蟹仙海鮮蒸氣鍋 (龍崗道)

非常好的蒸氣火鍋體驗，店員會詳盡介紹套餐內的海鮮種類，據店員講解海鮮都是老闆從外國引入、野生打撈的。包羅萬有海鮮二人套餐 ($999)• 十八款食材包括：越南頂角膏蟹、饅頭蟹(期間限定)、澳洲青年龍蝦、台灣九孔鮑魚、越南大虎蝦、紐西蘭刀貝蚌、深海龍躉片、日本大元貝、韓國慶南蠔、黑安格斯牛肉、濟州黑毛豬肉、蟲草花雞件、芝心小籠包、星爺漿爆瀨尿牛丸、蟹仙蝦蟹棗、豬肉濃汁貢丸、有幾蔬菜籃及甜品雪燕燉官燕。• 整體來說對海鮮的質素都非常滿意，吃得出其鮮味及有別於外面吃到的。特別要提的是海鮮類要襯熱食，會更加滋味！台灣九孔鮑魚• 肉質十分彈牙緊緻，基本上不用醮任何醬油都能吃到鮑魚的鮮味。• 鮑魚經過處理後，淨下的都是可直接吃的部分，但是大小的關係並未能一啖過，不然會燙到口腔。日本大元貝• 因為有貝殼承托著元貝的關係，一直保留了元貝原有的海水鮮味。• 元貝的裙邊相當彈牙有嚼口，元貝不算大隻但是鮮味十足，咀嚼時有元貝的味道滲出。饅頭蟹 (期間限定)• 第一次聽亦是第一次吃的海鮮，據店員介紹牠是麵包蟹的近親，因為是野生捕獲的關係一年只有一個月份可以提供食用。• 肉質比較清淡，感覺比較像水蟹，不過肉量比水蟹多，未食過的話不妨一試。澳洲青年龍蝦• 肉質極之飽滿、緊緻，同樣已經處理掉不可吃用的部分，吃下去啖啖肉，非常幸福。• 要留意的是除了蝦身，也不要忘記龍蝦腳內同樣充滿蝦肉，可用工具一一挑出，食得唔好嘥呀！越南頂角膏蟹• 會令人一試難忘的膏蟹✨那股蟹膏的香味不是一般在菜市場所買到的那種膏蟹能媲美。• 蟹膏粉滑、充滿蟹膏獨有濃香，份量頗多。• 雖說是膏蟹，但是肉質同樣極之鮮味，每一個部分都可以挑出厚厚的蟹肉✨越南大虎蝦• 店員設定蒸氣的時間恰到好處，蝦肉處於剛熟的階段，蝦肉爽口飽滿。• 醮不醮醬油都同樣鮮味，醮了的話味道則更為豐富滋味。有機蔬菜籃• 經過滿滿的海鮮餐要吃點蔬菜平衡一下，菜籃附有生菜、娃娃菜及蟲草花雞件、蟹棗丸和肉汁貢丸等。• 蔬菜同樣鮮嫩清脆，吃得出是上等的青菜。粥底吸收了以上各種海鮮等食材的精華後變得極之鮮美，為這餐海鮮鍋畫上完美句號。…查看更多

吃過幾次蒸氣火鍋，但都沒老公的份兒這次為慶祝節日，他就偷偷的向這店預訂座位，食餐好的！因應最近疫情店方的防疫意識都算做得不錯！先用消毒液幫顧客消毒雙手，分發乾淨信封給顧客擺放口罩枱面上還放有一大包的濕紙巾可用！套餐的選擇有好多最後我們選的是$999/2位的「包羅萬有海鮮二人套餐」共18款食物！落單後，店員就先開高溫蒸氣來蒸餐具，作消毒之用！先來的是貝殼類海產，有日本大元貝﹑台灣九孔鮑魚﹑韓國慶南蠔及紐西蘭刀貝蚌鮑魚爽口彈牙﹑刀貝蚌夠爽脆﹑扇貝大粒又嫩，惟鮮甜味不算好突出以蠔的蠔味最為濃郁突出！蒸的時間恰好，蠔仍很嫩滑！大虎蝦的肉質爽口，蝦味鮮甜，蝦頭有好多蝦膏！！野生大瀨尿蝦，長度長過手掌！！店員幫我們剝殼切好，方便進食！瀨尿蝦是唯一沒有即蒸的食材，但鮮甜度同樣十足，好多汁，肉質實淨不會霉！！瀨尿蝦同樣有膏啊～～～澳洲青年龍蝦，蒸的時間剛剛好，肉質非常爽口彈牙又帶點嫩滑感！味道鮮甜，又帶點微微的膏香，很好吃！！越南頂角膏蟹及大黃奄蟹各一半據店員介紹，這兩款蟹，一款是軟膏，一款是硬膏因我們未試過就建議半半，看自己喜歡吃哪一款多些～～兩款蟹都是爆膏的狀態膏蟹的size略為大隻膏蟹是硬膏，大黃奄蟹就是軟膏，所以後者的膏帶點黏糯感，有點像吃大閘蟹公的感覺！大黃奄蟹的蟹鮮味稍濃！膏蟹則由於size夠大隻，所以有好多膏，同樣令人滿足！亦因此而啖啖肉，充份滿足食蟹的心啊蟹仙的蟹果然夠出色～深海龍躉片，魚肉嫩滑無骨，魚味鮮甜～～吃完海鮮後， 就是丸類和肉類登場！當中較具特色的是芝心小籠包及星爺爆漿瀨尿牛丸芝心小籠包是小籠包造型的芝心丸，芝士份量十足，不過粉了些，個人覺得一般瀨尿牛丸，咬的時候真的要好小心熱湯爆出！老公喜歡瀨尿牛丸裡邊還釀有蝦肉，個人卻喜歡貢丸的香及彈牙質感多些！黑安格斯牛肉及濟洲黑毛豬肉的質量亦相當不錯！安格斯牛肉質軟嫩，牛味頗濃黑毛豬夠大塊，肉味香甜！至於粥底，加入了南瓜﹑粟米﹑芋頭及排骨等配料吸盡海鮮及肉類的精華，十分鮮甜！！！甜品是雪燕燉官燕，一絲絲的燕窩碎椰汁味香而不過甜，感覺好潤！吃完整頓飯，完全是大滿足的狀態！作為蒸鍋來說，打入我的list的頭三甲位置啊！如果貝殼類更鮮甜，評分會更高啊！！…查看更多

同老友慶生，佢係蟹怪，所以我地去左蟹仙。主打是粥底蒸鍋，有三、四個套餐可以選擇，豐憸由人。望左一陣，我地決定要 $398 的刁鑽海鮮套餐。呢個套餐都幾多野食，有成十款，幾乎全部靚海鮮都可以一網打盡，諗起都興奮。聽店員講，原來佢老闆入行以久，識得好多艇家，可以第一手拿到不少靚海鮮。尤其是蟹，收到最靚最當造的都會第一時間送來呢到。所以佢地既海鮮真係好過外面好多。越南頂角膏蟹 / 罕有大黃奄蟹硬膏的是頂角膏蟹，橙黃的硬膏，啖啖咸香。硬膏的口感真的超級好，越食越有滿足感。而另一邊淡黃的是軟膏，食落蟹肉比較鮮甜。兩者實在各有千秋。你樣你睇，完全爆膏的靚蟹，外面真係難尋，好味到呢澳洲青年龍蝦連龍蝦都要爆膏，真的超驚喜。好大隻，每人半隻都好夠食。肉質鮮嫩，火候控制好好，唔會 over 彈牙又啖啖肉，真的感動了野生瀨尿蝦 大隻又厚肉，仲有專人幫忙拆殼，食得更方便。通常瀨尿蝦都係椒鹽食，今次清蒸都幾得喎，應該夠新鮮先至可以咁煮。野生琵琶龍蝦第一次試的新野，質感似龍蝦，但比龍蝦更爽口，味道亦較清甜。紐西蘭刀貝蚌刀貝蚌好大隻，由於蒸到緊緊熟，食到爽脆的口感。鮮甜又有淡淡的海水味，好 like ! 翡翠九孔鮑魚鮑魚是預先處理好，清左內臟，好乾淨方便食。厚肉得來又大隻，好想借刀叉切片慢慢歎日本大元貝大元貝蒸出來的湯汁真的十分滋味，建議大家乜醬都唔使點。咁就最食到佢的鮮甜感覺，好欣賞好好食。韓國慶南蠔蠔仔細細，但特別的鮮甜可口。呢隻蠔我亦係乜醬都冇點，享受它的原汁原味。深海龍躉片龍躉片夠彈牙厚肉，而且十分肥美，細細片啱啱好。話明係粥底蒸鍋，最後當然要歎返碗充滿海鮮精華的靚粥啦。甜品是椰汁燕窩，認真夠重本，好味又滋潤。…查看更多

邊個九龍城淨係得泰國野食架，有好多正正食店！天氣涼涼地，今晚打邊爐部隊出征食蒸氣火鍋！門口棟住大大個牌寫明有咩食，唔洗諗一定係點$398刁鑽海鮮餐！有龍蝦 鮑魚 膏蟹等等，值番晒！老板娘熱情又好傾，送左碟師傅即製非油炸炸魚皮，熱騰騰架，唔咸夠薄又夠脆，好得啊！食左幾舊炸魚皮後海鮮就準備好！呢度可以話係食殘廢餐，因為店員會黎幫你蒸食物，先食蝦 然後蟶子 龍躉 貝殼類等等，店員通通為我地調好最合適時間，食完一樣接住食下一款，時間岩岩好！每檯都設有蒸氣鍋倒數時間，好方便哩！刁鑽海鮮套餐可選食琵琶蝦；象拔蚌刺身或瀨尿蝦，我地揀左象拔蚌刺身，好正好鮮甜，刀功非常了得，每片都切得好薄！高潮位黎啦，係澳洲青龍蝦同埋越南頂角膏蟹！原隻飽肉龍蝦，好鮮甜⋯店員仲話唔太識食龍蝦頭可以放入粥底繼續煮！又係喎，一陣仲有個海鮮粥底喎！越南頂角膏蟹超爆膏，真係睇見都流口水！就算自己去街市買蟹都未必買到咁正既膏蟹，呢度既蟹係爆膏，係甘甜，真係好正！好似好少野食？No laaa, 食埋個充滿海鮮鮮味既粥底包你飽飽，粥底綿綿，添加蔥花同菜甫，有一丁點口感哩！以為食飽飽原來仲有甜品，係木瓜雪燕燉官燕，為今晚畫上完美句號。…查看更多

家姐最鐘意食蟹🦀， 所以就係佢生日嘅時候， 帶佢去屋企附近一家專食蟹、海鮮蒸氣鍋嘅專門店—「蟹仙海鮮蒸氣鍋」， 豪食一頓！😏 餐廳麻雀雖少，但五臟俱全， 有不少玻璃魚缸養住各式各樣嘅海鮮， 保證新鮮！😏 預先訂好枱，  甫入店，店員便親切地講解呢到嘅海鮮來源， 仲介紹我地食野生瀨尿蝦皇， 話有一隻前臂咁長，😍 真係未食已經流晒口水啦～ 呢到有4個套餐，由$298/位起，  有10款海鮮，好抵食呀！☺️☺️ 不過一分錢 一分貨， 由於我地想食野生瀨尿蝦皇， 所以就點左$398/位嘅套餐～😎 越南頂角膏蟹/ 菲律賓大黃奄 野生瀨尿蝦皇/象拔蚌刺身/野生琵琶龍蝦 澳洲青年龍蝦 翡翠九孔鮑魚 泰國海中蝦 越南貴妃蚌 日本大元貝/紐西蘭大蟶子 韓國慶南蠔/紐西蘭青口 深海龍躉片 有機蔬菜籃 上海鮮之前，先上個粥底， 店員將米、南瓜粒、排骨預先放係鍋底， 等成個蒸鍋食完之後， 就可以品嚐到集海鮮嘅精華於一身嘅靚粥～☺️ 因為海鮮中最重味道嘅係蟹🦀， 所以小編建議最後先食～ 野生瀨尿蝦皇 相機食先之後店員會幫我們剝殼，好細心呀！♥️ 咁我地就可以無障礙大快朵頤～ 入口啖啖肉， 肉質鮮嫩多汁，  完全唔需要蘸任何醬料， 原汁原味！👍🏻 翡翠九孔鮑魚 鮑魚新鮮，厚肉，軟腍得黎又不失咬口。 越南貴妃蚌大大隻， 肉質鮮美，好juicy， 可以連埋湯汁一起吃，鮮甜味美～ 韓國慶南蠔 原隻生蠔擺上去蒸， 蠔肉肥美，蠔身綿滑， 鮮甜並帶點海水味。 紐西蘭大蟶子 幾長幾大隻，蟶子肉爽嫩。 深海龍躉片 入口嫩滑鮮甜，魚皮膠質豐富。 澳洲青年龍蝦 正值青年嘅龍蝦，梗係最美好時代～ 雪白嘅龍蝦肉幼嫩鮮甜，爽口彈牙， 蝦頭仲有唔少膏～😍 最後， 輪到主角蟹出場啦！♥️ 越南頂角膏蟹 鐘意食膏嘅foodie一定唔可以錯過！ 頂角膏蟹係母蟹，  鮮橙色嘅蟹膏比較硬身、甘香， 蟹肉紮實，鮮味十足。 菲律賓大黃奄 蟹膏入口軟滑鮮甜。 有機蔬菜籃 清蒸蔬菜，原汁原味，健康又有益。 到最後加入香蔥、菜脯吊味， 薈海鮮精華於一身嘅靚粥就完全了～ 鮮甜，仲有米香，不錯！👍🏻 木瓜雪耳燉官燕 燕窩好足料，清甜滋潤～☺️ 整體來說， 呢到嘅海鮮非常新鮮，  超級推薦鐘意食蟹嘅foodie， 價格合理，性價比高！😎…查看更多

想食吃鮮，又想吃得健康，原汁原味的蒸海鮮就最適合不過了。蟹仙是一家以蒸海鮮為主打的餐廳，用了時令新鮮的海鮮，無需添加任何調味，只需放入蒸氣火鍋，利用蒸氣的熱力把海鮮蒸熟，便可以吃到海鮮本身的鮮甜味道。底層的石鍋放了南瓜豬骨粥底，粥底吸收了海鮮流出的精華，就成為一碗美味的南瓜海鮮粥。這𥚃的海鮮套餐有多款選擇，客人可因應自己喜好選擇，另外店員說由於正值休魚期，海鮮會因應時令供應最新鮮的食材。海鮮每種蒸煮的時間都不同，所以店員會全程為客人服務。海鮮套餐（$298/位）--越南頂角膏蟹👍👍👍👍👍這隻巨型的越南頂角膏蟹，不但體型巨大，蟹膏更是超爆。膏蟹一分為二，橙黃的蟹膏佈満整個蟹身，放入蒸鍋內蒸大概9分鐘，便可以吃到爆膏的頂角膏蟹，甘香的蟹膏和鮮甜的蟹肉，鮮味十足。--澳洲青年龍蝦👍👍👍👍👍每人半隻澳洲青年龍蝦，正值青年的龍蝦，當然是最美好的時代。龍蝦雪白的肉質果然嫩滑鮮甜，蝦頭還有不許蝦膏。--翡翠九孔鮑魚👍👍👍👍👍鮑魚的蒸煮時間必須要掌握合宜，否則則會過靭，如同嚼橡膠。店員把鮑魚放入蒸鍋內蒸2分鐘，鮑魚剛剛熟，口感彈牙又不會靭。--日本大元貝👍👍👍👍鮮㓉的元貝，顏色鮮豔，體型巨大，肉質細緻並帶點彈性。--紐西蘭大蟶子👍👍👍👍👍蟶子肉質爽口又彈牙，味道鮮甜，加入少許辣椒豉油已能夠帶出蟶子的鮮味。--泰國海中蝦👍👍👍👍海蝦就是簡單的蝦有蝦味，肉質爽彈鮮甜，跟辣椒豉油的味道很配。--深海龍躉片👍👍👍👍👍今天的龍躉片用了花尾龍躉，肉質果然比普通龍躉片爽彈，魚皮更加是超級爽脆，口感十足。--韓國慶南蠔👍👍👍👍👍韓國慶南蠔的蠔肉十分飽滿，蠔邊爽脆，蠔身綿滑，味道鮮甜並帶點海水的味道。--有機蔬菜籃👍👍👍👍食完多款海鮮後，吃一個蒸蔬菜，健康又美味。--南瓜海鮮粥👍👍👍👍最後還有底下的南瓜海鮮粥，粥底吸收多款海鮮精華，味道甜美。客人可以自行加入蔥花和冬菜増添口感。--醬料（@$10）門面內在環境餐牌…查看更多

除了十月的大閘蟹，五月其實都是食蟹的好季節，之前就試過五月吃到滿身蟹膏的奄仔蟹，今次跟朋友專程來到以蟹作招倈的蟹仙。＊＊＊＊＊＊＊＊＊＊＊＊＊＊＊＊蟹仙是一間小型海鮮蒸氣石鍋店，店面不大，店內大部份是四人卡位，全店大約可約容納二十多位食客。店內主要提供四款不同價位的海鮮套餐，由最便宜$298/位至最貴$688/位，同時亦可以單點海鮮或其他火鍋料。由於我們主要想食蟹，點海鮮套餐較為划算，最後我們決定點最便宜的$298套餐。點餐後，侍者先在石鍋內加入粥底材料，主要有南瓜和雞肉。泰國海中蝦中蝦都幾有睇頭，比食指還要粗，蝦肉結實，非常新鮮。深海龍躉片龍躉片幾厚肉，不會太鞋口。越南貴妃蚌貴妃蚌厚肉又爽口。翡翠九孔鮑魚魷魚彈口得來不會過韌，蒸熟後已經自動離殼。紐西蘭青口青口雖然大隻，但卻不黏牙。日本大元貝元貝肉比想象中小，比五蚊銀還要小，幸好肉質都帶點彈口，入口亦覺鮮甜。澳洲青年龍蝦每人有半隻龍蝦，伕７隻有巴掌般大，都幾有睇頭。龍蝦啖啖肉，只是略嫌肉質不夠結實。越南頂角膏蟹蟹身內有超多蟹膏，睇見都流口水。蟹膏味道甘甜，不過口感較硬，有點像鹹蛋黃，與奄仔蟹的蟹膏非常不同。有機蔬菜籃蔬菜籃有生菜、娃娃菜、南瓜和粟米，生菜爽脆，粟米和南瓜香甜。食完海鮮當然要食埋粥底，粥底夠綿，多了海鮮汁令食味大增。埋單還有木瓜糖水送。總結，海鮮質素不俗，人均三百元已經可以食海鮮食到飽，勝在抵食。…查看更多

做人、做事都好，最怕就喺先入為主，睇嘢有偏頗，對人不對事。不過，講到食嘢，啲食材就梗喺越新鮮越好啦，而海鮮，唔新鮮嘅就不如平平哋食番冰鮮啦。由元朗開到出嚟市區嘅「蟹仙」喺老友嘅近期推介，佢話值得專程嚟幫襯，對小弟而言，就真喺要專程過嚟架。餐廳都屬小店格局，睇落座位唔多，枱與枱之間有少少逼，最好喺入面啲卡位。鋪面、鋪內都放置唔少大玻璃缸，養住唔少生猛海鮮。而後來聽啲店員嘅對話先知，仲有二樓，不過，就唔知環境喺點。點解友人極力推介，原來店主本身做咗幾十年海鮮批發，揀手海鮮嘅貨源一定足。此外，餐廳主要做蒸氣鍋，4種唔同價位嘅套餐，起跳價都喺$298（星期五、六、日及公眾假期額外加$28），已包8款高質素海鮮，性價比高。其次，仲有$398、$498、$688嘅價位，正所謂豐儉由人。若然擔心套餐嘅嘢食唔夠飽，又或有其他火鍋嘢想試，佢哋仲有一大堆配料可以散點加配。而飲品方面，汽水、啤酒自然有得嗌，但紅白餐酒一樣有得供應！醬油費 $10:(翻睇返個餐牌都唔覺有寫，都喺事後晌張單先見，感覺唔喺幾好，再者，醬油其實只喺得豉油、蒜蓉及辣椒碎而已。我哋都哋平平哋揀$298個餐，隨即，捧上兩大份海鮮，包括越南頂角膏蟹、澳洲青年龍蝦、翡翠九孔鮑魚、日本大元貝、越南貴妃蚌、泰國海中蝦、深海龍躉片及紐西蘭青口，非常有氣勢。店員仲話啲海鮮喺新鮮劏，有落單先劏，唔會為減省時間一早劏定。蒸汽鍋呢個玩法唔使我再多介紹啦，晌香港都已經興咗一段長時間，而呢度就逐樣蒸，由店員專人負責幫你放食物去蒸、計時，基本上全程就淨喺食。由於佢哋無提供一個建議蒸食物時間表俾客人，除非，你好有信心知啲嘢食蒸幾耐，否則都喺要等佢嚟搞，個人就覺得煩到佢哋，又嘥咗我時間等。一開波，例牌搞定個粥底先，好快已見店只將米粒、南瓜粒、排骨放晌鍋底，等啲蒸汽慢慢熬。紐西蘭青口、泰國海中蝦相信咁多款海鮮，以青口喺最平嘢，不過，都喺每個客人得一隻，略嫌唔夠大方。但掉轉講，相信好多人對食青口都喺可有可無（除非比利時或法國青口），俾少啲都唔介意。其實，啲青口都唔差，蒸熟之後唔會好似擦紙膠咁韌，亦有啲鮮味。中蝦每人「配給」兩隻，蝦頭有唔少膏，而啲肉亦鮮甜爽口，雖然只得兩隻，當喺少食多滋味，反正靚海鮮陸續有嚟。深海龍躉片雖然龍躉片喺貴價貨，不過，我哋得兩個人，放兩片魚片落去蒸，有啲失勢。講番啲龍躉片，入口確喺嫩滑，魚味濃，唯可惜一片真喺唔夠喉。日本大元貝由於店員話今日嘅大蟶子返貨唔靚，所以，只供應大元貝。啲元貝果然好大隻，色澤睇落都好新鮮，唔會瘀瘀黑黑。味道真喺唔錯，好鮮甜，帶子位好彈牙。越南貴妃蚌輪到貴妃蚌，阿姐就教我哋將蚌內嘅海鮮汁倒埋落啲粥度，等個粥更鮮甜，我哋就倒是半，就咁飲另一半，咁先真正嗒到嗰份鮮。蚌肉蒸得啱啱好，所以，柔韌有咬口，無過火。翡翠九孔鮑魚啲九孔鮑唔喺好大隻，但勝在都夠鮮，亦有鮑味，口感咬落有韌勁之餘，亦有彈牙感，沾少少豉油味道更鮮。澳洲青年龍蝦亮點之一出場，店長就話佢哋啲澳龍喺野生貨色，老實講，小弟就唔喺好識分，但睇到啲肉晶瑩有光澤，覺得都唔會喺下價嘢。啲龍蝦肉唔止鮮爽，又厚肉，更有唔少蝦膏，拆起啲蝦肉大啖放入口，真喺爽呀。越南頂角膏蟹專登將店名改為「蟹仙」，蟹就梗喺佢哋嘅賣點，我哋就壓軸先嚟食佢。講到蟹，店長就有好多蟹知識分享，讓小弟長唔少知識。我哋兩個都想試頂角膏蟹，其實，可以膏蟹、奄仔一樣一隻都得。其實，呢啲頂角膏蟹喺蟹乸嚟，所以，一定爆晒膏，不過，相對啲奄仔嘅膏，就會實淨啲，卻喺別有一番滋味。此外，白滑嘅蟹肉就實在鮮甜，蟹嘅質素確喺高質。有機蔬菜籃食完晒啲海鮮，店員就奉上一蔬菜籃，有南瓜、粟米、娃娃菜及生菜，南瓜同粟米就最正，前者夠粉香，後者好清甜。南瓜排骨粥最後，就以南瓜排骨粥作結，雖然唔算好綿，仲要補多少少上湯煮多陣，但算集合上述海鮮滴下嘅精華，所以，個味道真喺無得點輸。椰汁燉雪燕食完晒所有嘢，尤其最後一人頂兩碗粥，夠晒飽，點知同場加映送糖水，唔喺紅豆、綠豆，食落似喺椰汁雪燕，夠晒誠意啦，如果熱啲就仲好。整體嚟講，有多款海鮮都食得出具質素，用料亦有番咁上下，此外，起跳價屬低位，連加一都喺三百頭，就已經食到8款海鮮，絕對玩得過啦。溫馨提示，餐廳暫時只收現金，將來會唔會加其他支付方式就唔知喇。…查看更多