牛丼家

營業中

休息中

本地品牌熱狗店齊柏林，最近開設牛丼副線 ❛牛丼家❜！餐廳位於旺角，營業到凌晨2點，想食宵夜可以考慮嚟呢度🤣二樓嘅枱上放有電磁爐，睇嚟遲啲有火鍋套餐～而家做緊試業優惠，推出優惠價$100/5碗牛肉飯嘅套票，平均一碗只需$20，真係好抵！丼飯包括鰻魚、豬、牛、雞，而且有多款口味：原味、香蔥、雙重芝士、咖喱、溫泉蛋，最平$26就買到！🐂雙重芝士牛魔王飯(M) ($55)呢碗飯果然無改錯名🤣成個碗都鋪滿咗芝士，份量好澎湃😍開始食之前跟餐廳教學，將牛魔王汁淋落白飯度 (唔好直接淋漢堡扒)，再將飯同芝士撈勻，真係極邪惡呀！漢堡扒採用澳洲和牛，表面燒得有少少焦脆，咬落去好Juicy；值得一提嘅係個牛魔王醬汁，以特別提煉嘅牛肉脂肪、柚子醋等調配而成，整體食落甜甜地又有芝士香味，伴酸薑片解膩一流～🐓泡菜照燒雞扒飯(M) ($46)雞扒份量都幾多，而且肉質厚身嫩滑😍雞扒同白飯都沾滿日式照燒汁，食落甜甜地，成個配搭好夾，再搭泡菜一齊食不會太辣，仲非常開胃～⪢ 升級套餐 ⪡炸公魚仔＋飲品 (+$15)炸雞＋飲品 (+$20)🐓炸雞 炸雞有三件，外層炸成金黃色，內裏肉質鮮嫩～而且炸得幾乾身，食落一啲都唔覺得油淋

平時去日本都經常食牛丼🇯🇵而家開咗間香港本地嘅牛丼店就首先去試吓😜 價錢佛心CP值好高🩷 味道唔錯而且座位闊落又方便值得一試呢🥹⭐️ 雙重芝士牛魔王飯 🥩分量好豐富嘅漢堡扒入口Juicy🤩配上雙重芝士惹味十足🧀份量好豐富跟餐叫咗炸雞小食既口味都好香口🍗配上冰紅茶好消暑☀️⭐️ 泡菜照燒雞扒飯 🐔雞扒入口肉質都唔錯唔會太乾👍🏻配上泡菜調味就更開胃🌶️特別加返青菜同味增湯清下腸胃🥬好唔錯

以前最中意食齊柏林既野食， 最近聽講佢旗下開左一間主打牛丼飯既日式餐廳， 咁緊係要捧下場😋 地理位置好方便 ，就係旺角通菜街。岩岩新開張都幾多人撐場，價錢黎講絕對係抵， 最貴都係$75一個大丼飯。 今次帶埋男朋友黎食， 中意食牛既佢就簡左「雙重芝士牛魔王飯」，而我就簡左「鹽醬汁豚肉飯」。 仲可以加錢升級套餐， 我就加$10要青菜套餐配味噌湯；而男朋友就加$20要炸雞套餐配雪碧。🐮 雙重芝士牛魔王飯（$55）：一拎到手真係嘩一聲 。 真係滿滿都係芝士🧀🫨🫨🫨好震驚既多。 真係啖啖芝士味😋😋 中意食芝士既朋友真係岩哂🫢 個牛都好大舊 肉質鮮味有牛味😋 夾埋芝士勁大滿足感☺️🐷鹽醬汁豚肉飯（$38） ： 豚肉彈牙多汁， 個鹽醬汁好入味，味道岩岩好！仲要幾大塊， 真係超抵食。 🐔 炸雞套餐+味噌湯：其實一個飯加$20就有。 飲品除左味噌湯，仲可以簡汽水/白桃汁/ 冰紅茶。 炸雞有3舊，肉質鮮味又林🤤味噌湯味道比想像中淡身 但整體唔錯， 岩哂唔太喜好濃味既人飲🥬青菜套餐+雪碧： 味道唔錯👍唔會太油/太清淡

👧🏻😋👅🍽✨平靚正有心牛丼飯 新張值得支持🙌🏻-🇯🇵 牛丼家主打平價牛丼飯, 第一下會諗起好多分店既另一間牛丼飯, 但我食過兩次都覺得份量偏少, 雖然平但唔太好食就冇再幫襯過, 反而牛丼家幾驚喜, 見佢地社交平台都好有心share返客人既feedback同會做咩改善, 試業期間值得多多支持🇯🇵 盛世酒店2層佔地好大, 1樓有幾部自助販賣機同少量座位, 本身都驚要等一陣, 但上到2樓見到好多位任坐! btw快餐店竟然一入門口仲有姐姐帶位😂 佢都好勤力上樓上收碟清潔-🐮 雙重芝士牛魔王飯 (L) $75💯餐牌寫到明L比M肉多80%, 飯多30%, 但明明漢堡扒就係一塊變兩塊, 連牛魔王汁都有兩兜, 識食一定係揀L size牛魔王🤓 💯牛魔王汁係牛油+牛肉汁勁好食, 枱面教學有寫係倒落飯撈勻, 果然係唔需要倒落塊扒, 因為本身已好多肉汁好夠味-🐥 照燒雞扒飯 (M) $36✨只需$36但唔頹! 雞扒好滑又厚身仲係脆皮, 淋滿燒汁冇得彈, 平靚正之選-🍱 優惠套餐💯公魚仔+飲品 $15 公魚仔即係多春魚, 一大三細正常發揮, 餐可以揀湯/飲品係幾抵, 伕品方面有白桃汁/冰紅茶, 有糖無糖都齊晒

齊柏林都賣牛肉飯，叫「GYUDONYA牛丼家」你唔係唔知啊嘛？😂😂😂一聽到試業就即刻衝～仲要係旺角地鐵站附近，勁方便！試左2個套餐+$10 有青菜同飲品+$20 有炸雞同飲品雙重芝士牛魔王飯$55(m)面層鋪滿芝士🧀仲會拉絲😏記得要加埋佢個秘製牛魔王汁，柚子醋酸酸甜甜好好撈飯😂漢堡扒咬落有肉汁～唔錯溫泉蛋牛肉飯 $39(m)溫泉蛋配牛肉飯，絕對係王道！肥牛唔會韌，個汁調得岩岩好，唔會過鹹～炸雞都唔錯🤤😋幾Juicy唔厚粉～飲品試咗白桃汁同冰紅茶～唔錯😌唔會太甜，冰紅茶有茶味👍🏻同其他丼飯一樣都係有分三個size～本地品牌牛肉飯～性價比高💛值得支持！最正係佢開到凌晨兩點🕑夜咗都唔怕冇嘢食🥹聽聞遲啲會開放埋早餐時段同埋壽喜燒😼好期待🫶🏻GYUDONYA 牛丼家 @gyudonya_hk 📍旺角通菜街123號盛世酒店1樓及2樓#牛肉丼飯 #牛肉飯 #牛肉丼 #GYUDONYA牛丼家 #GYUDONYA #牛丼家 #旺角#旺角美食 #香港美食 #hkfoodie