京滬佳餚 (Fashion Walk)

餐廳近日於銅鑼灣開分店，地點方便，趁父親節一家人去食餐好既，提前 2 星期已訂位，點知...一步入餐廳，已經覺得毫無服務可言。Reception 一個人都冇，企左幾分鐘，填埋紙仔，期間有 3-4 位 waiter 經過，冇一位主動幫手帶位/通知知客出黎帶位，最後我地自己行入餐廳，左搵右搵先搵到知客帶位。餐廳環境不錯，但可能父親節人流多，冷氣唔夠，座位空間感不足，不斷同後面枱客人撞凳。洗手間衛生亦欠佳。食物方面，整體水準不錯。招牌京滬香酥烤鴨 - 四個人，要半例。師父已片走皮下脂肪，食起黎又薄又脆，但不失油香，皮色吸引，鴨肉不柴。特別一讚餅皮，皮薄透光，食到最後一片仍富彈性與韌性。砂鍋花膠雲吞雞 - 入座即點菜式之一，結果等到埋單前先上，鍋湯其實擺左係我地附近既工作枱差不多 30 分鐘，前後追過 4-5 次單，有無數咁多位 waiter 經過都只係望下煲湯，冇主動幫手分湯，最後講到要 cancel order 先有人分湯上枱俾我地！期望湯有滿滿既骨膠原，結果比想像中稀身，味道係好既，每碗都分到大大塊花膠，但雲吞餡過於結實，皮又過厚，加上等左 1.5 小時追完又追先有得飲，失望多於驚喜。爆汁牛肉煎餅 - 餅皮煎得香脆，咬落去啲汁多到流晒出黎，有濃濃牛味，肉質鮮嫩。招牌小籠包 - 皮薄餡靚，湯汁鮮味，餡料略嫌鬆散。酥炸廣島蠔 - 粉漿簿，炸得鬆脆，廣島蠔係桶蠔 size，新鮮肥美。賽螃蟹 - 即炒即上，熱辣辣時食，唔加醋都好好味。弄堂酸辣湯 - 夠酸夠辣，略嫌勾茨太重手。總括，如食物質素有 80-85 分，服務質素只有 20-25 分。…查看更多

📍 京滬佳餚📍 銅鑼灣 • 加寧街13-15號Fashion Walk地下A,C-D號舖-自從去年到訪位於將軍澳康城的《京滬佳餚》後，一直對它念念不忘。剛過去的新年打算再次到訪，卻落空了🥺。後來得知原來他們在銅鑼灣開了分店，怎麼可以不來～-Fashion Walk食街真的好有氣氛，坐在室外用餐特別的舒服。-《京滬佳餚》銅鑼灣分店同樣寬敞，亮著微黃色的燈光，感覺溫馨😊。-京滬酥香烤鴨 ($228/半例)來到這裡，一定要試一下他們的｛北京烤鴨｝！鴨皮酥脆，富油香，卻不油膩，點砂糖一起吃非常好吃❤️；鴨肉口感香嫩，肉味也很香。餅皮薄的透光，記得要趁熱包起一片烤鴨、配料 還有填鴨醬一起享受❣️•酥炸廣島蠔 ($198)廣島蠔裹上薄薄一層炸粉，外皮香脆，內裡軟嫩。蠔身夠濕潤，又不會水汪汪，剛剛好👍•孜然小羊排 ($208)一上桌就聞到濃濃的孜然味道了！羊排保持著香嫩多汁，而且加上孜然還有辣粉，風味十足！•新疆羊肉熗湯麵 ($88)又是羊肉的一道菜～湯底非常濃郁，帶有濃濃的羊肉羶味跟鮮香味，質感也很濃稠。配上羊肉片跟麵條，好吃、值得一試的一道熗麵🍜～-另外：• 茗茶 ($18/位)• 泡菜 ($20/碟)-Menu:…查看更多

一考完試就想食啲好野慶祝下，於是朋友提議去銅鑼灣食「京滬佳餚」呢間餐廳，因為佢扁皮鴨出名好好食，於是就book左枱夜晚去試。除左叫左佢必點嘅扁皮鴨之外，我哋仲叫咗炸生蠔、孜然小羊排、新彊羊肉熗湯麵。炸生蠔有6隻，炸得好脆卜卜，而且好大隻。之後就係試佢最出名嘅扁皮鴨😋店員好詳細咁解釋食法：鴨皮同鴨肉應該用咩醬料去配搭先係最好嘅食法。而且，佢份量都好大份，一班人share食就啱啱好！🤤之後就係孜然小羊排，佢係有少少辣，同埋好香口，又唔會太鹹👍🏻推介大家試吓！最後就係新彊羊肉熗湯麵：佢個麵嘅份量都係好多，而且羊肉好有肉汁，都推薦大家試下❣️…查看更多

今次特登黎食烤鴨，餐廳環境舒適、座位寬躺，適合朋友、家庭聚會～由於人數較少所以點了例牌，烤鴨賣相精緻😍分別切成淨皮及淨肉。外皮較坊間厚身，入口超酥脆帶油香，鴨酥味濃烈。店員細心地提示我們前面較厚的幾塊鴨皮可以點砂糖同吃。將鴨皮、鴨肉伴配料包著同吃，鴨皮的脆口與鴨肉的嫩滑形成對比～鴨肉及配料中和了鴨皮的油膩感，好正😋不得不提配料有一樣是少見的姜蓉，原來跟烤鴨十分夾，大家有機會可以試試！廣島蠔一碟有六隻，每隻都脹卜卜，色澤金黃。外皮炸得香脆不油膩，內裏蠔肉嫩滑新鮮，好鮮味～伴旁邊酸甜汁可中和飽滯感～小羊排孜然味濃，沒有太多羊羶味，辛辣味十足！羊排外層乾身，但內裡嫩滑～整體十分惹味！湯底超濃郁，充滿濃濃羊羶味。麵條軟硬適中，愛吃羊肉人士不能錯過！…查看更多

疫情稍為緩和，終於有返晚市堂食，實在太感動了😭所以今次就同左朋友去銅鑼灣新開嘅京滬佳餚食飯😛舖頭相當闊落，室內室外都有好多位，室外座位比較有氣氛，不過可惜當時有人食緊煙所以我哋選擇坐室內🤧朋友同我都好鍾意食海鮮類嘅食物，所以第一道菜我地叫咗酥炸廣島蠔😍每隻蠔都非常肥美好肉，咬落非常juicy又鮮甜，而且唔會炸得太過火😋廚師控制火候真係做得好好之後下一道菜係今日嘅主角京滬香酥烤鴨🤩🤩除左主角烤鴨之外，仲附上薄餅同多款配菜上曬檯之後店員非常之細心同我哋講解要點樣mix埋6種唔同嘅配料一齊食（相當nice，加分加分⭐️🌟💫！）加上師傅仲將鴨皮烤得非常之乾脆，油脂分佈剛剛好，唔會過於油膩食落每一啖都係人生享受嚟🤤🤤🤤至於鴨肉都係相當肥美多汁，正呀！下個送到嘅就係佈滿孜然粉嘅孜然小羊排，食落去冇乜騷味而且唔會好肥好油膩😙個人覺得孜然粉份量落得比較多有少少蓋過羊排未如果無咁重手就無得頂啦最後一個餸就係新疆羊肉燴湯麵😍麵條充滿彈性，配埋羊肉而且吸收曬湯底真心非常好食，值得一試😋湯底都值得讚㗎，濃而不膩，唔係瘋狂落味精要飲好多水嗰種👍🏻👍🏻👍🏻👍🏻👍🏻總括而言，食物質素相當唔錯，價錢都唔離地，有機會肯定會再食！地址：銅鑼灣加寧街13-15號Fashion Walk地下A,C-D號舖…查看更多

與家人於銅鑼灣買完家俱後，便到附近逛逛，順便看看有什麼合口味，便走進銅鑼灣食街，發現該處的餐廳易手了不少。留意到這間中菜館人流特別多，等了一陣子才有位入座。餐牌有很多頁數，沒有盡錄。店內裝修非常瑰麗堂皇，侍應的服務偏向西式，會介紹菜式、吃法、與客人交流。值得一提的是逐道菜上，吃完一碟才起另一碟，保持新鮮度。茶茗選了普洱幫助消滯，一直泡了很多次依然濃郁。附上的前菜是川味涼拌蓮藕花生，帶丁點麻辣，蓮藕片亦很爽口，好開胃。京滬酥香烤鴨(半例) - $228烤鴨皮又薄又脆充滿油香，可再蘸白糖使口感酥脆軟糯。鴨肉一點也不老，本身已夠鮮嫩可口，再蘸上甜中帶咸的甜麵醬，夾著黃瓜條、蔥絲和紫蘿蔔，清爽得來又有醬香和酯香感。烙制的荷葉餅包薄得透光又充滿韌性，每塊隔著油紙非常衛生。爽脆的烤鴨腿蘸上蒜蓉更香氣撲鼻。酥炸廣島蠔 - $198日本的廣島蠔出名肥美飽滿，特別大隻。酥炸的槳很薄，不會有油膩感，而且保持本身鮮甜濃香的味道，裡面半熟流出海水鮮味，好creamy。孜然小羊排 - $208散發著濃濃的孜然香味，正好辟去羊羶味，但帶點麻辣感。烤羊皮燒得酥脆，中間夾著逼出油份的脂肪，好柔軟。羊肉有著淡淡的羊味，近骨位置帶點嚼勁。新疆羊肉熗湯麵 - $88湯頭好濃郁，有著濃濃的羊肉香味，還有很多片薄切的羊肉片，不覺有羊羶味，肉質嫩滑及鮮甜。還有些黃芽白菜吸收湯底精華。…查看更多