真‧章魚無雙 (已搬遷)

蟹膏章魚燒有驚喜！本來沒抱太大期望，以為會是有一些蟹膏味的沙律醬之類，但真的有蟹膏香味！喜歡章魚燒裏面的章魚大粒有咬口每顆章魚燒大概有兩粒章魚。以前試過櫻花蝦，也不錯的。…查看更多

依間係我食左五年以上嘅愛店，事緣我久唔久去葵廣整指甲，幾乎每次整完都會去買依間章魚燒食，已經成為左一種習慣🙈以前每粒章魚燒都係放一粒大嘅原隻章魚，口感好出色，當年我試過依間後再去大阪食唔同嘅章魚燒，唔知點解硬係覺得依間係最好食（可能咁啱係大阪試個啲比較一般🤣）好可惜自從疫情以來改為每粒用兩粒章魚粒，口感上有落差，但整體來講仍然好足料好抵食！粉團剛剛好唔會好似食粉咁，但亦唔會太薄容易爛，醬料亦比得好闊綽👏🏻雖然長期都好多人買要等，但都整得好快，一般十分鐘內有得食，即叫即整可以保持溫度🔥以下係多年來歷久不衰、我最愛嘅四款味道：🟠🐙 明太子章魚燒 $𝟛𝟚/𝟞 ᴘᴄs (𝟙𝟘/𝟙𝟘)No.1最愛，本身係明太子控，依間嘅明太子味好好食同份量好多🥰⚫️🐙 黑松露章魚燒 $𝟛𝟝/𝟞 ᴘᴄs (𝟡/𝟙𝟘)我最常食嘅第二名，用平時點薯條個啲黑松露沙律醬，我自己幾鐘意，不過部分人可能會覺得陣黑松露味有啲假，各花入各眼😎🦀🐙 蟹膏章魚燒 $𝟛𝟝/𝟞 ᴘᴄs (𝟠/𝟙𝟘)蟹膏份量多同味道好濃，加左少少蟹籽，個人覺得食得多會有少少漏。🥚🐙沙律蛋章魚燒 $𝟛𝟚/𝟞 ᴘᴄs (𝟙𝟘/𝟙𝟘)我幾乎從來冇聽過人叫依款，因為佢只係普通不過嘅蛋沙律，但我有一日突然覺得食來食去都係個幾款味，心血來潮想食蛋沙律，點知好有驚喜🤩首先係佢會保留一兩件比較大件嘅烚蛋係度增加口感，其次係蛋沙律凍冰冰章魚燒熱辣辣，咁極端地放埋一齊好特別！我個人來講真係好鐘意❤️🌟 Follow @gfgm.hk on Instagram for more 🌟…查看更多

講到黎葵廣掃街，梗係要支持真‧章魚無雙 💛🔹蟹膏+ 蜜糖芥末章魚燒 ($33) [雙拼6粒$33+$2]呢間其實已經係其他分店食過幾次，今次又口痕想食🤣試吓未食過嘅口味雙拼➡️"蜜糖芥末"+"蟹膏"章魚小丸子嘅餡料唔知點解覺得旺店分店好似多D豐富D🤔不過都一樣咁好味，外皮香脆，唔會成粒麵粉漿，咬開仲有完整嘅章魚幾彈牙👍🏻👍🏻👦🏻👦🏻就比較鍾意食傳統味道嘅"蜜糖芥末章魚燒"，👧🏻👧🏻比較鍾意食"蟹膏章魚燒", 蟹膏落得好多, 好似唔洗錢咁😂🤤🤤下次又試下其他味道先😍…查看更多

熱辣辣足料章魚小丸子今次叫左 蟹糕口味但我個人鐘意上次叫既 明太子 味多d 同埋今次呢 有少少過濕 食落無咁有口感 比較軟身 個人鐘意脆口少少 利申 我係佢一叫飛我即拎即食 足料 同埋份量可以有得揀 6粒或者9粒 都幾好 果menu會令人花多眼亂 如果你選擇困難既話 真係會超級難揀 加上佢又係好多人排隊 好難睇到門面果menu 加上果度都幾窄又多人 我去呢日 重要d鋪頭番貨 好多手推車 所以都係預先係網上睇定想食邊款揀定先就去排隊比錢 會比較好 呢個係我個人建議☺️☺️ 真‧章魚無雙 (葵芳)葵芳葵富路7號葵涌廣場2樓C07B號舖…查看更多

《真。章魚無雙》🐙🐙🐙2016年首家店開係葵廣、之後旺中開設左新分店🥳有不少嘅特別口味🤤其中最人氣的是黑松露章魚丸、、蟹膏章魚丸和明太子章魚丸。🦀 蟹膏章魚丸 （$34x6粒 $40x8粒）蟹膏同章魚丸組合第一次試😌味道係異常之咁夾！蟹膏溝埋沙律醬原來咁好食！而且佢唔係用切碎左既章魚、係原隻章魚🐙！章魚丸偏向淋身濕潤、我覺得很不錯！等我慢慢試齊其他口味啦😌btw好似可以雙拼架各位。…查看更多

行行下街媽媽經過話想食叫咗呢個真蟹膏蟹籽章魚燒蟹膏醬多 味道比想像中濃😍粒粒又大又圓 章魚都夠大粒其中一粒仲有哂全部章魚腳不過章魚無咩味 感覺似食蟹膏醬溝小丸子皮咁佢地有好多口味 我覺得整體不過不失始終岩岩去完日本大阪 食過太多間章魚燒感覺都有少少比較同落差…查看更多

尼間野D章魚燒不嬲都幾多人食下。有時都幾多人等，不過小編去果日冇人等所以都決定一試。章魚燒+蟹膏既組合小編都係第一次聽。佢既蟹膏味真係好重都頗有驚喜下。而且𥚃面仲有原隻章魚係到真係超級正。不過個麵糊既分量就偏向比較少，個人比較鐘意食有滿滿既麵糊多D。但都無阻小編對佢既愛戴丫！…查看更多