定食8

行過商場，門面好靚，幾款主菜都係＄48，堂食要加一服務費，見價錢吸引走咗入去試，原來係半自助式，先去櫃位買飛，食物種類唔係好多選擇，啱晒啲選擇困難症嘅人，我揀咗一個豪華海景丼，另一個揀咗岩鹽牛扒，買完飛之後要自己搵位，之後將個牌放上枱面，就會有人送餐，如果想要水、茶、再添味噌湯、生菜絲，要自取，海鮮丼普普通通、反而個牛扒仲好味，簡單燒咗兩面，味道都不錯，兩個都有三種配菜，$48價錢，應該唔會有太大要求，不過如果有得揀，我都係會去食三哥米線比較吸引…查看更多

上篇寫到Mikiki對面的北正宗越南菜是值得一試的, 寫的時候想起其實在Mikiki商場內這間定食8都是可以"放得入口"的店.首先, 地點方便, Mikiki的泊車優惠要求不多很易達成; 而如非駕車之人, 正如上篇提過這兒是來往東九龍大部分路面車都經過的一個點,  所以有時想去一田超市, 我們都會來Mikiki 逛逛, 今次就是來一田買生果, 可能因是閒日的關係吧~ 這店平常條隊通常打蛇餅, 今晚只需排幾位, 不如就趁此機會試試吧!排了幾分鐘已有位看看想吃什麼?在外面櫃台點餐並付清費用, 再入座等名字改得這麼吸引, 叫一客試試蒸蛋和豆腐布丁是不錯的, 刺身飯刺身普普通通一般料, 不過至少我食過兩次都無肚痾正正常常!  對食物質素要求高的食客又想趁熱鬧試試48元一個餐的話...最好都是叫熱食!   我覺得幾十蚊貨色係咁上吓~ 都放得入口嘅!加埋一都是五十多元, 白飯任裝~  正正啱晒是"大飯桶"的青少年, 實食得飽!  這類食物/這種價錢對少年人來說在商場晚市時段, 坐得舒舒服服想正正經經食個飯餐但又不想吃大家獲的話 - - -  '定食8'可算是提供多一個選擇而且真的是無敵價!  怪不得假日晚上經過全個商場最多人排的就是這兒!  挑剔之前大家請想想:   如要求更高質素的食物應該去其他地方.  如是者...無約人的一晚因又要到一田買東西, 記起上次來食都OK, 所以又再度前來'食平飯'再放入同一篇食評是因為這客海蝦上次沒點, 以為平平凡凡的小食一客, 原來比想像中好吃!!!  蝦殼脆卜卜, 蝦肉爽, 既香口又便宜, 值得推介的~服務方面: 正正常常都係出吓餐、收吓枱面嘢、面口亦正常OK; 總括而言: 幾十蚊白飯任食, 大飯桶最著數, 其他各項都平平均均, 可以Encore 的一間店!…查看更多

餐廳名叫“定食8”，意思姐係有8款定食提供選擇，另外仲有多款小食，餐牌簡簡單單~定食附餐: 漬物、茶碗蒸、味噌湯、甜點~另外有自助區，無限供應白飯、味噌湯、麥茶，自己拿碗出去裝~呢間餐廳有個噱頭，如果餐點15分鐘未送達，會贈免費餐券1張，所以基本上食物都可以好快送上黎~見到好多人叫呢個海鮮丼，好豐富，抵食之選~蒸蛋好滑，入面有菇片和白果~甜品係牛奶布丁，入口即融，好甜~牛排味道吾錯，不過有少少羶味，而白飯上面有黑芝麻裝飾~味噌湯幾清淡，吾會太咸~小食叫左個沙律，幾好味~總括而言，食物係抵食嘅，味道亦吾錯，而且上餐速度快~…查看更多

去黃大仙探完朋友，就同老公去MIKIKI行街~行行下肚餓喎，岩岩係一田隔離，見到爭鮮新開既定食店(後尾先知唔係新開^^) 就排隊試下啦~ 因為星期六關係，我排左一個鐘先有位..我見D 3,4人枱一定要人齊先入得，半數人到左都唔得…一坐低我同老公不約而同一齊嗌「豪華海景丼」^^一個SET $48，包左個飯，甜品，枝豆，蒸蛋，湯，抵到喊呀!!!白飯同湯仲可以無限加! 我先食個蒸蛋，個蛋好滑，質感係鬆鬆散散咁，入口就融，但我覺得美中不足係入面有荀…第一唔係個個都食荀啦，第二加左荀個味怪怪地。跟住到個湯，個湯係麵豉湯，但係佢唔似一般沖粉加水既麵豉湯，佢係用三文魚煲架! 所以個湯入面有好多三文魚，好好味!佢既優點係佢一D都唔腥，反而仲有甜味!!!一般我飲既都係麵豉愈多,味道會愈鹹，但係呢個唔錯! 但出面任裝既麵豉湯係無咁好飲架喎XD 我都唔明~主菜黎啦!個「豪華海景丼」正呀，可以集平時爭鮮買既刺身於一身!三文魚色水幾靚，唔算肥美，我厭佢唔夠厚身(48蚊想要幾厚身??) 劍魚味道甘甜鮮美，聞起上黎仲有一陣新鮮魚香味，放入口既時侯覺得好滑。$48黎講真係無得輸呀!下次一定會再ENCORE!…查看更多

上回提及此店8月新開張送了兩張$50優惠券，分別於8/9月, 及9/10月間使用。話說第1張8/9月使用那張，因LUNCH時段長期處於超多人等位，所以用不了，白白浪費了$50的優惠。踫巧今天母親大人話中午有事要去新蒲崗，那麼我陪她過來試這間，順道用埋那張9/10月的那張$50優惠券。沒想到我們11點到，竟然已有人排隊等入座 媽媽第一次幫襯這店，不過因這店定食也沒有太多選擇，所以很快便決定了要豪華海景丼。要知道，她可是很喜歡食刺身的~~我嘛~~上次試過了豪華海景丼，而且媽媽已選了那我當然選另一款，那麼便可以交換食了結果我選了岩鹽牛排另外，又因有coupon關係，多叫了一碟小食 香烤和風三文魚單點的餐牌也很吸引呢~~其實最初也想試鮑魚及鹽烤赤蝦，但應該吃不下這麼多，待下次多些人一起吃時才叫吧~~選好了，要自己拿點菜單出去cashier付款然後把收據放在桌面，職員及後便會送上食物了同時要留意出單時間，如發現過了出單時間尚未送餐，店家便會送你下次免費食多一餐付款後，往自助區取麥茶喝原來高麗菜絲是有提供沙律醋呢，上次來時沒有發覺呢不過自助區沒有提供碗，應該是待客人食完後，拿自己用過的飯碗來盛的先上來的是單點項的香烤和風三文魚剛好是預定最遲出單時間11:22 的前一分鐘，即11:21送到。這個三文魚原來已有用燒汁之類醃過，所以不用沾其他醬汁。我見有提供青檸角，所以也灑了一些在三文魚上，酸酸的味道，剛好可中和三文魚的濃郁味道 這個$20，CP值很高之後便陸續送上定食岩鹽牛排賣相跟上次來看到的一樣，白飯上灑了黑芝麻，這個加分 牛肉中間仍是淡淡的粉紅，一放入口發現，咦......怎麼是凍的 莫非這牛排的食法一向如是......不解不解，不過牛排的質地不韌，牛味雖不算太有，但是仍屬合格起碼不像是用鬆肉粉醃過配搭起岩鹽，青檸汁，也算好味接着便是媽媽點的豪華海景丼可能是早來關係，三文魚看來挺肥美呢!!補充一下--茶碗蒸的料依然很少，兩片筍片、兩片薄菇片及白果....我看媽媽食得挺滋味，我想她應該也覺得這些食材及份量，加上這個價格，都OK吧~~…查看更多