呢一間懷舊冰室位於一座村屋地鋪，環境暗淡，配上o個個年代d 格仔檯布同連燈吊扇，帶住舊式扒房醉人o既情調。聽d 侍應相互之間o既談話，我估可能呢間餐廳係家族式經營都唔出奇。main menu 有正式鐵板餐，o個d 有美國CAB 或者prime 認證當然高級d，但晚餐menu 一樣有較平而唔錯o既選擇，而且一樣有晒湯、包、甜品等等各樣o野。店員推介之下，我點o左一個安格斯板健牛扒晚餐($108)，羅宋湯用呢隻鮮明色彩o既瓦兜裝住，貫徹番餐廳懷舊o既氛圍，麵包籃上o既蒜蓉包亦比想像中大塊。主角板腱牛扒，店員介紹o既時候話係屬於背部o既位置。雖然以我叫三成熟o黎講佢算係熟o左少少，但味道依然十分好。上檯有兩塊扒，一塊連住筋腱一塊連住肥膏，可以試到兩個不同口感。我覺得佢調味o個度尤其出色，以鹽粒同黑椒簡單醃製，更能帶出肉味。切一舊連埋肥膏o既牛肉出o黎，擺入口，齒頰流香。留番少少肉，將個跟餐意粉撈埋d 蒜蓉汁，又是一個新o既菜式。一場o黎到間咁vintage o既冰室，點可以淨係叫咖啡奶茶咁普通？加$10 可以配雜果賓治或者紅豆冰呢d 特飲，但係呢d 都算常見，反而黑牛、紅牛呢d 就真係幾少機會試到，所以加o左$15 試o左一杯金牛。金牛即係芒果雪糕加忌廉汽水，之前只係o係其他地方試過黑牛，原來金牛係咁好飲，芒果雪糕同忌廉汽水兩樣o野超夾，一試難忘……！跟餐仲有一個甜品，可以揀雪米糍或者啫喱，咁頭先食o左雪糕，所以揀啫喱。啫喱仔淋上花奶，連同頭先杯金牛，都充滿舊日特色，為呢餐加o左好多分！…查看更多
地點好易搵，係山景南一落輕鐵上樓梯就係正左手邊。餐廳有分室外同室內，但冬天到了，當然要坐入面啦。但如果夏天黎既話都係一個唔錯既選擇。而且餐廳位置好似係一橦住宅大廈的底層。門口亦有每日既精選。餐廳內好光，透過玻璃有日光。
牆上周圍都有各式各樣既放大餐牌。
salt&pepper 好可愛
杏霜----有點兒太多水了，所以比較稀 少了濃郁的的杏味。平時飲開唔加糖的我今次都覺得淡了一點點。蒜蓉包-----雖然一件法包看起來有點兒孤獨，但長長的也不錯，而且烤得十分香脆。但神奇的是麵包上一丁點蒜蓉也看不到，但食落又好好香蒜味，但應該係用蒜油，食落口滿滿都係油。意粉------中間係黑椒汁。雖然好深色，但無咩黑椒味，反而意粉味好出。但有幾條可能未煮熟，好硬。牛扒出現了。12oz既牛扒好厚好大塊，係旁邊有2塊細的。一上枱店員會好熱心並非幫你淋哂一大兜汁落牛扒度，但好可惜，全部係哂扒上面會太鹹。而且會令到牛肉味被蓋住了。今次叫左5成熟，細件的應該差不多8成了，但肉質好淋，完全唔需要用力就可以切開，同咬爛。切開之後見到件牛扒3成都無，但係對於食慣鐵板扒既我黎講見怪不怪。因為超高溫既鐵板會令牛扒變做5成。但十分可惜鐵板唔夠熱，唯有試下3成既牛扒啦。係邊邊位帶有少少根，但整體肉質都好軟，好易入口。而且份量真係好多，可以滿足啖啖肉既願望。但就唔好太高要求，想要好靚既牛。但係如果係正常食量既2個人食呢個餐都會夠飽的。雪米糍-----甜品可以揀雪糕，啫喱同米糍。
