生生市場 (捷榮樓)

營業中

休息中

之前朋友向筆者介紹了這間「生生巿場」，表示他們的韓食頗為出色。今天碰巧經過元朗分店，一於來試試夠不夠韓味道！筆者點了一個2-3人套餐，再加了一份小食。套餐包括了一份紫菜飯捲、一個湯飯、一客炸雞、泡菜和飲品，十分豐富。一條有8-10件份量，珍珠米飯包裹着辣豬肉、青瓜、紅蘿蔔、牛蒡等，比例以餡料為多。紫菜沾上了麻油，跟韓國當地做法一模一樣，夠晒地道。最近天氣開始轉涼，吃一道人蔘雞湯飯就最適合不過！湯頭入口有淡淡蔘香味，附有半隻雞的份量。雞肉經熬燉湯後，非常軟腍，很容易就骨肉分離；而且也滲透了人蔘的氣味。除了雞件，也有栗子、糯米等食材。另外提供了一小盒鹽作調味，但單吃其實已經很夠味。外皮炸至脆卜卜，咬開是juicy滑嫩的雞肉。經無骨處理，入口啖啖肉夠方便。最欣賞店員會在外賣盒蓋子煎開一個小洞，這樣可以令炸雞不會淋掉。好難得試到新鮮的泡菜，因為平時在超市買的都是醃製了很久的。根據店員的介紹，新鮮泡菜是當天現製，沒有經過發酵的程序。酸味較少，大白菜口感也會清脆爽口一些。2人餐會附送兩罐韓式飲品，分別選擇了梨汁和葡萄汁。韓國魚糕也是筆者喜歡的韓食之一。炒魚糕份量頗多，與洋蔥、紅蘿蔔、芝麻等一同炒香

呢日返咗去新界區探兩長老，順便同咗兩個小朋友去元朗玩，行經呢間韓式外賣店，一於買返去食吓！其實經過門口嘅時候，主要俾佢藍色同黃色嘅裝修吸引住，顏色好sharp ，望落都整齊企理。入到去估唔到外賣都有咁多選擇，揀咗一輪我哋先決定好食乜嘢。😅甜辣無骨炸雞望落賣相好靚，脆卜卜，拎到返屋企仲非常香脆，咬落仲有肉汁，識落甜甜地辣辣地，非常開胃！泡菜煎餅個泡菜煎餅返到屋企重暖，個邊仲好香脆，泡菜味酸酸地小辣，入口味道剛好，唔點醬都非常夠味。炸醬麵炸醬麵麵質煙靭，仲有洋蔥、高麗菜、薯仔、青豆加隻蛋，味道甜甜地，口感一流，就像我在韓國吃的一樣。辣豬肉紫菜飯捲飯卷色彩繽紛好靚，辣豬肉好惹味，飯粒仲有麻油香，配埋紅蘿蔔絲、醃蘿蔔、青瓜、甜蛋食，非常美味。火腿紫菜飯捲飯卷大大嚿，火腿粒好大粒，飯粒仲有麻油香，配埋紅蘿蔔絲、醃蘿蔔、青瓜、甜蛋食，飽肚又好食。