翠林辣蟹舫

前排睇電視，見到蕭正楠介紹呢間餐廳嘅避風塘炒辣蟹好似幾正，仲要有半價，所以專登book枱過嚟試下。餐牌半價小菜嘅選擇都有好多款式，店員仲話佢地會不時更新優惠菜式😀🥢避風塘炒蟹 - 必點招牌菜，賣相好靚，炸蒜帶少少辣非常惹味，蟹肉鮮甜，$344好抵食，呢個size兩個人食份量剛剛好，另外仲有幾款口味可揀，款款都好吸引。🥢避風塘牛肋肉 - 幾有新意嘅做法，牛肋肉好重牛肉味，送啤酒一流！🥢香辣土豆絲 - 雖然切得好絲咁幼，但仍然好爽口，味道帶辣，非常醒胃。🥢黃金流沙蝦球 - 蝦球真係好大嚿好彈牙，配埋沙律食口感豐富，好驚喜！今餐兩個人食咁多野埋單都唔駛$800，平時一隻避風塘炒蟹都起碼要六百幾蚊啦，我覺得有呢個質素真係好抵食！難怪有咁多明星嚟捧場啦！…查看更多

識我嘅朋友都知我好鍾意食蟹（自己都會買蟹番去煮🤡）喺香港主要有幾間我會食蟹嘅地方，如果想食避風塘炒辣蟹，九龍區我會揀去翠林 。佢嘅肉蟹有分大中細，細蟹$688 大概夠兩個人食，口味相當多除咗有經典避風塘，仲有黃金流沙，黑白胡椒，四川椒麻香等 ，但我通常都係食避風塘，埋滿炒香的辣椒和蒜蓉,那種香氣相當誘人 。一剝開殼，肉質鮮嫩多汁，點了中辣，愈食愈辣，但仍然令人忍不住一口接一口 。炒開蟹都知道，炒之前要將隻蟹斬件走油，鎖住肉汁同時嗰層炸面亦都會索哂蒜香同辣椒味道 。蜂蜜燒汁牛仔粒都是必叫，軟嫩多汁的牛肉粒，吸飽蜜糖的天然甜味但又不會過於黏膩,反而增添了牛肉本身的鮮美 。黃金流沙蝦球外皮酥脆金黃，咬開啖啖蝦肉鮮甜多汁。與黃金流沙的結合 。一人起碼一隻 。最後食神炒飯，呢個名雖然有啲搞笑，造型好像金鯉魚，多種配料豆角蝦仁粒蛋蟹籽等融合在一起，層次豐富又粒粒分明 。—————-𝙒𝙚 𝙤𝙧𝙙𝙚𝙧𝙚𝙙:避風塘香辣蟹蜂蜜燒汁牛仔粒黃金流沙蝦球食神炒飯醋香拍青瓜—————————————————𖠿𖥣 翠林辣蟹舫 (尖沙咀)〒 尖沙咀亞士厘道24-38號天星大廈1樓A號舖—————————————————⠀⠀⠀⠀⠀⠀⠀⠀⠀#hkfood #hkfoodporn #hkfoodblogger #hkfoodpic #hkfoodies #yum #hkfoodstagram #foodie #foodporn #foodphotography #foodgasm #foodstagram___🥇Follow @eathkgirls @eathkgirl#eathkgirls #食港女…查看更多

今次係第二次食，上一次同朋友食，今次同老公食🤭因為老公鍾意食避風塘炒蟹，所以就同佢過嚟食。我哋好早食17:30到，所以我哋係包場🤣揀咗避風塘炒蟹中辣🌶️必點黃金豆腐，蜂蜜燒汁鱔球，拍蝦香芋娃娃菜同埋酥脆蠔仔餅😌先講招牌辣蟹，佢哋係用越南肉蟹，一隻🈶️成斤幾重，而且肉質結實咬落口啖啖肉，配上佢哋特製嘅炸蒜同葱超級入味，黃金豆腐嘅炸漿夠薄，做到外脆內軟，熱辣辣好好味😋 蜂蜜燒汁鱔球呢個味道好特別，估唔到蜂蜜同燒汁嘅味道都咁夾，呢個唔係脆卜卜嗰種，係椒鹽白飯魚嗰種口感，我幾鍾意個娃娃菜，因為有好多配料吖，又有蝦肉，肉碎，🦐乾仔同芋頭，咁多隻味加埋口感好豐富😋酥脆豪餅仔佢哋呢隻同平時食開嗰啲有啲分別，我唔食葱所以走咗葱，裏面有韭菜粒，而且仲非常鬆脆，通常啲炸嘅野擺耐左會變腍，但呢個唔會🤭不得不提嘅係佢哋嘅份量都唔少，我哋兩條友又眼闊肚窄，五樣嘢係食唔晒㗎🥲仲有佢哋嘅服務態度非常之好👍🏻我哋都差唔多食完佢哋仲幫忙換碟，我哋話唔使換啦，都食完喇但佢哋都幫我哋換，老公一致好評話下次要再食😆…查看更多

.‼️❤️ 記得CLICK我PROFILE關注我呀 ❤️‼️.🌶️ S̾p̾i̾c̾y̾ C̾r̾a̾b̾ F̾e̾a̾s̾t̾ @ 🌟 翠林辣蟹舫《👽食神大媽食辣蟹》.💁‍♀️ 圖片展示美食為：避風塘炒辣蟹 HKD 688 🦀️黃金流沙蝦球 HKD 76 🦐荔枝醬燒骨 HKD 128 🍖.👽 大媽有幾鐘意食辣呢就大家都知，大媽有幾鍾意食魚蝦蟹呢就大家亦知。今次又點可以錯過呢間地點超方便，環境整潔企理嘅食蟹專門店呀？！難怪咁具人氣咁多人推薦，一去到門口見到牆上合照，發現原來好多明星都幫襯架 🤩.🦀️ 主角就當然係經典避風塘炒辣蟹啦！一上台就聞到佢香味四散！大媽淨係叫中辣，已經非常震撼味蕾啦！👅.🦐 咁惹味嘅避風塘炒辣蟹，就當然要加碼叫多份得獎推薦美食黃金流沙蝦球啦！個價錢好抵食呀，仲要好大隻，蛋黃味濃而不膩，配合辣蟹一齊孖住食加倍惹味呀！🤤.🍖 有海鮮又點可以唔再加多份肉？夏天見到荔枝醬燒骨，淨係用上荔枝呢種口味已經值得大媽叫黎試下啦！D排骨比想像大舊，醬料幾過癮！😆.🤩 呢間絕對係地理位置超方便又超好味，食辣蟹唔一定要過海嘅，仲要最好係可以六個人一台開到23:30，呢間都係非常值得一試架！😋.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.📍 尖沙咀亞士厘道24-38號天星大廈1樓A號舖☎️ +(852)2628-9888.…查看更多

🌸尖沙咀美食🌸翠林辣蟹舫🦀今天心血來潮想品嘗一下海鮮，但又不想到西貢或離島，於是想起了一間位處於市區尖沙咀鬧市的炒蟹名店-「翠林辣蟹舫」❗️疫情關係，現時晚上10:00後，尖沙咀很多餐廳也關門，很少餐廳營業至晚上12:00。而翠林辣蟹舫卻是尖沙咀少有營業至晚上11:30 的餐廳❗️而且可以最多6人一桌❗️餐廳不論內外也滿佈蟹🦀的佈置擺設，而且餐廳裝修企理，座位寬敞闊落，客人都能在舒適寬敞的座位用餐❗️而且服務員的工作態度也十分友善，他們都非常之清楚了解餐廳提供的食物❗️能夠向客人詳盡地介紹菜式❗️我們一行2人共截顧了以下2款菜式：1️⃣🌟避風塘炒辣蟹🦀 $688身為餐廳最鎮店之寶，果然是名不虛傳❗️避風塘炒辣蟹配有炒香蒜、葱及辣椒🌶️份量十足❗️味道既香辣而不燥❗️而且很有鑊氣❗️非常之開胃❗️炒蟹放置在餐廳特製的木盒菜碟上❗️賣相非常搶眼❗️打卡📸一流❗️蟹肉鮮嫩多汁❗️而且蟹肉煮得非常之入味，啖啖的蟹肉也極具風味❗️蟹殼亦充滿滋味豐富的蟹膏，令人一試難忘❗️十分推薦給喜歡食避風塘炒蟹的朋友✅美味指數：⭕️⭕️⭕️⭕️⭕️賣相指數：⭕️⭕️⭕️⭕️⭕️抵食指數：⭕️⭕️⭕️⭕️❌2️⃣🌟黃金流沙蝦球🦐 $38/只黃金流沙蝦球味道非常惹味❗️而且份量十足❗️此菜式配有咸蛋黃碎及沙津拌碟，蝦球外層鬆脆，而且肉質爽口彈牙❗️鮮味多汁，口感極為豐富😍味道恰到好處❗️十分推介給喜歡食咸蛋黃及炸蝦球的朋友✅美味指數：⭕️⭕️⭕️⭕️⭕️賣相指數：⭕️⭕️⭕️⭕️⭕️抵食指數：⭕️⭕️⭕️⭕️⭕️總括而言，這間蟹舫絕對值得推介給各位喜歡食蟹🦀及蝦🦐球的朋友✅除此之外，餐廳亦提供不同種類多元化的小菜任君選擇，很多甚至還會有8折優惠❗️大家千忻唔好錯過❗️🌟為是次餐廳用膳的推薦菜式👍🏻…查看更多

好多人都嫌食蟹麻煩，今日我這個「蟹癡」難得約到朋友一齊去食蟹，用OpenRice book咗翠林辣蟹坊lunch.一入去就安排我哋二人入包廂，疫情下感覺安心又貼心。揀咗$780全包的二人套餐。頭盤「黃金豆腐」，都算大碟，只是覺得裏面的豆腐好似係用咗盒裝豆腐，乏豆香，有點失望。套餐三款菜選擇咗「黃金流沙蝦球」、「香煎元貝帶子」同「水煑牛肉」。以為蝦球係用咸蛋黃流沙地包住，其實只係炸蝦球，有啲黃色一粒粒的放在炸米粉上，並無咸蛋黃呋亦無「流沙」😅，幸好蝦球尚算大隻同彈牙。香煎元貝帶子，用美極鮮醬油炒過的洋蔥墊底，一般般。水煑牛肉叫了中辣，辣中帶麻，味道不錯，可惜有兩三塊牛肉韌到咬唔到。主菜「避風塘辣蟹」肉質好，外殻炸得剛好，咬落好脆，有驚喜！不過唔知點解個擺盆無之前網上見到的噤靚-見唔到蟹腳！追加咗「黑白胡椒蟹」，（Oops, 又係擺盆-有隻蟹鉗放開咗啲！）這隻蟹比先前的多肉，蟹鉗又大隻啲，味道不如星加坡的胡椒蟹惹味，但肉質鮮，都好好食😋今日好高興邂逅到你哋呢兩隻蟹，幸會幸會！整體而言，坐得舒服，招呼好，蟹靚疫情價，不妨一試…查看更多

其實好多人都食過避風塘炒蟹，由大排檔到中式餐館，要食避風塘炒蟹，都唔難找到。但又食到風味，香口加蟹既鮮味，就唔係到到都有了。今次的避風塘炒蟹，色香味都有。 首先由蒜開始講起，避風塘的香味就是來自粒粒的蒜香，香口而不油，不會整口都係油，帶比蟹層層的鮮味。 到蟹，大肉蟹本身就係啖啖肉。由蟹鉗到腳，都食到鮮味的啖啖肉。由蒜香帶出裡面的鮮味。蟹彈牙，肉滑。而且而家有優惠，真有衝動再叫一隻。充滿住風味，是其他地區的煮蟹方法無比上的。 另叫了幾款小菜，椰汁芋頭獵味煲，薑蔥魚雲煲。冬日最岩就係食煲仔菜，哈哈。因為暖笠笠，食完有種溫暖感。 薑蔥魚雲煲，香口，因為我唔係好識食骨，但爆過之後，魚變得脆身，連少食魚既我都覺得好香口，被佢吸引。 椰汁芋頭臘味煲，秋風起，食臘味，又係時侯食臘味，加上用煲上，好暖。 仲叫了個開胃小食，手拍青瓜，作為今日的開胃菜。…查看更多

呢間辣蟹與另不同，地點好，香辣味道適中，炸蒜茸不會太多，地方寬敞，服務細心。朋友介紹總有驚喜，我們大家都喜歡食蟹，每次講起 Singapore 的黑白胡椒辣蟹，非常懷念。辣蟹之外的小菜，也很有特色，樣樣都想試，叫咗一味潮式酸菜魚，好味到不得了，湯都飲清光。仲有碟豉油皇生煎五花腩，女同事都話脆皮香口唔覺肥，又食清光。在香港食辣蟹，灣仔/銅鑼灣 嗰啲店舖都係劏客，貴到嚇死人，服務又差。可惜無糖水供應，但係......最重要係結帳，唔係化，真係全部......我投降！…查看更多

連鎖酒樓黎黎去去都係個幾味，同屋企人已經食到有點生厭。 最近不約而同有幾位朋友對翠林辣蟹坊讚不絕口，重點係招牌菜明碼實價唔係海鮮時價，豪食得黎心入面都有個預算，就當母親節餘興節目黎見識下。避風塘炒辣蟹 ($588)炸蒜同辣椒既香味撲鼻而來，呢味每台都見到既招牌菜其實我已經期待左幾日。 二話不說食左個蟹鉗先，由於大隻肉蟹既蟹殼比較硬同厚身，先用工具鉗開蟹殼，到食既時候先發現炸得好透，原來就咁用牙已經可以將厚實既蟹殼咬得粉碎，真係前所未見。 大蟹鉗如想像般鮮甜啖啖肉，大家都不約而同大讚係食過咁多間最新鮮清甜既蟹，蟹身斬件炸得甘香酥脆得黎唔會油膩，香口又juicy，少有地連蟹腳我都食埋。 驚喜地發現蟹蓋唔係擺設，真係連埋蟹膏一齊炸，當然肉蟹既膏就唔預期會好香濃，但我欣賞佢真材實料，蟹膏豐厚甘香。肉蟹十分足料夠秤，開頭都擔心一隻會唔夠分，最後三個人每人都分到兩三舊，心滿意足過足蟹癮。 避風塘香料太惹味既關係，食完蟹之後忍唔住打包左d炸蒜同辣椒返去，打算用黎撈麵食。潮式酸菜水煮魚 ($128)難得選用左龍躉塊，厚實嫩滑有魚味，一條幼骨都冇，可以安心食用，最正係魚皮厚厚既骨膠原滑嘟嘟。 平時食既酸菜魚有時會好油或者太酸，好鐘意呢度酸菜味道唔會太搶，飲落係煲左好耐既老火魚湯咁，酸菜幼嫩似自家製，加埋芫茜好有夏天清熱開胃既感覺。 龍躉用量毫不手軟，每次夾幾大塊都好似食極都食唔完咁，大家瘋狂refill，最後一滴湯都清哂，完全係物超所值。飛天芥蘭 ($88)芥蘭平時比較少食，睇得出廚師花左好多心機準備左最幼嫩既部分黎炒，鑊氣好夠，香氣足以蓋過左淡淡既芥蘭苦味。 除左菜夠新鮮，配料肉碎同蝦乾都増添左咸香味，蝦乾尺寸唔細係屋企食開既靚貨黎，香就夠香，略嫌食到尾油左少少。家鄉炒米粉 ($88)簡簡單單用肉碎、蛋花、香芹、芽菜等炒成，香口唔會油膩，好有家既味道。海台脆脆酥 ($48)蝦片既外貌灑上煉奶同紫菜，成個組合好似好新奇咁，其實係似蛋散變奏版，個人覺得乾身左少少，小朋友岩哂。雖然門面貼滿左名人到訪既認證照，平日夜晚未算爆滿，反而比較清靜岩傾計。 幾位阿姐笑容滿面、服務周到，食物環境服務都稱心滿意。 奇怪如斯高質既餐廳以往聞所未聞，家庭聚餐同宴客都一流，必須要廣傳。…查看更多

▫避風塘炒辣蟹(HKD 588)🦀黎到翠林辣蟹舫緊係要叫避風塘炒辣蟹啦😻 蟹比想像中大隻，賣相都比其他店好睇💛 避風塘最重要係炸蒜，而翠林嘅炸蒜好香脆一啲都唔硬🤤 蟹肉結實又彈牙，食落好鮮甜，配埋炸蒜一齊食勁香勁好食😋好滿足啊✨⠀▫黃金豆腐(HKD 68)睇落平平無奇，但食落比起出面食到既炸豆腐好食好多😳外面炸粉超薄但炸到好脆，而入面仲係好滑好滑😚 真正嘅外脆內軟💛⠀▫話梅涼瓜(HKD 38)涼瓜浸左話梅汁酸酸甜甜唔會苦，食完蒜同熱氣野食返舊，感覺上減少左口氣同清熱解毒。⠀▫潮式酸菜水煮魚(HKD 128)🐟湯底用雞湯煮好清甜，唔油可以飲得放心，魚肉好大件而且結實彈牙⠀▫蟹油銀芽炒麵(HKD 88)蟹油好香🦀 鐘意炒麵夠多銀芽，不過本身夠咸，再落蟹油就會咸咗少少⠀…查看更多

各位姊妹，相信大家都覺得蟹好好食，鮮味十足，避風塘炒辣蟹就更加惹味！不過剝蟹殻就真係好麻煩，你都知㗎啦，會整壞我哋啲Gel甲。好彩我家M佬好鍾意食蟹，又會肯剝埋餵我食。係呀，我係港女一名！但呢啲係愛呀，哈利！今日我哋就去到尖沙咀食翠林辣蟹舫，見證我哋嘅愛。酸梅涼瓜話梅酸味蓋過涼瓜嘅苦味，入口一啲都唔苦，係一個開胃嘅冰凍前菜。酸菜龍躉湯底呈綠黃色，入口有淡淡嘅魚鮮味同惹味嘅酸菜味，非常開胃。龍躉肉又大又厚，嫩滑彈牙，連埋酸菜同湯底一齊食，真係好夾！避風塘炒辣蟹今晚嘅主角到啦，以紅木架上枱，賣相非常吸引！蟹肉結實鮮甜，食得出肉蟹好新鮮。避風塘炸蒜粒炒得好乾身，一啲都唔油膩，提升蟹肉鮮味，微辣惹味，好味到要lam埋手指，正！飛天唐生菜煲唐生菜同燒到熱辣辣嘅煲分開上，店員將唐生菜加入熱煲再炒，馬上傳出陣陣蝦醬味，非常有鑊氣。唐生菜新鮮爽口，好惹味。…查看更多

港貴為中西美食大都會，各式其式應有盡有，不用去旅行也可以嘆到各國美食。但不要忘記，香港也有自己的地道香港味。當天跟在尖沙咀上班的朋友，來到剛新張的翠林辣蟹紡。店面雖然不算大，但空間感足夠，枱與枱之間有距離。窗台旁的都是卡位，坐得闊之餘更可把背包等雜物放上窗台，不霸佔座位。窗台更可望到樓下街景，感覺開揚，坐得舒服！避風塘炒辣蟹 $588蟹有很多種煮法，但最愛的始終是香港的避風塘炒蟹。以辣蟹命名當然招牌菜就正正是炒辣蟹，餐枱紙也有介紹避風塘炒辣蟹的由來。横行霸道的蟹，上碟當然也是保持霸氣，露出強壯的蟹鉗及闊大的蟹蓋。蟹大隻，肉多是必需的。蟹殼十分堅硬，要有點力度夾開，蟹肉嫩彈鮮甜，炸蒜香脆惹味，辣度配合得宜，無得頂！黃金豆腐 $68粒粒好像迷仔金磚，炸到外層金黃色，咬落香脆內裡嫩滑，點少少酸辣醬汁更香口惹味！黃金拆肉瀨尿蝦 $128 /隻上一次吃瀨尿蝦，多得好友指導，費勁一輪後總算得能把原隻瀨尿蝦拆殼。這道黃金拆肉瀨尿蝦，已經預先拆肉，再處理一大塊的瀨尿蝦肉，上台時還將完整的瀨尿蝦殼放出來＂示威＂。可以大大啖咬落去的瀨尿蝦肉，感覺特別滋味。瀨尿蝦肉肉質鮮嫩軟彈，黃金製法非常惹味醒精，陣陣咸蛋黃香撲鼻，也蓋不住瀨尿蝦的鮮甜味！日本金瓜伴野菌 $88日本金瓜即是日本南瓜，或許是未到當造期，單獨吃略嫌淡味及硬身。但配合野菌及醬汁吃，味道便配合得剛好，如切厚片或切件煮或更入味！蟹油銀芽炒麵 $88幼麵炒得乾爽鬆彈，不油不膩，能輕易夾起不會粘在一起。吃這道炒麵必定要配上秘製蟹油，不但增添了適當的油潤感，帶點微辣的蟹油更令炒麵味道豐富起來。用餐後，正在盤算何日再光臨之際，侍應送上一張買一送一優惠劵。由於我們今餐點了炒蟹，在一個月內再光臨，可憑劵送炒辣蟹，十分吸引！…查看更多

星期一亞女預約星期三食飯﹐當然一定打開我好幫手 openrice apps 搵食喇！發現尖沙咀開左間食辣蟹喎！辣蟹係老公至愛﹐一定要去試下﹐於是訂左3位枱﹐當日老公叫埋伙食一起去﹐便4人行了﹐正確位址不太清楚﹐便按照 google map 路線揸車去。按地址都幾難找的﹐招牌不是太起眼﹐問了管埋員才找到。進入餐館了﹐服務員很有禮貌的招呼還介紹這店幾款的招牌菜﹐有黃金流沙蝦球、避風塘拆肉瀨尿蝦﹐當然5少得鎮店之寶避風塘炒辣蟹喇﹐我哋3款招牌菜全下單了﹐老公還點了我喜愛的潮式酸菜魚﹐再加碟飛天芥蘭﹐到左上菜了﹐大家都好期待﹐先來是黃金流沙拆肉瀨尿蝦﹐賣相已好吸引﹐看得出廚師的心思﹐黃金流沙是用咸蛋王做的﹐咬一口好香的咸蛋王味道但並不咸的﹐而瀨尿蝦並沒有比黃金流沙搶了肉鮮味﹐這種瀨尿蝦食法是第一次﹐對想食瀨尿蝦又5想用手拆肉的懶人﹐這個你一定喜歡。跟住上枱的是黃金流沙蝦球﹐賣相也是很吸引﹐我們4人每人1隻﹐中間放了一碟沙拉﹐好有食沙拉蝦角 feel, 這款黃金流沙同剛才的一樣做法﹐而換了蝦球又有不同的口感﹐蝦球爽口彈牙配埋沙拉一起食﹐口感同味覺配合得很好﹐跟住到左主角避風塘炒辣蟹﹐上枱看見隻蟹好有霸氣﹐可見廚師的用心﹐因為我4個人中﹐其中1位不吃辣﹐所以選了少辣﹐而喜歡食辣可選中辣或大辣﹐上碟第一時間不是食蟹而是配料炸蒜﹐入口還有暖暖的感覺﹐又香又脆加了微辣的感覺好野味﹐跟住再試主角﹐肉厚鮮甜﹐果然是鎮店之宝﹐跟住上枱是潮式酸菜魚﹐這款給我有驚喜﹐魚是用龍躉起肉再加這點秘制的酸菜﹐魚肉肉質有口感及滑口﹐秘制酸菜的酸及辣配合得很好﹐今餐我最喜愛就是這個餸﹐而最後上碟的是飛天芥蘭﹐但上碟的是通菜﹐應該是廚房執錯料﹐飛天的做法原來是用一個沙鍋先煮好跟住在客人前上另一隻碟﹐這叫飛天。煮法配料有點像啫啫煲用了蝦干椒絲做配料﹐因為避風塘炒辣蟹的炸蒜的關係﹐亞女叫左碗白粥﹐白粥內加了瑤柱﹐用膳完畢覺得這間食店真係好用心及真材實料﹐這餐除了給味覺好满足外﹐還給了不少驚喜﹐驚喜接二連三﹐江總廚專登為我們準備左餐牌上沒有的小食『冰鎮秋葵』﹐用左日式食魚生的醬料配搭﹐剛食完一些辣味食品再食這款﹐真是涼快又健康﹐第三個驚喜是黃金流沙蝦球係送的﹐因為如果係 openrice 訂枱每位送黃金流沙蝦一隻﹐下次再來一定要記得係 openrice 訂枱先。…查看更多

好幾年前經常去吃的避風塘炒蟹,都是小菜館, 或是大排檔, 連避風塘的漁船也去過. 這次來的這家避風塘炒蟹則位於尖沙咀亞士厘道的樓上舖. 因為就近以前的工作地點, 亞士厘道是我經常來的地方, 這條街較旺的是中午時段, 各國菜式均有. 晚上我是比較少來, 但今天大約7點多到的時候, 街上的人潮明顯沒有尖沙咀附近幾條大街的興旺, 亦正適合我想舒適地跟朋友享受一頓晚餐. 入座的感覺是座位間的空間頗寬闊, 最理想的則是窗邊的4人卡位, 既可看到亞士厘道的街景, 又有小窗台可放手機, 背包等雜物. 若不是朋友吃過別的分店再介紹, 我自己是不太愛到這些炒蟹專門店的, 主要是價格太貴, 質素又不穩定. 來前朋友已派了定心丸, 說一份炒蟹的價格大約$500-600, 安心得多. 這次只有3個朋友, 食物吃不了太多, 但主要點的必然是避風塘炒蟹, 另外朋友則想試黃金拆肉瀨尿蝦, 加點些前菜小吃, 蔬菜, 炒麵, 份量差不多. 黃金豆腐用的豆腐不是嫩滑的類型, 而是較有咬感的種類, 但仍做得外脆內軟, 不錯. 平常不太喜歡避風塘炒蟹, 一來不喜其價格高昂, 二來很多家店炒的不是過於油膩, 就是平淡無味. 不得不讚這裡的避風塘炒蟹用的是大隻而肉質結實的大肉蟹, 另一方面炒出來的蟹不會過份乾身, 炸蒜及乾蔥的香味都得以保留. 始終是肉蟹, 蟹蓋裡頭的膏不是很多, 用避風塘方式做的炒蟹更覺濃郁香口. 蟹鉗是我的最愛, 沒有細骨碎殼, 啖啖都是實肉的蟹. 另外這裡的一大好處是每人會供給一個蟹夾, 不用手油油的還要跟人亙用, 比較周到. 侍應亦勤勤的幫客人換碟. 一般吃的瀨尿蝦最多的是清蒸, 其次則是椒鹽, 加上鹹蛋黃的黃金拆肉炸蝦則是第一次. 而且排盤裝飾頗為精緻. 這裡的黃金蝦, 鹹蛋黃比想像中的味較溫和, 脆漿亦不算太厚, 能吃得出蝦肉的嫩, 鮮. 若是鹹味太過則令難得新鮮的瀨尿蝦鮮甜儘失. 從排盤至味道風格來看, 店子的目標除了是本地人, 亦適合邀約外國客人用膳. 平常的瀨尿蝦相信考起不少外國人, 但若是這樣的排盤及做法, 必能迎合各類客人所愛. 日本南瓜鬆軟甘甜, 正好一解吃2道炸物的油膩感覺, 其他的菇菌也頗配合南瓜, 難得的小棠菜也切得頗精細. 排盤漂亮. 上桌的銀芽炒麵, 麵條用的是比較幼身的麵, 這個我喜歡. 炒出來沒有太多油份, 偏乾身. 若不沾辣蟹油, 入口的感覺麵條乾而味淡. 主角其實是這碟辣蟹油, 聞起來氣味跟辣的XO醬有點想似, 但多了一點蟹的香味. 混著辣蟹油同吃, 麵身變得油潤, 味道亦變得豐富, 帶有辣蟹油的咸鮮香. 幼身的麵條吃起來亦清爽許多. 不一會已掃光一整碟炒麵. 我也不禁一問經理這個辣蟹油可有出售. 經理說是$88一瓶, 但暫時包裝物料未到, 暫不出售. 那只有等下次來吃再買好了. 以3人吃, 埋單的價格不用$1400又有避風塘炒蟹, 價格並不算貴. 吃畢後, 跟經理在閒談時提到店子其實還有些獨立房間, 其中有的是12人大房, 比較特別的是有4人房, 最低消費$2000, 尚算合理. 另外問了經理, 自攜酒暫時並不收開瓶費, 正適合我與朋友的酒局聚餐. 另外最後還送上1送1的新開張優惠劵作下次使用, 新開張的優惠不錯, 短時間看來要再來一趟. 翻食指數: 85分.  食物質素不錯, 環境座位也舒適, 交通上近尖沙咀地鐵站, 免開瓶費是一大喜訊. (此指數平衡店舖交通, 味道, 環境, 價格... 等等, 個人作出的評價.)…查看更多