味道樂居酒屋 (河內道)

營業中

休息中

呢間居酒屋位置都幾方便地鐵站一出就係 而且對面就係K11😛店內裝修都好日本 而有唔同懷舊玩具做點綴餐牌選擇好多 而點菜係scan QR code點嘅～試咗兩款卷物 可惜辣三文魚售罄🥲每份有六件 飯嘅口感同溫度不錯 入面餡主要係青瓜絲 幾爽口清新吞拿魚蓉入口即溶 感覺不錯😋帶子幾大粒但偏薄 而蟹膏有啲腥腥地上枱嘅時候有火熱住 雖然好快就燒完😂肥牛好香🤤 配料都好足 而且都幾入味壽喜燒湯底甜甜地 又唔會咸👍🏻平時食開牛舌片 第一次食咁厚嘅牛舌！厚得黎都煮得幾霖 口感甚至有啲似牛腩😋醬汁咸度剛好 都好入味👍🏻而伴碟嘅脆蒜幾脆 但蒜味重到有啲苦🤭等到最後啲蠔終於上枱🤣有三款蠔可以自由配搭 咁我地每款都叫左一隻試下😛蠔係岩岩燒起 好熱😛 本體味道不過不失 略嫌唔夠鮮味而配料好足 同埋都加左煙肉吊味-雙色芝士：好香 但食唔出兩款芝士(?) 但最推介呢款👍🏻-煙肉櫻花蝦：整體偏咸 -辣蒜：非常辣！食一小啖成個口腔要焫著咁😂 唔食得辣嘅真係要小心🤭鋪頭做緊promotionlike左社交平台就送半隻溏心蛋～醬油味幾香 不過唔夠溏心 黑松露比例岩岩好 意想不到咁夾👍🏻——————————————————

呢晚同朋友去尖沙咀食飯，我哋見K11對面間「味道樂居酒屋🏮」門面好似唔錯喎，就一於試下。好彩我哋食得早，晏啲都無枱啊，好多人預先訂咗位。作為一間居酒屋，佢有齊各樣必備嘅日本菜，包括送酒小食、刺身壽司🍣、串燒🍢、一品料理同和食🍙等，價錢就一般啦，但我見啲午市套餐就幾抵。由於晏晝食咗魚生飯，所以夜晚我就冇叫到壽司刺身，主要食熟食，兩個人食以上份量都夠哂飽👍。野菜牛肉湯烏冬($98)，烏冬係第一道上菜嘅食物，一開始嘅時候淨係見到鋪面嘅半熟牛肉，以及啡色嘅湯底，感覺有啲似越南粉，哈哈🤣，但賣相都唔錯，份量亦唔少。牛肉片好足料，有好多塊🥩。烏冬口感幾彈牙唔錯，另外原來餸料仲有各式各樣嘅菇菇，如金菇、蟹味菇同冬菇等。牛肉壽喜燒($108)，🍲壽喜燒嚟講價錢唔貴，牛肉份量多，上枱時牛肉偏生，記得襯個湯仲熱時淥熟佢。湯頭甜甜的幾惹味，同牛肉烏冬個湯唔同。墊底有唔少蔬菜，如果配埋粉絲會更出色。題外話，小鍋用有火爐仔㷫住🔥，成個爐具組合幾得意。本身預期會好滾好熱，但又唔算啵。鐵板蒜片香煎厚切煎牛舌($78)，牛肉，全部都係牛肉，皆因我哋係牛魔王。牛脷賣相好有霸氣😎，因為木板上面再放咗塊鐵板，店員提醒要小心

黑松露和牛炒飯(碗) Wagyu Fried Rice with Black Truffle ($58) 和牛炒飯看落份量不大，只有一整碗。黑松露醬的緣故，飯本身香噴噴，松露的香味四逸；還有和牛提升口感；加上炒飯乾身味美，值得一讚。鐵板牛油煎黑松露帆立貝 Teppanyaki Scallop with Black Truffle ($88) 送上時鐵板微熱，可以保持帆立貝的溫度。帆立貝質素不俗，加上香菇和黑松露的襯托，既香又滑又彈牙，口感也有層次感也有，結果我連作為配菜的香菇也沒有放過，通通也吃掉！鐵板蒜片香煎厚切煎牛舌 Teppanyaki Ox Tongue ($78) 以鐵板作底，送上剛剛好的燒牛舌。牛舌口感好，好咬得來爽，還有一陣陣油香味。五點刺身盛合刺身 ($298) 價錢都幾進取，不過睇到實物已經感覺也不錯，刺身的質素卻遠放題好；值得一提的是，三文魚嫩滑，但不算最高質素；帶子好滑；油甘魚有油香，蝦都大條，仲唔少喎！火灸北海道帆立貝蟹膏卷 Seared Hokkaido Scallop with Sea Urchin Roll ($88) 卷口感豐富，除了有帆立貝的鮮味和蟹膏

之前有一次walk in諗住試下，可惜冇位，所以今次就專登book咗位先去去到侍應已經同我地講限時個半鐘定兩個鐘，咁我地都ok,諗住食完再行街喺我地揀嘢食途中有另一枱入嚟坐低，聽到限時之後佢地猶豫咗一陣，最後都係決定走去食另一間。我地總共叫咗8樣嘢咁多！第一樣係原隻脆炸軟殼蟹蟹籽沙律，軟殻蟹炸得好脆！好好食！第二樣係燒白飯魚干，本時屋企煮飯都會食到，咁嘅食法都係第一次，脆卜卜，冇乜味咁，點沙律醬好食第三樣係原條成田醬炭火燒鰻魚飯，條鰻魚真係好長，仲好厚肉不過啲醬唔係幾夠第四樣係味淋魚干，我比較鍾意食再脆啲嘅，不過呢隻有啲肉地，幾有口感第五樣係鐵板蒜片香煎厚切煎牛舌，煎得好好食！一咬就咬得開同埋等一陣再食另一舊都仲係熱嘅第六樣係煙肉荔枝卷，兩隻味好夾，荔枝好清新第七樣係鹽燒翠玉瓜，呢個比我想像中燒得好食，好多汁，食咗咁多肉食返啲蔬菜好fresh第八樣係鹽燒雞翼，去到最後先唔記得影相，太多嘢食食得太開心就係好普通嘅燒雞翼整體嚟講呢間都幾有日本feel,成間居酒屋放咗好多玩具擺設，好得意！嘢食都好好食，值得嚟食，不過座位之間有啲逼，好易就聽到隔離講咩

今晚約左多年無見嘅舊同事食飯, 住喺長沙彎嘅朋友話有間區內高質居酒屋喺TST都有分店, 既然有人食過guarantee就更好唔使煩, 尖沙咀地鐵站N2出口就係, 勁方便.•七點刺身盛盒 (HKD428)等緊人齊時叫住刺身先, 好多款刺身, 最吸引當然係正中間兩件拖羅吧! D刺身要用”件”而唔係”片”因為全部都起碼成cm咁厚, 一啖油香四溢, 新鮮到不得了. 長過隻手指嘅甜蝦☝🏻, 然後食油甘魚刺身, 口感好柔軟, 都未食其他野已經感覺半飽.•醬油燒年糕 (HKD38 for 2件)一串兩粒圓咕碌嘅日本🇯🇵年糕, 口感香Q.•大葱特上呑拿魚腩卷 (HKD78)一碟6件壽司, 由內到外勁多呑拿魚腩肉呢, 抵食之選.•火炙北海道帆立貝蟹膏卷 (HKD88)喺門口睇到其中一張menu嘅廚師推介已經想order, 又有帆立貝又有蟹膏, 一次過滿足唒兩個願望, 壽司飯包住松葉蟹棒, 味道由淡至濃, 蟹膏份量就如店家menu一樣, 大滿足.•原條成田醬炭火燒鰻魚飯 (HKD128)朋友喺長沙彎店食過話li個鰻魚飯係必食item, 令我唸起成田山食過一間叫”川豐”嘅超正鰻魚飯. Li個thumb up

為咗慶祝聖誕節，前幾日去咗尖沙咀食飯。見到呢間日式居酒屋有啲聖誕限定，於是就去咗試試。除咗刺身、丼、飯，我地仲叫咗啲小食。兩個人食真係飽到無語，但整體都唔錯，值得推介。是日柯打最先到嘅係白桃乳酸梳打，入口濃濃白桃味，配合乳酸，甜中帶微微酸，相當適合中和口中雜亂嘅味道，而且好解渴。接住仲有油甘魚腩刺身，呢度刺身相當厚身，油脂豐富，口中啖啖肉，無腥味相當新鮮。承接刺身係各款小食，分別有鐵板蒜片香煎牛舌、醬油燒年糕同芝士鐵板餃子。首先講下牛舌，份量多而且的確相當厚身；味道夠，就算唔夾蒜片一齊食，本身已經有味；肉身口感有林亦有咬口嘅，呢個價錢其實好抵。其次要讚嘅係醬油燒年糕真係好好食，雖然呢款小食大多數都係來貨，但師傅燒得皮脆內軟，熱辣辣配合醬油味好開胃，食到令人禁不微笑。繼續上菜嘅係主食，我地柯打咗一個刺身丼同鰻魚飯。幸福滿滿海膽丼猶如其名，裡頭有一注海膽、吞拿魚蓉，以及分開放嘅三文魚籽，唔好睇佢細細份，其實我認為呢個份量岩岩好，刺身同飯嘅比例完美咁分配均勻每一口，當你食到最後一口就剛好食哂整個丼；除此之外，呢個配搭本來就無得輸，刺身鮮甜唔腥，食完當堂幸福哂。而炭燒鰻魚飯，水準都十分高。首先

近近地係尖沙咀搵間日本野食，地鐵站附近就見到呢間居酒屋，裡面仲幾多人，好似唔錯。點左好多野食，慢慢食唔覺唔覺就食左好多三文魚腩刺身 $48 - 三件，基本一定要點，最愛刺身😍😍甜蝦刺身 $58油甘魚刺身 $68 - 肥美芝士吉列海虎蝦卷 $78大蔥特上吞拿魚卷腩 $78火炙左口魚邊 $48 原條炭火燒饅魚飯 $128 - 原條饅魚😍😍 未見過成條上，饅魚味濃厚，而且飯量好多鐵板蒜片香煎厚切煎牛舌 $68燒刀貝蜆 $98 - 限時供應，新鮮眼闊肚窄，點太多野食，其實以尖沙咀咁近MTR 地段黎講，餐廳價錢合理

日本傳統的居酒屋🍶，都是上班一族下班後放鬆的地方🎊，一般裝潢佈置都是溫暖舒適☺️，這家居酒屋也不例外😉，由內到外都極有東瀛風味🎏。店內主要以暖色系為主🌲，由枱凳至牆身都木🌳，配合精緻的擺設🖼，帶著濃厚居酒屋的懷舊氣息🎉。餐具上印有河豚圖案🐡，超級可愛喔😍~味淋魚干🐠：先來一客佐酒前菜🍶，以炭火燒製的魚干🔥，配上了獨特的醬汁🖤，點上點點的沙律醬😌，更為醒胃👍🏽。日本原條網池🐟：點了半條的份量😁，池魚一向以魚身飽滿😍、肉質鮮嫩而聞名😋，點菜時可選擇厚切或薄切🔪，但當然是薄切最為合適了👍🏽。點上了酸汁入口🥢，更能提升魚肉的鮮味✨，鮮甜味與油香在口中慢慢擴散😳，幸福感滿溢💗！海膽壽司🌊：橙黃色的海膽肉🧡，味道濃厚😋，口感嫩滑😍，新鮮度滿分👍。芝士免治雞肉棒🐥：免治雞肉中加入了軟骨🤔，口感增加了不少層次感😳，滿滿的芝士🧀，味道濃郁🤤。黑蒜黑豚肉卷🐽：豚肉口感嫩滑🤩，入口有著陣陣的蒜香💖，肉汁豐盈💦。鐵板蒜片香煎厚切煎牛舌🐮：肉質厚嫩😙，口感脆軟💘，彈性十足🈵，慢慢的咀嚼😌，讓人回味無窮😁。鐵板牛油煎黑松露帆立貝🐚：店員一端上💁，馬上就能嗅到黑松露那獨特的香氣😍；帆立貝味道鮮甜😊，質感爽彈😉。原條成