Cafe 2 Oyster n Grill

餐廳：Cafe 2 Oyster n Grill地點：西環西營盤菜式：西餐、生蠔餐牌：生蠔、湯、沙律、Side Dishes、前菜、意粉意大利飯、比薩、烤海鮮、海鮮、牛扒、豬、甜品等。先黎半打生蠔開開胃。愛爾蘭石蠔 Irish Rock $29 另加一愛爾蘭石蠔比較Mineral，味道非常鹹香，好有海水味。法國聖馬田生蠔 St Martin $29 另加一法國聖馬田生蠔較為creamy，入口滑溜，好食。西班牙銀堡生蠔Castillo $39 另加一呢個西班牙銀堡生蠔最正，好肥美，入口滑溜有口感，正！Barton & Guestier Sparkling Blanc de Blanc (France) Champagne Style $48 另加一呢杯酒d泡泡好靚，望住泡泡上升好療癒。飲落好易入口，好飲wor。檸汁醃八爪魚 $148 另加一慢煮八爪魚多片加有檸檬汁，口感一流，有咬口又唔會太硬。下底係撈有莎莎醬，歐芹，甜黑醋同滑溜牛油果既沙律，好開胃。慢煮和牛薄片伴香醋汁 $158 另加一大大隻碟舖滿薄薄嫩口和牛薄片，面頭加滿鹹香芝士片同新鮮火箭菜，加有香甜黑醋，帶黎多重口感，味道又鹹又甜，好美味。炭燒海鮮拼盤 $398 另加一炭燒海鮮拼盤好大盤用木板上枱，大大隻連殼連頭有膏大蝦，一大條脆皮嫩肉魚柳，仲有三隻嫩口鮮美厚肉加拿大帶子，下底有好多有嚼勁八爪魚片同爽口啖啖肉螺肉，伴有新鮮沙律菜。醬汁有泰式醬汁，少少辣好惹味，仲有一件檸檬角。總括而言，海鮮非常新鮮，所有海鮮都食得出鮮味，推介。炭燒美國安格斯西冷扒 $298 另加一炭燒美國安格斯西冷扒足有12安士，超大件，連少少筋，有咬口，叫左medium rare，中間帶少少粉紅色，都好嫩口，牛味好濃。伴有蘑菇燒汁，真係有蘑菇粒，唔太鹹。伴有兩大件番茄同翠玉瓜，仲有熱辣辣炸起粗身薯條。芒果沙冰 $65 另加一芒果沙冰大大杯，面頭仲加上忌廉，飲落係滑溜天然芒果味，唔太甜。朱古力心太軟伴雲呢拿雪糕 $88 另加一大大件脆皮流心朱古力蛋糕灑上少少糖霜，配一大球雲呢拿雪糕同一條朱古力蛋捲，仲有一粒新鮮士多啤梨同三粒藍莓。暖暖地既流心朱古力蛋糕配冰凍融緊既雲呢拿雪糕簡直係絕配，仲有朱古力曲奇碎加添口感，呢度將呢道甜品整得好好。鐵板朱古力布朗尼伴雲呢拿雪糕 $78 另加一我第一次食呢款熱辣辣鐵板上既朱古力布朗尼，服務員係你面前倒朱古力醬，嗰個色香味簡直令你視覺聽覺同味覺都大大滿足。首先聞到好香朱古力味，然後入口係熱辣辣布朗尼配融緊既雲呢拿雪糕加流緊既朱古力醬，仲有鐵板上既朱古力曲奇碎，口感味覺同比各有千秋。意大利芝士餅配雪糕及水果裝飾 $68 另加一好大件意大利芝士餅，口感輕盈滑溜唔太膩，酒味同朱古力唔太濃，忌廉感好強。我第一次配雲呢拿雪糕食，原來都好好食，好夾。伴有朱古力味蛋捲一條，一粒新鮮士多啤梨同三粒藍莓。加有少少草莓醬添少少新鮮感。今餐食物質素好高，由生蠔到前菜主菜甜品都好正，份量大份。外籍服務員係西人，服務態度非常好。餐廳裝修好有歐洲氣氛，播放輕鬆音樂。…查看更多

今晚再去食cafe2，與舊同學相聚我地約好大約7:30到，大家都好準時到，入到去坐下來就點菜Seasonal Oyster Platter （12pcs）首先點左生蠔拼盤有3款，好新鮮既生蠔好濃厚的海水味，口感豐富黑松露牛肝菌湯 一黎到就聞到陣陣黑松露，好香濃美味，口感細滑蟹肉南瓜湯 南瓜味香濃再配蟹肉，口感豐富，令到湯更加解甜美味蒜蓉包香脆鬆軟既蒜蓉包配上熱湯好美味廚師拼盤 美味的火腿和辣肉腸芝士五重奏薄餅 濃郁的芝士，配上薄薄的皮底，好美味炭燒美國斧頭扒(40oz - 45oz)大大的斧頭扒，味道鮮嫩多汁美味鐵板朱古力布朗尼伴雲呢拿雪糕 熱辣辣既鐵板品嚐 brownies,十分有特色法式焦糖燉蛋 燉蛋質感細滑好濃郁的焦糖味…查看更多

自從港鐵港島線伸延至西營盤，真係方便咗好多，而我嘅搵食範圍亦擴闊左好多。 今晚朋友約我去一間餐廳食斧頭扒，餐廳地點非常方便，係大學站出，行3分鐘就到。餐廳燈光柔和，感覺輕鬆浪漫。周打蠔肉湯  $68蠔肉湯湯色呈深黃色，加入忌廉打到好幼滑，中間仲有一隻蠔肉添~ 飲落蠔味濃烈，啖啖鮮味。正！炭燒海鮮拼盤 $298 睇過我食評都應該知我有選擇困難症，所以每次見到拼盤都會必點，因為樣樣都有d，可以樣樣都試到。海鮮拼盤有燒帶子、燒大蝦、翡翠螺同埋燒魷魚，上枱已傳黎陣陣炭燒香。帶子經香煎得十分香口，入口鮮嫩香軟。大蝦肉質爽口彈牙。翡翠螺爽脆鮮甜。魷魚煙煙韌韌，配上特製醬汁，鮮味更出。蟹肉流心蛋釀大啡菇 $138啡菇有我拳頭咁大呀~ 裏面裝滿蟹肉再加入芝士、蛋入去焗，再係面層鋪上魚子。一刀切落去，半生熟流心蛋嘅蛋汁瞬間湧出。啡菇同其他材料焗到好香口，蟹肉頗多，再加埋魚子一齊咬，口感好豐富。炭燒澳洲斧頭扒 - $698終於試到斧頭扒，真係成把斧頭咁，有成40安士，除左大件之外，仲有一定嘅厚度。我同老公兩個的話，一定食唔晒，所以最啱同朋友一齊食飯試~ 侍應仲好細心，會幫我地切件再上枱，咁就可以舒舒服服咁食啦。斧頭扒入口有好香嘅炭香味，咬落外層香脆，一啲都唔韌，而且肉味頗濃，仲好juicy。法國Rougie鵝肝意大利飯 - $178鍾意食鵝肝嘅人，一定會識Rougie 呢個法國頂級品牌。意大利飯軟硬適中，味道一流。鵝肝煎得好香，入口外脆內嫰，口感細滑，而且入口融化，口腔充滿住鵝肝嘅甘美，好想食多件呀~鐵板朱古力布朗尼伴雲呢拿雪糕 $58甜品好特別係用鐵板上，而且得好精緻。Brownies口感濕潤又帶啲酒香，味道都好好味。好滿足~…查看更多

最近去到西環 發現左一間幾唔錯GE 餐廳最近推出左個FREE FLOW 推介: 紅,白,啤酒都無限任添!!!!白酒都好重果味!!!好易入口!仲可以試埋紅酒,啤酒!!叫左兩個前菜脆炸有機甜粟米,凱撒沙律 。沙律好清甜, 炸粟米好可口。之後叫左個蟹肉流心蛋釀大啡菇,依個好有驚喜!!!!一座山禁高GE蟹肉之後切入去仲有流心蛋!! 好足料!菇都好香!朋友介紹我一定要試下個生蠔!!仲要有淡味食到濃味!自問我對蠔唔係禁識印賞。但估唔到同樣係蠔,味道差很遠,由淡到濃食好正,加上好重海水味 好新鮮!! 依個真係愛上了!依個斧頭扒成隻手禁大!!! 見到都嚇一嚇!! 40-45oz!真係要叫多D人先食得哂！好正！可以叫待應哥哥幫手切件！肉汁厚，肥美，牛味好重！值得一試！四式薄餅好重芝士味,外皮好脆,仲有D 火箭味! 價錢相對抵食!!墨魚汁海鮮意大利飯,原隻元貝,墨汁飯,海蝦!! 看上去很奇怪! 但食落口,估唔到飯粒入面好重海鮮味!! 意外地好食!!最後試埋兩個甜品!! Perfect!做得好精緻!味道都好好味!! 好滿足GE 一個晚上!!!!!…查看更多

聽講西環有間西餐廳有炭燒斧頭扒食，有成45安士一塊，足夠6至8人食，另外仲有今個月推出新菜色，即刻約左三五知己走去試試周打蠔肉湯，蠔味好重，啱哂喜歡蠔的人士蟹肉南瓜湯燒雞沙律，燒雞夠嫩口佩新鮮菜沙律醬，感覺好清新廚師拼盤，有芝士、煙肉、三文魚、新鮮菜、份量足夠4至6人蟹肉流心蛋釀大啡菇（新菜式），啡菇好大隻加上蟹肉同流心蛋好配合必試焗芝士蟹肉扇貝（新菜式），充滿海鮮的菜式炭燒美國安格斯斧頭扒（45oz)法國Rougie鵝肝意大利飯鐵板朱古力布朗尼伴雲呢拿雪糕（甜品必食推介）法式焦糖燉蛋朱古力熔岩伴雲呢拿雪糕（Large），份量足夠幾個人分享…查看更多

返工日日經過西環，成日經過呢間野但都未食過，今次膽粗粗走大入去因為我地都幾多人既關係，叫左個好大既沙律，除左菜之外仲有Parma ham同cheese，菜食得出好新鮮，不過無汁真係乾左小小。雖然無聊左小小，但我真係好想讚個南瓜湯好好飲！勁濃滑～店員為我地強烈推薦佢地新出的menu焗芝士蟹肉扇貝同大菇，成班聽到扇貝癲左，每樣叫左一個，蟹肉真係好多好滿足！大菇勁juicy，但食完都幾飽，比起前菜可以當主菜都得重頭戲美國安格斯斧頭扒來了！有成40幾oz，有我半個人咁高！店員好好比我地影完相先切，肉質好軟好juicy，可能因為係骨旁邊，啖啖肉真係好幸福～好！另一個重點，甜品！係重量級心太軟呀！成個飯碗咁大～第一次見，而且雖然佢大，但流心朱古力十足架，好正！朱古力brownie配雪糕，仲要鐵板上，唔算甜因為用黑朱古力，好食又好睇…查看更多

每年開學都要同班同學一齊食餐開sem飯，難得又要一齊奮戰一年咁緊係要食餐好啦Cafe出面已經比到一個好高級嘅感覺我，覺得擺設嘅燈飾好match西環依個地方入到去裹面就知道點解班女同學會建議黎依間cafe食，因為真係坐得好舒服。個環境好適合一班人坐低談心之後我自己就點左一杯野飲熱下身先Lychee Paradise $60我食過唔少cafe嘅野飲都係$60-$80一杯，但通常都會好細杯。但今次個size已經令我覺得回左本，仲要飲落去覺得勁清新。沙冰口感真係會令人由喉嚨涼到入心，正之後就試左依間餐廳幾個頭盤廚師拼盤 $198有煙三文魚、鴨胸同埋沙律菜，令我一班鐘意健康嘅女同學們不停食燒雞沙律 $85而我自己就鐘意食依個多啲，因為有雞肉食同埋佢個芝麻醬超正，搞到唔鐘意食沙律菜嘅我都食多左幾條然後就飲左碗蟹肉南瓜湯 $65有超級濃郁南瓜味，但又唔會有渣。蟹肉嘅鮮味又帶返南瓜湯嘅甜味出黎，Perfect Match!試完個蟹肉南瓜湯知道依間餐廳蟹肉質素咁高，咁梗係要追加兩道有蟹肉嘅菜式啦蟹肉流心蛋釀大啡菇 $138用刀切個陣，大啡菇嘅汁已經不停咁流出黎，真係睇見到流晒口水食落口之後，大啡菇嘅鮮味又會中和返蟹肉，令成道菜式唔會比蟹肉嘅鹹味搶走左焗芝士蟹肉扇貝 $188係唔係好奇怪點解頭先道菜式明明有蟹肉，但我又冇介紹呢？因為我要係依個焗芝士蟹肉扇貝十分推薦個蟹肉係由蟹膏同埋蟹粉組合而成，所以蟹味非常濃郁，配合埋個扇貝嚟食真係一流，會覺得不枉此生炭燒美國安格斯斧頭扒（40-45oz）$798真係望到都已經覺得飽，好大份好足料！點芥末同淮鹽黎食個陣，可以食到唔同嘅層次，會刺激左唔同味蕾之後咩都唔點就咁食個陣就可以食到牛肉個種鮮味，並且口感一流 我個人覺得依個都係必食法國Rougie鵝肝意大利飯 $178好重芝士味，如果自己一個食一定會飽死，所以記得唔好自私食，要share埋比朋友食不過夾比自己個陣記得大份啲，因為真係太好食啦，可能好快就會比班朋友食曬我就係個好例子最後，有女仔嘅飯局又點會冇甜品呢鐵板朱古力布朗尼伴雲呢拿雪糕 $58可能小弟見識少，真係第一次見brownies用鐵板上，令到brownies有少少餘溫，再配堆雪糕黎食就可以得到更豐富嘅層次法式焦糖燉蛋 $58脆脆嘅焦脆同埋滑蛋嘅組合，令我食個陣真係覺得好幸福甜到入心朱古力熔岩伴雲呢拿雪糕 $78好少可以見到咁大件朱古力心太軟，好彩朱古力唔會太甜所以好容易入口，一人一口好快就可以食晒至於點解會叫熔岩？係因為太流心啦，一切個陣啲朱古力就好似熔岩咁爆出黎，睇見到興奮雖然依餐價錢唔算平，但可以提供一個談心嘅環境比我又係開sem飯，食豪少 少我都覺得好值得！…查看更多

今晚與一班舊同學相聚，好像回到讀書時代，相約西環晚餐，中西區有不少新餐廳進駐，最終選擇左呢間餐廳我們就點左幾樣野食一齊share點左湯暖暖胃先周打蠔肉湯 蠔的味道好濃厚，好creamy，好有食蠔士的風味蟹肉南瓜湯 好creamy，南瓜味配上蟹肉味道很好燒雞沙律 沙律醬好好味，燒雞好香口廚師拼盤 好濃郁的芝士的面配上蟹肉加流心蟹膏，好豐富的蟹肉，味道鮮甜，加上大大隻既扇貝好意外驚喜，都很大既菇配上蟹肉有另一番滋味，這個做法令精華到落在菇裡，令到菇非常juicy第一次食斧頭扒，原隻上枱炭燒美國安格斯斧頭扒，肉質好鮮嫩，咁大件扒都能煮的平均，唔會好乾身，能夠保存肉質的鮮味食完個扒之後再食飯感覺已經好飽，不過係鵝肝飯便試一試，鵝肝的味道很好配上飯，感覺無咁膩最後，當然唔少的甜品啦呢個brownies都很特別是用鐵板上的，咁樣令到蛋糕的邊有少少窿，感覺不錯👍🏻最愛的焦糖燉蛋，面頭焦糖脆脆配上香滑的蛋，又唔會感覺好甜好溜的感覺，好滋味！朱古力心太軟好少見咁大個，又唔會好甜，本身唔多食朱古力既我，都覺得唔太甜，一切開超流心…查看更多

對於在上環工作的我來說，鄰近的西環充其量只是個平日放工必經的地方。但其實自地鐵延線通車後，西營盤至港大一段卻早已變成了特色餐店的戰場，而這夜我們則成了在槍林彈雨下找吃的一群。來到一家深富獨特個性的西餐廳，正當廳內酒吧那邊以紅磚牆的裝潢作點綴的時候，那邊廂的木板牆上卻掛著筆劃分明的「西」「環」「,碼」「頭」！四字雖然與裝潢看似格格不入，但處身於西環的裡頭，卻絲毫沒有遺和感。平日雖然很少喝酒，但看著放滿酒瓶的酒吧廚房，對飲品的渴求又突然變得零抗拒。Green Forest $58 (推廣價$32)帶果汁香氣的飲品是咖啡以外的賣飛佛之一，這杯以青蘋果調教而成的Green Forest香甜中帶給我一陣酸溜溜的清新，加上那梳打的氣泡，甚為消暑。Double Chocolate $58我家那位點的雙重朱古力，入口濃厚之餘夾雜滿滿的朱古力碎，還有那沾滿朱古力漿的朱古力雪糕球，單是看提及朱古力的次數，已見其邪惡之極！但挺好喝卻又是事實。精選海鮮拼盤 - $638平日兩口子用餐，選擇上偶然會遇上不是制肘，眼見這次多了幫口，便毫爽地柯打了一客海鮮拼盤！牡丹蝦、俄羅斯海蝦、加拿大翡翠螺、紐西蘭青口、活海蜆及時令生蠔在冰山上的動人排列，未吃已教我們食指大動的了。吃蝦的時候還是建議先吃海蝦，後吃牡丹蝦，否則海蝦的爽彈將被後者的鮮甜極致完全掩蓋。嚼勁十足的加拿大翡翠螺嚼出厚濃的海洋氣息，同樣富海洋味的CapHorn入口也見柔和，不錯。黑松露大蘑菇手捲粉配巴馬臣芝士 $138在香港的西餐廳吃意大利粉，十之七八都是採用現成的麵條，而這裡的手捲粉則是自家出品的一道。黑松露、大蘑菇與巴馬臣芝士都是香氣較濃的食材，結合起來的味道自然是香濃無比。而手捲粉烹煮的時間尚算準確，掛起帶黑松露香氣的汁醬來吃份外滋味。不過個人來說，麵條再結實一點，再爽彈一點自會更perfect！意式辣肉腸薄餅 - $145滿佈薄餅面的辣肉腸配上兩種不同顏色的芝士，輕輕一拉，馬蘇里拉的迷人拉絲就像是告訴我們這個薄餅有多美味。口腔同時感受著餅底的薄脆與餡料的百般滋味，蠻有誠意的一款薄餅。炭燒加拿大牛仔骨 - $398 (35oz)除了海鮮拼盤，這份35oz的牛仔骨想必也是這夜的重頭戲之一！單單是奉桌的一刻，我們就已被那具份量的嫩紅肉質所擊倒！肉香滿載的牛仔骨入口嫩腍，添上一點點的鹽花，吃來肉味更為突出。至於配襯的燒薯及翠肉瓜，烤得也夠香口，美味！鐵板朱古力布朗尼伴雲呢拿雪糕 - $58鐵板甜品到底會是怎樣的一回事？原來就是往放在鐵板上的甜點淋上熱呼呼的朱古力醬呢！沾上熱朱古力醬的布朗尼，朱古力味更見香濃，半凝半固的口感也倒使人驚喜！與雲呢拿雪糕一起吃，也展現類似心太軟的感覺，創意之選。西環的餐廳不但越來越多，而且越開越有特色，看來平日放工應該要多點過來品嚐一下其他店子呢！…查看更多

和朋友們都是在港島區工作，自港島線延伸後，大家常常說去要「一路向西」發掘新餐廳，結果就找到這間頗新的Cafe 2。透明玻璃開放式的設計，街外能看到內裡的設計，在餐廳令能欣賞到室外的風景。廚師拼盤 - 賣相精緻優雅，有Cold Cut、Smoked Salmon、Parma Ham、Camemer Cheese。特別鍾情Parma Ham和Smoked Salmon的我這道菜絕對開胃，配合沙律菜吃更是一流。軟殻蟹金柚沙律 - 這個冷中帶熱的沙律非常驚喜，我第一時間先把軟殼蟹放口，外層酥脆，而肉身亦夠厚，非常非色。至於沙律配以柚子汁酸酸甜甜，清新開胃。 芝士煙肉焗蠔 - 蠔非常大隻，入口先是被香濃的芝士煙肉碎滿足味覺，然後第二口夾起焗蠔，兩者味道非常夾，其他地方難以食到這樣「足料」的芝士煙肉焗蠔。周打蠔肉湯 - 作為生蠔愛好者，怎能樣蠔停下來？即使湯要繼續食蠔。這個周打蠔肉湯非常甘甜，更有一整粒蠔肉在內！炭燒加拿大牛仔骨(30o.z.) - 這個牛仔骨有不同份量選擇，分別是30o.z.($348)、35o.z.($398)、40o.z.($448)，而我們選了30o.z.，想不到仍然非常大份，賣相精美。七成熟的牛仔骨聽說是最佳味道，不單肉質細嫩有咬口，牛味非常香濃，搭配芥末或鹽食更顯鮮味。法國Rougie鵝肝意大利飯 - 法國Rougie的鵝肝非常有名，這塊鵝肝非常厚身，表層金黃香脆，放到口中更能深深感受溶化的幼滑，這種外脆內軟的雙重口感絕非街邊貨能做到。飯粒綿軟而有香濃芝士味，口感濕潤。甜蜜菠蘿薄餅伴雲呢拿雪糕 - 第一次看見這款甜品，想不到菠蘿+薄Pizza+雲呢拿雪糕一起吃感覺不錯，不過菠蘿味會被雪糕搶去風頭。鐵板朱古力布朗尼伴雲呢拿雪糕 - 以鐵板盛載的brownie和雪糕不但賣相吸引，店員更會在你面前把朱古力漿倒下去，立即像吃扒餐是冒起煙霧，完全是視覺的享受。Brownie再足足兩大條，一個人是絕對吃不完的份量。朱古力熔岩伴雲呢拿雪糕 - 其實即是心太軟，一切開朱古力漿就不斷流出來，加上外層香軟，非常滋味！雖然吃到尾聲非常飽，但仍然被這三款以冷熱口感交替的甜品影響理智，結果捧著個大肚腩離去。…查看更多

今次嚟到Cafe 2搵食！上次去完呢區食魚生飯～見到呢間西餐廳人山人海～搞到我都心思思想試吓～終於約到班朋友一齊嚟！周打蠔肉湯 （$68）店員提醒要快一點喝～蠔味極級的濃～鮮味無比！還附上一隻蠔不過放久了會有一點腥～所以真的要快點喝光～藜麥海蝦沙律 （$82）近期開始硏究健康食品～所以藜麥就是我的新寵～生菜新鮮～不會帶草青味～再加上車厘茄及藜麥～口感多層次而海蝦亦非常彈牙可口～四式薄餅 （$178）一塊薄餅有4款口味～有三文魚、巴拿馬火腿、蘑菇同芝士我當然揀返心愛的蘑菇～薄餅以蕃茄作base～都幾香脆脆炸有機甜粟米 （$68）一向都喜歡食粟米～炸粟米都係第一次食～有機粟米的關係～味道鮮甜～比炸薯之類更加吸引！加上小店自家制的醬料帶點酸～就不怕炸物的油膩感！燒原隻深海魷魚 （$158）深海魷魚就是不一樣～咬下去非常彈牙～煙煙韌韌～而且燒得不會過火～表面香口～炭燒美國斧頭扒(55-60oz) （$988）一直想試斧頭扒～可惜好難約一大班人襯著今次多人特別預定呢個斧頭扒！餐廳有美國或澳洲斧頭扒選擇～美國的比較濃味～有咬口～澳洲則較淡口但肉質鬆化～我們當然選擇美國的～雖然有心理準備係一大份，但上枱一刻還是忍不住＂嘩＂了出來！店員知道我們初次品嚐～讓我們先拍照才幫我們切開～切開的肉展現非常漂亮的粉紅色～咬下去肉汁濺出～肉味非常的香濃！越咀嚼越能感受其美味～根本不用沾海鹽或芥辣就已經被其肉味佔領口腔！太好味了！！！墨魚汁海鮮意大利飯 ($148)此餐廳的意大利飯比其他餐廳的濕～每一粒米上都佈滿墨汁～令大家都在自拍變黑的牙齒（笑）加上海鮮味道鮮美～又好玩～又好食！鐵板朱古力布朗尼伴雲呢拿雪糕 （$58）以鐵板盛載～上枱後再倒入朱古力醬～甜甜的朱古力煙隨即飄起～雙重朱古力極度濃郁～而布朗尼半溶的口感更是美味～若加上冰冷的雲呢拿雪糕～冰火二重奏！葡萄之戀 （$32）一向都喜歡葡萄味的飲料～這個葡萄+乳酸的配搭非常美味～不會只是一味的甜～酸酸甜甜的令人開胃！雖然我們沒有點酒精飲料～但這個free flow真的抵飲！下次介紹一下給朋友先～…查看更多