熱點點心專門店

在香港飲茶必點金牌蝦餃皇、蟹籽燒賣皇薑蔥牛柏葉爽脆可口極少地方有的臘味糯米包，非常傳統懷舊風味八寶籠仔蒸飯份量勁多，香氣撲鼻，色香味俱全雪山叉燒包外脆內軟，肉味多汁藥膳燉鳳爪濃郁軟腍…查看更多

約好朋友坐巴士去美孚，路途中忽然下起暴雨，暴雨持續我們也衹能呆在車上，到太子麗英大厦看見【熱點點心專門店】就在路旁，趕快下車一躍就進去了，里面座位較擁擠，但幹淨企理。我們畫了五個點心，服務員很快送來一壺熱茶。【雪山叉燒包】$22，端上枱熱烘烘，吃一口，包身軟香，餡料叉燒粒粒有咬口，醬汁亦不會過厚，很好吃。《千島醬蘿卜糕》$27，糕切成粒狀，四面煎得金黃，蘿卜和米漿份量適中，外脆香，內軟滑，配上木魚絲蘸些千島醬香甜可口。魚翅灌湯餃$20，大大衹，皮薄餡豐富。湯雖談不上濃郁，但也灌有海鮮的膠質味。蜜汁叉燒賜$22，腸粉够薄，蘸上香甜醬油很滑帶出叉燒的韌香。鮮蝦菜苗餃$23，餃皮透明，可見翠綠的菜苗和大大粒的蝦，菜嫩蝦彈牙相當爽甜。點心確實很熱，又好味。店鋪雖較擁擠，但有條理。牆身及店中的柱打造成多款精致的點心圖案相當吸睛，唯有待下次了。…查看更多

因為要去太子買野，又太耐冇飲茶食點心，所以上網搵左呢間。首先由花墟過去，沿途有三間點心，呢間門口冇人排隊，心諗會唔會GG… 好彩食完無失望！仲覺得好好食～藥膳鳳爪 - 煮得好淋 好入味雪山叉燒包 - 外脆內軟，但如果熱啲會再好味啲蘿蔔酥 - 正常蘿蔔酥囉，冇乜驚喜鮮蝦菜苗餃 - 蒸得好好 皮薄 鮮蝦爽口 菜苗新鮮魚翅灌湯餃 - 豐富味道餃子燒賣 - 可揀2粒/4粒，可以叫2粒，試多啲其他野餸…查看更多

🐱🐷熱點🐱🐷好耐冇飲茶！去開太子買野見到呢間點心店好熱鬧😍而且價錢好親民 就一於入去飲個下午茶🤤入面牆身都有好多點心嘅畫😍好可愛一埋位店員就問我飲咩茶～呢度有玄米茶飲 唔洗另外加錢添🤣佢嘅選擇都有好多款點心，仲有飯麵，同埋阿媽燉湯🥰我地每樣試啲，首先係見到好多人都食嘅雪山叉燒包🥰好軟身，特別鍾意佢個皮🥰然後係個名好得意嘅日鵝夜鵝蘿蔔酥🤣好可愛 係一黑一白嘅鵝🤣個身就係蘿蔔酥蒸嘅點心嗌咗5款：首先嘅係必食嘅蝦餃，皮薄餡靚🥰仲可以嗌2件 可以試多啲唔同嘅野當然仲要試埋燒賣啦🥰熱辣辣嘅點心係特別好味㗎～之後嘅係鮮蝦菜苗餃😍大大隻 好滿足飲茶又點少得腸粉呢🤪今次試咗佢嘅鮮蝦韭王腸🤩有大大隻嘅蝦喺入面壓軸出場嘅係八寶籠仔蒸飯😍😍估唔到咁大個入面有鳳爪、排骨、雞粒、肉燥、冬菇粒、臘腸、粟米、香芋粒🤩🤩仲有荷葉底～🐱🐷總結：好滿足嘅一餐，又抵食味道又唔錯☺️❗️注意：下午茶時間會人多少少要等一等位～茶錢4蚊一位仲唔收加一，抵啊🤤…查看更多

今日想同朋友兩個去歎茶，所以就試左呢間有唔少好評既點心專賣店，門口見有裝修幾懷舊，環境都幾乾淨衛生，我地兩點去到，竟然平日呢個鐘數都坐滿人，咁我地應該無揀錯店舖好有懷舊feel,簡單得黎都幾搶眼坐低就睇下有咩點心食，發現都幾多款，選擇都唔少，有好多款點心都好想試最我地點左一個飯，六個點心，飽到上心口豬嘜流心奶黃包係我最想食，因為佢個外型真係好可愛好吸引，唔試都唔得，唔好以為佢得個樣，一咬就爆曬餡，流沙奶黃好香好滑，中意流沙包既絕對值得一試之後食左蜜汁叉燒腸，佢一上菜就香噴噴，仲要d叉燒多到凸曬出黎，足料到咁真係良心之作，腸粉外皮夠滑夠薄，叉燒每啖都會食到鮑汁鮮竹卷以為普普通通無咩特別，點知一咬先發現入面有肉，配鮑汁好惹味，咁既價錢除左有質素仲好抵食下次一定要encore 最驚喜係灌湯餃，竟然真係有魚翅，唔係用粉絲扮真係一大舊魚翅伴灌湯餃一齊上，湯餃入要有蝦有蟹柳有肉，好足料，湯係精華所在，睇落好清但味道好濃，而且重點係無加味精，配少少醋吊味已經好好飲，我地一人一啖好快就清左，好正蟹籽燒賣皇都係無得彈，蝦好大粒又爽口彈牙，豬肉半肥瘦，配合得好好，最欣賞係可以點兩粒或四粒，一般去酒樓人少想食都要局點四粒，呢度有彈性，抵咁多人幫襯雪山叉燒包水準都唔差，外型同一般酒樓差唔多，值得提係好在佢d餡唔會加好多好多醬扮足料，因為食過有d酒樓加太多醬，整到麵包層冧晒唔好食，有時唔係落重手就好食最後咸魚肉餅飯到左，以為佢一盅飯得兩匙羹飯好快食晒，點知佢竟然係厚厚既肉餅仲要有一大碗飯肉餅配咸魚好香，我地兩個人食到好飽好飽下次想飲茶食一盅兩件就再黎食，仲有燉湯都好想試…查看更多

臨近9點仲有一間營業緊嘅點心，真係好感動！位置好方便，食完過對而就有巴士站店入而嘅壁畫非常吸睛，環境乾淨，店員好有效率！選擇唔多，想食都但樣樣都係我想食嘅野，最基本嘅嘢食都齊雪山叉燒包上邊脆皮超級脆，入邊嘅叉燒夠熱，夾埋一齊簡直完美依家好難食到芋角，仲要係新鮮滾熱辣，好大舊超滿足第一次食楊枝甘露糕，有少少似芒果布甸但入邊有齊柚子西米等等蝦卷入邊有芒果，加埋一齊食有啲日式風味～呢間點心最值得讚嘅就係迷你燒賣同蝦餃，每籠都有兩粒兩個人食啱啱好一人一粒，又可以留肚試多一樣點心啦春風得意腸意外地好用心，上面竟然仲有蟹子，加埋一齊食好正雞紮好飽滿，入面超級足料，首先有卷左2圈嘅腐皮，包住入面有芋頭，仲有一大舊冬菇，當然仲有雞，好大份好抵食！…查看更多

舊同事返新工後約出黎呻, 近近地揀咗離太子站只需一分鐘內步程嘅一間點心店。餐廳裝修偏港式茶餐廳style, 自行click點心紙落單, 一般平時去酒樓飲茶食開嘅款式都有。【熱點蝦餃皇(4隻)】HK$29皮晶瑩剔透, 很夠薄, 蝦肉餡料鮮甜彈牙【蟹籽燒賣皇(2隻)】HK$13豬肉彈牙, 鮮甜肉香又多汁, 而且仲好有層次【醬汁蒸鳳爪】HK$20醬汁鹹中帶甜, 入味, 鳳爪很有膠質, 連帶軟筋, 唔錯!【鮮竹牛肉球】HK$20牛肉球質地林, 極之多汁, 混入了莞茜, 多一點清香。【春風得意腸】HK$34腸粉皮包住薄脆層, 口感還是脆口, 再包住蝦粒、粟米粒、莞茜、蟹籽, 集鮮甜、清甜、清新, 豐富層次於一身, 很喜歡!【小梨子咸水角】HK$28熱辣辣上檯, 外層鬆化, 入面有juicy肉碎餡料【雪山叉燒包】HK$18包暖暖地, 軟熟, 嫌面層焗得唔夠透, 冇咗微脆口感, 入面叉燒餡料甜甜地。【瑤柱珍珠雞(2隻)】HK$26糯米很濕潤, 有淡淡燒汁肉碎, 幾惹味。…查看更多

好耐冇飲茶喇！ 今晚同屋企人興起嚟咗太子呢間點心專門點飲個茶食個包, 而家堂食唔洗加一, 仲有88折添呀😝🥮 蟹籽燒賣皇（$13/2粒；$26/4粒）呢個燒賣成粒雞蛋咁大粒🤩🤩 入面有幾舊切細左嘅蝦同埋冬菇, 餡料仲多過粉漿 非常之足料架! 值得一讚係佢啲冬菇好香🥰 蝦肉都夠彈牙😋身位香港燒賣關注組會員嘅我都推介呀😎🥟 熱點蝦餃皇（$15/2粒；$29/4粒）蝦餃係呢度嘅招牌點心 緊係要叫返籠黎試下啦😋 果然無介紹錯呀 啲蝦餃皮簿餡靚🥰 粉皮一啲都唔厚又唔會漿住晒 入面成雙大蝦好鮮甜😍 真係值得一試架😉🥯 雪山叉燒包（$18/2個）大大隻脹卜卜嘅雪山叉燒包呢個價錢好抵! 因為即叫即蒸, 熱騰騰好正, 個包面夠脆裏面又香濃😚🐷 豬麥流沙包（$26/2個）可愛嘅紫色豬麥造型紫薯流沙包, 調味適中唔會太甜, 啱晒一家大細嚟試啊!🍲 魚翅灌湯餃（$38）可以選擇加唔加醋食, 我就加咗, 呢隻餃超級大隻, 仲配有大大塊魚翅喺湯入面😜 餃子入面有豬肉、冬菇等, 又香又潤~🍟 千島香脆蘿蔔糕（$28）第一次食呢種做法嘅蘿蔔糕! 蘿蔔糕切成一個個四方體, 炸到外脆內嫩, 然後加上芝士醬、千島醬同木魚, 食落有啲似章魚小丸子或者加咗呢啲toppings嘅薯條! 但咬落就會食到蘿蔔糕嘅質感同味道, 好推薦!🤩👍🏻🌯 蜜汁叉燒腸（$23）叉燒腸個皮唔厚、超級多餡! 正!🐥 北菇滑雞飯（$27）菇同雞都夠晒香滑, 不過啲飯就有少少乾, (本人鍾意食淋少少), 建議加多啲鼓油食😆🍵 茶位（$4/位）以上價錢全部有88折…查看更多

今日放工之後，我哋嚟到太子搵嘢食。想起最近都好少去茶樓食點心，今晚就試吓去搵一間點心店食點心作為晚餐。我地來到太子的熱點。店牆上嘅畫都幾得意我哋都好鍾意食點心，一籠籠細份之餘，又有多款唔同嘅選擇，食咗好多唔同味道首先嚟到嘅係芋角，外皮酥脆，乾身，芋頭軟綿綿，入邊嘅餡料有肉粒、菇粒等等，口感豐富尖椒煎得好香，釀魚肉份量好多，好味叉燒包好大個！上枱嘅時候應該啱啱焗好，熱辣辣，上面脆卜卜，咬落去好軟辣汁味道適中，餃子份量都幾多初頭以為自己寫錯咗叫左兩籠，原來係店舖特登用細蒸籠去蒸，每籠兩粒，上枱嘅時候兩層搭起，避免食咗兩粒之後另外兩粒擺得耐蝦餃會凍，細心，欣賞！蝦嘅份量都好多，皮簿，正！燒賣同蝦餃都一樣，一客分開兩個籠燒賣餡料豐富，都幾大粒腸粉嘅皮幾滑，有米漿香味，蔥花同埋蝦米嘅份量都好足夠，令口感豐富，蔥同蝦米發揮各自嘅香味。呢個豬豬包好得意🤣佢哋而家有堂食八八折嘅優惠，都幾抵食。下次再嚟到試吓唔同嘅點心。…查看更多

自從疫情之後，都無乜去飲茶了。。今晚突然好想食點心！於是搵左一間全日都有點心食既餐廳- 熱點黎食！呢度既點心種類都唔少！我地2個人食左6樣點心！😬蝦餃皇幾大粒！蝦肉餡料都幾彈牙！😋魚翅灌湯餃，有驚喜！湯中真係有魚翅，粒餃非常大粒！味道好融洽！紫菜海鮮卷，見幾特別，所以試左！外表有d似壽司，不過入面唔係飯，而係好似蝦餃餡料咁彈牙既料！👍🏻香芒炸蝦卷，好大條，外表炸得好脆，入面有肉質幾爽既蝦，同芒果好夾！最後有雪山叉燒包同蜜汁叉燒腸，味道都不錯！埋單每人只係一百蚊倒👍🏻😬…查看更多

每年新年必去花墟買年花🌺今日係太子買完花好想食點心，就搵左呢間點心店一嘗，趕餐死希望趕係6點前堂食😅🤣 .呢間位於太子地鐵站A出口步行1分鐘既點心店係正彌敦道大街，星期六下午時分黎到都幾多人，只剩一張2人檯，餐廳裝修以簡約為題，座位卡位為主，尚算闊落。點心餐牌選擇不少，連籠仔飯/腸粉..都有幾多選擇。點心價錢都幾平(相比起太子內街個幾間點心店). .▪️熱點蝦餃王$16(2隻) and 熱點燒賣王$16(2隻)黎食點心必點既蝦餃燒賣😋平均$8/隻好抵食，每次叫2隻岩晒而家限聚令2個人。蝦餃皮薄，包著原隻大蝦🍤(大過隻手指）加埋DD竹筍索索聲好滋味；燒賣又係大大粒得黎，豬肉同蝦比例岩岩好，唔會太油膩，燒賣皮都唔痴牙，整得唔錯唔錯。.▪️虎皮煎釀尖椒$20絕對係抵食之選，$20有4件虎皮尖椒，尖椒刮走晒辣椒籽，唔會太辣，加上魚餅再一齊煎，簡單加點胡椒粉已經好夠味✌🏻.▪️雪山叉燒包$18(2件)雪山叉燒包呢樣野應該由3-80歲都會中意食🤣表皮脆脆地得黎，咬落去係滿滿叉燒，叉燒不會太肥(最怕叉燒包得肥膏)，鹹鹹地嘅叉燒搭配雪山表皮既甜，好match..▪️蒜香蝦春卷$22好多時食蝦春卷係好長好幼身，變相蝦肉份量好少，呢度反而係整得比較粗身，食落真係似春卷既Size，除左蒜蓉蝦仲加左少少蘿蔔絲同椰菜絲👌🏻.▪️蜂巢炸芋角$23炸芋角最考功夫，自己一定整唔到，出去食芋角一定要熱辣辣先好食，點心店就保證即叫即炸(酒樓飲茶好怕食到凍既), 色澤金黃得黎芋蓉軟滑，餡料帶汁又唔會太爆汁，蜂巢幼絲狀好靚仔。.▪️鮮竹牛肉球$20 and 蒜香蒸排骨$23牛肉球食到濃濃馬蹄同香蔥味，惹味十足；蒸排骨就正正常常無咩特別補充，只是價錢真心抵食😜.兩個人食完呢餐都食唔落晚餐🥣埋單唔使$100/個 ，平時入親酒樓食幾個點心都唔得，所以話呢，真係只想食點心又唔係去消磨時間既真係要搵返正宗點心店👍🏻😜…查看更多

以前飲茶食點心就要晌朝早去酒樓先嘆到，都唔記得何時，啲酒樓就加設夜茶，即喺晚市都食到點心，但近呢10年左右，點心專門店就越開越多，成行成市，真喺由日頭到夜晚都可以食嘆到點心。疫情緩和咗好多，但仍然唔可以掉以輕心，所以，約食飯都只喺約番啲相熟嘅一個、半個。今回友人話點心癮起，就約出嚟幫襯吓啲點心專門店。最近，試咗一家晌太子新開無耐嘅點心專門店「熱點」，整體感覺唔錯，就同大家分享吓。打開門入到去，第一眼喺近門口位左邊嘅外賣「廚房」，當然，唔喺晌呢度製作食物啦，只喺熱住啲點心等人買外賣，呢個時勢，外賣喺一家店佔幾大比重嘅收入來源。再行入啲，成間餐廳嘅格局就一眼睇晒，左右兩邊喺啲四人卡位，中間就喺啲活動式二人、四人枱，裝修簡潔，環境四正、整潔。店員嘅態度亦好有禮、勤快，一來我諗依家飲食難做，當然要加強啲招呼，二來有限聚令，又喺閒日，始終未到餐廳接受最高嘅人流量。一張點心紙就羅列晒所有款式，大部分會喺見慣見熟嘅款式，數數吓，都有成40、50款之多，睇落定價都算相宜，如果有留意嘅話，就會發現所有點心都改成5個字。順帶一提，茗茶每位收$5，而星期六、日、公眾假期全日需要加一，所以，閒日嚟試就可以慳少少。鮮蝦菜苗餃 $7/件甚少見啲點心斷隻賣，「熱點」就有幾款喺咁嘢，並用上細啲嘅蒸籠，睇起嚟唔會太肉酸。近件蝦餃以外，都幾鍾意食加埋菜苗嘅鮮蝦菜苗餃。件成品可謂皮薄餡靚，外皮夠晒晶瑩，入口唔黏牙，頗軟熟；鮮蝦與菜苗嘅比例恰好，入口既有鮮蝦嘅鮮爽，但又有菜苗嘅清香。山竹牛肉球 $20一客3球喺基本常態，墊咗少少鮮腐竹，牛肉球肉質結實卻甚彈牙，加入點點芫荽及馬蹄粒，增加口感及香味，喺好四平八穩嘅出品。蘿蔔千絲酥 $21件蘿蔔千絲酥絕對證明到啲點心喺即叫即製，入口熨熱辣，外皮非常酥香鬆化，更完全無油膩感，師傅炸功了得。而裡面塞滿蘿蔔絲，更喺清甜多汁。雪山叉燒包 $18外層「雪山」皮焗得香脆，但又唔易散，唔會食到一枱都喺碎碎，而包身鬆軟，入面嘅叉燒餡煮得惹味，更喺少肥，啲汁又啱啱好，最怕就醬汁過多。紫米脆網卷 $20今回無點蝦腸呀、叉腸呀，因為見到腸粉類有呢款紫米脆網卷，加入紫米做腸粉皮，裡面捲住脆網蝦膠，效果唔錯，可以講喺變種炸兩，所以，甚具口感，唯挑剔位喺今次啲網卷有少少油。楊枝甘露糕 $21最後，嚟一份甜點「些牙」吓，等今餐飯有個好結尾。雖然食嚟食去，都喺只食到西米同芒果肉，柚肉就唔喺好覺，但冰涼，又好足芒果香甜味，加上確喺有唔少清甜嘅芒果粒粒，整體而言，確喺幾好食。綜合而言，食物做得有一定水準，定價亦合理，加上地方又就腳，招呼到位，人少少想過吓點心癮，「熱點」都可以喺考慮之列。…查看更多

呢日中午去太子買古早蛋糕，順便喺嗰邊嘆杯茶、食個點心🥢。唔駛行到去花園街嗰邊就已經有選擇「熱點」，門口不乏買外賣嘅人。午餐時段點幾嗰陣坐滿人，學生妹自己一個都坐低慢慢食😍。我哋獲安排坐喺卡位，算幾闊落。一坐低店員就問我地飲咩茶，佢仲推介我哋試玄米茶，茶位每位$5。點心選擇種類正常，我比較欣賞佢部份點心可以逐粒嗌(兩粒起跳)，而唔係固定一籠👍。兩個人飲茶嗌嘢食好蝦人，有時想食多款又驚食唔哂，而家免卻唔少煩惱。蟹籽燒賣皇($9/隻)，燒賣餡同時有豬肉(無乜肥豬肉)同蝦肉，比例剛好，上面仲有蟹籽添🦀。熱點蝦餃皇($9/隻)，蝦餃皮厚薄適中，唔會一夾就穿，🦐蝦肉新鮮彈牙，好食就係咁簡單。鮮蝦菜苗餃($7/隻)，呢個相當有驚喜，菜苗餃皮較蝦餃皮煙韌有嚼勁，入面包棵超多菠菜，口感一流，又大隻，正啊😋。紫米脆網卷($22)，呢款點心可能係餐廳獨家，夠哂特別又好食。外層係紫米皮，有啖啖紫米香，內裡就包住脆網春卷，成個組合好過癮😛。XO醬蘿蔔糕($28)，蘿蔔糕切粒上，用XO醬炒得好香口，🌶微微辣好惹味，外層就煎至脆脆的。家鄉炒米粉($20)，唔好睇個樣好似好單調咁，食落唔錯㗎。炒米粉偏幼身，並唔易斷開，所以每條都好完整，無碎濕濕。味道就算唔駛落豉油都夠味🍜。雪山叉燒包($18)，叉燒包有兩大個，呢個係新派做法，並唔係用上傳統饅頭包皮，🐷叉燒餡滿滿的。薑蔥牛柏葉($22)，佢係壓軸出場，因為蒸嘅時間要耐啲。牛柏葉爽口入味，薑蔥味濃，另外仲加入麵筋索汁🤤。楊枝甘露糕($21)，糕品有三件，食落似將糖水變成糕狀嘅形態，有西米、芒果同柚子等元素。估唔到點心舖有賣呢味呢😳。總括嚟講，餐廳幾好啵，係吔一盅兩件嘅好去處。傳統點心整得好味，又不乏自家菜式，一家人嚟食或情侶撐枱腳都適宜。店員服務態度幾好，百忙之中都不斷幫我哋收碟、加水🙏🏻。…查看更多

因為限聚令嘅關係，都有一段時間冇去酒樓飲茶。今日經過太子彌敦道，有間舖頭專食點心就入去不妨一試，卻有無限驚喜！😍坐低點咗鐵觀音茶，個茶味十分濃郁，好有鐵觀音嗰種甘味。👍 Menu上食品好多，特色及傳統點心都有，點咗蝦餃皇及蟹籽燒賣皇，兩款點心都好足料，好有高級酒樓入面嘅水準。😋另外點咗薑蔥牛柏葉，要特別一題係牛柏葉超多，係得兩粒豆卜墊底，其他成碗都係牛栢葉，唔係碟仔係一隻碗，所以分量超多超抵食又好味。😋煎炸物就order咗豬仔鹹水角及XO醬蘿蔔糕，呢兩款係我推介，因為鹹水角整到好標緻，真係成隻豬仔樣咁，絕對係打卡之選又唔係好捨得食佢，XO醬蘿蔔糕用咗超香口嘅XO醬同埋爆香咗嘅蝦乾仔炒，鋪滿每粒蘿蔔糕上面，而且佢係切到一粒粒，一啖一粒食好方便👍。最值得講係兩個炸點心都係熱炙炙，由入面熱出嚟，即係話order咗先煮炸，冇話整定。包點類就揀咗雪山叉燒包，入面d叉燒超多， 叉燒汁又好濃，配埋包面嘅雪山，真係好好味食唔停口。😋而最後要講嘅係佢哋獨有嘅八寶籠仔飯，配料分別有冬菇粒、蝦醬肉粒、排骨、臘腸粒、蝦乾粒、雞粒、鳳爪、粟米粒，鋪喺飯面蒸。D飯索曬配料嘅精華 ，啖啖甘香而且帶有小小荷葉香味，個籠仔飯有成四至六碗，絕對超抵食。👍下次黎我一定會叫多次百寶籠仔飯加其他未試過嘅點心。😋…查看更多

好耐冇食點心🥧飲啖茶，食個包，又點會只系下午嘅事，夜晚都得㗎姐😙有個同事住喺大角咀，成日都會去太子同旺角食好西，最近比佢搵到一間新開嘅點心店。位置都幾方便，系正太子市中心。點心嘅種類繁多，即叫即蒸同埋煎炸灼為主，除咗傳統款式嘅點心之外，仲有啲自創嘅新式點心👍🏼最先叫咗個蘿蔔千絲酥，呢道菜真系吾系間間點心店都會有，一見到有真系即刻叫。千絲酥表面系一層層嘅酥皮，所以要整都考功夫，酥皮食落冇乜油膩感，幾好😋裡面嘅蘿蔔絲非常清甜，同酥皮好夾👍🏼👍🏼蝦餃喺點心店都系必叫的吧，叫得蝦餃皇我諗應該都算系呢間點心店嘅招牌點心。睇真啲🔍塊蝦餃皮同出面戈啲蝦餃系吾同㗎，紋理有啲似百褶裙嘅樣🤣幾得意，裡面嘅蝦都爽口彈牙。普通戈隻叉燒包平時就好多地方都有，雪山叉燒包就吾系度度有啊🤔雪山叉燒包呢幾年喺點心店都幾盛行，表面有好甜甜哋嘅酥皮，外型似菠蘿包，脆脆哋又吾會太甜。春卷就食得多，有賽螃蝦肉嘅真系未食過喎。呢個菜式真系第一次食，之所以叫賽螃蝦春卷，系因為入面有賽螃蟹肉，好多蛋白咁，可以感受到賽螃蟹肉嘅鮮味😍雖然紫米卷個樣麻麻地🙈但真心系特別嘅！裡面系飯卷同埋啲碎蝦肉，裡面嘅脆脆好香口😋出面嘅紫米腸粉都有啲紫米味嘅。一入到店內，店員已經問我地想吾想飲玄米茶，未試過喺點心店飲玄米茶，吾洗局限於香片普洱，玄米茶清新又解膩。…查看更多