The Cottage (已結業)

The Cottage 元朗隱世打卡餐廳今次我地黎到到元朗打卡餐廳-The Cottage，鋪頭裝修設計都非常出色，田園風～植物為主，一入門口已經設有打卡位，而且餐廳寵物友善- 歡迎攜帶小動物入座。魚籽海膽醬蟹肉炒飯 $268炒飯上鋪滿左新鮮海膽及魚籽，配上海膽醬令到整個炒飯都昇華左另一個層次，炒飯既海膽味比較重，配上蟹肉及魚籽令到整個炒飯既口感都豐富左好多，而且份量都好多，兩個人食都食唔晒。呢個炒飯確係值得推介。黑安格斯一口牛 $88充滿牛味既一口牛，肉質鮮嫩而且份量都唔少，每一口牛都有種入口即溶既感覺。青醬芝士燒大啡菇 $38大啡菇上鋪左整塊芝士，令到大啡菇既味道都充滿左芝士味，而且大啡菇唔會燒得太乾，味道比賣相更加出色！汁燒黑豚肉 $38呢到既汁燒黑豚肉有好香既燒烤味，而且肉質鮮嫩，味道同賣相都係100分和風蟹肉球 $68蟹肉比例相當多，每一啖都充滿住蟹肉既味道，中意食蟹既朋友，呢個一定要試下。唐楊炸魷魚鬚 $68鬆脆可口嘅魷魚鬚，炸粉唔會好多，亦都唔算好油膩，配上沙律醬，味道更加搭配。士多啤梨鮮奶 $48賣相好特別，而且士多啤梨同鮮奶既配搭及味道都非常搭配。值得一試！柚子梳打

睇咗「食在元朗」谷友介紹，趁星期五晚嚟撐枱腳。餐廳嘅裝修環境唔錯，食物質素高，服務也佳，性價比👍🏻，可以Encore。 美中不足係餐廳本來幾有情調，但係食至尾聲，鄰店大大聲唱K, 忽然好似返咗國內嘅卡啦OK大堂咁，咩嘢mood都無曬。 而且坐坐吓有蚊叮（坐室外）。人均消費$350