功德林上海素食 (世貿中心) (已結業)

※本文以用餐當日的環境、服務和食物質素為準，口味亦因人而異，文章只作參考之用。 -向來都知道食素比食肉健康得多，但小妹實在係重口味人士，又偏愛食肉，所以食素對於我黎講真係遙不可及，偶然食下都仲可以既。機緣巧合，某次在元朗那間素食餐廳食左餐好好味晚飯 （可惜已結業），原來素都可以好吸引好好食，係爭在你點煮。是晚去左有數間分店的「功德林」晚餐，堅持不加味精、不加色素、少鹽少油！餐廳貴為有營食肆，榮獲不少獎項，包括2015-2017米芝蓮推介的素食餐廳，認真厲害。來晚飯的人可不少，有年輕的來聚餐、也有家庭樂和老人家慶祝的，可見素食已續漸年輕化，大家也開始注重健康，愛護地球。打開餐牌，前菜/冷盤、滋補燉湯羮、小菜、香辣小菜、暖胃鍋物、素面、甜品都有，另外有點心供應，但只供應到下午四點，所以今次食唔到想試的點心。(餐牌太多放在文末)雪梨橙汁、青瓜蘋果汁 各$38我倆各叫了一杯鮮果汁，小妹的雪梨橙汁清甜易入口，味道不會很甜可以證明無額外加糖；青瓜蘋果汁無加糖的關係，真無好勁青瓜味，蘋果味反而唔太明顯，就係健康的味道。田園粟米羮 $48味道比平時出面飲既清淡，感覺沒特別落鹽或糖，唔會好鹹，健康之選。功德林三拼盤 $158可以係前菜/冷盤中揀三款做一份拼盤，我地揀左雞絲粉皮、脆鱔同素鵝；無錫脆鱔其實都係用菇類所製，咬落好脆口，淋上糖醋汁同白芝麻後好香口惹味！另外雞絲粉皮用上素雞切條，粉皮尚算滑溜，配上特濃花生醬好好食！糖醋松子黃魚 $138其實姐係芋頭魚，用腐皮製成魚的外皮，裡頭係滿滿既芋泥蓉，仲以冬菇做頭尾砌成一條魚；芋泥入口質感頗滑，外皮因淋上糖醋汁，咬落反而係煙韌既口感，酸酸甜甜食落都幾開胃。咕嚕肉 $108驟眼望落，你唔會估到佢係用猴頭菇整成的咕嚕肉，賣相幾可亂真。淋上甜酸醬後，外皮仍帶微脆，咬落爽口，食落去的口感像真度頗高，味道亦相當唔錯。豆腐餃子 $118呢款豆腐餃子賣相精緻，有點似西餐的菜式。一碟約有五件，餃子外皮用豆腐所製，豆香味濃郁，質感滑溜；餡料係切粒蔬菜，味道真係相當清淡，感覺上係很健康的菜式，只係食慣重口味既小妹真係食唔慣。餐牌部份…Read More

見自己飲咗成個禮拜酒，其中一日仲要玩馬拉松式，所以就想襯週四舞會前有空，相約對蔬菜唔係咁抗拒o既老五去名牌素菜店「功德林上海素食」度食素，清一清腸胃。估唔到餐店傍晚時份已坐有六七成客人，最受歡迎必選近牆望向海景o既一列散座，小肥早到都唔係咁方便影室內照，唯有將注意力投放於彩圖餐牌上。野羊肚菌竹笙燉百合盅（$128）：燉湯清香不油膩，湯料中o既野羊肚菌及竹笙亦好夠爽脆，喝畢暖胃健康。香濃三絲魚翅羮（$68）：經理哥哥推介o既魚翅羮果真如餸名般香濃，素翅脆滑可口，十分滋味。豆腐餃子（$118）：豆腐餃子o既豆腐皮層軟滑，入面o既菜餡亦脆嫩輕盈，不過如果可以咸多少少，相信效果應更佳。咕嚕肉（$108）：咕嚕肉煙韌中帶點爽脆，食落真係好似豬肉咁，師傅手勢當真猶如魔術師，加上調味中o既酸度同甜度恰到好處，掂呀！上海粗湯麵（$68）：粗麵彈牙滑溜，湯底濃甜不濁，配上爽脆o既菜絲及雜菌，食完一碗都相當飽肚。「功德林上海素食」地方光猛闊落，素菜輕巧味清，成功為兩個大男人o既腸胃洗滌一番。不得不提o既就係店內o既服務生個個都咁客套有禮，當中發生咗一段小插曲，明明係小肥自己叫錯餸，姐姐同經理哥哥都好樂意地幫忙改單，小弟實在感激不已。哈哈，不過XO仔始終未能六根清淨，飯後結果都要喺附近飲多兩輪先去跳舞舞。…Read More

有一段日子沒有來到功德林食素，今晚難得放兩天假，所以約了我家人一行三人來到食晚飯，安頓座位後打開餐牌，食物款式有些已經換上新菜式，點心方面只有中午才有供應。食物款式真是好多種類，分別有冷盤、前菜、滋補燉湯羹、特色名菜、香辣系列、蔬菜菇、暖胃鍋物、鍋巴飯、年糕、一品素麵、甜品等.......款式都是主打是上海的素食為主。環境真是不錯，可以從落地玻璃窗可以欣賞下海景，地方又夠光猛又不會太吵鬧，空調都好足，坐下來不久，侍應生已經奉上熱菜及餐前的開胃小吃，小食是一些花生菜甫，整體氣氛感覺都不錯。媽媽平時都好喜歡飲南瓜湯，今次我為她點了一個南瓜蟹粉魚翅盅($78)，南瓜的味道甘甜濃郁，蟹粉其實是甘筍粒，而魚翅就是一些素翅，增加了不少嚼感，都夠熱，味道真是不錯。新推了佛跳牆燉湯($138)，吸引了我與爸爸各點了一碗，不過都好快售罄，幸好剛來得及order，這個素食的佛跳牆雖然不是山珍海味，足料的搭配也做出不錯的味道，當中有姬松茸、黃耳、猴頭菇、鮮栗子、冬菇、芋頭、竹笙、杞子等......層層堆疊讓口感豐富，此燉湯用了長時間的炆燉及多類菇菌食材，味道都好鮮美，雖然比起葷的佛跳牆清淡了一些，又不會有油膩的口感，勝過鮑參翅肚，而且又夠健康。招待的咕嚕肉($108)更是我的最愛，咕嚕肉用以猴頭菇取代了豬肉，不論賣相及口感都十分相似，咕嚕肉外層的炸至脆口，炸漿夠薄，汁醬甜酸得宜，好味不嗆喉，一夾起咕嚕肉已經看到掛汁均匀醇厚，外脆內裡爽口，吃也要趁熱，才是吃到最佳的咕嚕肉!另一款小菜是侍應介紹給我們，它就是豆腐餃子($118)，豆腐扮作是餃子皮，內饀有菇粒及雪菜，味道都清，豆腐香軟富豆香，菜饀都好豐富，這款餃子都幾特別。主食方面點了一碟羅漢齋炒麵($88)與家人一起共享，麵條金黃香口，沒有一點油膩又脆口，羅漢齋用了西蘭花、甘筍、冬菇、竹筍、馬蹄、白菜仔、紹菜、雲耳、白果等......材料都很新鮮，也保持到蔬菜的鮮脆，整體味道簡單清爽，也是飽肚之選。最後食些甜品結束完滿的晚餐，最後點了兩碗芝麻湯圓($42一碗)，薑水真是好有濃郁薑香，芝麻湯圓入口香滑，口感軟糯煙韌，流出香甜的芝麻饀，非常滋味。每個月都喜歡有幾天食下素，今餐素食都好清淡美味，水準都不錯，服務都好nice ，好主動加茶水又介紹一些招牌的素菜，今晚的素食真是令人滿足。…Read More

上海菜總係畀人一個「油膩」「唔健康」嘅感覺，但係，今次同事帶我嚟試嘅呢間上海菜（素食）菜館又幾特別。我嚟之前知道係食素，雖然自己唔係茹素者，但間中食下，對腸胃都有益；而且，宜家好多餐廳都喺星期１提供素食餐單，迎合唔同人士需要。所以，其實唔一定素食者先可以食素架。講返正題，呢間其實係上海素菜點心館，除咗可以叫餸食飯之外，仲可以食點心。頭先望到隔離檯嘅嘢食，個樣其實都幾吸引。等我哋又叫返啲嚟食先！ 見到宣傳相影得咁吸引，我哋就一於叫返個「皇帝菜苗餃」同「蘿蔔絲酥卷」試下先。其他菜就自己睇餐牌點，點咗 － 素鍋貼  － 豆腐餃子  － 紅豆沙鍋餅  － 芙蓉炒桂花翅  「皇帝菜苗餃」先嚟，個樣真係幾靚！ 餃皮好似透明咁晶瑩剔透，餡料一覽無遺。所以，我睇到裡面有好多菜苗呀，正！ 外皮咬落煙韌，加上熱呼呼，好正！裡面嘅菜苗好多，好青綠。雖然無肉，連素肉都無，但味道都調得唔錯。感覺清新又唔油膩，唔錯！ 之後出場嘅就係「豆腐餃子」。 其實，未見到個樣之前，我一直想像豆腐餃子究竟係咩樣。 見到食物之後，就覺得好可愛，真係諗都冇諗過豆腐可以包成餃子嘅樣，呢碟好似一隻海星咁浮喺上湯面……上湯有好多材料，如冬菇、薑絲。 咬開裡面亦有菜，健康又好清新。餃子皮雖然係豆腐包嘅，切得薄但都有一定硬度，唔會一夾就爛，可見廚師嘅工夫。 素鍋貼相對失色，餡料有冬菇、松子等等，味道淡。唯獨是皮煎得香口，攞返啲分。 芙蓉炒桂花翅幾特別，我最欣賞啲切得同樣幼嘅蛋白同素翅！ 素翅比一般翅更有咬口，同埋啲芽菜一齊食，好爽口。蛋白份量多，同其他材料，好似素火腿同木耳一齊食，感覺幾fresh！ 同事想食嘅「蘿蔔絲酥卷」都唔錯，出乎意料地唔油膩，外層炸得金黃，又脆卜卜，裡面有好多蘿蔔絲，清甜爽口，有驚喜。 甜品沒有點高力豆沙，因為同事不想吃，於是便選了「紅豆沙鍋餅」。 同樣是紅豆餡，不過外皮唔同。豆沙鍋餅味道都不錯，豆沙餡幼滑，甜甜哋。 外皮炸得脆而薄，粉都不厚，食下食下，好快就食完！值得一讚嘅係，食曬全個豆沙鍋餅都沒有感到膩滯。 今次呢餐素食，令我對素食嘅印象係好咗，原來素食都可以整得咁精緻同特別。下次有機會可以再試今次未食嘅素鵝！…Read More

平時食咁多肉，間中食下齋，腸胃都舒服d。呢間餐廳，我細細個就聽過呢個名，哈哈！花生加類似榨菜，好開胃鮮菇露筍餃 $35 好清新，有淡淡菇香味，裡面有露筍同好似有d馬蹄，爽口嘢飲要咗紅棗茶同豆漿，ok 五福臨門拼盤 （細）$218呢個要加分！平時拼盤都 Set 好晒，但呢個可以自己揀鍾意o既，good~細版都咁大，大o既要好多人share 至得啦要咗烤夫、素鵝、素火腿、涼拌茄子同無錫燒鱔素鵝炸得剛剛好，香脆得黎唔會太油烤夫係上海菜必食，好味素火腿，涼拌茄子都ok，但燒鱔有d甜 （我一向怕太甜），但夠脆，好似佐酒小吃豆腐餃子$98呢味菜都幾考功夫！將件豆腐變作餃子皮，裡面有d雪菜、好似有筍等等。老人家無牙都食到！酥炸三絲雞卷 $98我以為係炸到好脆，原來係似腐皮卷咁，不過都ok，點甜酸汁好味平時我唔鍾意食獅子頭，覺得好膩同好肥，但呢個素食版我鍾意！ 裡面有粉絲，有d蔬菜，即刻無咁滯！鍋上，熱辣辣～好香，送飯一流上海冷麵 $98好特別，有好多調味料俾你自己調味，包括：辣油、醋、醬油、麻醬等等。個人覺得落晒所有嘢係最好味估計錯誤，估唔到原來咁大碟，食唔晒打包走一大部分，最好多幾個人share豆腐花 $58好好味！！！ 明明食到好飽，都忍唔住食咗兩碗！ 超香滑，豆香濃。重點係佢唔係用普通糖漿/黃糖，而係用桂花糖！ 好清香～唔會太甜蓋過d豆味～必食！…Read More

冬至前一晚，我和家人到銅鑼灣的功德林吃飯做節。原本是到大自然的。後來，舅父給我們4張$100的功德林現金券，我們又很久沒有光顧，弟弟的女朋友又沒有嚐過這間素食店……於是便轉場了。可惜，讓我們失望。店員的服務是不錯的。環境又很好，坐得舒服。餐具也衛生。但最重要的食物味道卻很一般。這強制前菜小食是不錯的，呵呵~~是上海特色小食。有花生、青瓜、素雞和榨菜拌辣汁。來到上海店子，我們必吃的酸辣湯。不過，卻只有辣味，沒有酸味。由於弟弟女友不吃辣，她另外點了一盅燉湯。忘記問她味道如何。看來材料很豐富，湯很清澈。這是素獅子頭。那一晚最美味是這一道菜了。素獅子頭似是用豆碎揉成的，內有素魚翅。紹菜沾上濃濃的醬汁很美味。鍋巴是米通，傳統是飯焦。但，現在又有多少食店會用飯焦作這道菜呢？繞上旁邊的湯料，十分普通。湯內的材料有冬菇、本菇、筍和青豆等。本菇很爽脆。蛋白炒翅。味道很淡。但芽菜和翅也很爽脆，口感補償清淡的味道。豆腐餃子。很手巧的食物。餃子皮是用豆腐做的。相信要用比較堅實的豆腐才做到餃子皮，所以不能期望豆腐是滑的。然而，這道菜也是淡的。萎縮了的小籠包。很可笑！看到這模樣，當然不會認為內裡會有湯在晃來晃去吧。除了素獅子頭，這甜品便是最美味了。高力豆沙，是上海特色甜品，也是我們必吃的。內有香蕉和紅豆沙。甜度適中。外皮的厚度也算是適中。記得從前與婆婆光顧過這店子多次。當時在舊址樂聲大廈地下。還沒有給四洲集團收購。那時覺得那是高消費的上海素食。食物味道很好。又是很少可以吃到正宗的上海美食。能夠到那裡進食，令我很興奮。可惜，現在那記憶中的美味消失了………Read More

討論左一段時間究竟係睇「意外」前食咩好，諗左好多唔同既食店，最後BANANA突然提出話去食素，因為佢有張功德林既 $ 100 現金券.... 哈哈，咁還掂都決定唔到食咩，咁就是旦啦，就意外地去左食素啦。去到無咩人喎，可能因為仲早啦，一坐低個姐姐就係咁叫我地幫襯佢個燉湯... 係咁話好抵，我地檯都未坐暖喎，唔駛咁急呀? 最後我地都拒絕左佢叫佢俾我地睇下先。最後我地兩個人叫左個上海冷雲吞，幾得意，得 4 粒，啱哂我地兩個人! 一D都唔滯，當然一D都唔濃味啦，因為佢係素嘛! 我食黎食去都係食到好多菜苗，都唔係好分得清入面有D咩，哈哈!之後就叫左個上海冷麵，一黎有十幾兜野，咩味都有，我地每次夾少少麵隻隻試均哂! 最好食都係甜甜地既麻醬，好香好食! 醋都OK! 其他就普通啦。個麵都幾大碟架，食極都食唔完! 個麵OK彈牙，口感唔差，凍凍地無咁漏。跟住仲叫個豆腐餃子同埋有唔知咩薄餅 (唔記得左個名)! 豆腐餃子好得意呀，用豆腐代替個皮，一入口好香豆味，好食! 同餃子個味道都夾，又係清清地，有生菜墊底。最後就係唔知咩薄餅啦，佢D餡料好大兜，同餅皮份量唔平衡喎，餅皮得 6 塊，有甜醬掂，令我想起片皮鴨，ANYWAY，都OK好食既。口感豐富，而且比起其他食物叫做濃味D。哈哈，我真係唔太識得品評呢個素菜，不過偶然食一餐清清地真係唔錯呀! 清下腸胃嘛! 食完就去睇意外啦! 有$100現金券所以平左D! …Read More