大自然素食

呢間素食餐廳因為疫情嘅關係又做緊全日外賣自取半價優惠🥡不過午市快餐,下午茶餐,特價菜式就唔包‼️款款都大大兜裝到滿一滿 又平又抵食🍴做緊優惠太平 嗌嘅時候都冇睇價錢🤣睇番張單先知原來啲餸係貴過食飯麵🙈不過全部都唔錯😋.農家燒焗竹筒飯🎋 $38冇睇錯真係$40都唔洗😍因為呢個係特價菜色所以就冇半價優惠😛第一次見竹筒飯 好得意 真係用條竹裝住啲飯🤩唔好睇個飯好似好少咁...其實佢壓到好實🙈自己一個食晒都真係幾飽🧐飯入面加咗啲粟米,栗子,香菇,素肉碎😚整體味道都幾淡 有少少dry🤏🏻同人share食會好啲😳.鮮茄焗肉醬意粉🍝 $88呢個意粉好似係新出 個樣望落有啲似焗豬扒飯😂意粉好大兜 面頭仲有啲雜菜同番茄🍅最鐘意一定係佢pat素芝士🧀不過啲汁唔太好食 係甜甜地帶微辣 好奇怪😣同埋份量太好 每一啖都好多汁 食落好濟🥺意粉偏腍身 唔彈牙 可能索得太多汁☹️.豉油皇雜菌炒麵🍄 $78呢個食落就係普通茶餐廳/小食店買到嘅味道🤔不過個豉油味就冇咁濃 味道都係偏淡 炒得唔會好油😝同埋加咗好多菇菇同雜菜 係幾健康嘅選擇👍🏻.乾炒牛肉河🐮 $78上次食過佢個款泰式乾炒牛河 今次啲款個樣都幾似🤭不過就多咗好多雜菜同埋菇🤤同埋因為上次係泰式 所以會酸酸辣辣😛今次就冇乜味 同埋個河粉炒得太油 食落冇咗咁開胃😫.北京片皮鴨(跟薄餅)🥙 $98呢個真係好推介‼️雖然個片皮鴨就同真嘅口感有啲出入 但係個樣真係幾似😚個肉原本已經調咗味 所以唔加個醬已經好好食😝佢個口感有啲似齋叉燒 個味就甜甜地有啲似bbq醬😎個薄餅每一片中間都有塊紙夾住 唔驚佢會痴埋晒👍🏻夾埋旁邊嘅青瓜同西芹絲一齊食 好清新🤩片皮鴨嘅份量都幾多 每一次用幾舊包都仲夠食😍.燒汁蘆筍牛柳卷🌯 $98呢個已經encore過好多次 媽咪好鐘意食🤫個素牛柳好厚 食落有啲似平時厚身啲嘅火腿🙈內餡除咗有蘆筍仲有三色椒同金菇🤤口感夠晒豐富🥳不過成個牛柳卷都好索汁 個味有啲濃☹️.原隻燒菠蘿咕嚕肉🍍 $108平時食嘅時候佢係會用原個菠蘿裝住嘅 不過其實要黎都冇乜用費事晒咗 就叫佢走菠蘿😂如果想賣相靚啲高級啲嘅話就可以要埋🤓個咕嚕肉係用猴頭菇整嘅 因為原本加工嘅時候有用蛋漿醃過 所以呢款係蛋奶素🥚🥛雖然佢係猴頭菇 但係像真度都幾高💓醬汁酸酸甜甜 口感都好似肉🤤不過就似未炸/腍咗嘅咕嚕肉🤫.濃湯粉絲雜菜煲🍲 $88個湯同菜係分開裝嘅 番到屋企先再加湯落去 就唔怕浸到淋晒😎菜嘅份量都幾多 唔會煮到好老好黃😋個湯除咗有粉絲之外 仲有雲耳,雜菌,西芹,金菇 好豐富😍西芹味超濃 鐘意食西芹嘅就啱晒😚…查看更多

好耐之前去過大自然素食既太子分店一次，比佢啲員工既服務態度嚇親，之後一直冇再去。到前排佢做堂食半價優惠，就諗住比多次機會佢地，點知真係改善左好多，啲姐姐友善左，食都食得開心啲。個蛇羹真係好神奇，啲素肉既樣係同蛇肉一模一樣，真係呃得下人！生炒糯米飯當然就唔係生炒架啦，賣到咁平仲做生炒會蝕架，不過味道都唔錯。平時好少機會食到冇肉既糯米飯，今次食到覺得好滿意。牛仔肉冇乜特別，個份量就有少少呃秤。睇落以為好大份，原來舊錫紙入面係墊高左，真實份量獵火減左一半，大家要留意下。素翅燉椰皇係每日限量發售架，如果想食既話最好早啲去，或者book位果陣叫佢地留定比你，如果唔係好大機會冇得食。個湯好清甜，啲椰肉夠哂稔，輕輕力就筆到出黎食。啲仿魚生都係來貨，同其他有仿魚生既素店出品一樣，都係蒟蒻做既人工野，耐唔時食下都幾過癮。北京片皮鴨其實就唔係好似鴨架喇，不過我鐘意食佢塊薄餅同埋醬，包埋一齊食細細個啲回憶返晒黎。啲人成日話啲素食者食素肉係齋口唔齋心，其我地都係想回憶下以前既日子啫。十幾蚊就有一碟高麗菜，仲話係有機既添！大家又信唔信咁平有有機菜食呢？係既話真係益街坊！上湯浸翡翠苗整得幾好，啲菜苗煮得恰到好處，唔會有陣臭青味，而且夠新鮮冇乜渣，唔錯。依個竹筒飯真係要讚下啲姐姐！打開果陣係咁既樣，食落有少少乾，我地都不以為然照食。食食下有個姐姐行過，佢大驚，仲話依個竹筒飯煮得太耐，乾哂，要換過一個比我地。過左陣佢拎過第個竹筒飯黎，打開發現淺色好多，而且仲濕潤子多。好彩姐姐發現到幫我地換左，如果唔係都唔知自己食左啲咩落肚。松子魚個汁比較杰，可能個芡落得重手左少少，但個味都so far so good，啱啲鐘意食酸甜野既人。生煎包個餡偏乾，始終素叉燒比較難做到真叉燒比較juicy既感覺，趁佢做半價試下冇壞。黎左三次對員工既態度改觀不少，如果你地都曾驚比佢地嚇怕過，不妨比次機會佢地，會有全新既體驗。…查看更多