金記冰室 (置富南區廣場) (已結業)

今日行山之後去咗薄扶林，置富商場坐得舒服嘅地方唔多，所以揀咗商場外面嘅金記冰室。雖然定位係茶餐廳，但係禁忌冰室係裝修方面絕對唔馬虎，薄扶林呢一間分店就用咗船艙咁嘅造型。因為實在太肚餓嘅關係，雖然下午茶但係都嗌左鐵板餐。西冷扒嘅口感非常之柔軟，而且充滿肉汁，整到啱啱出邊熟、入面仲係粉紅色，黑椒汁亦都非常之惹味，令到薯菜嘅西蘭花蘿蔔等等都非常之好食。跟餐送咗個免費嘅老火湯，雖然係免費但係絕對足料，除咗煲湯必備嘅蘿蔔、瘦肉、南北杏之外，仲有魷魚，非常驚喜。朋友就嗌咗西多士，配合雪糕一熱一涷，作為行完山之後嘅邪惡甜品絕對稱職。飲品方面，叫咗玫瑰火龍果同桂花蘋果兩杯特色飲品。玫瑰火龍果成杯粉紅色，有好香嘅玫瑰味，配合火龍果甜甜地嘅味道，非常好飲。桂花蘋果相對之下就比較適合唔同人士嘅口味，因為有淡淡的桂花香同清甜嘅蘋果味，兩杯嘢飲都會有新鮮嘅果肉同果籽，絕不欺場。食咗咁多嘢，埋單都只不過$200左右…查看更多

諗住隨意食個晚餐，黎左呢間金記冰室  😍惹味黑椒牛舌粒炒飯😍 呢個炒飯好特別，第一次食牛舌粒炒飯，炒得粒粒分明黑椒粒偏辣，但十分醒胃，牛舌粒都炒得好好食，完美😌😌😌  😝椒鹽豬排😝 呢個有d似避風塘口味，有大量炸蒜，蔥花同辣椒，係偏重口味既，應該送飯食會好正豬排有肥有瘦，唔會好乾😍😍  😋蜜桃中式牛柳😋  嘩呢個有齊我中意食既牛柳同蜜桃😍😍牛柳勁鬆軟，完全唔鞋，蜜桃勁甜，好好食丫😳😳  😚魚香茄子魚柳煲😚  平時食魚香茄子多數都係配肉碎，但呢個仲有大大件魚柳，份量都唔少仲有d好好食既菇，送飯perfect match😌😌  😎金粒西多配雪糕😎  平時食西多已經好邪惡喇，呢個仲要配雪糕，但又真係好好食佢炸到一粒粒勁方便食，個賣相都係好令既金黄色😚😚😚nice  埋單人均153，真係超高質，每一碟都係勁好食，但真係要跟飯唔係有d膩😌😌 …查看更多

置富嘅餐廳選擇唔多，而當中最得爸爸心嘅就係金記🤣所以都差不多係我地星期日嘅飯堂簡簡單單又一餐😛最適合星期日快食再早早番屋企預備第日番工之前疫情嚴重時成日都要排隊，最近就少番啲人，晚餐時間都唔使排，直接有位不過睇落外賣單依然好多😌點左鮮茄濃汁焗豬扒飯，份量都幾大，豬扒軟淋、醬汁亦香濃:)大部分野食都可以半價加飲品，而黎得冰室，梗係要飲杯咖啡，道地嘅香港味~另外亦叫左個晚餐🙌🏻西蘭花一直都係我嘅最愛☺️加埋蝦仁、腰果就更有口感層次~~爸爸就叫左無冰奶茶，無冰奶茶既能保持奶茶冰凍，又唔會令奶茶變淡~最後都加左個甜品哈哈~熱西多配凍雪糕，完美ending☺️…查看更多

周末上完一課空中瑜伽，帶著肌腸轆轆又疲憊的身軀到了金記吃飯，之前聽說過住附近的朋友說口碑不錯，讓我滿懷期待😃冰室的裝修像船舶，室內天花掛滿繩結做的魚網和燈飾，頗具老香港漁船特式。因為太餓了🤤，點了招牌之一的秘製咖哩牛腩飯、雪山菠蘿冰和金粒西多配雪糕🍦秘製咖喱醬汁香濃，帶微辣有椰香，卻不會過膩😋配料豐富👍🏻牛腩份量多，件件軟稔入味好吃😋既有咖哩香，又不失牛味！薯仔也是煮得夠稔，味道很好👍🏻飯粒香軟，配上濃郁的咖喱汁，不知不覺就吃完😜雪山菠蘿冰😍菠蘿冰底，配上奶味香濃的維記雲尼拿雪糕加上雪碧汽水後，幼滑的雪糕球慢慢溶化後變成乳白色，帶奶香的菠蘿冰很香甜😘最後來的金粒西多也是非試不可🤤西多士切成立方體，粒粒炸得金黃不過火，淋上少許煉奶，一放入口沒有傳統西多的油膩感，味道較清爽，外脆內軟，香甜不膩，建議一口雪糕一口西多，一冷一熱層次更豐富😋雖已聽說過金記的口碑，卻想不到有此高水準👍🏻物超所值啊！…查看更多

黎左住置富朋友屋企玩, 玩完夜晚肚餓落街食野, 商場入面連鎖店唔啱食, food court 又收左工, 步出商場諗住搭車出去食果陣就見到呢間金記冰室, 座無虛席, 個肚打緊鼓諗都唔諗就入去食la😂晚飯黎講, 有老火湯有白飯有野飲都係收呢個價錢, 算係中規中矩啦🙈老火例湯都幾足料架, 睇下幾多湯渣😍加$5就可以轉冰鎮奶茶😮👍凍飲都要加$3啦, 呢個價錢有驚喜👍唔會比d 冰溝稀左, 但可以凍到尾, 冰鎮奶茶可謂係港式冰室既招牌之一晚餐D - 韭王叉燒炒滑蛋 - $68炒蛋好滑好香, 拍得住其他著名既連鎖餐廳, 但叉燒比較大舊, 如果切細舊d 會更加好👍金銀蛋肉碎浸時蔬 - $44呢個小菜如果喺酒樓叫, 起碼$50, 呢度性價比超高啦😍一樣係有齊咸蛋黃, 蛋白同皮蛋, 而且個上湯好香, d 白菜仔浸到入晒味🤤金記生炸雞脾配沙律 - $50見到現場都有幾多人食緊呢個生炸雞脾, 雖然係夜晚但都照叫啦😝果然不負所望, 生炸雞脾d 肉汁鎖晒喺皮下面, 個皮夠薄夠脆👍而且隔油都隔得幾好, 唔會油淋淋😍晚餐G - 豉汁蒸盲曹 - $98食到咁上下, 個蒸魚終於黎喇😍因為係即叫即蒸, 所以要等下, 都好正常丫, 要食到好野一定要比d 耐性😂蒸魚既時間掌握得好好, 剛剛好熟最鮮嫩最香滑🤤西多粒配雪糕 - $36最後要整番個甜品先得, 西多士亦都係港式冰室既另一個精萃所在, 配埋朱古力雪糕一齊食, 一凍一熱簡直有冰火口感😂😂…查看更多

近排嘅梅雨天終於過去，又係行山活動一番嘅時候。點知天公不造美諗住去西高山又再黎落過雨，滯留左係置地。咁就唯有食個飽足下午茶打發時間。雪糕紅豆冰：伙記通知無晒雲呢嗱味唯有轉朱古力，但最意想不到係用左椰奶去調配。紅豆綿細再配上清香椰奶，唔錯。無冰奶茶。以冰鎮形式保持奶茶嘅原味，茶味香濃，鐘意佢無咁多奶因為太多會影響到整體味道同幼滑口感。咸牛肉軍艦。以熱狗包製成，個包烘得少少脆身。鹹牛肉同炒蛋比例又啱啱好，食落唔會有太強嘅咸牛肉味，淡淡蛋香更滋味。乾炒牛河。牛肉夠嫰滑入味，整體唔算太油膩，雖然色水好似好深但味道唔會過濃，有啲河粉仲炒到有少少脆邊，配上牙菜韮黃等口感豐富。雞扒公仔麵。公仔麵夠乾身，唔會糊成一團就已經好食左一大半。雞肉結實配上爽口麵質，食時仲有些許辣味提升味道的確唔錯。多士雪糕。粒粒多士沾滿香脆蛋漿，炸得香口中間仲軟綿綿。混和煉奶及雪糕，一冰一火嘅口感就係咁簡單。臨走時先發以帆船造型嘅冰室，正正向住大海方向寓意揚帆出海。依家愈來愈多舊式冰室結業，真係有啲心酸如果好似金記咁作出改變，相信港人會繼續支持。…查看更多