Burger Shot

營業中

休息中

Burger Shot位置有少少偏僻，介乎九龍灣站同牛頭角中間，今日打波既籃球場剛好係餐廳附近，餐廳設有室內同室外座位，空間寬敞。我哋叫咗一個二人餐，包括兩個漢堡/意粉/熱狗，一款小食，大薯條同兩杯飲品，價錢唔駛$250。- 雙層手打牛肉芝士漢堡漢堡扒肉汁非常豐富，外皮焦脆，肉質軟滑，麵包好鬆軟而且輕輕烘過，加上生菜、蕃茄同芝士，味道豐富。- 烤汁手撕豬洋蔥熱狗熱狗上面鋪滿焦糖化洋蔥同手撕豬，醬汁酸酸甜甜幾開胃。- 大薯條薯條份量非常多，而且即叫即炸，另外附送醬汁，餐廳有八款醬汁，包括茄汁、甜酸沙律醬、蜜糖芥辣、日式芥辣、辣辣白醬、黑松露醬、芫茜白醬同千島醬。- 脆炸雞塊其實係炸雞扒，不過將佢切開一件件😂。外皮炸到好脆而且好juicy，小食同樣附送醬汁，今次揀左黑松露醬，dip 一dip更加惹味😍

放假陪朋友去牛頭角睇樓, 再係附近覓食, 見到呢間主打Burger嘅小店, 於是就入去試試。餐廳設室外室內座位, 座位唔多。呢度除咗主打多款burger, 仲有少量款式嘅hotdog、意粉、小食、飲品等等...雙層手打牛肉芝士漢堡: 呢款burger疊得高高的好豐富, 打孖兩層「手打」牛肉, 一咬落去口感柔軟有肉汁, 芝士跟手打牛肉溶為一體, 好邪惡, 配上生菜絲、洋蔥、香甜多汁蕃茄, 口感層次豐富, 美味!安格斯牛肉芝士漢堡: 漢堡包鬆軟, 安格斯牛肉肉厚多汁, 中層仲keep到嫩紅牛肉, 配上厚厚洋蔥、蕃茄、芝士、生菜等等, 滋味無窮。Burger係不同時段都可追加薯條同飲品,薯條有數款醬汁自選配搭, 黑松露醬最好食。野飲揀白桃爆爆、藍莓爆爆, 果味濃縮汁, 再跟一罐梳打水, 自行調節濃度, 仲有爆珠滿足口感。烤汁手撕豬洋蔥熱狗: 熱狗包夾住脆皮腸, 加上了手撕豬同埋醃洋蔥, 配上鹹甜烤汁, 肉香美味。黑松露野菌忌廉扁意粉: 扁意粉好creamy, 忌廉味同埋菇菌味重。炸魷魚鬚: 炸得香脆, 唔算太油, 魷魚鬚爽得黎唔韌。另外仲叫咗兩支烏龍茶。

之前去過同類的漢堡店，感覺都一般般，沒有想到過這間有驚喜，牛肉調味啱啱好，一咬落去牛肉汁爆發出來，滋味極了。面包很鬆軟，而且塗上很多牛油，每一啖都充滿牛油香味，十分享受。美中不足是沒有我最喜愛的酸青瓜，如果加埋落去就不得了。整體來說真超班。我還配了薯條和粟米湯，薯條是我最愛的粗薯條，又熱又脆，而粟米湯應該是自家製，不是罐頭湯貨式，十分清甜。這店的店員無論是廚師和樓面都十分nice，特別是收銀姐姐很細心親切。

而家好多漢堡包舖🍔都係連鎖式，或者用大公司嘅入貨來源。我哋今次就搵到一間觀塘隱世Burger舖，標榜用嘅麵包🥯係嚟自牛頭角地區小店😎。餐廳仲提供八款醬料，包括有茄汁、甜酸沙律、蜜糖芥辣、日式芥辣、辣辣白醬、黑松露、芫荽白醬、千島醬，而且大部份嘅醬都係舖頭自己調製㖭🥳。.🍔雙層手打牛肉芝士漢堡($88)呢款漢堡都唔例外，裏面嘅牛肉漢堡扒係舖頭全人手打造😱，口感超正，而且煎得幾香。配埋經典嘅芝士🧀、茄汁，滿足咗想食漢堡嘅心情！.🐮霸氣雙層安格斯芝士漢堡($118)如果想啖啖肉，就建議嗌呢款😍。兩塊安格斯漢堡扒真係超級厚🤩，一咬落去有一半嘅口感都係柔軟又香嘅漢堡肉。呢款嘅醬汁係用咗白醬，帶有芝士嘅香味，感覺更加濃郁🤤。.🍟炸薯條($38)份量真係超級多！都係即叫即製，所以新鮮炸起夠曬熱辣辣🔥，而且特別脆口。小食每款都可以配一種特色醬汁，裏面大部份都係舖頭自家調製，我哋就覺得辣辣白醬最夾薯條😝，少少辣味，加埋沙律醬嘅濃郁感覺，好正。.🔥炸魷魚鬚($48)除咗新鮮炸氣之外，魷魚鬚本身嘅味道都好香。炸皮有紫菜海苔碎😚，配埋魷魚嘅海鮮風味，更加香口😛。炸魷魚酥就啱點日式芥辣醬，辣根嘅淡淡Wasabi