鹵家

近日經朋友推薦下去咗元朗依間燒味店 "鹵家"，由5星級酒店經驗豐富嘅老師傅用心烹製  ;  所以就揀左今日下午茶時段來品嚐呢度嘅燒味啦 ~ 入到店舖，環境設計簡約，地方潔淨。點選咗兩個下午茶餐，加配小食及老火湯。梅子脆燒鴨米線       $39這個招牌菜梅子脆燒鴨米線，必食推介！燒鴨味道甘香，鴨皮燒得香脆，鴨肉味道濃郁，炭火香味散發出來，烤得外皮香脆，肉質鮮嫩，湯底清甜，米線爽滑。 頭抽豉油雞米線       $39另一款係頭抽豉油雞米線，香味濃郁嘅頭抽，微甜嘅豉油香，雞好入味，雞皮滑嘟嘟，雞肉好爽滑，不會有較多脂肪，就最啱我啦。套餐米線滑嘟嘟，爽口彈牙。話梅涼瓜片      (+$24)小食揀咗本店嘅招牌菜話梅涼瓜片，絕對係清涼嘅小食，推薦！涼瓜完全吸入話梅味，冇本身涼瓜嘅苦澀味，清甜爽脆，口感清新，好美味嘅涼拌小食。拍蒜青瓜       (+$18)另一款小食拍蒜青瓜，味道亦唔錯，清新爽甜，口感好fresh，少少辣少少鹹，十分開胃。套餐加 $12 揀住家老火湯 及 凍檸檬茶 $5，老火湯每日新鮮熬製，聲稱不加味精。今日老火湯係木瓜花生章魚雞腳豬骨湯，湯裡面有好多材料，飲起嚟完全唔口渴，相信係絕對不加味精，清甜潤喉，好有家的味道，養生保健。凍檸檬茶，茶底清徹，檸檬清香，清潤解渴。…查看更多

鹵家當然係食鹵水野，不過佢個叉燒都好好食，晚市期間仲有好多人嚟斬料加餸。晚市套餐好抵食，一餸一飯+老火湯/熱飲$76-$92。🦆秘製鹵家鴨碟細肉多，鴨唔肥，皮下冇肥膏，肉嫩，夠晒味。🐷蜜汁叉燒王燶邊半肥瘦叉燒，望落唔多肥，肉淋夠味，好好食🤤。下面啲芽菜先正，吸曬啲汁又爽脆。🥒話梅涼瓜片覺得甜左少少，鐘意涼瓜有啲甘。清涼消暑，食左咁多肉，解膩一流👍🏻。🥣老火湯日日唔同，今日係冬瓜，真係好啱夏天飲，有家的感覺，好飲👍🏻。💬值得再去嘅小店，好有家的味道，食物質素不錯，老火湯正，店員親切。…查看更多

超有住家味道嘅餐廳！耐唔耐就黎食，但我居然無寫過，啲職員都好nice(無記錯係一家人)。話梅涼瓜片 $42涼瓜甘香配話梅酸酸甜甜感覺好舒服。蜜汁叉燒王 $79(晚市套餐)晚市套餐都跟白飯/麵及住家老火湯/熱飲。老火湯足料，叉燒以瘦叉為主，但肉質嫩口一啲都唔柴，蜜汁甜度亦適中。頭抽豉油雞 $72 (晚市套餐)頭抽豉油雞係雞脾位！皮下帶黃油脂，但肥得來唔係成口油果種，頭抽豉油味道唔會太鹹，醃得入味，送飯/麵都一流。…查看更多

係網上有好多人讚過依間燒味高質又好味嘅 "滷家"，而且由5星級酒店經驗豐富嘅老師傅用心烹製，絕對值得品嚐咁美味嘅食品啦！餐廳環境設計簡約，地方潔淨，店員服務態度有禮，很不錯的。下午茶時段有高質燒味飯/米線、自家製豬扒飯、鮮肉餃米線、涼拌小食等，都好吸引呢。食神叉燒飯    $58叉燒係我燒臘中最鍾意嘅一款，所以係必食。色澤紅紅的叉燒，外皮亮閃亮嘅蜜汁，些少燶嘅位置㪚發住炭火香氣，半肥瘦均勻，叉燒都幾厚，肉質鬆化，陣陣豬油甘香，肉味香濃，而上面就鋪左太陽蛋，煎得啱啱好，流心蛋撈飯一流，配合爽脆清甜嘅蔬菜，非常讃！皇牌鴛鴦飯     $65這個一份有兩款燒味，我揀咗燒鴨和豉油雞，燒鴨味道甘香，鴨肉香濃，燒烤味散發出來，烤得外皮香脆，肉質鮮嫩  ;  另一款係豉油雞，肉質嫩滑，不會有較多脂肪，就最啱我啦。套餐由飯轉米線，滑嘟嘟，爽口有彈牙。話梅涼瓜片    $32另外小食揀咗本店嘅招牌菜話梅涼瓜片，這個絕對係清涼嘅小食，推薦！涼瓜完全入晒話梅味，沒有原本涼瓜嘅苦澀味，食起嚟清甜爽脆，口感清新，美味嘅涼拌小食。套餐可以揀住家老火湯或熱飲，老火湯每日新鮮熬製，聲稱不加味精。今日係猴頭菇茶樹菇紅蘿蔔湯，湯裡面有好多材料，飲起嚟完全唔口渴，相信係絕對不加味精，清甜潤喉，好有家的味道，養生保健。另外一個餐配凍檸茶，冰冰涼涼，茶底清徹，檸檬清香，清潤解渴。…查看更多

「鹵家」，係一間中菜小菜館，由五星級酒店老師傅主理，主打少味精。當中既話梅涼瓜片、酒仙醉雞卷、叉燒非常之出色！😋😋😋1. 蓮藕豬骨湯完全無味精！豬骨肉都煲到冧哂，好出味，有住家老火湯既感覺！2.話梅涼瓜片😋😋😋涼瓜片好爽，有話梅既酸甜味完全蓋過涼瓜既苦味，好正！3.酒仙醉雞卷😋😋😋雞卷既酒味好突出！無骨之餘，每件醉雞都係一樣樣！高質！4.食神叉燒飯😋😋😋😋😋超好味！豬肉無羶味，肥瘦適中，調味係一種好簡單清甜既感覺，同坊間既化學調味叉燒完全唔同！5.皇牌鴛鴦飯選擇要左鹵鴨、燒鴨。燒鴨皮好香，鴨肉肉質不錯😀食完呢餐完全唔會口渴，又唔油膩，但非常好味，可以Encore！…查看更多

入開元朗搵朋友就係附近食埋野，最近食得多日本野，所以今日就食番啲港式小菜，家常便飯。🧡蜜汁叉燒王🐷配白飯🍚$76聽店員講呢到啲叉燒好出色，所以就聽佢推介揀左。叉燒肥瘦均勻，蜜汁味搽滿係成個外皮，外面就燒到少少燶邊，燒得超靚！咬落去完全唔會乾同鞋，正！果然值得推介🧡子薑鴨子煲🦆配白飯🍚$73凍凍地食番個鴨煲就啱晒，薑片唔會太辣，個汁帶甜味而且濃郁，就咁用汁撈飯食都好正。鴨肉都有好多件，但鴨唔算大隻，厚肉會更加正🧡話梅涼瓜片🥒 $32係出面都未試過呢味餸，所以叫黎試下。味道甜甜地，仲有少少話梅酸味，食落完全唔苦，帶甘味，唔講唔會覺得佢係苦瓜，幾特別🧡住家老火湯🍲今日去就係冬瓜薏米排骨湯，夠熱，飲得出冇味精，飲完唔口渴平日黎都唔少人，算係一個幾方便同埋味道幾好嘅小菜餐廳，下次想試埋佢個醉雞卷…查看更多

一間家庭式經營既小店，由前五星級酒店大廚煮出多款美味鹵味燒臘菜式，食物每日新鮮製作，美味又足料，職員都好友善。晚市有套餐提供，一款指定菜式配白飯同是日無味精老火湯。蜜汁叉燒王 $76店裡王牌叉燒王，肥瘦均勻，肉質軟熟易咬，外面燒至少少焦，再加必備的蜜汁，不咸但好入味，絕對必叫！香葱煲仔豉油雞 $73豉油雞好嫩滑，而且好入味，有淡淡豉油味之餘，雞肉還有好香的香葱味，超級入味，但不是死咸。酒仙醉雞卷 $48新鮮雞肉浸透紹興酒，再配秘製調味料卷成形，雞卷內會有點啫喱狀物體，酒味幾清幾重味每件加上一粒杞子作點綴。話梅涼瓜片 $32好特別的一款小食，涼瓜片好爽口，經醃製後一點都不苦，再加話梅吃，反正變得甜甜地，好開胃。餐廳內有大大幅廚師畫像，還有例出廚師既工作歷程。餐牌:…查看更多

之前已經同爸爸媽媽食過鹵家，今次再去原來佢哋已經搬咗舖位，地方比舊店闊落。招牌叉燒一如以往咁厚肉，最鍾意燶邊帶蜜汁香，肉質軟腍富肉汁~鴨肉都唔錯，皮脆肉嫩，調味唔會過鹹。必試話梅涼瓜片！涼瓜爽脆甘甜，酸酸甜甜好開胃。滷水拼盤可以揀鴨或者鵝肉，頭先試咗鴨，依家試埋鵝。除咗滷水鵝，拼盤仲有豬耳、金錢肚、大腸、豆腐、蛋，非常豐富。鵝肉味道比較清香，肉質嫩滑富彈性。晚市套餐價錢相宜，仲送埋住家老火湯。三個人吃清光！！…查看更多

係ig見過唔少人推介呢間鋪頭，今日終於有機會黎試下。今晚六點幾黎到唔駛等位就入得，店鋪唔大，當晚所見的食客大部分都係一家大細黎食，主要做街坊生意。一場黎到一定要試下佢地最出名的蜜汁叉燒，一上枱就比佢吸引住，色澤好靚，仲有少少燶邊，而且叉燒的肥瘦比例岩岩好，食落好淋身，配飯食一流唯一要挑剔既係蜜汁少左啲，甜味唔夠。跟餐仲有碗無味精的住家老火湯，當晚的湯係老黃瓜赤小豆扁豆豬骨湯，碗湯落足料，仲可以解下燒味的油膩。另外我地仲叫左份例牌燒鴨，望落個皮燒得幾靚，不過食落就唔夠香同唔夠脆，而且偏咸，相比起叉燒就失色不少。最後仲叫左碟冷盤，話梅涼瓜真係第一次食，涼瓜片好脆，但我覺得話梅味太重，無哂苦味，搶走左涼瓜本身的味道。…查看更多

曾經睇過呢度嘅食評，心中一直都想有機會要食下，今日同朋友入開元朗，終於可以嚟試下我最鍾意食嘅叉燒。餐廳夜晚6時營業，我哋準6點到達，即刻有位(好彩我哋早嚟，因為跟住門外有好多人等檯) 。我哋點咗一份蜜汁叉燒皇套餐，跟有餐湯或飲品，可以要飯/米粉/米線/瀨粉 ... 等，另外再點了一隻脆皮炸乳鴿(送啤酒一罐) 同埋一碟話梅涼瓜片。是日老火例湯係霸王花煲豬骨，標榜沒有落味精的，就好似住家嘅湯水一樣，足料健康好好飲。一望蜜汁叉燒色澤，未食已聞到香味，肥瘦比例係8:2, 以套餐來說，份量唔算少，帶少少焦，食落非常香口，我覺得係滿分嘅燒味。我唔要白飯要了米線，米線比較粗身，覺得比外面的好食。脆皮炸乳鴿果然炸到皮脆肉香，仲有冰凍啤酒奉送，最佳配搭。第一次食話梅涼瓜片，涼瓜一啲苦味都冇，只有話梅的酸甜味，好清新開胃。今晚嘅食物我覺得係高質嘅，超過我嘅預期，我好少俾全5分，但今次一定要俾，而且會 encore! …查看更多

係我以前已經食過嘅鹵家😝感覺今次係食得最滿足嘅一次，我對成餐飯都幾滿意😆.食神叉燒飯嘅叉燒份量估唔到都幾多，飯上舖咗兩排叉燒。有一排係半肥瘦叉燒，有一排就望落似瘦叉，望落都幾靚。無論半肥瘦定瘦叉燒食落都肉質鬆軟，蜜味香濃，好好送飯🍚而且叉燒都燒至有少許燶邊，食落更香。今次啲叉燒比我上一次食嘅進步了👍🏻唯一不足就係白飯煮得腍咗少少。.叫鹵水鵝片而唔係叫鹵水鵝，就係為咗食落可以啖啖肉咁🤤鵝片切得厚薄適中，鵝肉唔老唔嚡，滷得亦幾入味。墊底嘅豆腐都好食。整體都幾唔錯。.老闆娘推薦嘅炸乳鴿亦有驚喜！乳鴿皮帶微脆，肉質幾嫩滑juicy，調味亦調得剛剛好。同朋友share一隻，每人食半邊就啱啱好。.然後我終於食到好多人讚嘅話梅涼瓜片啦！果然係幾正😆呢道小食係顛覆你對苦瓜嘅一般印象🤣涼瓜片食落好爽脆，一開始食落係酸酸甜甜咁，之後先食到涼瓜嘅甘苦味。我忍唔住一塊接一塊咁食😆真心推介大家要叫嚟試吓。.加埋之前都有喺鹵家食過嘅醉雞卷，今餐lunch真係大滿足！除左食神叉燒飯係午市套餐外，其他都係全日任何時間都有得叫的🙆🏻‍♀️…查看更多

新年期間，差唔多食濟左咁制，日日都食好多野，行過見到有間小店專食滷味，簡簡單單一餐搞掂佢，唔想個肚愈來愈大負荷。餐廳內外店名就叫自己做「鹵家」，都有十幾二十個座位，簡單設計既一間小店，比人感覺好溫家。食物選擇唔止燒味，仲有小食，而且選擇都多，午市會再抵食啲。話梅涼瓜片 $32屬冷盤小食，其實係苦瓜片，用話梅醃製過，入口涼涼地，食落先係酸酸尾尾，之後係苦瓜本身既味，但因為醃過，所以食落唔苦，仲幾爽口。酒仙醉雞卷 $45份量都幾多，而且擺得幾精緻，每件醉雞卷上面都有粒杞子，而且大小平均，同為冷盤，食落又係凍凍地，入口酒味都幾出，肉質正常，索到啲酒味，酒味唔算太濃烈，岩我口味。蜜汁叉燒皇套餐 $76套餐皆配白飯及老火湯/飲品，當然揀住家老火湯，今日例湯係牛蒡粟米湯，真係住家湯既味道，而且又足料。蜜汁叉燒一份有非常多！唔講以為嗌左個例牌，色水好靚，大多係半肥瘦叉燒，每件肥瘦均勻，帶有少少肥膏，咬落好香口，完全唔乾，本身唔算中意食肥膏，但呢到既叉燒肥瘦比例岩岩好，食落唔會覺得好肥膩，反而令叉燒口感更佳！梅子脆燒鴨套餐 $68食燒味又點少得燒鴨，一上枱已經覺得不得了，又係大大份！同樣光澤十足，燒鴨本身肉質比較實，唔會嫩滑，而好多餐廳都整到好嚡口好韌，唔入味，呢到唔會，皮帶微脆，皮下層有層脂肪，然後係鴨肉，肉質居然做到唔會太韌，滷水非常入味，食完個口唔會覺得好嚡，絕對係高質燒鴨，估唔到係小店都食到呢種質素既燒鴨！估唔到會有驚喜，一間自己經營既小店，但岀餐快，食物又高質，燒味夠大份又合我口味，係會再黎既店！…查看更多

兩年前，因為A姐化妝扮靚遲咗出門口，食唔到元朗鹵家嘅鎮店之寶— 食神叉燒。今日，我哋決定再戰元朗鹵家，誓要食到食神叉燒！點知上網check下，發現昔日只有十個位嘅小店搬咗大舖，闊落好多！住家老火湯是日靚湯係粉葛豬骨湯，啱晒依家濕氣重嘅天氣，去下骨火！入得出無落味精，十分足料！食神叉燒飯今次終於食到食神叉燒，叉燒肥瘦適中，肉質鬆軟，燒得啱啱好，外面有少少焦，好香口！唔怪之得，個個入嚟都係叫叉燒啦！再配埋流心蛋撈飯，真係無得彈！秘汁鹵家鴨米線特別喜歡鹵家鴨另上，保持香濃嘅秘製醬汁，鴨肉入晒味，肉質一啲都唔一靭，酸梅醬更提升味道！話梅涼瓜片鍾意食話梅或都酸味嘅朋友一定唔可以錯過話梅涼瓜片呢個冷盤小食，涼瓜片入晒話梅酸味，非常醒胃！鹵水雞翼話明係鹵家，就當然要食鹵水啦！呢到嘅鹵水唔係得咸味，入口後有回甘，雞翼鹵到入晒味，四隻唔夠喉。海蜇醉鴨舌海蜇爽口彈牙，好香麻油味；鴨舌有淡淡嘅酒香味，好過癮！By A姐M佬 玩樂日記 aandmdiary.com…查看更多