聚來車仔麵

★爆漿阿華田西多士★ $40內餡可以揀榛子醬/花生醬招牌必點♥️係邪惡max的配搭😈阿華田脆脆+朱古力醬+流心奶+蛋香西多士+朱古力榛子醬朱古力星人最愛，超濃厚阿華田衝入個口度！每一啖都有阿華田脆脆，包保持鬆軟又有蛋香！PS☆ 其實小編四五年前就試過呢間嘅西多！！當時都未有其他餐廳嘗試呢種配搭，應該算係原創品🥹★招牌煎餃6隻★ $37鴛鴦餃不用加錢！揀咗椰菜+韭菜超級推介🤍一定要點！！！～兩邊都煎到超脆(๑>◡<๑)點用左少少生粉煎，見到有微微雪花❄️餃子皮薄內餡好多汁，食落好實淨，特別推介椰菜餡好清甜！★自選車仔麵★・牛筋、魷魚、蘿蔔 (低脂高蛋白之選) $49牛筋同魷魚都係低脂高蛋白之選～份量都幾多，牛筋煮到好腍好入味！魷魚一啲都唔韌，好彈牙爽口（≧∇≦）蘿蔔推介☆感覺到係新鮮好清甜，完全冇筋，吾係煮到好攔個種♡又有膳食纖維同維他命C試左朋友嘅牛腩唔會全部都係肥肓，半肥瘦花紋好平均(//∇//)幼麵質軟硬適中，唔係超難咬斷嗰種★黑白華田脆脆特飲★ (跟餐) +$12$12真係超抵飲，白華田同平時嘅阿華田好似，不過白華田係牛奶麥精，阿華田會多咗朱古力味～面頭加左大量阿華田脆脆（╹◡╹）♡好似食緊一個甜品！…查看更多

個標題係咪熟口熟面咁？🤣因為阿公又嚟喇✌🏻上次食完 個心成日念念不忘💭最難忘係未試佢個西多士同埋好多款餸未試食🫣今日終於有時間嚟喇😍一坐低梗係要叫佢個車仔飯🍚最抵$3X就有 阿公咁為食梗係叫夠佢四餸🤣 都係$5X雖然阿公叫咗頹餸🤣但一D都唔頹無論係瑞士汁雞翼嘅滑嫩但入味定係午餐肉嘅揀選 或者係太陽蛋嘅流心程度都見到唔頹🤩姑婆(阿公個妹)就揀咗菜底車仔麵🥬重點D菜多到 D餸仲喺個湯上面嫁🤣唔會沉哂底嫁😋 🦑蒜泥魷魚係大推🙌🏼最後就係期待已久嘅 “爆醬阿華田西多士”🤤仲配咗最邪惡嘅 朱古力榛子醬🍫呢個 爆醬 組合🧡🧡🧡🧡呢個講唔到咁好味 去相🫵🏼…查看更多

是日去深水埗購買電腦產品，順路過嚟一直想試吓嘅車仔麵，原來離開高登都幾遠，只怪我唔係好熟路。Menu都好多選擇，叫了兩碗三餸車仔麵同一份鴛鴦煎餃。鴛鴦煎餃：煎得好好，唔油膩外皮很脆。餃子餡味道剛剛好。比較鍾意食韭菜豬肉味。煎餃必點$42/8隻三餸車仔麵正常，咖喱汁有椰汁香，牛筋豬紅好食，魷魚略嫌未夠入味，魚蛋得3粒。價錢係一碗$46一碗$47，不過餸好似少咗啲，如果量可以多啲就好喇。整體可以一試，得閒再幫襯。…查看更多

再嚟到深水埗旺區，睇完電子嘢之後又係時候醫下肚，周圍都係餐廳，喺無從入手之下，都係食返香港最有特色嘅車仔麵， 😍位於基隆街嘅聚來車仔麵夠晒吸引，除咗面之外，仲有一系列小食，值得推介😏椰菜雲耳豬肉煎餃— 🥟呢一度嘅煎餃同樣出色，當然就係即叫即煎，🥟煎完之後見到個皮就係吸引人嘅金黃色，少少脆，加咗雲耳之後裏面嘅餡料變得更加爽，🐽點埋汁就更突出豬肉嘅鮮味🐽芝士粟米煎餃— 🥟唔食豬肉嘅話就絕對要試吓呢一款創新嘅餃子，🥟拉絲芝士再配埋粟米，🌽本身已經鹹中帶甜，再加埋金黃色，煙煙韌韌嘅皮極好𡁻🧀車仔麵— 🍜有幾款餸係呢一度比較熱賣，包括牛腩，牛筋牛柏葉同埋水魷魚。🍜絕對係牛魔王嘅福音， 特別係牛筋牛腩份量非常足料，大大條嘅牛筋骨膠原飽滿，🥩牛腩最緊要就係肉質唔柴，仍然透出好似啱啱熟咗嘅嫩紅色，至於牛柏葉同埋水魷魚夠晒爽，🥩本身冇乜味嘅情況之下，就要靠呢一度自家製嘅秘製辣醬，裏面就包含咗蒜蓉同辣椒經典組合，鮮味十足辣度狠勁，🌶️至於個湯底亦都有唔少選擇，當然最推介都係豬骨雞湯，清清地夠鮮甜🍜聚來車仔麵 (深水埗)深水埗基隆街172號地舖…查看更多

高手通常都係會哩埋喺凡間默默耕耘為社會付出👨🏾‍🍳阿公無意入咗嚟食野就比呢到嘅特別野吸引咗👀有兩款爆醬西多士 雖然最後阿公好飽食唔到🫣但見到人哋食真係D醬要湧出隻碟咁濟💦仲有十幾款小食、餃子、咖哩飯、車仔飯麵等等試哂都要嚟多五、六七次先得🤣車仔飯/麵👇🏻有多達50款餸可以揀😱(阿公真係逐款數)麵底都有10款 仲可以揀菜底最最最最緊要份量多‼️睇下阿公夾起咗咁大注D餸都係唔沉落去嫁🤣 知佢咩料啦唔係淨係主糧多嫁🍜餸都係以量取勝🏆(Yeah)🥬生菜有半碟份量咁多🍙紫菜有1/4餅🐽豬頸肉有十幾條🍄冬菇有四大粒🐮肥牛睇落好似得三片 但係闊身佢一片已經等於出面三片🌶辣椒醬 以蒜泥為主 食落重蒜香 配襯麵一流👍🏼招牌鮮炸肉丸👇🏻就好似港版「依家肉丸」咁入面其實係洋蔥豬肉丸特別在洋蔥多🧅 小量豬肉淋身D但就好香 唔會成口肥膏肥油而且無味精 好「屋企」嘅味道粟米芝士餃👇🏻滿充住粟米芝士😍阿公第一口咬落去仲要拉絲入面仲有小小淋咗嘅洋蔥食落無洋蔥味反而鮮甜咗整體就算無肉都唔會寡😋講咗咁多，最深刻就係場上面一句「我的麵給您家的味道」食完一餐飯 我感受到嘅係人情味唔係用錢就可以買到嘅味道😌…查看更多

▪️車仔麵 配腩汁▫️牛柏葉$12▫️墨魚丸$10▫️蘿蔔$10▫️魚肉春卷 $12▫️米線 $10車仔麵有好多餸選擇，花多眼亂😛今次就試咗4個餸，當中最鍾意嘅係墨魚丸，好夠彈牙，有一粒粒墨魚粒，幾有口感😚鍾意食辣嘅話建議加埋啲招牌辣醬一齊食，辣醬幾嘢味，但又唔算太過辣▪️餃子麵 $42 配咖喱汁▫️6隻餃子(椰菜雲耳豬肉餃) +米線米線幾滑，軟硬度啱啱好，咖喱汁偏椰汁味重。餃子方面，個皮好夠薄，餃子幾足料，又唔會好易散👍🏻▪️ 招牌煎餃 $34 ▫️ 6隻餃子 (芝士粟米)+$3煎餃子熱辣辣，咬第一啖就見到半溶既芝士流出嚟😍配埋粒粒嘅甜粟米，幾有咬口…查看更多

深水埗有幾間車仔麵都好出名，呢間聚來車仔麵亦漸漸為人認識，而佢最出名嘅並唔係車仔麵。雖然重點推介嘅唔係車仔麵，但都要點返碗醫肚兼過吓口癮。難得佢嘅蕃薯粉唔使加錢，當然係叫蕃薯粉($10)做麵底，配料就揀咗上湯花膠($13)、魚片頭($10)、墨魚丸($9)同紅腸($9)。車仔麵屬正常水平，上湯花膠清得嚟夠入味，我就幾鍾意。蒜泥白肉分量超多，而且鋪滿蒜粒，非常香口惹味。其實呢度必食嘅係佢哋嘅招牌鮮煎餃子，餃子屬自家製，分別有韭菜餃、椰菜餃同芝士粟米餃，而且可以雙拼。椰菜餃入面除咗有椰菜同豬肉，仲有木耳絲，椰菜配豬肉味道鮮甜，而且煎得香脆，非常美味。芝士粟米餃就最啱小朋友食，濃濃嘅芝士再配上煎得香脆嘅餃子皮，感覺有點似食緊pizza。而另一個最值得慕名而來嘅，就係佢嘅爆漿阿華田西多士。西多士本身可以選擇榛子醬或花生醬，個人認為榛子醬配阿華田味道更夾。西多士中間挖空，灑上阿華田粉至完全覆蓋整件西多士，然後再注入佢哋特別調配嘅醬汁，大概係雲呢拿煉奶嘅味道，切開就有如岩漿流出，每口多士都沾有醬汁，真係好味到要舔碟。…查看更多

帶媽媽嚟到深水埗一間家庭式經營小店「聚來車仔麵」🍜因為除咗車仔麵佢仲有好多小食同埋甜品😋車仔麵🍜 (粗麵。豬肚。牛筋。豬紅。蘿蔔)腩汁湯底夠濃郁，牛筋大大嚿，炆得夠晒淋👍🏻蘿蔔好清甜，仲有勁多款車仔餸俾你簡，價錢有$9到$13不等，幾低食‼️🧀芝士粟米餃 🥟$42/8隻新出品😍好出色，外皮煎到金黃色夠脆，啖啖芝士好香濃，加埋一粒粒粟米🌽有口感，媽媽都話正💯爆漿阿華田西多士🍞 $33估唔到車仔麵檔都有甜品食，仲要係咁邪惡，西多士上面灑滿阿華田粉😍煉奶醬喺中間，一切開就流晒出嚟🤤夾心仲可以揀花生醬或者朱古力榛子醬😈超好味😋…查看更多

如果鐘意食西多我相信一定識呢間聚來車仔麵！我碌ig見到人地食所以忍唔住又黎試下，仲特登lunch食少啲留返quota就知我有幾期待😎。比較少去ssp，不過舖頭都唔難搵，原本以為整呢啲打卡食物既係文青裝修café，但原來係家庭式經營既車仔麵店！幾有驚喜！🔅招牌鮮煎餃子(椰菜) ($40)由於同朋友都極鐘意食餃子，所以叫多8隻煎餃試下。煎得好靚好香，皮厚薄適中，無穿到又無燶到👍🏻。有埋木耳好爽口，餡都夠豐富，好滿意！🔅車仔麵 ($45)叫左豬頸肉、雞中翼同生菜配油麵，揀左小辣同沙嗲汁。豬頸肉好爽、份量都唔算少。雞翼好入味！加埋少少薑既沙嗲汁同埋小辣超正，$45蚊都幾抵食。🔅車仔麵 ($45)牛筋、豬皮同豬大腸配蕃薯粉加腩汁。牛筋就普通，但豬皮幾爽、豬大腸都幾入味幾腍。🔅爆漿阿華田西多士 配榛子醬 ($33+$2)原本西多係配花生醬，不過覺得榛子醬夾啲所以毫不猶豫就加左$2😎。西多一黎就勁吸引！可惜豬隊友拍片拍得唔好所以俾唔到大家睇切出黎係幾正🙈。真．爆漿！流晒心，邪惡程度滿分！阿華田粉都舖滿晒塊多士😍，除左正都唔知講咩好。明知極肥但都係同朋友清晒成碟🤣，絕對願意為左個西多再黎幫襯(不過要有quota先…)！💬原本主要係為左食西多先黎試下，但車仔麵同餃子都相當唔錯，好抵食，幾鐘意家庭式既小店，絕對會回訪🤤！…查看更多

要數代表到香港嘅美食，車仔麵一定榜上有名，可以自由揀餸同麵，啱晒唔同香港人嘅口味，喺車仔店林立嘅深水埗，有一間今年新嘅餐廳，除咗有車仔麵之外，仲有唔同嘅小食，而且仲有一款近排人氣爆燈嘅爆漿阿華田多士。聚來車仔麵係一間今年一月開業嘅車仔麵小店，餐廳係深水埗基隆街，聚來嘅意思係邀請各位再嚟，招牌名已經好好客，入到去更加感受到，因為餐廳係家庭式經營，待客人好似待屋企人咁。小店目標係提供乾淨、健康、唔加味精嘅嘢食，良心製作每一碗車仔麵，令食客食得開心。餐廳除咗主打車仔麵，仲有提供好似蔥油雞扒飯、煎餃子等港式美食，價錢貼地，呢排仲有招牌嘅名物爆漿阿華田西多士，切開有流心阿華田醬。平日夜晚7:30去到餐廳嗰時已經坐滿左，所以要喺出邊等，等咗差唔多一至兩個字就入到去，等嘅時候見到門口有塊黑板餐牌寫住西多士已經好肚餓。入到去餐廳環境算幾新淨，店舖唔算好大，不過座位都算舒服，燈光夠光猛，以車仔麵店來講算唔錯。招呼我哋嘅竟然係老人家，係一個婆婆同一個公公，即刻感受到家嘅味道，雖然佢哋行路唔快，不過想落單嘅我絕對有耐性。可以睇到枱上嘅餐牌有兩塊，有一塊係全日供應嘅飯餐同埋下午茶餐，因為今日想食車仔麵同小食所以就冇睇，第二塊就係車仔麵同埋小食，車仔麵有得揀套餐或者每個餸同麵咁嗌就，套餐就平啲不過餸嘅選擇少啲，小食方面最多人嗌嘅係炸肉丸同埋煎餃子。另外牆上面都有好多圖片同埋Menu，可以見到招牌嘅西多士唔止係下午茶有，仲有得全日供應，不過下午茶就會包嘢飲，30幾蚊一個咁特別嘅西多士加嘢飲，價錢非常平民。-1️⃣ 招牌鮮煎餃子 💰40（👅: 8/10）餃子喺呢度招牌，呢度有兩款餃子，分別係韭菜餃同椰菜餃，可以要求雙併口味，餃子都係自家製人手包，即叫即煎。上枱時見到啲餃子賣相好靚，隻隻都煎到金黃色，已經迫不及待想食。餃子咬落去非常香脆，尤其係底部，夠乾身，唔會太燶，煎餃最緊要皮薄，呢度絕對做到，比甜記餃子同家後薄，食落香口，而內餡咬落去即刻爆汁，餡料充足，雖然未到甜記、美味餃子嗰啲咁多餡，絕對皮薄餡靚，餃子唔會話太過油膩，唔似甜記餃子既煎餃好似炸餃。椰菜餃嘅味道比較清新，唔會好鹹，咬落去清爽，而韭菜餃味道濃郁啲，多啲鹹香味，兩個嘅菜肉比例算平均，會食到豬肉味，餃子食囉冇咩負擔，有啲似屋企人包嘅味道。另外仲會有餃子醋俾你點，不過本身餃子味道足夠，醋可以用黎中和少少油膩感。-2️⃣ 招牌鮮炸肉丸 💰28（👅: 8/10）另外仲叫咗個炸肉丸，份量唔少，有成10粒。肉丸外層炸到好香脆，入邊比較鬆軟但唔會鬆散，係外脆內軟，食落肉質新鮮，有少少肉汁，豬肉味唔算好重，反而洋蔥味好突出，而且會咬到少少洋蔥粒，感覺好似食緊洋蔥圈咁，女朋友就覺得好似食緊獅子頭，對於好耐冇食洋蔥圈我覺得好新鮮有驚喜，味道唔會太鹹，呢個價錢有10粒非常抵食，如果可以我想買啲急凍版返去自己整黎食。-3️⃣ 車仔麵 💰58（👅: 8/10）豬頸肉 💰13牛筋 💰13香辣魷魚 💰13蘿蔔 💰9秘製辣汁(中辣) 💰0腩汁 💰0粗麵 💰10呢度主打車仔麵，所以叫咗碗黎試吓，湯底方面叫咗腩汁加秘製辣汁中辣，上枱嗰時秘製辣醬會淨係擺喺匙羹上面分開上，可以自己決定落幾多。腩汁味道唔算好重，比較淡味，不過加咗辣醬之後絕對有令湯底加分，辣醬係以蒜粒同辣椒油組成，雖然係中辣不過對我來講係少少辣，相對譚仔可能係二小辣，不過依個辣度啱啱好，食落幾惹味，會想間中飲幾啖湯。另外如果唔夠辣可以加枱上面嘅自家製。菜脯麵質方面揀咗粗麵，粗麵夠薄身就咬落去有彈性，係唔錯嘅麵。餸方面我覺得最出色係蘿蔔，蘿蔔份量好多，切開咗有4、5舊，非常之腍，入口無渣，食落好清甜，如果加咗辣醬仲可以吸收佢哋精華。豬頸肉都係有驚喜，因為佢係有煎過，食落有焦香，咬落夠爽口，不過會切到好細條，食一條唔夠過癮。之後香辣魷魚都值得一試，相信係同小食嗰個魷魚係一樣，魷魚沾滿左醬汁，食落有蒜辣味，夠入味，辣味夠過癮，咬落都彈牙。最後係我唔食嘅牛筋，牛筋非常之大條，有三條，三條入邊有兩條女朋友覺得問得炆得夠腍，唔使點咀嚼，另外一條就比較韌啲。-4️⃣ 凍檸茶 +💰5（👅: 7.5/10）如果叫車仔麵加兩蚊就有熱飲，$5就有凍飲或者可樂，檸檬茶甜度正常，唔會話好重苦澀味。-5️⃣ 爆漿阿華田西多士 朱古力榛子醬 💰33 + 2（👅: 8/10）之後就到重頭戲，就係依度嘅招牌西多士，平時下午茶係人氣之選，夜晚都係全日供應，味道方面西多士入邊嘅餡可以揀花生或者朱古力榛子餡，我就揀咗後者。上枱時西多士賣相非常吸引，可以見到鋪滿左阿華田粉，甚至碟邊都係好多粉，中間會見到有啲煉奶連埋阿華田粉，只要將個西多士切開，啲奶就會湧出來。因為係新鮮整起所以係熱辣辣，西多士唔會好油，唔會話炸到好勁，食落阿華田嘅味都幾香，但唔係每一部份嘅西多士味道都濃郁，味道最濃郁嘅係中間，即係有煉奶既部份，因為有煉奶所以圍住嘅西多士都比較濕潤，而且味道重啲，但邊位就會比較乾身啲，所以阿華田味道就冇咁濃郁，但都會食到夾心嘅朱古力榛子醬嘅味道。邊位榛子醬味道會重過阿華田味，不過朱古力未到唔會太甜，比起平時嘅糖漿感覺冇咁Heavy，口味上幾獨特，作為下午茶同甜品都唔錯。-🌟食物來講，每樣嘢食都唔錯，煎餃喺呢排食到嘅餃子店來講算唔錯，因為佢皮夠薄，食落唔會覺得好油膩，炸肉丸好似食緊炸洋蔥圈咁，而車仔麵嘅餸都發揮唔錯，最後嘅西多士非常有特色，如果去中間嘅煉奶可以多啲令到成個西多士濕啲應該會更加重口味更加好食，見到佢仲有個士多啤梨西多士，不過太飽食唔到，下次有機會嚟到會想再試。餐廳除咗係家庭式經營，仲可以令到食客有家嘅感覺，會主動問下食客覺得好唔好食，因為餐廳係收九點，有食客九點先到但都仲可以落單食嘢，會主動問佢落咗單未，而且同其他食客有傾有講，食客仲同佢哋講今日咁旺場，睇得出佢哋無論係對待食客，定係製作食物都係非常用心，走嗰時招呼我哋依然係公公婆婆，仲有睇落年紀唔少嘅收銀、同應該負責廚房嘅媽媽，聽講有時仲會有小妹妹落黎幫手，喺深水埗區來講係值得支持嘅小店。-👅味道: 8/10🍴環境: 7/10💰消費: $40-80pp (服務費: NA)…查看更多

作為一個餃子控發現到超好食嘅餃子當然要第一時間推介俾大家🤗小店位於深水埗係名副其實嘅家族經營小店😉所以感覺比較有人情味同貼地👍🏻雖然舖頭主打食車仔麵 但今次想重點推介佢哋嘅小食：招牌煎餃子🥟（$40）以呢個價錢可以有八隻嚟講真係超級抵餃子分為韭菜餃同椰菜餃想兩樣都試晒嘅朋友可以叫兩溝🤭每樣四隻嚟到記得趁熱食🤗一咬落去d汁即刻爆曬出嚟 好Juicy而且個皮又夠薄 煎到金黃色 恰到好處🤤個人比較鍾意食韭菜 覺得味道會出啲同香口啲😳秘製辣魷魚🦑（$35）鍾意食辣嘅朋友 記得要試下😍魷魚上面沈左小小芝麻食落都幾爽口👍🏻配以秘製嘅辣醬令到水魷非常入味 辣得黎超過癮 車仔麵 🍜（ $35-$45/ 2-4餸）可以自由選擇跟套餐或者逐個逐個餸咁叫😬不過套餐嘅選擇就會比較少啲如果想嗌多啲唔同款式嘅餸就可以考慮逐個餸咁叫😉佢哋連花膠、牛筋呢啲咁少見嘅車仔麵食材都有😂價錢真係好貼地好平👍🏻而且又大碗 份量好充足不過要注意如果唔係咁食得辣嘅朋友就要小心衡量下個辣度同埋湯底因為小編覺得佢哋嘅秘製辣醬真係幾辣下🤭…查看更多

大概容納廿零人，應該係家庭既小本經營生意，啊姨間唔中要照顧啊仔，啊女仲著埋校服幫手。見個店名都知主要做車仔麵，都有飯同其他小食。上菜速度比較慢，差不多食完，飯先至到。✨味道67分，服務63分，環境65分。.🔸招牌鮮煎餃子($40/8pcs)⭐️超有驚喜！真心推薦⭐️外脆內juicy！外皮煎到金黃色，又唔會太燶，咬落入面會有少許汁流出黎，韭菜仲包到脹卜卜。.🔸秘製蔥油香煎豬扒飯配雙蛋($43)送熱飲豬扒煎得香，肉咬落唔韌，都尚算大塊。兩隻太陽蛋，再配埋甜豉油係不錯，不過甜豉油落太多，令飯太濕。.🔶自選車仔麵🔸河粉($10)：不過不失，偏碎。🔸爽脆豬耳($12)：好入味，應該煮好耐，易咬開。🔸香辣魷魚($13)：水魷魚配有蒜辣味既醬汁。🔸蘿蔔($9)：夠稔夠甜。湯底：揀左瑞士汁，中辣，不過唔係好覺有瑞士汁味。另外，落左枱上既菜脯，令成個湯更香，不過菜脯好碎好細，會散開於湯內消失。.🔸油菜($18)…查看更多