既雞, 應該係醃過的, 而佢既臘味亦都唔錯, 飯香滲住臘味既油脂, 我未食過其他配搭既煲仔飯唔敢講, 不過我相信臘味滑雞應該呢度係最好之一到飯焦時間, 真係香, 佢唔似後你出面食既煲仔飯, 係就係有飯焦, 但黐實晒係個煲度, 硬到食唔到, 佢既飯焦就食到啦, 唔知係咪因為炭爐既關係呢最後, 因為我地坐四人檯, 同檯為另外一對幫襯左多年既街坊夫婦, 佢地好好人咁請左我地食一隻薑蔥生蠔 (唔錯, 隻蠔有味得黎唔會太熟), 亦介紹話佢既貴妃雞一絕, 可能佢既煲仔飯太出名, 尋常餸菜反而無咁多人叫, 有機會真係要試下呢佢地亦到同我地講, 新鋪無舊鋪咁好食, 舊鋪老闆娘平時唔會咁好心情 (指下午筆者訂位, 明明無晒都幫我留), 慶幸無去新鋪之餘, 亦慶幸同檯有緣一齊食飯既一對好夫婦, 立刻覺得當日真係有食神呢…查看更多