十三少酸菜魚 (已結業)

堂食午餐食過呢間好多次，始終都未試過堂食一大盤！難得假期就黎試試！食過好幾間的酸菜魚發現呢間的辣，并不是辣椒的辣，而係由薑帶出黎的辣，與其他店舖的有少少不同。魚方面，今日就遜色左少少，食到尾d湯開始凍就有腥味，魚塊都算多湯方面，已經選擇辣湯底，但都不太辣，可以整體再辣少少同酸少少會更好酸菜方面，太少，比較碎配菜，萵筍、菇、炸蒜、芝麻整體而言性價比係高的，推薦另外，口水雞都係好好味，可以試試！

今日同屋企人過嚟附近行下 見到13少 呢間酸菜魚專門店 一入到門口 侍應招呼態度😇👍🏻都有量體溫 有酒精提供搓手 我哋一行三位咁岩入到黎有午市套餐提供 午市套餐餐牌係相比晚市平好多 但選擇只有三款 套餐仲有送前菜跟白飯同嘢飲 我哋嗌左一個辣一個唔辣嘅酸菜魚同埋口水雞 口水雞係唔辣嘅 啲魚份量都幾多 都幾新鮮👍🏻🤤 買單嘅時候仲要唔使+1🤑呢間餐廳對比我之前幫襯過嘅環保 係用過咗膠嘅餐牌上面寫 下完單還可以循環再用👍🏻 全場得三個侍應 後生嘅女仔服務態度good 嗰日午市其實都幾忙 佢哋都冇漏單 呢一次嘅午市套餐經驗 相當愉快 平靚正🥳👍🏻下次會再嚟幫襯

一直都想試佢個酸菜魚，今日終於試到先講佢個魚，整體係好食既，啲魚夠滑無咩骨，個人覺得可以再辣啲就好啦👍🏻👍🏻佢個口水雞都有驚喜，雞皮滑滑，好開胃，三個女仔好快清左半隻最後因為無哂皮蛋，唯有叫土豆絲，一樣無得輸😃成餐飯有種越食越餓的感覺🤣🤣唯一係menu 選擇比較少，可以話貴精不貴多

午餐去食飯，分別揀咗酸菜魚同埋口水雞套餐。既然個店名都用酸菜魚作招徠，一定要試一試啦。酸菜魚辣勁十足，但酸味偏向似醋酸味。魚肉尚算新鮮，如果厚薄度比較一致，口感會更好。個人評分：7/10反而口水雞十分令我印象深刻，四個字形容曬，香、麻、鮮、辣！四種元素都十分平衡，層次感十足，每一啖都係享受。而且雞既份量都唔算少，仲有少許青瓜墊底吸晒啲精華，配多碗白飯黎食都仲得！個人評分：10/10此外，套餐飲品推薦揀酸梅湯，識食辣嘅你一定知點解要咁揀

都有一段時間無食酸菜魚，今次來到大角咀這間新開的餐廳，裝修簡潔，座位都幾多！餐牌上選擇不多，主菜可以話暫時只有一樣，便是酸菜魚!座低後店只為我們送上甜的脆豆，幾特別！酸菜魚，這裡的酸菜魚可以揀選辣或不辣，因為有少少作病的原故，所以只是點了不辣！酸菜魚很大盤，夠兩個人食，雖然是點了不辣，但是湯底都帶有少少辣！魚肉都幾多而且都沒有魚骨，肉質嫩滑！除了有魚，還有不少酸菜、菇、酸蘿蔔、萵筍，整體味道酸酸辣辣，但又不會嗆喉，再配上白飯一齊食，特別惹味呀！餐廳除了有酸菜魚，也有其他小食，有機會會再黎試下！不過當天好在有訂位，如果唔係可能都無魚食了，因為餐廳的魚日日新鮮，賣哂就冇得食架啦，所以可考慮先book位！