Lady Nara

營業中

休息中

泰國菜食得多，但泰國西餐又真係第一次試，好多人都試過泰國菜的Nara，今次就試吓佢同一間集團新開嘅Lady Nara會唔會有驚喜😌💕冬陰功意大利飯 $168味道真係幾特別，有少少冬陰功mix左忌廉嘅味道，creamy得來有啲酸酸鹹鹹，未必周圍都食到😌💕特色脆雞拼盤 $128有三款味道嘅炸雞，味道都唔錯，炸得都脆口，但肉有少少硬身。💕青咖喱青口配蒜蓉包 $188呢個都係西餐廳常見嘅前菜菜式，唔同嘅係佢底汁係青咖喱，比起普通嘅忌廉佢多咗青咖喱嘅甜味同香料味💕蒜蓉包點黎食都唔錯。青口嘅份量都多，我同朋友兩個人平均每人都食到十幾個青口👍🏻💕菠蘿牛肉他他 $108有少少吞拿魚嘅感覺，上菜時有個生嘅鵪鶉蛋可以mix入去，多左蛋香，配上蒜蓉包食都幾特別。💕環境超級少女心，有好多打卡位，睇得出花咗好多心思裝修💕個人覺得最特別就係佢個藤籃椅，仲有塊細細地嘅cushion,坐落去都幾舒服。餐廳枱之間都好闊落，坐得舒服亦都唔會太嘈，好適合一班閨蜜黎食飯傾偈。食物方面，餐廳菜單都幾有特色，唔會周圍搵得到，食物份量偏細，比較適合女仔😌男仔有機會要叫多少少。見佢甜品都幾吸引，可惜已經好飽，下次嚟試吓先😌

由甜品到主食、飲品到小食、由枱上擺設到內裏裝潢，我真係好愛Lady Nara😍😍我兩仲幸福到坐係落地玻璃窗位，得閒望吓海，得閒望吓維港景，不得了！本來只期望佢環境好比我哋打吓咭，點知佢係好睇又好食😋😋下面係其中我哋食既几款特式美食。青咖哩青口配蒜蓉包（脆👍）草莓乳酪特飲菠蘿牛肉他他配甜酸旦黃醬青咖哩牛柳粒、白酒忌廉蕃茄青口係我成日整既嘢食。見Lady Nara menu上有個“青咖喱青口”🤩，即點！真係好正，原來呢個mix係好味得黎可以明顯咁保留青咖哩同青口各自既原味，即係話有三個好味感😋😋😋再配上清新感既strawberry yogurt drink, 成個泰國旅行感覺番哂黎🏄‍♀️🧘‍♀️未食過牛肉他他既我覺得好好味，菠蘿同牛肉本身就係好partner, 再加啲basil混入去就變得好fusion，加個鵪鶉旦另到個牛肉他他更滑口。朋友話如果牛肉再切得細啲更好！但我對佢已好滿足again, 我對Lady Nara好有好感！裝飾同餐具都好Lady㗎，係elegant果隻，worth!