반찬앤쿡 Banchan and Cook (太古城中心)

營業中

休息中

當晚市又被禁堂食之際，兩個人係中午都總要食飯的，好好抓緊午市堂食既機會。 醬油黑毛豬白切肉配大醬生菜韓燒既時侯，好多時都會燒白肉夾生菜食，今次其實就係佢幫你燒埋。肉不會很肥，夾著韓式大醬，我個人好鐘意夾埋蒜頭，佢亦有預備，重回韓式美味。 韓式炸雞重點推介這項，因為炸雞完全冇雪味，新鮮炸起,而且雞件又唔會太肥，反而係肥瘦剛剛好。佢有提供2款醬，但我覺得本身甜辣醬已好好，超濃既甜味。另外，有幾條薯條及年糕，比你過下口癮。 韓式卡邦尼意粉作為主食，汁夠濃，加上煙肉粒，係唔錯既選擇。 烤朱古力棉花糖棉花糖外脆，裡面溶，平日有時BBQ都會燒，但好多時都失敗，佢就做到外脆裡面溶，上面加上不少朱古力在面，下面係消化餅底，夾著一齊食，而且剛上碟仲係熱辣辣，十分好味。 兩杯飲品，綠茶鮮奶+士多啤梨紅桑子梳打覺得梳打超開胃，士多啤梨紅桑子，仲有青檸，中和一下，相當清新鮮奶味重,可以揀冷熱。餐廳環境好靚 好舒服 天然採光

每次經過呢間餐廳都被佢嘅環境吸引到，色系好少女，仲有大量乾花佈置，打卡一流📸上星期五終於試到，原來餐廳係自助形式，落左單比左錢再自己去拎食物同餐具。食物賣相同味道都不錯，值得一試👍🏻🌟韓式卡邦尼意粉意粉煮得幾煙韌，上面鋪滿了香脆嘅煙肉碎粒，建議趁熱撈勻黎食，如果唔係啲醬會變乾🌟慢煮羊膝配薯條慢煮過嘅羊膝好腍好入味，冇羶味，伴碟有薯條、沙律菜同蒜頭🌟蜂蜜無骨炸雞（推介）炸雞份量頗多，炸皮夠薄，同時保持到肉質鮮嫩juicy，最驚喜係每件炸雞都被蜜糖包裹住🌟烤朱古力棉花糖有4隻色嘅棉花糖，下面鋪左層消化餅餅底，比想像中冇咁甜同膩，一定要趁熱食🌟濟州鮮奶綠茶（熱）鮮奶令綠茶更順滑而又唔會搶左個茶香🌟溶化朱古力（凍）奶嘅比例比朱古力多，可能熱飲朱古力味會較濃

之前行街見到呢間반찬앤쿡 Banchan and Cook次次都係排大隊，難得今日平日夜晚嚟，見冇乜人排隊，就決定試吓。最鍾意見到啲圖文並茂嘅餐牌，一目了然，對於第一次嚟嘅食客嚟講真係好清晰。朋友話想食韓式生菜包，所以就揀咗燒醬油黑毛豬白切肉配大醬生菜，黑毛豬白切肉切得夠薄身，而且經過醬燒烤出多餘脂肪，所以雖然有肥肉，但感覺又唔會太油膩。生菜有兩款，放上白切肉後再加上秘製醬汁同泡菜等配料，口感非常香口。食韓國菜當然要食炸雞，呢度嘅炸雞總共有六款口味，有辣有唔辣，亦可以選擇有骨同無骨嘅炸雞。而呢個蜜糖無骨炸雞嘅配搭真係冇得輸，首先佢嘅炸雞肉質非常嫩滑而且充滿肉汁，然後佢嘅炸雞仲會配搭埋韓式年糕同薯條，年糕仍能保持軟糯，而薯條亦新鮮炸起外脆內軟，三種食物沾上蜜糖之後真係好好味😋。炸雞仲會配埋是日沙律。今日沙律款式係薯仔沙律，上面加咗蛋粒同蟹籽，味道亦唔錯。韓式卡邦尼意粉麵條夠彈牙，卡邦尼醬汁亦夠香濃，最緊要係份量夠晒大，呢個價錢來講其實都幾抵食。飲品我哋就揀咗濟州綠茶鮮奶同溶化朱古力，味道濃郁，而且充滿奶香。最後當然要食埋甜品，呢個韓式雜莓牛角包窩夫嘅窩夫真係超好食，新鮮熱辣嘅時候非常鬆軟