畔溪尚粵館

十月一日到畔溪尚粵館下午茶，位於將軍澳重華路8號東港城2樓235號舖。 大約兩點幾到達，都要等一段時間三點鐘才能入座，估唔到咁多人喎！下午茶🥢 ～ 牛肉腸粉$19.8、蘋果叉燒酥$19.8、蟹籽燒賣皇$17.8、 蘿蔔絲鯪魚餅$17.8、 蜜糖雞蛋散$14.8 、 雪菜牛鬆炆米$78。 ▫️牛肉腸粉 ～ 味道普通， 牛肉餡料偏少。 ▫️蟹籽燒賣皇 ～ 肉質鬆化，幾好味。 ▫️蘿蔔絲鯪魚餅 ～ 食唔到蘿蔔絲，鯪魚餅比較油。 ▫️蜜糖雞蛋散 ～ 蜜糖唔夠。▫️雪菜牛鬆炆米 ～ 味道偏淡，但幾大碟。 ▫️蘋果叉燒酥 ～ 賣相唔突出，但叉燒酥做得香酥美味。 個人感覺整體味道普通， 不過下午茶時段都開幾耐，平時飲茶多數三點半已經落場，反而畔溪尚粵館仲有好多客， 唔使食到趕頭趕命。 🏷️溫馨提示～ 整個用餐體驗均屬個人分享意見， 只作參考😊。 …查看更多

今日下午我們去咗將軍澳東港城嘅「畔溪尚粵館」飲下午茶！我們叫咗青芥石斑一口漢堡嘅賣相好趣緻吸引，石斑嘅外層炸得好金黃香脆，入面嘅肉質好嫩滑，配埋清新嘅青芥沙律醬一齊食，唔會有好油膩嘅感覺！蟹籽燒賣皇嘅肉質好爽滑彈牙，而且唔會有太多肥肉！畔溪蝦餃皇嘅餃皮好煙韌薄身，蝦肉相當爽甜彈牙，而且都幾大隻！翡翠豆苗餃嘅豆苗都幾清甜鮮嫩！花旗參湯蝦餃嘅賣相好似迷你版嘅灌湯餃咁，湯底嘅花旗參味都幾甘香，蝦餃皮唔會浸諗咗，都仲幾煙煙韌韌，而且味道都幾夾！蟲草花燉竹絲鷄湯好夠火候，湯料好豐富，湯底嘅味道好清甜！燒鱔拼豆腐嘅燒鱔肉質好爽脆彈牙，味道好香甜！川芎百芷蒸燉魚雲嘅魚雲好新鮮，肉質相當鮮甜嫩滑，湯底嘅味道好甘甜！…查看更多

好耐無黎畔溪飲茶啦!!今次食咗幾款點心+燒味飯整體都依然keep到水準，抵讚!!花旗蔘湯蝦餃 第一次食咁特別既蝦餃!!個湯好有花旗蔘味，甘甘地，估唔到同蝦餃咁match!!呢個真係必食推介 蟹籽燒賣皇一籠2粒，岩哂我地人少少!!上次食過已經覺得正，今次依然係蝦好爽，皮好薄，亦唔多肥肉 鮮蝦腸粉黎之前睇食評見到有人話呢度腸粉皮好厚，但今日食又唔覺得特別厚，同一般酒樓差唔多～每條都有幾粒又大又爽既蝦，老實講算唔錯!!蘿蔔千絲酥蘿蔔絲刨得好幼，亦夠"林"夠甜!!炸點都唔會太油，值得一試~仲有叫咗碗叉燒飯，唔記得影相 呢度員工都幾有禮貌，每次放低點心都會講"多謝哂"今時今日算係難得!!下次唔會隔咁耐先再黎架啦 …查看更多

三人行，在二時下午茶特價時段入座，旁邊的食客竟然是周柏豪呀！起初都不能肯定，以為只是人有相似，但聽見他與家人說話的聲音，我百分百肯定是他本尊。呵呵，媽媽果然沒有介紹錯，畔溪尚粵館的確是明星飯堂嘛！我們吃了～蜜味叉燒包：蒸得夠熱，包算香軟，叉燒亦不太「老」。潮州蒸粉果：粉果皮薄，餡料充足，味道普通，不算特別出色。咖哩蒸土魷：魷魚爽口，微辣的咖哩汁很入味，好！畔溪蝦餃皇($7.8)：一籠只有兩顆，蒸得熱騰騰，蝦餃皮薄餡靚，蝦肉鮮甜。爽滑牛肉腸($9.8)：腸粉較厚，尚算滑溜，但牛肉不多，只屬一般。蟹籽燒賣皇($7.8)：又一有水準的點心，真材實料，好味道！沙律香芒盞($8.8)：很特別的點心，賣相不錯，感覺很西式，沙律醬和芒果肉滿滿盛在鬆脆的酥皮內，口感清新。鮑汁鮮竹卷($9.8)：沒鮑魚的味道，感覺普普通通。叉燒瀨粉($13.8)：瀨粉很多，但叉燒質素欠佳。菜乾鹹豬骨粥($7.8)：很便宜，份量尚可，可惜不夠熱，大大減低我對它的評分。茶：除了茶壺，每一桌都有一個用蠟燭保持熱度的水壺，適合喜歡喝熱茶的顧客。總結而言，畔溪尚粵館的食物味道尚可，下午茶時段算是「抵食」。…查看更多