新麻蒲 BBQ (波斯富街)

平安夜前夕跟戰友狂吃慶祝終於放假!即日致電打算訂位, 但被拒絕, 只好walk-in 等位了!電話裡頭的女生提醒我們要提早45mins 去排隊結果!!!!!!! 我們等了有3個小時!!!!!!!!! 越排越多人我們5個人吃份量不夠, 畢竟他是2人套餐, 需要另加食物肉款不少, 肥瘦適中, 其實自己吃了甚麼肉都不知道hahaa附送生菜讓我們包, 記得看菜乾不乾淨!!隨餐送一個蛋, 再加$28 一次蛋很快熟, 燒一會兒剛剛好上層軟下層脆, 裡面的泡菜爽, 不得了staff 在桌子旁表演燒牛肉壽司, 可以自選熟的程度血已滲入壽司飯, 其實不算特別豆粉裡全是牛奶碎冰, 刨得好細入口即融!!!!新麻浦適合4-6個人吃餐飯gathering下次去一定記得要7日前訂位!!…查看更多

公司活動完滿結束，相約同事到新麻浦BBQ一起慶功。星期一晚上六時多到達，人不算很多，但餐廳規定要所有人到齊才能入座，結果坐在外面等至近七時才進去用餐。一行七人被安排到卡位，有點擠，但餐廳看似並無更大的枱，唯有親密一點。而用餐時間只有一個半小時。甫坐下待應便放下生菜、醬汁以及各款前菜，包括: 傳統泡菜、大豆芽菜、洋葱絲、醋汁海帶、醃蘿葡，還有黑芝麻醬沙律。款色夠多而且味道不錯，無論包著燒肉的生菜和沙律菜都很新鮮👍吃過前菜看似點點信心，點了以下主菜：牛豬肉套餐2 (3-4人用) ($678)，包括:牛霜降肉 120g + 新麻浦秘制牛五花肉 150g + 新麻浦護心肉 150g + 新麻浦五花肉 150g + 特選雜錦拼盤 (年糕 金菇 鮮東菇 雞脾菇 香腸 大蝦 每款各數件) + 火炙霜降牛肉壽司4件 點菜一會兒後待應捧著三層架到來。待應亦於爐邊加了有泡菜的蛋漿。爐邊蛋十分嫩滑，加上泡菜味道，非常好吃，讚👍👍👍👍,然而追加要索價28個大洋不太值得。接著逐一試了各款肉類，奈何都是平平無奇沒有一款特別突出😓。反而值得稱讚的是雞脾菇十分多汁，年糕燒後外脆內軟😋其他如香腸東菇等屬正常貨色。<b style="line-height: 1.6;">(❗️建議先燒年糕，以免燒焦沾上年糕❗️)壽司雖然沒有親身嚐試,但友人評價不錯。全州拌飯 ($68) 🙅🙅🙅以為飯是拌飯是熱的，但整個飯連配料如芽菜蘿蔔絲等都是冷冰冰的。味道平平淡淡沒有驚喜，配點韓醬才生色一點。不推介👎👎👎香辣奶油炒年糕 ($85) 👌👌👌貌似黃咖喱的一碟，芝士味濃郁，年糕煙靭，配以洋葱煙肉等配菜，熱騰騰的味道確實不錯😋。但相比起傳統紅彤彤的辣炒年糕，我還是較喜歡後者。韓國紅豆冰沫 ($88)👍👍👍👍👍👍👍👍👍👍最後同事嚷著要吃甜品，點了店內名物。紅豆、杏仁片、麻糬配以煉奶般般的冰沫，入口即溶，配搭完美👍，為這晚帶來一個完美的結局😊(另一驚喜的是結帳時發現這個竟然變成免費😁)總括來說，主角燒肉並不合格，雖然配菜多款但好吃的爐邊蛋只有一次，相比可以任吃蛋的喜來稀肉不夠慷慨。而同樣有韓國特色裝潢的燒肉店於香港越來越多，故估計不會為了甜品而來，回歸的機會只好看機緣了☝️…查看更多

年初到訪過尖沙咀金巴利道嘅韓式烤肉店「喜來稀肉」，主打一隻成年豬只有200-300克嘅護心肉，以及爐邊烤蛋，覺得美味又獨特，當其時都可講得上城中獨賣。早前，又見到另一新店，被喻為韓國No.1燒肉嘅「新麻蒲」，落戶銅鑼灣，故嚟到新麻蒲就喺想再重溫一下護心肉嘅美味。迎門口一個大招牌，正正講出何解No.1，皆因全球分店總數超過480間，遍佈中國、東南亞及美國，單單韓國本土已擁有430多間分店（註：喜來稀肉晌韓國本土則有230多間），絕不能小覷佢嘅規模，果然喺市場佔有率之冠。喜來稀肉個環境有種年輕、不拘小節嘅感覺，石屎牆身、水泥地下，基本上無太多裝修，並以圍爐圓枱居多；然則，新麻蒲都有點相類似，水泥地下、仿紅磚牆，不過，就以4人卡位為主，坐得較舒適，最特別每個卡座頂都置有光管，感覺較為摩登，而爐頂又有個煙囪連波形吊燈，刻意聚光於爐上，非常有心思。個煙囪又可以伸縮，故此，抽風效果都可以，食咗成晚都唔覺煙霧彌漫。翻一轉餐牌，其實跟據之前食韓燒嘅經驗，大抵都知道個情況。第一版就介紹護心肉嘅效能，而選擇不外乎豬肉類、牛肉類、主食類（飯麵、熱鍋）、特選料理（壽司、年糕、煎餅）、酒類、飲品及韓冰。一向食有質素嘅韓燒都唔平，細細碟韓牛，逐碟逐碟計，唔經唔覺個人消費都三幾百落樓。難得店家有提供套餐，可以食得划算一點。6款套餐，有淨食牛肉或淨食豬肉，又或有牛又有豬，套餐份量有大大細，適合2人（$368-$548）或3-4人（$668-$698）。以SS6套餐包嘅種類就最多樣化，3-4人份量，有牛，有豬，又有特選什錦拼盤，下面再慢慢介紹有啲咩！韓國菜其中一個特色，就喺食乜都會餐前送來三幾款冷盤前菜，韓式泡菜喺指定動作，其次仲有漬醃蘿蔔及甜辣醬大豆芽伴蔥絲。泡菜夠辣夠狼，蘿蔔清甜無渣，大豆芽酸爽開胃，幾款前菜都有水準，又各有特色。此外，仲奉送一份黑芝麻醬田園沙律，沙律菜新鮮爽脆，內裡仲有火龍果及車厘茄，配上自家製黑芝麻醬，味道幾特別，烤杏仁片更有畫龍點睛之效，唯獨個人覺得黑芝麻醬做得稀一點效果應該更好。除咗前菜、沙律，食韓燒仲有幾樣配料好重要，新鮮生菜用嚟包住啲烤肉食，既清爽又去油膩；嫌齋包生菜寡啲，加啲青瓜粒、豆辦醬又點睇？如果唔怕油膩，又想肉味重啲，大可試試沾少少青辣椒洋蔥醬油嚟提味，感覺肉味更濃。SS6套餐 $678食物包括有：牛霜降肉（120g）、新麻蒲秘製牛五花肉（150g）、新麻蒲護心肉（150g）、新麻蒲五花肉（150g）、特選什錦拼盤（年糕、蘑菇、豬肉香腸、大蝦）、火炙霜降牛肉壽司4件，美觀實用嘅三層架盛載所有食物登場。未烤肉，店員先為客人注入蛋漿於烤爐外圍嘅坑邊，製作爐邊烤蛋，因為唔喺第一次食，所以心裡有數，知點搞。其實烤蛋都要幾長時間慢慢烘，大概食咗一半烤肉嘅時候，啲蛋都OK嘞。比起上次晌喜來稀肉食嘅（坑邊分開3截，1/3喺原味，1/3加有少許泡菜），新麻蒲嘅蛋漿就加入咗好多泡菜，蛋香依然濃郁，但多添幾分惹味及辛辣，若烘得啱火候，烤蛋入口軟綿綿，否則過老會變得嚡口。萬一失敗唔緊要，玩多次無妨，但添蛋漿每次收費$28。上層（年糕、冬菇、金菇、雞肶菇、豬肉香腸、大蝦）大蝦夠新鮮，鮮甜彈牙喺意料中事，而冬菇、金菇、雞肶菇燒完口感柔韌，菇香滋味，豬肉香腸亦都唔錯，唔似得啲平價雞肉腸成日出現過鹹嘅現象；不過，最估唔到喺啲年糕，燒完都仲喺咁硬，真奇怪。中層（霜降牛肉、秘製豬頸肉）色澤深紅嘅霜降牛肉，油花分佈平均，切成一小件一小件，第一次燒可能過咗火，有點韌，第二次就理常好多，由於肉嫩又帶好重油份，所以，小弟較鍾意以生菜包住，再加啲青瓜一齊食；餐牌標明喺新麻蒲五花肉，由於供應問題，改以色澤粉嫩嘅秘製豬頸肉代替，睇落同樣脂肪分佈勻巡，切成條形，咬落有種爽脆感，一樣油香滋味。下層（新麻蒲護心肉、新麻蒲秘製牛五花肉）較深色喺護心肉，晌喜來稀肉嘅食文都介紹過，所以唔多敘述，相對淺色喺牛五花肉。前者因為喺一組肉筋，所以形狀比較細小，無乜脂肪，但黐住少少筋膜，口感喺柔韌有彈性；後者攤開後喺薄薄一大片，輕燒即可，嫩滑油香富肉味，淨食或包生菜皆宜。由於當日準備有啲不足，出菜有啲亂，而套餐內嘅火炙霜降牛肉壽司亦無緣一會，此外，飯麵一類主食亦未能供應，實在可惜！藍天檸檬汽水、覆盆子紅醋汽水 $28食住韓燒真喺唔飲嘢唔得，飲品中有幾款幾新奇嘅汽水：藍天檸檬汽水、酸梅汽水、覆盆子紅醋汽水，款款都喺賣$28一杯，試咗其中兩款。藍天檸檬汽水其實跟飲一般汽水分別唔太大，猶如檸檬梳打，只喺色澤做得靚，望見都爽晒；而覆盆子紅醋汽水則特別少少，酸酸甜甜，有種飲酸梅湯嘅感覺。韓國豆粉冰沫、韓國紅豆冰沫 $88雖然，有啲菜式未能一試，不過，臨尾嘅兩款韓式甜點，著實帶來驚喜。前者簡單以冰沫，加入黃豆粉、麻糬、杏仁片，一層又一層鋪製而成，而後者則多加一大撮紅豆。何謂「冰沫」，其實即喺刨冰，但刨得極度幼細，入口綿柔即化，帶濃香嘅牛奶味，配以豆香十足嘅黃豆粉，煙煙韌韌嘅麻糬，薄薄脆脆嘅杏仁片，真喺要味道有味道，要口感有口感，真喺食完韓燒嘅最佳甜品，不容錯過，而且份量頗大，莫講喺二人份，3-4人都夠試。如覺得晚市消費有啲貴，午市亦有套餐供應，15款午餐可供選擇，類別都幾多，有石鍋拌飯、冷麵、豆腐鍋、大醬湯、烤肉……等等，收費由$58-$95（+10%服務費），以銅鑼灣區都算喺合理收費。雖然服務有唔少甩漏，但店員嘅誠懇可嘉，希望能繼續改善，守住No.1嘅招牌。在此多謝食友邀請，讓小弟掹車邊嚟到新麻蒲再嚐多款韓式烤肉。…查看更多

5/9 Friday night 同老公和仔仔去試新嘢，之前係網上見到有人推介呢間韓烤，因為個爐邊烤蛋好特別，所以好想去試試，我哋差不多十點先到都仍然要排隊等!不過如果下次再去的話應該十一點後去，淨係會食甜品囉，因為要排隊等位唔會派票，要齊人先可入座，排隊嘅位置係又熱又焗嘅樓梯，入到去坐低都一樣好熱，冷氣唔夠抽風唔掂，我哋叫咗個2人豬肉套餐、秘製豬頸肉、章魚石頭碢飯、汽水、韓國紅豆冰沫，啲肉完全冇味似冇用調味料，個爐邊烤蛋唔夠厚兼癡底，淨係個甜品有啲驚喜，好似棉花咁又軟又綿，唔會太甜！…查看更多

香港人好鐘意試新野，無論食同玩都一樣，朋友聚會去左呢間食韓國餐，可能係新開所以要排隊等位，齊人入座可以接受，但又唔派票所有人都要係又焗又熱既樓梯度等位，實左太過份喇，用餐限時90分鐘，話時話呢度用餐大部份食物都係要燒烤既，所以本人認為時間會有點趕囉！所有食物完全無韓國味道的感覺，得個樣！$678牛豬肉2人套餐：除左燒蛋漿及韓國紅豆冰沫既特別又好味，整個套餐包括前菜都唔好味！$75冷麵：唔夠凍又無味！$68金州銅盆拌飯：唔熱唔凍又無味！$88海鮮蔥煎餅：粉漿太厚、煎得唔夠香、唔咸又唔淡，No good！…查看更多

《新麻浦BBQ》，乃韓國馳名的烤肉連鎖店，於韓國已經有多達四百多家分店嚕。這晚獲店方邀請，於香港首間分店的開幕前夕，到來品嚐店子的美食，實在非常榮幸。（上圖為封面照）******************************位置便捷，就在地鐵站C出口對面。面積也頗大…甫坐下…便被店子的menu吸引了，仿皮套外有一塊金屬牌，印上店名等資訊，就如醫務所內掛上的醫生證書銅牌般，製作相當認真，拿起來還挺重的說，放在桌上翻閱會比較自在呢。內容為中、韓、英文對照，大部份菜式皆附有圖片，點菜時就不會「無從入手」。除了烤肉，還有各款韓式主菜供應。不想吃烤肉的話，也有別的選擇。然後，侍應端來一堆前菜…泡菜，沒苦澀味，感覺不錯。辣度亦不重，不太吃辣的人也可輕鬆吃下。醃酸蘿蔔，酸味淡淡不嗆喉。韓式麵豉醬配青瓜及青辣椒，嗯嗯，還是第一次以這種方式吃，甜甜的、可中和青辣椒的辣味。大豆芽拌蔥絲，配上韓式辣醬，很香口。當然少不了生菜及佐烤肉的醬料，是加入了青辣椒及洋蔥的醬油，還有韓式辣麵豉醬。我就是喜歡韓國菜的蔬菜攻勢，這堆前菜既可單吃（醬料例外），又可夾烤肉同吃，悉隨尊便。隨後店員還拿來爐邊烤蛋專用盤，置於爐上，並加入泡菜碎及油。倒入店方的特製蛋漿，呵呵…（原想拍店員倒入蛋漿的一刻，可惜來不及呢，只好拍拍店子的環境）對於香港人來說，韓式烤肉配爐邊烤蛋已非新鮮事，只因另一家韓國過江龍《喜來稀肉》已率先引入這種玩意。不過至今我仍未到過《喜》，因此對我來說也蠻有趣的。看過店方的介紹，原來她們採用的烤肉盤款式於韓國已取得專利，可說是賣點之一耶。說得上是韓式烤肉店，伸縮抽油煙喉是必備的喇！！！抽油煙喉上方還安裝了燈罩，既可作照明之用，又可讓食客看清楚烤肉是否熟透，而且光線充足更方便拍照耶。檯面更備有「呼叫按鈕」，當要order又或是有任何需要之時，只要輕輕一按、聽到發出「叮噹」聲響，侍應便會主動走過來，免除食客「揚手片刻卻無人看見」的煩惱。除了必備的烤肉夾子，還有剪刀供分享食物之用喔。原來前菜攻勢尚未完，侍應端來了雜菜沙律。內有青瓜、甜青紅椒、生菜、紫生菜等等，是滿滿的西式風。面層還灑上脆卜卜的杏仁片，充滿「嚼頭」。而最特別的是調味方面，店子採用了微甜的黑芝麻醬，比一般的白芝麻醬更香啊！！！還未正式開始烤肉，胃納已被蔬菜填了一半。烤肉方面，既可單點，亦可選擇多款套餐，以豬或牛作分類，另有綜合的（即既有豬、又有牛）。而這晚店方便準備了牛豬拼盤予我們品嚐，以三層架奉上，既美觀又「慳位」。第一層是特選什錦（雞脾菇、冬菇、金菇、大蝦、豬肉香腸及年糕），第二層是新麻浦護心肉、以及霜降牛肉，第三層則是新麻浦秘製排骨。起動嚕…燒金菇很好吃喔！！！！這時，旁邊的烤蛋也烤好了，但因烤了好一陣子，已不滑嚕，但挺香口的，若果可以自行加入不同的配料便好了。店子用上呈圓拱形鐵網而非龜背鐵板，不用額外下油也不怕「黏底」。（呵呵，上圖像「哈哈笑」嗎？！？！？）肉烤好後，既可單以生菜夾著吃，亦可佐以上文提及的前菜同吃，我個人覺得配大豆芽拌蔥絲最惹味。吃畢拼盤後，我們額外點了新麻浦秘製牛五花肉…還有新麻浦護心肉，閱畢店子menu內的解說，原來即是豬的橫隔膜與肝之間的部位，而每頭豬就只有大概200g左右的護心肉，故此非常矜貴。尾聲時點了藍天檸檬汽水及覆盆子紅醋汽水（x2），前者是我的，後者是同行友人的。我喝了數口後者，個人較喜歡藍天檸檬汽水，酸酸甜甜的，且有點像兒時吃到的「太空糖」那種味道。　最後，侍應奉上韓國紅豆冰沫，一客的份量頗多，應該足二至三人享用。底層的牛奶綿花冰是店子自行以機器製作的，口感細滑綿密，面層還有黃豆粉、杏仁片、紅豆蓉及麻糬，整體食味微甜而不膩，個人頗喜歡。…查看更多

嘩哈哈~~~忍不住第一天試業便去試了, 之前有打去預訂, 所以不用等位, 或者暫時也沒有太多人知道已開業了!! 吸引我的當然是店的名而來, 因為是韓國最大的燒肉集團, 由2012年開業開始已遍佈全國及向外國發展, 特別是爐邊燒!!! 爐邊烤蛋是最想試的~~~~先來看看門面及內在環境吧!!店的發展史店內多是卡位設計, 給人一種自成一閣的感覺, 而且舒服...每桌都會有一個小鐘在邊位, 可以給客人呼叫侍應, 不用舉手手軟!!因為這裡一定是燒肉的, 所以一坐下侍應便會端上前菜及配料等給客人預先享用及準備!! (說一說前菜及生菜是可以無限添加的) 前菜分別有秘製的泡菜(我覺得比較正宗, 不似香港普遍的較酸, 正宗的會是會偏辣及大白菜很爽口的); 我很喜歡的奄蘿蔔, 在韓國就很喜歡吃了, 通常配以炸雞, 因為可以解一點辣及REFRESH一下口腔及胃; 夾烤肉的生菜、青瓜粒、青辣椒粒、烤肉醬料; 還有黑芝麻醬沙津, 很香的芝麻味跟菜蕃茄等混合一起, 真的很不錯啊!!!看看餐牌, 因為本人不是太吃牛的, 但朋友很喜歡, 而且又想試護心肉, 所以就叫了一個牛/豬套餐(3-4人用), 包括有牛霜峰肉, 新麻蒲秘製牛五花肉, 新麻蒲秘製五花肉, 新麻蒲護心肉, 特選雜錦拼盤(年糕, 雜菇, 豬肉香腸, 大蝦及火炙牛壽司...叫完一來就會有侍應端上爐邊燒的爐及蛋漿, 原來原先裡面還有泡菜粒, 然後才倒下蛋漿......爐邊蛋完成, 初初覺得蠻油同水汪汪的, 但燒燒下便會吸去, 然後成形, 如果想吃脆口一點可以等耐一點, 中間出現一點橙色少少金黃感覺最好!!!主食來了!! 三層架很像TEA TIME感覺, 哈哈!!!終於開動了!!!! 興奮狀~~~~燒了一段時間爐邊的蛋已可以吃, 真的又熱又好味, 嫰滑及有爽口的泡菜口感, 終於試到了, 好味好味!!! 推!!! 似豬頸肉的秘製五花肉其實我們覺得有點硬, 雖然爽, 其實可以切薄一點; 相反霜峰牛就很好味, 不知是否有很多霜花紋, 所以很嫰, 選料不錯!!!(說一說經理跟我們說的燒護心肉技巧, 不用反轉, 是要燒一邊肉然後它的熱會傳上面, 那樣會比較嫰, 因為也不是太厚!!!) 吃後感是很滑, 而且奄料不錯, 不用沾醬都很夠味!! 而另一款秘製牛五花肉也很嫰, 雖然說不太吃牛, 但是晚吃了特別多, 哈哈!!雖然有冰水, 但我們還想試一下飲品, 結果叫了兩杯, 檸檬那杯比較NORMAL, 就是梳打汽水; 反而梅子的真的有另一種感覺, 而且有藍梅, 又很清涼!!!到這個時間, 其實已經吃得很滿滿, 但還是想試一試正宗的韓國冰, 於是叫了一個大家SHARE, 一上來就已經好開心好興奮!!! 隻碗一路出煙~~~雖然價錢不太便宜要$80, 比想像中蠻大碗, 配料有麻吉, 佈滿的黃豆粉, 杏片, 紅豆及醬等!! 當我們一匙掘出來時, 很驚喜, 因為真的很幼細的牛奶冰, 是絲狀的, 真的很幼細啊!! 吃著有牛奶味, 雖然成碗味道不太濃, 但很喜歡, 而且吃完一餐燒肉後再吃, 真的可以令到自己及口腔很REFESH!! 而當我們想著在韓國是搞拌成碗來吃, 但因為這碗太滿不能這樣時, 吃到底還不是沒有配料味道只有牛奶冰味嗎?? 但吃著吃著, 原來不是, 原來在底層也有心的放了黃豆粉, 麻吉, 杏片等配料, 所以吃著吃著也還有的感覺, 真的很驚喜, 令我懷念在韓國吃的味道!!!吃飽了這餐真的很滿足, 雖然肉類不是全部超水準, 但可以吃到期待已久的爐邊烤蛋及護心肉, 這真的推介!! 而且還有令我重拾韓國冰的味道, 就算肚子FULL了也要一試, 甜品是另一個胃嘛, 哈哈!! 還會再來的~~~…查看更多