更多
2019-01-08
254 瀏覽
在 8 號風球下的生日打邊爐,大家要熱情如火誠意拳拳,我住得老遠都要飛的出席啦 ﹗多謝各界善長人翁江湖豪傑巾幗鬚眉,感激萬分替我搞生日呢。突如其來盛大的火鍋宴,男左女右要開足兩圍先夠坐啊 ﹗打風齊齊嘆火鍋,當然 Baby Q 都要暫定營業兩三個鐘,食飽飽再一齊回巢飲過您死我活。正席 8 號颶風,但市面風平浪靜,依個風真係三十幾年黎最流喎。琴晚勁劈我都還未醉醒,起床無耐又飲過,黐線架咩?想笑鬼死我,十幾個男男女女朋友食食下中場出晒門口吹吹風煲煲煙,扮晒神州來客鬼殺咁嘈、嘈喧巴閉、左踎右踎,極為神似,嘩哈哈。突然兩圍吉晒無晒人,留低返我一個囉。罪過罪過,盡最大努力都食剩少少,我會烚好打包帶去,不要浪費寶貴的食物。小肥牛侍應姐姐哥哥非常客氣,我地幾個男人打邊爐都比勁多調味料,壽司豉油、火鍋豉油、蔥花、沙茶醬、辣椒油、指天椒、生蒜、炸蒜﹗各位不厭其煩將調味料送到,而且火鍋湯底、餐具、生料都全部一一親自端上,非讚不可﹗招乎頂級周到,臉帶笑容,熱情有禮,八妹雞煲剛好相反黑面迎人趕客態度﹗雷式混醬,打邊爐最緊要有指天椒、生蒜、豉油,簡單的調配提味無限。如果有炸蒜及蔥花就更錦上添花啊。刺身墨魚鳴門卷,
打風齊齊嘆火鍋,當然 Baby Q 都要暫定營業兩三個鐘,食飽飽再一齊回巢飲過您死我活。正席 8 號颶風,但市面風平浪靜,依個風真係三十幾年黎最流喎。琴晚勁劈我都還未醉醒,起床無耐又飲過,黐線架咩?
想笑鬼死我,十幾個男男女女朋友食食下中場出晒門口吹吹風煲煲煙,扮晒神州來客鬼殺咁嘈、嘈喧巴閉、左踎右踎,極為神似,嘩哈哈。突然兩圍吉晒無晒人,留低返我一個囉。罪過罪過,盡最大努力都食剩少少,我會烚好打包帶去,不要浪費寶貴的食物。
小肥牛侍應姐姐哥哥非常客氣,我地幾個男人打邊爐都比勁多調味料,壽司豉油、火鍋豉油、蔥花、沙茶醬、辣椒油、指天椒、生蒜、炸蒜﹗各位不厭其煩將調味料送到,而且火鍋湯底、餐具、生料都全部一一親自端上,非讚不可﹗招乎頂級周到,臉帶笑容,熱情有禮,八妹雞煲剛好相反黑面迎人趕客態度﹗
雷式混醬,打邊爐最緊要有指天椒、生蒜、豉油,簡單的調配提味無限。如果有炸蒜及蔥花就更錦上添花啊。刺身墨魚鳴門卷,雲姐大力推介﹗墨魚夠新鮮,口感嚥韌黏口,捲住青瓜絲同吃,味道清新﹗每次夾起時都散開晒呢。
生牛肉刺身,我對小肥牛既牛肉刺身完全無興趣,腍劈劈瘦猛猛無油脂甜味,牛味薄弱,幾乎食不到牛甜味道。一定要捲埋生洋蔥絲再滾大量酸果醋先好味道,而且溫度過低影響味道,凍都牙都軟埋囉。鮮蝦滑,有一點點水準,趙得到的蝦粒,食得到的鮮味,彈牙實淨,足料不太粉。鴕鳥肉,醃過鬆過,肉質異常滑潺潺兼腍劈劈,淡淺的鳥肉味道,勝在夠健康。
豬黃喉,還以為是氣管類,原來真身為心血管動脈呢,真係估您唔到。外觀白雪雪曲曲的硬塊不討好,沒什麼味道,像軟骨脆卜卜,沾點辣椒豉油蠻不錯。牛柏葉,切得太粗太大塊喎,打醒十二分精神,灼約涮涮微縮就要即起,免得變到硬實橡膠一樣。吸點滾湯,吸點辣椒豉油掉入口,爽爽彈彈索索聲,食得過癮好味。
野生竹笙,真的野生嗎?如何分辨?那野生跟培值場質素味道有何分別?全部一次過倒晒茖湯自由泳,不用理會她們,烚幾耐都不會變。熱騰騰的海棉體充滿湯汁,天生沒味道的爽脆質地,湯什麼味道,她就是什麼味道。菌類有益有益,有趣有趣啊。
脆鯇魚骨腩,高質夠肥美,要夠肥夠多魚油才會鮮甜。透明的魚脂藏在脆皮之下,肉質勁爽彈,肉汁發射注滿味蕾,稱心滿意。雜菌併盤,粟米、鮮菇、秀珍菇、雞髀菇、金菇,新鮮清香甜美,不過粟米不屬於菌類囉。
響鈴,自家製作?炸得乾爽靚靚仔仔出場,比食開外購日本響鈴較厚身較大件,韌韌不脆,索湯速度極慢,掛湯力亦非常弱。部份食家喜歡拖兩秒即食,我就特別地喜歡吸得湯汁透徹,半腍半脆勁濕地品嚐,有豆香有湯甜,好食多倍。
手切本地肥牛,幸運到夜媽媽還未沽清,真的有口福?真身為牛頸脊,雖然看得見堅手切,最衰被鬆過呢。味道有點異常,淡如水的牛肉味,幾乎食不到的牛甜味,沒有半點鮮牛味道,質地腍腍滑滑怪怪的,都合格唔難食,已經係小肥牛最靚最貴最高級既牛肉,好啦好啦,都滿意合格既,都係自己去街市買最好食最穩陣。
火焰泰式冬蔭功紅蟹鍋,淋上烈酒點火兜炒一下,酒香酒醇完全滲入冬瓜,十分濃烈酒味跟冬蔭功味道融合,燒盡酒精倒入高湯,禮成開動﹗紅蟹即劏超新鮮,味道十分鮮甜,細細隻有膏又有肉,滿意﹗
火焰紅蟹牛柳粒煲,以前曾經食過,覺得味道淡茂茂,用料流流地,所以一般情況下唔會叫架喇。特別地朋友們想試,當然無問題啦﹗阿嬸已催幾次要點火,我地都話朋友未到齊,您急什麼呀?我都知打緊風阻住您收工既。阿嬸點著火兜炒兩炒再加高湯,滾起食得咯﹗難得有驚喜,比我預計好味道,湯底濃郁散酒香,蟹仔肉甜味鮮,牛柳粒肉甜不韌不鞋,鬆軟又不失趙頭。
咸菜胡椒豬手鍋,食家最愛試新產品,水汪汪淡茂茂的味道,無肉味無菜味,咸味微弱,而且用胡椒湯包,同翠榮自磨白胡椒粉無得比。
枝竹巨魚頭湯鍋,除醉雞鍋外,魚頭湯是極穩陣之選,其他鍋底就要搏一搏喇。巨魚頭先炸後餚湯,絕無腥嗅味,只剩上鮮魚甜美味道,肉質嫩滑啖啖肉,厚厚臉珠結實富彈性,魚脣魚雲魚三角膠黏可口,被我連汁帶湯損得乾乾淨淨,拍手叫好無投訴﹗食到尾聲時,所有生料菜肉海鮮食材精華已溶到湯汁之中,連嘆幾碗特濃錦鏽魚濃,好味到停不了﹗
蒜蓉開邊虎蝦,超乎想像的色香味美,時間蒸得剛剛,蝦汁狂噴,彈牙爽甜,鮮味混辛甜蒜蓉,好味得不懂形容﹗豬紅,立即掉到湯底,要耐心等候浸得透徹,內外熱辣辣可減腥味,質地結實,脆彈滑有點削,香甜味強差人意。蟶子皇刺身,純天然無添加,特級鮮甜舔舔嘴,爽滑黏黏,豉油芥辣可以收埋。
象拔蚌刺身,要食當然要食一整條啦,即叫即劏即片,續份叫新鮮度明顯大減。聞得到的香甜味美超新鮮,嫩滑微黏爽脆,滾上芥辣豉油無限提鮮,無可挑剔的佳餚。
刺身併盤,種類也不少喎,足料無欺場,鱲魚、喜寧魚、帶子、甜蝦、八爪魚、北寄貝、鱆紅魚。鱲魚瘦瘦淡淡結實,喜寧魚酸酸的硬硬霉霉配無味爽脆黃色魚春,帶子綿滑甜甜的,甜蝦黏黏軟腍淡淡然的甜味,八爪魚先爽後嚥韌咸香可口,北寄貝陰沉的味道,鱆紅魚淡淡的白魚肉微滑。
齋鮑魚,味道怪怪地,死實陰沉無生氣,因為不是真海鮮囉。泰式生蝦刺身,淡水蝦非常淡茂茂是預計之內,爽爽濕潤滾埋大量泰式汁細味著。什麼汁來的?甜到死,砂糖味道霸道,不酸亦不辣,還恰似有蜜糖味道。
美國桶蠔,大隻不代表一定好味道,體形三味左右就剛剛好,這桶太多隻啊,裙邊及帶子位都起渣帶韌,我淨食肚夠喇。結實微彈,蠔肚飽滿肥美多汁,陣陣鮮蠔味道,心心眼呈現。再次掛住食,忘記影低遺影呢,無左啖都照影可也。
魚皮餃,外購貨無特別,十足四海牌味道,皮厚滑嘟嘟,餡味味強烈少少鮮,可以的。鮮雞子,大小不一的雪藏火雞子,過過口癮可以的,皮脆肉嫩,一咬爆汁水潤,不腥嗅散發少許肉味,食得過。炸魚皮,淨食卜卜脆乾爭爭,重口味太咸啊 ﹗浸湯半脆半腍半濕,有湯味有咸味,舒服多了。
鯊魚脣,堅係好好味,補身養生滋補養顏,骨膠原、膠原蛋白豐富,食完即時靚晒,連環啪多幾舊先﹗讓她們自由浮沉,耐心等候烚透後,邊位嫩嫩黏黏膠滑軟綿,中間軟骨脆卜卜,鯊魚味道甜美濃郁,吸湯力特強,每啖充滿生命力,而且仲帶點魚翅海味味道添喎。朋友仔稱話其他不是鯊魚脣黎架,直頭係魚翅裙邊,所以有魚翅味囉﹗不過我覺得可信性極低。
水魷,沒有任何味道,食其質感罷了 ﹗觸鬚脆脆震騰騰,魷身先脆後嚥韌,幸好都有微弱湯汁味道,如滾上辣椒豉油就更可口喇。石蠔,的骰迷你薄薄蠔衣,清新鮮甜味道突出,不過真係過份瘦猛猛,過份細粗喇。鮮墨魚滑,平凡合格沒什麼特別感覺,滑彈散發咸香。
手切安格斯牛頸脊,只得個腍字,合格都夠滑,最敝牛味薄弱,食不到牛脂甘甜,薄薄如紙無趙口,肉汁欠奉,麻麻地唔難食。手切新鮮牛頸脊再次沽清,唯有退而求其次,都無辦法架啦,味道質素都相差百丈遠。有得揀真係真係千奇千奇不要食安格斯牛頸脊,真心質素低於水平,浪費金錢及寶貴 quota,慘慘慘。
鮮四寶丸,色澤鮮明光亮立立令,新鮮度不容置疑。手打牛丸,清淺的牛味,爽彈帶肉汁。手打墨丸,鮮甜味道,實淨富彈性。手打肉丸,肉甜多汁,嚥韌帶彈。手打魚丸,乾塾綿綿,滑滑散發鯪魚味而不腥。
鮮蝦丸,手打的蝦膠磋成丸狀,真材實料,蝦鮮味出眾,彈滑多汁。芝心鮮牛丸,手打牛丸幼滑無比,包著咸香流心芝士,味道蠻合拍的,既特別兼可口。清酒黑豚肉,怎樣烚都是鞋鞋硬硬韌韌,少點牙力都搞唔掂,而且完全亳無清酒味道。
桂花蚌,無得彈無得挑剔,鮮甜爽脆滑溜,食到欲罷不能 ﹗雖知都真身只係海參肺部,不過實在太美味 ﹗灼一灼、縮一縮就即刻啪入口,肉汁爆開,爽乎。
皇帝菜,經常賣晒,緣份到自由就可以食得到。爽嫩微脆多汁,獨特的菜甜味散發攝人芳香,熱騰騰大注大注地塞入口,不停爆汁使我興奮莫明。帶子,薄衣衣腍劈劈又淡淡的,用辣椒豉油點綴一下,還可以的。鮮冬菇,平價貨不一定差,價廉物美好味道 ﹗滑嘟嘟,吸湯爆汁,菇味清香,連食幾粒才肯放口呢。
芝士腸,大路貨色不懂得欣賞,感覺是兒童食品。芋絲,都是沒有味道系列,索完湯汁再索辣椒豉油,爽爽彈彈的。油麥菜,翠綠甜美多葉菜,菜味味濃郁掛著濃湯品嚐,美味滿足。
5 瀏覽
0 讚好
0 留言
6 瀏覽
0 讚好
0 留言
6 瀏覽
0 讚好
0 留言
6 瀏覽
0 讚好
0 留言
10 瀏覽
0 讚好
0 留言
3 瀏覽
0 讚好
0 留言
4 瀏覽
0 讚好
0 留言
1 瀏覽
0 讚好
0 留言
4 瀏覽
0 讚好
0 留言
6 瀏覽
0 讚好
0 留言
11 瀏覽
0 讚好
0 留言
6 瀏覽
0 讚好
0 留言
0 瀏覽
0 讚好
0 留言
5 瀏覽
0 讚好
0 留言
4 瀏覽
0 讚好
0 留言
0 瀏覽
0 讚好
0 留言
14 瀏覽
0 讚好
0 留言
7 瀏覽
0 讚好
0 留言
11 瀏覽
0 讚好
0 留言
13 瀏覽
0 讚好
0 留言
2 瀏覽
0 讚好
0 留言
0 瀏覽
0 讚好
0 留言
1 瀏覽
0 讚好
0 留言
5 瀏覽
0 讚好
0 留言
7 瀏覽
0 讚好
0 留言
5 瀏覽
0 讚好
0 留言
4 瀏覽
0 讚好
0 留言
9 瀏覽
0 讚好
0 留言
8 瀏覽
0 讚好
0 留言
張貼