MOO MOO Plus (百德新街) (已結業)

復活節個陣無去戶外，係銅鑼灣行下街經過呢間係海旁嘅酒吧🍻室內可以睇住足球直播，室外就可以睇住海咁傾下計，好多人都係到同朋友傾計呢😎🔸美式之堡（HK$128）Burger都有好幾款選擇，呢個美式有齊安格斯牛肉、煙肉、芝士以及番茄🧀留意返就咁叫係無薯條，係要額外叫架🙈不過都有啲沙律菜清下油膩感，Burger用嘅係BBQ醬，全部一齊食都唔會覺得太鹹🍔🔸食肉獸pizza （HK$128）上網見到好多人影個pizza都有拉絲芝士，叫左呢款有好多肉做材料嘅款式😀包括香腸、意大利辣肉腸以及肉丸，食落都好有肉嘅香氣。而且芝士真係幾多，配埋番茄醬都唔錯呀🍕

最近sogo大減價, 掃完平貨之後周圍搵野食, 搵到呢間個樣望落唔錯就去食下!上網睇過下佢既介紹, 食burger出名, 就叫左1個經典之堡!包唔算好大, 但夠1個人份量!麵包好軟熟, 壓過下個包都會自已彈返上黎。餐牌上寫用安格斯牛肉, 牛肉真係好juicy, 而且烤得幾香!加埋其他現配菜, 好食!另外叫左食肉獸pizza同雞翼拼盤。pizza係用薄脆批, 可以食多塊都得!食肉獸pizza當然有唔少肉, 有香腸、意大利腸、肉丸。雞翼拼盤有分8隻(可以揀2隻味) 或12隻(可以揀3隻味) 呢到有5款味道:水牛城雞翼咸蛋黃雞翼照燒雞翼燒烤雞翼南乳脆皮雞翼我就揀左12隻, 味道就有水牛城雞翼、照燒雞翼同南乳脆皮雞翼。個人覺得比較咸左d, 不過幾大隻幾多肉。