阿純山東餃子

營業中

休息中

涼拌土豆絲: 如果能加點紅椒絲, 點點辣, 會較惹味,  現只是清新爽口.蔥油餅: 夠薄, 如多點蔥更好.白菜鮮肉餃: 湯和餃都唔錯.酸梅汁: 好味, 酸甜平衡.總括各樣都唔錯是可以的, 但不用以米芝蓮級心情去試.

原本去太子諗住食美味餃子店，點知前面有成22張枱要等，熱到抽筋啦已經，唯有下次再戰～🤦🏻‍♀️轉場時候搵到呢間阿純山東餃子，見到都幾多正評，膽粗粗去試吓～😎雖然話山東餃子，都有好多上海菜。我哋叫咗墨魚餃、酸辣湯麵、尖椒皮蛋、蔥油餅，試一試佢嘅實力。蔥油餅蔥唔算多油味重，我搶咗寶寶食咗三塊😽酸辣湯麵個酸辣味兩者平衡得OK，辣味後勁強，麵條就煮得偏軟，飲晒碗湯～🥳尖椒皮蛋同一般嘅過橋米線鋪頭唔同，佢攞紅椒同青椒加芫荽整出嚟，嗰種味道比較自然，另一種嘅美味✌🏻墨魚餃皮厚身得黎幾好啃～內裏係墨魚蓉再加青菜撈勻，同平時嘅鮮肉餃唔同，口感有趣得多🥟埋單先發現原來佢連續好幾年攞米芝蓮推介，同類型嘅餃子店中，我反而食到多啲嘅人情味，讚呀～🥰-蔥油餅 | $22酸辣湯麵 | $40尖椒皮蛋 | $28青島墨魚餃 | $48

從來都喜歡食餃子，不論中式西式或曰式。今曰見到米芝蓮推介的餃子店，一定要去試試。我點的分別是白菜鮮肉同蔥油餅。餃子的皮比一般廣東餃子放湯的厚一點，但又比北方蒸餃薄少少。菜和肉的比例各半，有少少汁，但是肉味欠奉，菜亦唔覺得新鮮，半點肉鮮也沒有，感覺這餃子只屬於普通平平之列，並無特別出色之處。 蔥油餅：太油，外皮是脆的，但葱唔夠香，有D厚，好像食緊煎麵粉咁，有D失望。

曾光顧隔壁的食肆，今次是專誠到此嘗味。到達時已滿座，只餘一張大枱，已有兩人就坐，不介意搭枱便立即坐下，隨後再坐兩人。坐好後開始點菜，一見牆上的介紹，便不加思索要了一份大羊腩湯及羊肉及其他食物。蔥油餅有四件，畧多油及硬，不太脆，味道還可以。茴香餃子好味道，餃子皮厚薄適中，本來想再試其他餃子，但只有兩人，最後佔罷。羊腩湯是清湯，內有紅棗、杞子、鮮准山及芫荽蔥等配料，超好味，湯鮮，羊腩大小適中，一口一件，喜歡羊的朋友一定要試。孜然羊肉賣相不俗，只是乾了一點，外觀有調味料，但入口只有羊味。香椿炒蛋是普通家常菜，香椿有藥用價值也是香料的一種，他們做得不錯，香椿頗多，味道乖蛋匹配，和餅或包點同食好味。拔絲有兩種選擇，疏菜:地瓜及山葯，生果:蘋果及香蕉。兩者不能互換，只可選擇疏菜或生果或一起選擇兩款。我們選了生果。拔絲生果賣相亮麗，糖絲洒在一隻隻金蛋上面，好漂亮。皮也是厚度適中，外脆內軟。糖的份量也剛好，蘋果粉軟，可以食出果味。叫的食物份量剛好，無剩餘物，是完美一餐。

見咁多食友比笑面, 就一行四人往一試, 晚上7:00 到達, 都坐滿了八成人, 幸祗等了數分鐘就有位坐下來. 四隻餓鬼馬上點菜青島拌海蜇 - 海蜇爽脆, 陳醋調校的汁酸甜醒胃, 好味芥末雲耳 - 陳醋汁內加人淡淡的芥末, 另一個開胃前菜青島香腸 - 香腸略帶煙薰味, 再配上蒜泥汁, 幾特別雞絲粉皮 - 粉皮比平時食開的較薄和煙韌, 有咬口, 但雞絲好嚡. 五香排骨 - 完全唔得, 似煲完湯的骨頭, 無味又嚡. 山東燒雞 - 睇樣唔錯, 但食落淡而無味, 空有外貎上湯雲吞 - 皮很薄, 但細隻又無咩餡菲菜餃 & 西洋菜餃 - 一食就知係自己搓皮唔係機製皮, 皮薄餡鮮, 好食蔥油餅 - 即叫即製熱辣辣, 但皮略厚拔絲香蕉 - 好難食, 個拔絲殼硬過我條命整體來說, 全晚最好食就係餃子, 其它的都無驚喜, 有一兩更加係難食,咁多笑面就真係太俾面了.