道頓堀御好燒專門店 (朗豪坊)

香港除哦媽家姐之外，少見有大阪燒餐廳，可以一邊玩一邊整，最friendly係有埋一個set，加埋睇片教學，等大家廚藝新手都可以整出有板有眼嘅大阪燒！(起碼食得落口！假日中午去都唔算多人，一到就入得，店員會開定枱面塊鐵板，一面揀一邊已經感到般熱力。餐單選擇都多，有海鮮有肉類有蔬菜，有鐵板燒有大阪燒有鐵板炒麵。我哋兩個人揀咗豪華二人套餐($448加一)，價錢較相宜，亦都包咗幾款熱門主菜，都係我哋想食的，好期待～ 上菜速度超快👍🏻前菜：粟米沙律🥗粟米粒同菜好足料，粟米似罐頭粟米🌽，嫌佢太多沙律汁同千島汁，二人份量黎講多，喺食油膩嘢前係幾清新幾開胃。主菜：道頓堀雜錦御好燒、奄列蛋包炒麵兩道菜份量都好足，御好燒魷魚份量都幾多，仲可以自助落枱面設有嘅紫菜粉、木魚粉、沙律醬。尤其炒麵底超大碗。要整得好食，要多啲留意個火，可以自助調節大細火。鐵板燒：海鮮拼盤、雜錦燒肉拼盤海鮮拼盤包魷魚、蝦、帆立貝；燒肉拼盤包雞肉、牛板腱、加拿大豬腩肉，都係雪藏肉，味道不過不失。如果係日本肉同海鮮更加好。甜品：哈根大師細杯裝雪糕整體嚟講，胃口唔算大嘅話，豪華二人套餐係幾物超所值，有得食又有得玩，當係買一個日式旅行體驗😋😋推介：🐾🐾🐾🐾價錢：🐾🐾🐾🐾味道：🐾🐾🐾賣相：🐾🐾🐾…查看更多

自製大阪燒！好耐冇黎朗豪坊食嘢啦。一直都想食大阪燒，喺屋企做整唔到出街食大阪燒嘅感覺，難得出開嚟旺角，於是食翻個大阪燒set lunch。宜家有promote百幾蚊任食，不過費事因為任食而食得過量，都係食set lunch算。道頓堀雜錦御好燒$98- 有教學教食客點做，所以跟住步驟整，就可以整到好靚又好食嘅大阪燒啦。Set lunch有胡麻沙律同飲品，可以減少油膩感。大阪燒煎得香脆可口，裏面仲有軟熟嘅感覺，加上燒汁同沙律醬，再灑上木魚粉同紫菜，視覺同味覺都有好大嘅享受。道頓堀特選御好燒$108- 今次想推介嘅係特選御好燒，佢比雜錦材料更加豐富好味道，更加要求食客煮嘢食嘅手勢。炒麵、煎蛋再加上大阪燒，有多重嘅享受，有流心蛋黃汁撈埋燒汁一齊食，正！不過餐廳抽風系統感覺麻麻地，比較多油煙，希望可以改善一下。…查看更多

平日嘅中午, 同朋友 shopping 前食個午餐, 落住雨又唔想同人逼, 就行左入去朗豪坊。見到有間大阪燒店要自己落手整咁過癮就2個盲摸摸鐘左入去😂😂入到去, 每一張枱都好大, 因為要放一塊大鐵板, 同埋好多配料, 所以地方都坐得好舒服。午餐嘅 Menu for 2 個人就主要有午市套餐, 同二人份分享套餐, 我地2個生積咁款就叫左個二人套餐所有嘅野, 因為都要自己整, 所以都係生嘅材料上枱 (除左沙律😆)呢個係道頓堀雜錦燒嘅原材料, 有豬, 蝦, 魷魚, 章魚等等, 材料豐富。只係套餐裡嘅上級牛肋肉較失望, 唔單止得4塊, 而且切到好薄好薄, 個醬汁完全唔入味, 食落口都冇咩牛肉解味塊普通嘅跟沙律煙肉都比牛肉出色。而廣島燒都有一份大大嘅麵餅, 除此之外仲有其他配料: 椰菜, 豬肉, 雞蛋, 蔥, 魷魚脆脆等。整緊嘅中途終於.....過左10幾廿分鐘(因為我地張枱個計時器壞左😂😂😂)我地嘅製成品出黎啦。雖然, 唔係有咩特別, 只係覺得自己整會特別好食。而旁邊都有大阪燒醬, 蛋黃醬, 木魚粉同紫菜粉, 可以跟自己喜好加啊最後, 套餐仲包埋2杯飲品同2個單球雪糕。總結: 自己落手落腳係好玩嘅~會覺得特別好食, 但係因為落手時要慢慢睇 instruction, 好易 miss 左, 同煮過龍😅而且, 職員都冇特別同客人講要睇邊張 lnstruction 同講咩醬打咩醬, 要客人自己搵, 呢樣有待改善。不過餐廳材料新鮮又可以過下癮, 真係好滿足…查看更多