店小二

營業中

休息中

趁假期最後一日，就今晚同班朋友餐聚，有朋友帶咗我地去港島食好嘢，係一間特色嘅中菜店。店子整齊企理，環境光猛，座位唔少。適合三五知已或大夥兒聚餐。有很多選擇，分了牛、豬、雞、魚、海鮮類、素類、菜類、豆腐、粉麵飯、小食、鍋物、生滾湯等。我哋就揀咗四款店小二特別推介。薑蔥爆鯇魚泡（$198）熱辣辣上枱，喳喳聲，好香！全煲都係鯇魚泡，份量好足，難得！當中有爽的，也有滑的，很鮮香，用大量薑蔥炮製，整得入味，鹹香惹味，食到我津津有味。萬字醬油雞 （$208/半隻）註明用三種醬油炮製，有日本萬字醬油、台灣醬油膏和李錦記甜豉油，即叫即浸，下功夫之作！半隻雞嘅份量唔少，仲好有肉，皮爽肉嫩，配搭三種醬油，味道果然獨特，還配了一些爽口的菇菌，同樣整得入味。糟鹵蒸咸鮮馬友（$338）註明係來自台灣，有保証！魚起飛狀，賣相很吸引，並以糟鹵蒸製，鮮嫩嘅魚肉啖啖酒香，當相特別，再加了些金華火腿絲，添鹹香之餘又可除魚腥，仲更矜貴，好好味，推介！連墊魚底嘅蔥都有酒香，喜歡！避風塘茄子（$128）件件金黃，外脆內嫩，香口惹味，配啤酒一流！茄子雖係吸油之物，但食落完全無油淋淋，做得好！

跟朋友輕鬆一聚，吃吃喝喝，就由在地老友推介這一家正正在北角港鐵站口的「店小二」，推介原因不單是主打香港懷舊小菜、大牌檔小炒，更有不少新派創意菜式，絕對滿足到一眾吃貨。裝修簡簡單單，沒有大玩懷舊元素，但勝在地方都闊落，樓底亦相對高。加上不斷播放節奏快而輕鬆的音樂，令人倍感放鬆，而且，侍應又十分之好禮貌，態度甚友善。都稍稍介紹一下餐牌，由小食、前菜、店家推介、另類鍋物、海鮮、肉類、素菜、炒粉飯麵……都一應俱全，並且多元化，而飲品亦是，有日本清酒、花雕特飲、韓國燒酒、啤酒及汽水。先來一客「荷葉清酒蒸青口（澳洲）」（$238）打頭陣，不愧澳洲貨色，青口大大隻，入口不會有甚麼雜質，先淨吃，清甜味道中真是滲出微微酒香，再蘸上特色泰國青醬汁，酸酸辣辣，很有驚喜！再來一道「避風塘茄子」（$128），是最合適配啤酒的菜式，雖然被分類為小食，但當為一道小菜也不為過。薄薄的外層炸到金黃香脆，亳不油膩，咬下去茄子軟綿綿，沾滿金蒜，實在惹味到不得了。是日焦點之一「萬字醬油雞」（$208）卒之登場，單看外觀已感覺色澤誘人。餐牌已標明用上三種醬油調製，包括日本萬字醬油、台灣醬油膏及李錦記甜豉油，全部醬油均完全滲入雞