古琴雅苑 (QRE Plaza)

5月20日這特別日子帶家人到這家以片皮鴨馳名的餐廳吃晚餐，算是灣仔區中特色京滬菜餐廳。🏠餐廳： #古琴雅苑 (QRE Plaza)📍地址： 灣仔皇后大道東202號QRE Plaza 19樓#烤北京填鴨半份片皮鴨份量都相當多，配搭10片餅皮以及6款片皮鴨配菜（青瓜、蜜瓜、京蔥、白糖、梅醬、甜麵醬），包起來吃特別有感，中和鴨油香味覺。#風味松子魚松子魚也是相當考廚師功架的一道菜，也是京滬菜必叫菜式。酸酸甜甜的醬汁，配合香炸脆口的鱸魚，立即垂涎三尺，配搭細粒的松子吃起也相當風味。#至尊拼盤這個拼盤包含餐廳多款招牌菜式：花雕醉雞、雞絲粉皮、揚州水晶肉、四喜烤麩、醃青瓜，一個拼盤可以品嚐多款味覺都非常吸引。#木桶包菜飯最後再叫特色主食，以木桶裝上炒飯，感覺都有家鄉感覺，配搭其他菜式一同進食更加美味。餐廳在5月6月有個雙親節套餐優惠「淮揚美饌頌親恩」，至尊拼盤$218便是其中一優惠，還有其他多人套餐、美食適合6月父親節訂座優惠！…查看更多

又到星期日，喺個要周圍搵食的日子。古琴雅苑嘅片皮鴨聞名已久，終於今晚齊人可以一起去試食。本來想去尖沙咀嗰間分店，但係book位時已經滿座，於是乎轉軚去灣仔呢間古琴雅苑食。全家人都鍾意食片皮鴨，為咗滿足食慾，我哋就嗌咗全隻。除此之外仲嗌咗四、五樣已經好耐冇食嘅京滬菜。烤北京填鴨（全隻）$388要全隻片皮鴨嘅決定做得一啲都冇錯。因為係全隻鴨，所以所有嘅配料同捲餅都打孖上，啲鴨肉亦都分別擺在兩隻鴨子造型的盤上，望落去覺得幾得意。因為係聞名已久，所以對佢有頗高期望。包好一份烤鴨一啖咬落去，嘩，真係名不虛傳，正啊！卷餅鬆軟，包住酥皮鴨肉，加上有哈密瓜在內嘅配料，食落口感清新，一啲都唔感到肥膩，仲非常有滿足感，係我哋喺香港食過最好味嘅北京烤鴨。無錫脆鱔 $98呢個無錫脆鱔係個功夫菜，以往食得太多炸咗出嚟變成黐埋一舊或一啲都唔脆嘅，呢度嘅師傅功夫好，將啲鱔炸得脆卜卜，加上味道調得適中，連平時唔食鱔嘅妹妹都讚話Ichi-ban!農家醬爆羊肉 $148呢碟餸师傅炒得夠火候。佢偏重口味，啲羊肉係鮮嫩嘅，同埋甜椒、木耳一齊炒，仲落埋鮮蝦（以前食呢味餸從來冇見過落蝦嘅）。可能係因為我哋冇嗌白飯，就咁食覺得稍為鹹咗啲。風味松子魚 $245呢個係我嘅至愛，疫情三年幾來第一次食松子魚，條魚炸得香口，唔厚粉，加上啲甜酸醬，食落非常開胃。味道方面稍為偏甜，我覺得落少三份一嘅糖都應該OK。四喜烤麩（網上訂座優惠，送嘅）味道都唔錯，但係似係喺雪櫃啱啱攞出嚟，所以凍冰冰，要減咗啲分數。砂鍋腌篤鮮 $188呢個湯係上海人家嘅家常菜，但係做得好並唔容易。有啲人做出嚟不單止冇個鮮味，仲咸到攞命。呢間餐廳嘅腌篤鮮做得好，湯底濃郁，食得到筍、臘肉同各種肉類嘅鮮味。個湯咸味適中，加埋百葉結索咗湯汁，係我飲過嘅腌篤鮮中的佼佼者。今晚尼餐連茶芥服務費，埋單千二蚊。咁嘅價錢可以食到咁高質素嘅晚餐，真係物有所值，呢頭至食完就已經諗緊幾時返嚟再食啦！…查看更多

母親節👵🏻過咗冇耐，話咁快就要踏入六月，係時候準備定父親節🧓🏻食咩啦！同雙親食嘅話食中菜就安全，古琴雅苑主打京菜同滬菜，菜式唔油膩，份量適中，人少少都可以食到多款菜式，而且環境清幽，坐得舒服，幾適🈴️同兩老黎用膳。🌖烤北京填鴨（半隻）$188呢度嘅北京填鴨🦆有純鴨皮同皮肉相連嘅食法，純鴨皮係全隻鴨最厚皮嘅鴨胸位置，半隻北京填鴨只有五件鴨胸皮，店家建議蘸砂糖/蜂蜜黃梅醬食用。鴨皮烤得鬆化無肥膏，配上砂糖口感特別，入口即溶🤩；皮肉相連部份唔會乾柴亦唔會太肥，放於薄薄嘅鴨卷餅上，配上青瓜/京蔥/哈密瓜等配料，加入京醬或蜂蜜黃梅醬，多種配料同醬汁可以配搭出多個組合，令每件鴨卷都可以有微小嘅分別唔會食到悶。以上配料同醬汁均可免費添加，就算放曬所有配料都唔怕去一件鴨卷上都無後顧之憂🤪。🌖至尊拼盤 $198拼盤由五道冷盤前菜組成，分別為花雕醉雞、雞絲粉皮、烤夫、青瓜、肴肉，每道分量少少，食多幾款都唔怕食唔落其他菜式。花雕醉雞表皮偏薄又爽滑，雞肉嫩滑，酒味適中唔會太重；雞絲粉皮醬汁充足，粉皮順滑，雞絲唔乾，如加入清瓜絲加添口感會更好；烤夫入味，味道恰到好處，唔會過鹹；青瓜爽脆，外皮唔會巉口；肴肉晶瑩，果凍嘅質感內又帶有咬口。🌖南翔小籠包 $68皮薄多汁，一上枱就可以放入口，唔會過熱；一籠六件，下面有甘筍墊底，避免小籠包黐住底紙，美中不足係蒸籠太細，容易與相鄰嘅小籠包交疊，夾起時有機會整穿小籠包致湯汁漏出。🌗風味松子魚 $238桂花魚去骨後，以花刀切肉，撲粉後油炸，炸後膨鬆成瓣，狀如松果；味道偏酸，放耐左醬汁會變得杰身稍為黏口，記得要趁熱食。🌗蟹羔蓋飯 $198炒飯粒粒分明，炒得乾身唔油膩，蟹羔芡汁濃稠度適中，唯味道容易被炒飯蓋過，較適合配搭白飯。🌗杞子桂花糕 $48超！級！大！件！一碟共有三件桂花糕，每件較平常size大三份一！質感挺身，甜度較輕，另附桂花糖漿可自行調配甜味👍🏻。🌖羅漢凍 $38羅漢果茶就飲得多，羅漢果凍真係第一次食！果凍晶瑩剔透，放係短腳扁身玻璃杯上更顯高貴：羅漢果味濃郁，甜度恰到好處，質感輕柔，放入嘴後用舌頭輕抿一下即散於口腔內；面頭鋪有火龍果粒同哈蜜瓜粒，為果凍增添色彩及口感。整體味道清爽，適合夏天食用。…查看更多

屋企人鍾意食粵菜，知道古琴雅苑呢度出左個「雙親節 淮揚美饌頌親恩」既主題菜單，帶兩老黎食餐好既慶祝下雙親節❤️因為好多款小食都想試下，頭盤就叫左雙親節淮揚美饌既至尊拼盤～五道小菜有雞絲粉皮、水晶肉、烤麩，醉雞好滑好入味，刀拍青瓜睇落普通但食落出奇好味～有驚喜！呢度出名北京烤鴨，3個人叫左半隻試下～上枱已經好吸引，用隻鴨狀既碟鋪番d鴨片擺得好靚！仲附送左個一口酥，係好香脆既鴨皮，加d砂糖食好香口🤤包鴨既配料有我最鍾意既哈密瓜，配料同醬料仲可以免費加添，最貼心係d面皮每塊都用牛油紙隔開，唔會痴埋一堆好易拎👍屋企人鍾意食魚，係酸菜魚同松子魚之間揀左考功夫d既松子魚～條魚好大條，魚身起左骨炸到外脆內軟，啖啖肉唔怕哽骨😋最後叫左桂花糕做甜品，清清地換個口感，解解食完烤鴨既油膩感。呢度無論野食、環境同服務都唔錯，值得一提既係佢地既荔枝玫瑰茶好好飲，有別於平時酒樓叫到個d茶，好有荔枝香氣，好推薦👍…查看更多

秋風一起，鴨子就到了最肥美的季節，今次就是為了北京填鴨而專程來到位於灣仔的古琴雅苑。餐廳裝修以木色系為主，一洗中菜館的俗套老氣。餐牌選擇繁多，供應一系列京滬淮揚美饌。踏入初秋，餐廳推出以「金秋.蟹逅」為主題的多款時令蟹粉菜式及套餐。茶錢每位 $13，前菜收費為$15一碟。雞絲粉皮 $75清爽的雞絲粉皮拌上香滑的芝麻醬，冰涼又開胃。透薄粉皮晶瑩剔透，點上濃郁麻醬，口感滑溜溜，別有一番風味。烤北京填鴨 $188 半隻北京填鴨是這裡的招牌菜，當晚看見差不多每枱都有點，我們專程來到又怎能錯過呢？！雖然只點了半隻，但份量也不少，足夠四人享用。烤鴨以傳統掛爐烤製，新鮮出爐，鴨皮燒至赤紅色，閃亮發光，難得外皮保持酥脆口感，內裡肉質鬆軟。附上青瓜、京葱、哈蜜瓜配料，可沾砂糖、京醬或秘製蜂蜜黃梅醬，解除油膩感之餘，口感層次豐富。餅皮軟綿煙韌，包著味濃肉嫩的鴨肉和豐富配料，一口咬下唇齒留香。風味松子魚 $238松子魚這道名菜歷史悠久，將酸甜醬汁與炸酥的松子魚相搭配，形神俱備，糖醋醬汁色澤艷麗，伴以菠蘿、青椒、紅椒、炒香的松子仁等，酸甜可口，叫人食指大動 。炸得外脆內嫩的雪白魚肉，火候控制得恰得好處，伴以酸甜開胃的糖醋汁，不會過酸或過甜，濃稠得宜，即時令人胃口一醒，而且已經去走所有魚骨，每口都是啖啖肉。蟹粉扒豆苗 $158翠綠豆苗拌以金黃奪目的蟹粉，彰顯當中的甘香鮮味。秋冬季節同樣是豆苗當造期，清嫩豆苗滲入油香豐腴的蟹粉香，味道一拍即合。瑤柱蛋白炒飯 $99蝦肉渾圓飽滿，入口爽彈，炒飯炒得甚有鑊氣之餘，亦富有蛋香。飯粒炒得粒粒分明，軟硬適中，不會黏作一團。高力豆沙香蕉 $58外型脹卜卜的高力豆沙灑上糖霜，發脹得如一個渾圓的金黃小雪球。入口質地如棉花般軟柔卻富有彈性，綿密的豆沙內餡甜而不膩，盡是滿滿的甜蜜滋味。…查看更多

剛剛過完中秋，又是食蟹粉的季節！金黃色的時令蟹粉菜式、皮脆肉嫩的北京填鴨、風味獨特的京滬美食，各式各樣的經典的菜式一一呈現眼前。來到古琴雅苑，怎能不吃烤鴨？在用餐區內隔著玻璃窗可以看到㕑師不停地為客人準備新鮮出爐的片皮鴨，正因為這裡的烤鴨是每枱都必點的菜式。近期推出的金秋.蟹逅套餐，除咗有烤鴨外，還有蟹粉菜式和京滬的經典美食，套餐分別有二人、四人、六人以至八人皆齊備，而各款套餐的價錢更包括茗茶和加一服務費。我們一行四人點了一個四人套餐A（HK$1218）：⏺花雕醉雞⏺雞絲粉皮⏺香菜鮮魚羮 或 津白雲吞湯⏺烤北京填鴨（半隻）⏺黃魚燒年糕 或 風味松子魚⏺蟹粉賽螃蟹 或 黃金明蝦球⏺金腿濃湯津白 或 乾煸四季豆⏺古琴鹹肉菜炒飯 或 上海粗炒麵⏺茗茶四位⏺杞子桂花糕花雕醉雞從雞皮至雞肉都充滿著花雕酒的香氣，酒香芬芳，酒味醇厚。雞絲粉皮三款材料：雞絲、青瓜絲和粉皮配合芝麻醬，簡單得來又很美味，是不少人的至愛涼拌菜。香菜鮮魚羹吃了兩款涼菜，來一碗熱呼呼的拆肉魚羹，鮮甜不膩又暖胃。烤北京填鴨（半隻）掛爐烤製的北京填鴨，皮脆肉嫩，肥而不膩，配合兩款食法：驚喜推介：用砂糖沾在淨鴨皮上，砂糖的甜味和鴨油的香氣混和在口腔內, 齒頰留香。吃完驚喜推介後，把青瓜、京葱、哈密瓜放在鴨卷餅上，配合京醬、蜂蜜黃梅醬令鴨卷味道更突出，豐富的滋味讓人忍不住一捲接一捲地吃不停！風味松子魚這個已起了骨的松子魚，魚肉𠝹花並炸至甘香酥脆，配合酸甜的醬汁和松子仁，十分開胃，老少咸宜。蟹粉賽螃蟹白滑的賽螃蟹舖上一層誘人的金黃蟹粉，令這道本身清淡的菜式頓時增添豐膩，鮮甜和甘香。金腿濃湯津白津白清甜，配合金腿濃湯的鹹香，一濃一淡，相當合拍。古琴鹹肉菜炒飯炒飯的飯粒分明，簡單加入鹹肉和菜粒，味道已很足夠。杞子桂花糕中式杞子桂花糕，Q彈的口感，甜而不膩！餐前小食（$15）InteriorMenu…查看更多

今晚和家人在灣仔吃中菜，餐廳已有不少顧客。餐廳裝潢以木系為主調，木制桌椅配配以木制條紋裝飾，播放著中國風的音樂，頗有雅味。餐廳有不少中菜，有海鮮、烤鴨等，也有不少套餐選擇，選擇不少。茶水$13/位，餐前花生$15碟。⭐️烤北京填鴨$188填鴨的配料有京蔥、哈密瓜、青瓜、糖等。填鴨皮帶肉一切，頗有厚度。配上烤鴨的餅皮，餅皮十分柔韌，入口軟綿綿的，配上烤鴨肉，鴨肉沒有半點肥肉，只有油閃閃的鴨皮，很有飽腹感。⭐️風味松子魚$238松子魚幾乎是每檯每檯必要的菜式。松子魚炸得酥脆，淋上甜醬，魚肉不少，入口魚肉柔嫩，香甜可口。⭐️蟹粉豆腐$188我們最喜歡這道蟹粉豆腐，香淡的蟹粉伴著絲絲蟹肉，加上香滑的豆腐，伴飯都是上佳的選擇。…查看更多

典雅的裝修，環境舒適，最適合與親朋好友相聚品嚐一下京滬菜，我們一行四人，懶得諗掂乜嘢菜，索性點一個夏日嚐鮮set A 四人餐($1218), 有曬必試的北京填鴨和風味松子魚，已經包埋茶位和加一， 抵食中菜第一步：揀茶，呢度嘅特別茶款有玫瑰荔枝，以紅茶作基底，充滿幽香的玫瑰荔枝味，必試，還另外點了一壺桂花烏龍，桂花味唔算好濃，烏龍夠靚前菜冷盤花雕醉雞和雞絲粉皮，到水準，合格湯類點了香菜鮮魚羹，一大鍋可以分成五小碗，打芡做得好，稠度適中，內有魚肉和應該也有一些蟹肉， 品嚐得出鮮甜烤北京填鴨半隻，鴨肉軟滑，刀功幾好，每一片的肉和皮比例適中，唔肥， 不過略嫌鴨皮唔夠酥脆重點菜風味松子魚，吃的不單是味道還有師傅功夫 ，在鱸魚身上片出刀花，蘸炸漿再炸膨鬆成瓣， 淋上甜酸醬汁，這道菜我比較少吃， 吃罷覺得很醒胃，酥脆甘香， 有很實在很滋味的感覺， 咁大條魚，要同幾個朋友一齊食，先ko到佢個餐仲包含其他菜式， 分量真係好多， 食到一半要中場休息一下京醬爆肉絲配荷葉包， 微甜，又幾好食喎乾扁四季豆，做到又乾又扁既standard，合格古琴鹹肉菜炒飯， 呢個炒飯其實好簡單，冇乜太多花巧嘢， 鹹肉味都唔係好出，不過反而好多蛋，蛋香好濃，唔錯甜品杞子桂花糕，味道淡，有待改善…查看更多

終於試到呢間人氣北京填鴨店一入到去環境非常舒服今次叫左好多唔同款嘅菜式不過有機會都會再去試埋其他推薦菜🔥🐤 烤北京填鴨 半隻 ($188)重點主打北京全聚德傳統烤北京填鴨 掛爐方式去烤 食落口真係皮脆肉嫩 超級香嘅油脂味🤤食烤鴨一定要加上清新嘅配菜好似哈密瓜就比較特別仲有佢地秘製嘅蜂蜜黃梅醬和京醬咁樣絕對可以減輕油膩感🔥另外仲有一小碟一口酥其實就係片皮 揀左烤鴨最脆嘅部份 點砂糖食真係好正🤍重點想讚一讚塊皮 上左枱一陣都仲係熱辣辣 仲要好煙韌💯🐟 風味松子魚 ($238)鍾意食咕嚕肉就一定會鍾意呢個醬汁松子魚炸得好香脆 糖醋汁極開胃😋🦀️ 蟹粉撈麵 ($168)蟹粉味道唔夠濃 同出邊食開嘅有啲唔同而且麵質比較淋 同埋食落油膩感好重呢個有好大嘅進步空間💪🏻🦐 黃金明蝦球 ($188)蝦球好爽口彈牙 亦都鋪滿晒鹹蛋黃去炸可惜蝦球非常鹹 食一舊要飲好多茶先解到😭🍲 砂鍋醃篤鮮 ($168)呢個湯都幾有驚喜 充滿着鹹鮮味道用左鹹肉鮮肉同埋冬筍去燉令到鮮味更加出 湯底非常奶白🤤🥢 精美四小拼 ($168)揚州水晶肉同花雕醉雞味道唔錯醉雞肉質非常嫩皮帶有一層透明啫喱😋水晶肉晶瑩剔透入口開胃…查看更多

一家人食飯最開心🥳佢地鍾意食鴨子🦆今次就揀咗灣仔嘅古琴雅苑 先來茶 $13/位 可揀普洱、香片、玫瑰荔枝、桂花烏龍 😋😋😋揀咗玫瑰荔枝，荔枝香味馥郁，好fresh 好清新☕️古琴酒糟烤北京填鴨 $185 半隻烤鴨皮脆肉嫩，油分甘香。除咗京醬、京蔥同青瓜，特別嘅係佢配埋砂糖、蜂蜜黃梅醬同哈密瓜，呢個食法好西式，法國菜嘅油封鴨都係配橙/黃苺醬，哈密瓜令我諗起Parma Ham..感覺好Fusion，好新穎，我鍾意❤️醬料配料完全中和左油膩感覺，做到肥而不膩👍🏻 （4.5/5）風味松子魚 $238 用嘅係鱸魚🐟絕對係功夫菜魚肉尚算嫩滑，不過鱸魚魚肉始終比較實，配埋糖醋醬酸酸甜甜，幾好味😋一定要趁熱食，再食第二舊已經凍咗淋咗（4/5）清炒鱔糊 $168 呢個真係要讚👍🏻鱔條好粗，好肥美，識落真係好爽口彈牙，呢個唔會有太多醬汁張住，但又好入味，真係有驚喜 （4.5/5）蝦苗鹹肉炆蘿蔔 $138好驚喜😋蘿蔔充滿着蝦嘅香味，好入味，鍋子好多蝦乾同有少量鹹肉，只有六件，有點不夠喉 （4.5/5）蟹粉撈麵 $168 兩位用蟹肉好細碎，蟹膏油香就好夠，但膏香就欠奉，我諗緊係唔係因為未到食蟹嘅季節呢🤔加咗少少浙醋就即刻有feel, 頂下癮先 （3.5/5）南翔小籠包 $62/ 6 粒小籠包嘅皮比較厚，但入面好多湯，肉汁鮮味 （3.5/5）甜品：羅漢果凍 $38幾特別，用羅漢果整果凍，甘甘甜甜，唔落糖漿其實係唔甜😂啱晒我 （4/5）記得book位，佢哋都幾旺場下真係值得一試！佢仲有個雙親節套餐添…查看更多

港島吃貨系列🎏 — 古琴雅苑✨ 男士見家長必到🤣#90cp中菜篇 #90cp灣仔篇➖➖➖➖➖唔知有冇男士見家長嘅時候諗唔到食乜呢😂 去傳統酒樓可能又覺得太old school 但係又唔想有失體面 諗起都覺得頭痕🤢 近排小編就嚟咗呢一間出名食片皮鴨嘅餐廳 位於灣仔利東街附近 無論係地理位置或者係餐廳格調一啲都唔失禮😌 食完飯仲可以去利東街影埋相🤣美味指數 😋: ⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️(五粒星為滿分💯)✨ 烤北京填鴨 (半隻) $185嚟到當然要試吓佢嘅北京填鴨🦆 食主菜之前佢會有個 “一口酥” (其實即係鴨嘅皮) 佢係配砂糖同埋酸梅醬一齊食 食落酸酸甜甜 口感極之鬆化 入口即溶😎 而主角片皮鴨雖然淨係叫咗半隻 但都算多肉🤤 比較有驚喜係配佢嘅酸梅醬加哈密瓜 成件事好清新 酸酸甜甜 食得多都唔怕漏😍 呢個絕對係必叫嘅菜式！🔸 風味松子魚 $238如果你鍾意食酸野 呢碟松子魚配飯啱晒你😌 賣相望落已經好吸引 食落佢個魚都煮得唔錯 而且冇骨食落啖啖肉 酸酸地愈食愈開胃😋 個汁拎埋嚟送飯真。冇得輸！🍵 桂花烏龍茶 $16值得一提嘅係佢嘅茶都幾特別 出邊普通茶樓比較少有機會飲到呢個桂花烏龍 🍵🤔 飲落去嘅味道都幾似菊花茶 而且都唔會太濃 嚟到不妨試吓呢個😆💰Total: $528小編2個人嚟就未必食到太多 不會如果真係多人嚟食 又或者要見家長🤨 其實可以選擇叫佢呢個 “春日尋味 歡聚古琴” 餐牌嘅套餐😎 佢入邊大部份嘅套餐都已經包左半隻鴨 配上唔少嘅小菜同埋鮮魚羹等等 都唔錯㗎🤪✅ 環境非常寬躺舒適 同朋友或者同屋企人嚟食飯慢慢坐下嘅好選擇😚👍🏻💡溫馨提示💡食完埋單之後 小編見到收據嗰度有一張$50嘅coupon😌 如果大家想翻兜 就記得留住張收據🤪➖➖➖➖➖📍 古琴雅苑 (QRE Plaza) (灣仔)灣仔皇后大道東202號QRE Plaza 19樓…查看更多

𝘡𝘪𝘵𝘩𝘦𝘳 𝘎𝘢𝘳𝘥𝘦𝘯 @ 𝘸𝘢𝘯 𝘤𝘩𝘢𝘪 - 𝘉𝘦𝘴𝘵 𝘳𝘰𝘢𝘴𝘵𝘦𝘥 𝘗𝘦𝘬𝘪𝘯𝘨 𝘥𝘶𝘤𝘬 𝘦𝘷𝘦𝘳🦆💚新春將至 想食片皮鴨嘅心癮又起 醒起之前同朋友試過嘅一間淮揚菜館 決定喺新年前再次到訪 獎勵自己😽餐廳環境整潔明亮而且服務周到 上菜前已經準備好每人一對膠手套同一包濕紙巾 以免進食片皮鴨嘅時候整污糟雙手🙌🏻•𝘙𝘰𝘴𝘦 𝘓𝘺𝘤𝘩𝘦𝘦 𝘵𝘦𝘢 $13 𝘱.𝘱.餐廳提供多款茶款任君選擇 哩款名為「瑰麗堂煌」嘅茶非常特別 清甜荔枝配以淡淡嘅玫瑰香 有消濟解膩嘅功效•𝘙𝘰𝘢𝘴𝘵𝘦𝘥 𝘗𝘦𝘬𝘪𝘯𝘨 𝘥𝘶𝘤𝘬 (𝘩𝘢𝘭𝘧) $185店員會先上五小片淨鴨皮「一口酥」即係全隻鴨最脆最薄嘅位置 並建議我哋可以蘸上砂糖/黃梅醬進食💚食落非常酥脆 入口即化亦唔會過膩！片皮鴨配料比坊間唔少餐廳都多 包括有傳統京醬、青瓜、京蔥、哈密瓜、黃梅醬、砂糖同鴨卷餅😻片皮鴨厚薄均勻 皮脆肉嫩 肉嘅比例亦唔會過多 個人認為配以哈密瓜、青瓜同京醬 再用熱辣辣嘅餅皮包住所有材料 一口咬落去係最正嘅食法！😌•𝘋𝘦𝘦𝘱 𝘧𝘳𝘪𝘦𝘥 𝘧𝘪𝘴𝘩 𝘸𝘪𝘵𝘩 𝘴𝘸𝘦𝘦𝘵 𝘢𝘯𝘥 𝘴𝘰𝘶𝘳 𝘴𝘢𝘶𝘤𝘦 $238對上一次食松子魚已經係三年前去上海交流團嘅時候試 難得見到餐廳有風味松子魚 當然要試試佢喇！魚肉炸得非常鬆脆 炸粉厚薄度平均 配以大量菠蘿、番茄、松子同青椒 擺盤精緻 味道甜甜酸酸好開胃！成條魚已經起左骨 所以食落啖啖肉 用嚟送飯一流啊！#𝙛𝙚𝙞𝙜𝙡𝙤𝙧_𝙚𝙖𝙩 📍 古琴雅苑 (QRE Plaza) (灣仔)灣仔皇后大道東202號QRE Plaza 19樓…查看更多

灣仔近利東街有間高質京菜餐廳，以傳統正宗烤北京填鴨為名。價錢合理質素很不錯！這裡的中式茶幾特別，除了一般的茶外，還有玫瑰荔枝、桂花烏龍，花味好出好香，誠意推薦試試特色茶！烤北京填鴨 (半隻) $185烤北京填鴨每隻大約2公斤重，片皮鴨每片都厚薄均勻，皮少肉比較多，皮烤得幾脆，脂肪比例很少，不算油膩，肉質幾嫩。烤北京填鴨配料有青瓜、京蔥、哈蜜瓜、鴨卷餅，而醬料就有傳統京醬和蜂蜜黃梅醬。可因個人喜好選擇配料進食，個人推介京蔥、哈密瓜跟蜂蜜黃梅醬包住食，味道幾fresh好特別！風味松子魚 $238一道好巧刀功的菜，魚肉預先起了骨再炸，炸粉不厚，魚肉幾多幾結實，可以啖啖肉地食！以甜酸醬汁煮成的松子魚，魚肉有輕微鬆脆感，甜酸醬汁配以菠蘿、橋頭蒜、松子粒等，好開胃！黃金明蝦球 $188黃金蝦球以蛋黃炸香蝦球，好濃鹹香味，但不會好鹹，另外以蒜芯來一拼炒蝦球，所以有淡淡蒜香味！大大粒蝦肉好爽口彈牙！香蕉高力豆沙 $58個人最喜愛的甜品，外面炸得好脆。內裡有香蕉和紅豆沙蓉，紅豆沙蓉做得不錯，做到起沙的口感，而且不會太甜。因為食到我們是最後一檯人客, 所以可以拍到沒人的內部環境照!不過由於現時晚市禁堂食關係, 這裡2:30pm廚房師傅便收爐, 因為我1:30pm先去食, 所以上菜好快, 而且人手不足, 待應只有1-2個, 所以很多時想叫人都要等, 希望這點可以有點改善!…查看更多

新年快到，今晚好開心約到一班朋友仔食團年飯。 朋友仔想食片皮鴨，所以今晚選擇了灣仔QRE plaza的一間淮揚菜館，古琴雅苑，食晚飯。餐廳是可以訂位的。 臨近新年最好先訂定位。 新春期間餐廳有一個訂位優惠， 五位以上訂座及至少一天前要交500元訂金可免費享用藥膳花雕醉雞鍋一份。 我們一行六人，剛好享用了這優惠。餐廳的裝修不是想像的傳統中式，反正是帶點簡約。餐廳中間的玻璃開放式廚房和模仿古式石烤爐的裝飾就比較搶眼。為免大家要動腦筋單點菜式，我們簡單來了一個金玉滿堂六人套餐 ($1798 包茶錢)。這個套餐很豐富，六至七人食也足夠有餘。六人餐首先有冷盤三款。雞絲粉皮 這個味道一般沒有特別松花皮蛋豆腐豆腐很滑溜，皮蛋比一般的香口。不錯。花雕醉雞醉雞酒味不算濃， 但雞肉很嫩滑也很入味。宋嫂鮮魚羹羹內有筍絲，冬菇絲，蛋絲和少量魚肉。羹帶酸味，酸味蓋過其他材料的味道。這個不推介。烤北京填鴨全隻份量不少，鴨味不算很重，但勝在皮脆肉嫩，脂肪不多，不會太膩。北京填鴨還配兩籠薄餅皮，蒜，青瓜和蜜瓜條 (蜜瓜條平時真的較少見）。薄餅皮上枱仍是熱辣辣的，每塊餅皮中間都夾著一片牛油紙，容易一塊塊取出。朋友提議了一個不錯食法，就是薄餅皮內放入至少四件片皮鴨，雖然有點誇張，但食落鴨肉味重一點確是更好味， 不妨一試。蜜汁燒火方 配荷葉包六件蜜汁火方味道很好，火方很香，蜜汁不算太甜，配荷葉包很夾。荷葉包即饅頭，中間開邊用來夾火方。這道菜最好食，推介！風味松子魚魚肉先開花再炸，賣相很好而且很鬆脆。加上淋在魚上面的甜酸醬，香口之餘味道也很好。推介！十三香農家雞賣相有點像蜜餞，但原來這個雞非常辣，縱使沒有吃到辣椒，醬汁也很辣。愛辣的朋友應該會喜歡，其實味道是不錯的，很惹味，雞也不太硬。開水白菜以為真的白灼菜？錯了！是用清湯煮的。還有這個應該叫大白菜，不是白菜吧。干扁四季豆四季豆煮得不想，好腍好入味。味道帶得咸香，配白飯應該一流。古琴鴨肉炒飯炒飯普通，飯其實炒得夠乾身，但冇乜鴨肉味，飯內只見少量鴨肉絲，鴨肉味重Ｄ會更好。藥膳花雕醉雞鍋很重的中藥味，甘甘地，加上雞湯，感覺很補身。因為平時少食中藥，試不到加了什麼中藥材料，肉眼只見紅棗和杞子。杞子桂花糕顏色比平常的深色，桂花味不夠，而且太甜了。六人套餐非常豐富，每位大概三百多元，價錢合理。整體來說，餐廳環境舒適，服務很好，食物味道不錯，價值也不算太貴，一班朋友或家人聚餐也是個好選擇。…查看更多

首先，未去到食已經一肚氣.話說同朋友諗住去試下呢度嘅片皮鴨，想訂個平日晚飯嘅位，但電話打極都冇人聽.講緊嘅係無論咩時間打去都係冇人聽，剛開門，午飯時間，晚飯時間，總之唔明點解淨係打電話訂個位都咁難。直到最後，諗住再打都冇人聽就唔食嘅情況之下，電話響到天荒地老咁，終於先有位小姐聽電話.晚飯分6點同8點兩場，好啦訂了8點, 心想佢應該係分好左時間同枱.點知準時8點到達竟然門口有好多人等緊位，而餐廳裏面有好多位. 理應所有人都有訂位，如果係因為要等準時8:00先放人入去，我覺得不大可能，因為大家都等左好一陣子，過晒8點都未有人安排入座。門口的職員好似唔知自己做緊乜咁對住個booking list 畫畫畫，一時問人姓咩訂左幾多位幾點，一時又問另一班人人齊未，跟住我就唔明佢安排座位嘅原則，註：我地一早到齊晒，究竟等緊咩呢？.如果接待姐姐就係負責聽電話的員工，咁就立即馬上可以明白點解電話響極冇人聽了（因為佢真係唔知自己做緊乜）.安排差到一個點.店內的裝潢是新式而特別的, 尤其是有填鴨做display 嘅位置..，很是重手的菜單，可見店的標誌正正就是「古」+「琴」了.還有很可愛嘅公筷匙羹筷子座，見到它不可能不點填鴨吧.值得一讚是茶的種類很特別，一聽到是玫瑰加荔枝就想試，而同枱不喜歡花茶的朋友也覺得ok.. 因為有優惠卷這是免費的，驚喜點係份量冇少到.想不到松子魚也不算細，味道也算不錯，只是略嫌炸粉太厚.想不到例牌酸辣湯都可以有7碗 不過就係因為咁飲湯飲到填鴨黎之前已經飽左整體都算足料，味道偏酸沒甚麼辣味.看別的評價說南翔小籠包不錯，可惜一開籠蓋已知不妙，皮過厚，雖則是有湯汁，但皮過厚嘅小籠包不用說也是失敗.跟住就係等主角的到來：.值得一提是餐廳貼心地準備了膠手套和濕紙巾..鴨卷餅跟其他店的片皮鴨夾餅不一樣，比較薄同煙韌、另外就是一從蒸籠中拿出來就馬上變涼.....填鴨一到，一開始就片了鴨胸的皮出來給我們，說是特別脆的部份，只是點砂糖醬汁來吃就好。 這個食法很少見，由於是第一下切下來的，新鮮熱辣味道非常好！..其他填鴨片得很薄，每一塊厚度一樣、皮和肉的比例如是，可見師傅功架加上特別可愛的鴨型碟加了分（沒有影相：一隻填鴨是兩碟）.味道不俗，這個價錢來說性價比是夠高的。要說就是配料嚴重不足，青瓜哈蜜瓜京䓤都是不夠，吃到一半已經沒有配料了..甜品點了拔絲香蕉,見到實物已經打定輸數，怎料味道竟然不錯，拔絲的糖皮順利結成，炸粉不算厚，整體不錯.除了訂位及其他安排，總括來說食物質數都算是水準之作，唯一是以8點場次來說，2個小時晚飯用餐時間略嫌有點趕.…查看更多