拉麵Jo

今日同個朋友👭🏻約咗去銅鑼灣，對方話lunch想食拉麵，我就即刻諗起呢間連續榮獲咗7年米芝蓮推介嘅拉麵Jo😋，同事向我介紹咗好耐，但係一直都未有機會去試，今次睇嚟係個好機會喇🥰。一拉開餐廳門，就見到貌似日本人嘅店員同廚師，個感覺即刻好似去咗日本咁🇯🇵。餐廳入面其實都有啲狹窄，雖然我同朋友好好彩咁兩個人坐到張四人枱，但入去嘅過程有啲艱辛，因為條通道太窄。拉麵Jo有幾款湯底，麵都有分粗麵同幼麵，不過係跟湯底嘅，冇得自由揀粗幼，落單時就要記得睇清楚喇😛。豚骨拉麵 ($85)多數第一次去一間拉麵店，我都會叫豚骨拉麵，因為我覺得豚骨湯底係拉麵嘅精粹，想評論一間拉麵店好唔好，就要試下個豚骨拉麵嘅水準😎。個豚骨拉麵都冇令到我失望，個湯底夠香濃得嚟又唔會太油太肥膩，不過對口味偏濃味嘅人嚟講，可以會相對較淡。麵質方面，我本身就偏好幼麵，佢既軟硬度亦非常適中👍🏻。而兩片叉燒既肥瘦對我嚟講都啱啱好，唔會太肥。個拉麵有筍呢個係我個人嘅加分位呀，因為我真係超鍾意食筍㗎。蒜油豚骨拉麵 ($88)而我朋友就叫咗蒜油豚骨拉麵，佢話蒜油同豚骨湯嘅比例嚟得啱啱好，唔會俾蒜油搶過哂個豚骨味，組合出嚟嘅效果好balanced。自家製餃子 ($45)另外，我地都叫咗一份餃子。呢個就正常冇咩特別驚喜，味道不過不失，餡料唔會太鹹，賣相亦睇得出係煎得唔錯。整體嚟講，我同我朋友都幾滿意，覺得喺香港食到呢個水準既拉麵都算唔錯，有機會都會想再嚟試下其他湯底呀😍😍！…查看更多

星期五的晚上又是接男朋友收工的時候，好耐無搵特別既拉麵食，好彩今次無失望！一般日本拉麵店都唔會有太多選擇，這間豚骨為主。個人比較傾向湯麵，點左蒜油豚骨拉麵。一見到兩塊叉燒晶瑩剔透，對腩肉等肥豬肉不感興趣既我都流哂口水比起一般日本拉麵既叉燒，佢切得相對薄一d，入口唔怕覺得太膩湯方面濃而不咸分量一黎到我覺得唔夠，點知食完都幾濟男朋友揀左這裡最出名既沾麵叉燒賣相一樣，都有3塊，麵質比較硬身，湯味道好吸引，仲有陣陣海鮮味。仲叫左個炒野菜，少少油膩，卻有好多唔同種類既菜，好好味可惜環境十分窄，餐牌貼於牆身。食緊期間，keep住同後面背對背既女士有碰撞...…查看更多

今日和朋友去咗銅鑼灣逛誠品書店，逛完之後朋友就話附近有間幾年都榮獲「米芝蓮車胎人美食推介」嘅拉麵店，提議去試吓，仲話之前佢嚟過兩次都因為太長人龍而放棄，今日時間尚早，一於看看運氣指數如何，於是我地就行去碰碰彩數。真係好好彩，門口未現人龍兼且店內還有幾個座位，於是開開心心入去坐低。店舖採用趟門設計，裏面有一排L形吧枱座位圍著開放式廚房，可一邊吃一邊看著師傅煮麵。麵食選擇唔算多，可在落單紙上依據自己口味剔選，朋友喜歡吃沾麵，我就選了『蒜油豚骨拉麵』，再追加咗一隻日本半熟蛋和竹筍，仲有日本餃子添。『蒜油豚骨拉麵』細心呷了一口湯，湯底充滿蒜香，味道鮮味濃郁，不會過鹹，帶點稠身，叉燒肥瘦均勻，咬落肉質軟腍，充滿脂香，幼身拉麵有咬口，煮麵時間控制好，質感彈牙有嚼勁，份量亦很足夠。加埋蛋味香濃嘅日本半熟蛋，軟滑嘅蛋白和流心嘅蛋黃令整碗麵更加豐富，仲有脆嫩入味的竹筍乾，吃得更加滿足。『特製沾麵』朋友嘅沾麵賣相唔錯，湯底以石鍋盛載著，蒸氣騰騰，選用咗粗麵，應該比幼麵更易掛湯，而且口感亦較有咬口，煙韌彈牙。 湯底香濃美味，木魚味重，濃而不膩。至於三片叉燒雖然有點肥，不過朋友話啖啖肉、d肥膏入口即溶，偶然食吓都可以接受。『自家製餃子』餃子煎得焦黃香脆，皮薄多汁，咬落外脆內嫩，肉汁鮮甜，豬肉和椰菜嘅比例都好均勻，餡料豐滿，蘸醋吃會更加惹味。『日本橙汁』第一次喝這款日本橙汁，味道清甜，橙味不算濃，沒有酸味，易入口，不錯。今天終於一償朋友心願，吃得飽飽的，得到大滿足，離開嘅時候又見長長的人龍在排隊呢！…查看更多

日本蜜桃汁🍑這個蜜桃汁非常香甜，內裡更有蜜桃蓉。與拉麵十分相襯。蒜油豚骨拉麵🍜（幼麵）拉麵一送到來，蒜油香味撲鼻！豚骨湯的濃度適中，一直在喝。一啖拉麵一啖湯，非常滋味。加上拉麵的硬度適中，非常有咬口。而豚肉是半瘦半肥的部位，沾上香濃的豚骨湯，完全達到口腔內的高潮。麵豉拉麵🍜（粗麵）這個湯稍為重口味，拉麵的軟硬尚算適中。但豚肉的位置與上一碗不一樣，只有瘦肉的位置，相對沒那麼好吃。整體也沒有甚麼出色的地方。細叉燒丼🐖叉燒用火槍仔細燒，燒得非常香。每塊叉燒都夾雜一整塊肥膏，用火槍燒完後，猪油都留到白飯上。整個配搭都很罪惡。但同時又有點膩。炸八爪魚丸🐙香港有不少拉麵店都有做章魚燒，但這間卻是眾多拉麵店中做得最出色的。外面香脆，內裡軟熟，而且能吃到🐙粒。整個粉的份量控制得剛好。但價錢有點點偏貴。…查看更多

平時由銅鑼灣港鐵站行去大球場都會路過銅鑼灣嘅拉麵JO! 每次經過都好想試下，今次去開銅鑼灣，一於就食好耐無食過嘅拉麵喇！一入拉麵鋪，店員好有禮貌咁按排位置，同埋俾餐紙我地點餐，原來店員是日本人點餐紙（店員建議每人填一張）餐牌除左有拉麵仲有沾麵，飯同小食對於一般拉麵店來說，算是多選擇枱面上擺放了醬油，7味粉，辣椒油，黑湖椒粉，蒜頭，酸菜等配料，非常細心飲品點了白桃汁，之前未飲過，所以好想試下日本白桃汁好大樽整樽白桃汁都充滿果肉每飲一啖果汁都有果肉非常有口感豚骨拉麵湯有香濃豚骨味，而且不會太杰配上香蔥芝麻，非常香口湯的鹹度適中幼麵彈牙有咬口，不會太淋豚肉肥瘦度剛好，入口即溶用筷子夾上可見豚肉淋的程度蒜油豚骨拉麵加上蒜油後非常香口配料中的椰菜與蒜油十分夾蔥花牛舌牛舌非常薄切，很滑配上蔥花，黑椒和檸檬汁，香口醒胃越吃越上癮，好好味…查看更多

唔經過真係唔知，原來眾多甜品店包圍嘅希雲街後面嘅加路連山，竟然隱藏左間米芝蓮推介嘅Jo拉麵，鍾意食拉麵嘅我梗係唔會錯過啦。我同朋友分別叫左個特制沾麵加叉燒木耳，蒜油豚骨拉麵，一分葱花牛舌同杯氣水。特制沾麵有冷熱選擇，而我就對熱嘅比較感興趣，本以為熱嘅麵會係麵質方面比較失色，點知熱粗麵同樣好有彈性，唔驚整凍湯之餘麵質亦相當有質素。加上粗麵嘅掛湯能力高，配埋味道濃郁嘅木魚豚骨湯，就更加無得彈。叉燒係半肥瘦嘅，瘦嗰邊嘅肉唔會好粗糙，脂肪部分令我見識到咩叫齒頰留香。沾麵有半隻半熟蛋，雖然唔算好流心，但係蛋白入面都好滑。不過沾麵係無木耳嘅，鍾意食嘅就要額外加錢買啦。同埋可惜嘅係湯係無得加熱，要keep到啖啖都夠熱就要食快啲啦。朋友叫嘅蒜香豚骨拉麵味道都唔錯，七分蒜香三分油香。油香並唔單單係麻油，而係會見到一粒粒炒香左嘅芝麻係湯入面。拉麵用嘅係幼麵，麵質相對較淋，叉燒嘅水準穩定，有木耳椰菜等配料。而葱花牛舌就係必定回購嘅美食，牛舌有咬口得黎唔會咬唔開，黑椒嘅辣同鹽嘅咸味調較得合適，淡淡嘅葱香再加上少許嘅檸檬汁令食物更清新同鮮味。可樂其實如果夠凍嘅話到到都一樣，不過如果佢嘅食用水可以加返啲檸檬落去就可以清一清麵嘅濃味，咁就無咁易食膩。…查看更多

拉麵Jo 位於加路連山道, 聽朋友講佢係連續幾年獲得米芝蓮 推介的拉麵店, 既然路經銅鑼灣, 又想避開timesquare/ sogo 等人潮, 就順便入去解決晚餐吧。麵店不算很大, 基本上所有餐檯都是圍著中央廚房, 所以無論坐那個位置, 也可看到師傅的一舉一動。是晚和朋友一場來到, 叫了兩款麵和幾道小食。蒜油豚骨拉麵蒜油豚骨拉麵麵, 豚骨湯花上 16 小時熬製, 本身已經香醇稠身, 而且再加上蒜油的香味, 提升整個湯頭的層次, 濃而不膩。麵底預設為幼麵但客人可揀要蔥或是走蔥, 口感彈牙爽滑, 帶小麥香. 配料包括叉燒、椰菜、青蔥、竹筍和木耳。不得不提的是半肥瘦的叉燒, 肥瘦雙隔, 油脂豐腴卻不覺肥膩, 沾麵湯頭是濃厚的木魚豚骨湯, 魚香隱隱滲出, 也非常夠濃稠。配料有椰菜、叉燒、京蔥、荀、木魚粉和紫菜等等.沾麵的麵底是極粗麵, 口感彈牙煙靱, 比幼麵更掛湯, 的確很出色!細叉燒丼細叉燒丼的叉燒是經火炙燒過的, 帶點焦香的叉燒肉質還保持鮮嫩, 當油脂半滴的時候最好就是與飯同吃, 用上日本米的飯配上外焦內軟的叉燒, 令我吃過不停!炸八爪魚球八爪魚球外脆內軟, 入面章魚粒彈牙非常, 配上面頭的燒汁、木魚碎讓八爪魚球的滋味提升, 唯一美中不足的是如果內裡有少少餡料如椰菜會更滋味 。自家製餃子餃子即叫即煎. 外皮薄而香脆，鎖住裡頭的肉汁, 滋味無窮。Overall 黎講, 米芝蓮 推介得而性價比又高既, 的確係拉麵JO!…查看更多

一整天工作已令我身心俱疲，不幸的是還遇著滂沱大雨，雖然有撐傘，但大半身都濕透。身心也被雨水濕透的我，腦海中浮現的只有一碗熱騰騰的拉麵，希望能藉此安撫一下今天不愉快的心情。這家看似平平無奇的小小拉麵店，樸實無華的裝潢，只有十多個座位，給人感覺像是置身於日本的麵屋一般。雖然如此，原來這家拉麵店已連續由2014－2018五年連續榮獲米芝連推介，能夠保持多年的美譽，必有其過人之處。蒜油豚骨拉麵 ($85)👍👍👍👍每次吃拉麵，我都會先喝一口湯，濃厚的豬骨湯底加入了日本黑蒜油，蒜油的香氣令湯底味道提升，蒜香撲鼻。麵條是直身幼麵，質感彈牙並帶小麥的香氣。配料包括兩片义燒、椰菜、青蔥、竹筍和木耳。半肥瘦的五花腩肉叉燒，肉質腍滑，口感豐腴，但食落又不覺肥膩。如果想再增添蒜味，還可以用蒜頭夾把原粒生蒜頭壓碎，新鮮壓成的蒜蓉味道帶點辛香，亦令拉麵味道更添層次。如果喜歡香辣一點，還可以加添辣芽菜和醃菜，增添口感之餘亦令口味加重。特製沾麵 ($104)👍👍👍👍👍沾麵有熱麵和冷麵兩種選擇，沾麵的配料包括極粗麵、濃厚木魚豚骨湯、叉燒三片、椰菜、玉蔥、京蔥、干荀、木魚粉、紫菜和半隻半熟蛋。直身幼麵已很彈牙，極粗的粗麵口感更是幼麵的數倍，更彈牙更煙靱，粗身的麵條令掛湯的效果更顯著，令每條麵條都沾滿香濃的湯汁。熱辣辣的湯頭味道比湯麵的湯底更濃縮，加入了木魚粉，隱隱滲出魚香。最後吃罷麵條，還可以加入熱湯，再慢慢品嚐湯的餘韻。細叉燒丼 （$40）👍👍👍👍👍無論幾飽，我都不會錯過這個叉燒丼。用火炙過的叉燒粒，面層有著燒烤的焦香紋理，味道甘膩又帶點焦香，肉質還保持鮮嫩，外焦內軟的口感令我吃過不停。白飯是用了日本產白米，色澤光亮，飯粒分明，正所謂飯有飯味就是這樣。可樂 （$10）日本汽水 （$20）門面內在環境餐牌…查看更多

其實一直以黎，我都鐘意食沾麵多過拉麵~ 同埋鐘意粗麵多過幼麵，貪佢有咬口啲。拉麵JO呢個沾麵就啱曬我要求啦特製辣味沾麵 $109沾麵係粗麵黎既，煙韌得黎又彈牙，爽滑口感一級棒！湯底夠濃稠，啲麵非常掛湯。豚肉好鬆化但脂肪比例稍為多左少少。溏心蛋外層帶醬油香，半熟卵黃黏黏既口感令人覺得好滿足呀。蒜油豚骨拉麵 $85蒜油豚骨拉麵既蒜油味好香，為整個湯底提味，幾有特色。麵興較為軟身。配菜既筍夠入味。蔥花牛舌$68牛舌好肥美，薄薄地既厚度啱啱好。油潤口感加上少許炒過既香味，再加入新鮮檸檬，令人一口接一口自製餃子(3隻) $28餃子係菜肉餡既，皮較薄，味道還可以～富士山頂可樂 $25呢枝汽水寫住「富士山頂萬年水使用」 講到咁勁真係要試吓!!味道微甜，氣泡較為幼細，有少少似泳子汽水既味道都幾好飲同幾特別既如果想令拉麵味道層次更豐富，可以按個人喜好加入配菜～但我個沾麵好夠味，所以唔洗加配菜都得餐廳內座位唔算多，可以坐幾十人左右，除左吧枱外仲有四人枱可以選擇餐牌…查看更多

天氣轉冷，就好想食熱野，我地就揀左食好耐冇食既拉麵喇～～我地分別揀左拉麵、沾麵同幾款小食～佢每款麵都冇得揀麵既粗幼，只要揀你想食既口味就可以了，方便晒我呢D選擇困難症既人~蒜油豚骨拉麵 $85 麵用左幼身拉麵，湯底則為蒜油味～～配料有叉燒、椰菜、蔥、竹荀同木耳～我另加左半熟蛋，感覺更滿足～ 拉麵份量一點也不吝嗇，2大片豚肉厚薄適中，非常既軟腍，湯底也不會過咸，而且從濃郁既豚肉湯下仲滲透住蒜油香，難怪有好多人都點呢款呀～ 特製沾麵 $104 麵條既粗幼冇得揀，但佢呢個粗麵條口感煙韌帶趙口，十分彈牙☺️ 沾麵既食法就同麵同湯分開上，食既時候將麵沾上湯～～ 沾麵湯底結稠濃郁，而且幾香木魚味，入面有啲椰菜同干荀，冬天食熱野就岩晒喇，三大片既叉燒肉味濃，不過偏向比較肥呢，旁邊既半熟蛋就非常正！ 炸八爪魚丸 $48 八爪魚丸粒粒金黃圓碌碌，外層脆卜卜，但覺得餡料可以再多一點～～ 餃子 $28 一客只有3隻，有點貴。餃子比較油，幸好可以保持到肉汁～餐牌 …查看更多

每天上班總會經過加路連山道的拉麵店—「拉麵Jo」， 它是連續三年獲得米芝蓮推介的餐廳～😎 平日午飯時段周不時都要排隊等候才食得到， 剛好拉麵控在附近上班又發起拉麵癮， 便約了在下班後一起來挑下機。🙊😂 餐廳只有十多個座位的小店， 除了拉麵店常見、圍着開放式廚房的吧檯外， 還有兩張四人檯， 即使三五成群來也可以坐得舒適。☺️ 餐牌供應拉麵、沾麵、叉燒丼和小食。 拉麵有豚骨、麵豉、辣味豚骨、蒜油豚骨、醬油豚骨和惡魔版本， 每款拉麵的麵底和軟硬程度是固定的， 可自選加蔥， 定價為$82至$92，算正常價格。😏 沾麵則有四款，有冷或熱，定價為$88至$109。 小食方面有餃子、炒野菜、炸八爪魚球、炸雞、牛舌等。 期間限定還有以明太子做主打的薯仔餅和炸雞呢！☺️ 身為明太子控的小編當然不可錯過啦！ 🍜拉麵也有期間限定呢！😏 名古屋辛味拉麵（$90） 愛辣的拉麵控二話不說便點了， 湯頭紅紅的，但不會太辣或嗆喉， 幼麵彈牙掛湯，每啖都沾滿湯底的味道，正！👍🏻 蘸上醇芳可口的辣味豆瓣醬，更是惹味呢！😋 叉燒肥瘦適中，軟腍入味， 半熟蛋流心程度不高， 但勝在蛋白醬油味濃，蛋黃咬下去微微黏口，蛋黃油香，好味道！😋 加上香氣十足的大蔥絲和香甜粟米粒，味道更有層次感～ 蒜油豚骨拉麵 $85（日本半熟蛋+$15） 濃郁甘醇的豚骨湯中加入香氣十足的蒜油， 更添一抹迷人芳香～😌 拉麵採用幼麵，跟蒜油豚骨湯搭配對味， 多了份細緻感，爽滑而不膩， 軟腍入味的叉燒， 悉心烹調的配料竹筍、木耳、椰菜、青蔥和灑上芝麻， 層次感達至極致～☺️ 明太子薯仔餅（$48） 三個薯仔餅賣相真的很像芝士年糕～😂 熱呼呼的，炸得金黃， 外皮微脆，薯香十足， 把薯仔餅輕輕咬開還流出明太子醬， 好食呀！ 😋👍🏻 明太子控不可錯過！✋🏻 食拉麵怎少得酸菜和辣芽菜？！ 辣芽菜微辣惹味，正！👍🏻 值得一提的是， 餐廳逢週一至週四，都做緊優惠！ 凡惠顧$90以上即可獲贈免費樽裝可樂一枝， 幾抵喎！😎 …查看更多

我很記得朋友數年前跟我說拉麵Jo是間不錯的拉麵，其中一間米芝蓮推介餐廳真材實料，她也是同事帶她來吃，我一直記在腦海中。昨晚和朋友重溫舊夢，嘗試喚醒她腦海中的記憶，哈哈。吃拉麵總少不了小食煎餃子，如影隨形，是拉麵的好拍檔。拉麵Jo的自家製餃子煎得剛好，不會過焦但微微香脆，餃子內餡蔬菜跟肉剁得幼細，口感細膩，帶絲絲肉汁。三顆明太子薯仔餅漂亮地上桌，金黃熱呼呼的明太子薯仔餅，在輕咬的時候散出爽甜的明太子香氣，挺好吃的，喜愛明太子的朋定必喜愛這薯餅。蒜油豚骨拉麵在原本已經夠濃郁甘醇的豚骨湯底中加入蒜油，讓湯底更添一抹迷人香味。它沒有日本拉麵湯頭偏鹹的狀況，我們都亳不「留情」統統喝光。這裡有些小配菜如酸菜，辣芽菜供食客添加在拉麵提味，我非常喜愛這些配菜。這拉麵麵底採用幼麵，跟蒜油豚骨湯搭配對味，並多了分纖細的口感，清爽不膩。肥厚的叉燒，夾起來視覺效果驚人。雖然看起來好像很肥膩，當我們放進嘴裡，那入口即化的極致感令人無法忘懷。拉麵Jo門外的餐牌寫著惠顧滿90元可送可樂一瓶，我們都有問店員，店員說是啊，我們都覺得這優惠對食客來說蠻不錯的。有了這可樂，朋友才放膽嚐名古屋辛味沾麵，她怕會辣瘋了，有可樂解辣就不怕吃。名古屋辛味沾麵那嚼勁十足的粗麵條，多麽吸引人。我們立即夾了幾口沾上那辛味的湯底品嚐，豐富的辣味衝上來，醇芳可口的豆瓣肉碎讓人想要再多夾幾口涮嘴，不得不承認它太好吃了，不同於傳統拉麵，飽足感滿分，味道濃厚。糖心蛋鹹中帶甜，軟滑嫩口，蛋香也很明顯，這糖心蛋好不滋味。這叉燒肉同樣味美，肥肉部份釋出的香氣油脂真的會讓人上癮愛上它，軟嫩的美好深深留在腦海中。…查看更多

因為我本身唔係一個拉麵控，所以好多時都拒絕男朋友嘅提議，其家佢係好鐘意食拉麵的。是日收工過黎銅鑼灣宜家買少少野，滿足佢嘅拉麵癮，黎到呢間位於加路連山道嘅拉麵Jo，店面唔係好大，有兩張四人枱，其餘嘅都係圍住開放式廚房嘅吧枱，我地身型比較龐大，坐落去都唔會覺得好逼。而個人物品，例如男朋友嘅背包可以放喺座位後方，有幾張椅子平日晚上黎到，都全場爆滿，只係剛好有人埋單，我地先唔洗等位，真好彩，因為剛好係落緊微雨。餐牌供應拉麵、沾麵、叉燒丼、小食。拉麵方面有豚骨、麵豉、辣味豚骨、蒜油豚骨、醬油豚骨、惡魔拉麵（會有辛味免治豬肉同韭菜），而每款拉麵嘅麵款係固定，不能更改，例如豚骨湯底係配幼麵；麵豉湯底係配粗麵。麵嘅軟硬都係固定，但蔥可以自選，定價$82-92，而家大部分好少少嘅拉麵店都係差唔多價位。沾麵有四款，分冷/熱，湯底不設加熱，定價$88-109。小食方面有餃子、炒野菜、炸八爪魚球、炸雞、牛舌等。碰巧做緊「免費可樂優惠」，週一至週四惠顧滿$90會送可樂一樽。因為呢度設最低消費每人$80，基本上點一個麵已經達標，明送可樂呢我地一人點一個麵，男友話餓，點多個細叉燒丼，再點一份餃子，人均百三蚊，我見大家都約莫係食咁多野，因為見旁邊情侶張單都差唔多錢，喺銅鑼灣區嘅拉麵店而言，都係差唔多，呢度就冇收加一辣味豚骨拉麵 $85（日本半熟蛋+$15）呢款拉麵係配幼麵、叉燒兩片、竹筍、木耳、青蔥、京蔥、自家製辣醬，因為我唔食蔥，所以去掉。而拉麵本身係唔跟半熟蛋，所以我地都加錢要左一隻，唔食粒蛋好似硬係爭少少野咁。接過拉麵，第一下感覺到嘅係，湯頭非常熱，我對拉麵嘅要求唔高，認識亦都好皮毛，純粹個人喜好。湯底較熱已經滿意，聞到淡淡豬骨香味，質地唔會太稠身，飲落亦唔會過鹹，加入芝麻，亦都提起香氣其次係睇會唔會油淋淋，因為我比較專一，去唔同拉麵店，都只會點辛辣嘅口味。一啲比較下價嘅拉麵店會加大量辣油，做到湯底紅彤彤，但往往有層油喺面，令我完全唔想飲下去。呢碗明顯都冇呢個情況，用上自家製嘅辣醬，輕輕點喺麵上。搞勻之後亦都唔會產生一層油，辣度有點不足，如果食得辣嘅可能會覺得冇料到，可以加$10要自家製辣醬。配上係幼麵，麵質屬於硬而爽身，掛湯力不俗，相對粗麵，我係比較喜歡幼的，自然食得滿意叉燒嘅質素都唔錯，唔會太薄薄一片，肥瘦相隔，入口有點溶化嘅感覺，唔會太肥膩，都係我喜歡的。筍片幼身，口感爽脆冇渣。唯獨半熟蛋有點失色，男朋友嘅比較靚，我嘅夾開一半後，其中一半係幾乎見唔到蛋黃蒜油豚骨拉麵 $85（日本半熟蛋+$15）睇到男朋友食得滋味，而且快速食完，除左因為肚餓外，相信麵都令佢滿意。蒜油豚骨湯底散發陣陣蒜香，湯底比起我嘅較為深色，配料有幼麵、千葉縣產醬油、叉燒兩片、菠菜、京蔥、乾筍。唔知係咪冇菠菜，換上椰菜，男朋友就唔太鐘意如此生嘅椰菜，浸熟佢又唔係，生食又唔係。其他不論係湯頭、麵質，佢都好喜歡。而佢追加嘅半熟蛋都比我嘅出色，流心度高，滑溜美味自家製餃子 $28/3隻食得落嘅話其實點5隻，$42會抵啲，不過我地夠哂，純粹過下口癮。餃子底部煎至微濃，少少脆口，餃皮都薄，不過冇乜特別，同一段日式餃差不多。細叉燒飯 $40size就類似台式餐廳嘅滷肉飯咁，其實如果食左個麵，再食埋個飯，真係好夠飽。叉燒嘅份量都幾多，切成一粒粒，大小適中，剛好一半肥一半瘦，口感更好，唔會乾柴，亦都唔會太肥膩不過呢碗飯就冇咩汁，齋食可能會dry啲。汽水餐牌： …查看更多

本來想光顧的食店結業了見到這拉麵店不用等位,,決定一試!我點了豚骨拉麵,,老公則點了蒜油豚骨拉麵另加了一隻半熟蛋及一客餃子餃子的味道普通,,餡料足~但肉汁不夠多令味道不夠香口!豚骨拉麵湯底不會太濃,,吃到底也不覺鹹麵質軟硬度適中有兩片叉燒,,肥瘦適中,,夠稔但又未至於入口溶化的階段整碗麵加上芝麻是很香的!值得讚!半熟蛋亦屬合格之列~可能蒜油豚骨拉麵較滋味老公喝完整碗湯呢!…查看更多

很喜歡吃麵條，無論中西意日都喜歡，這晚便要試試這間由日本廚師主理的拉麵店。店子小小，座位不多，開放式廚房在店的中央，可看見廚師為你煮麵，很有日本風味。點了蒜油豚骨拉麵，蒜油味雖未算濃烈，只輕輕從豚骨湯滲出，也許廚師想你嚐真豚骨湯的味道，我這想法是正確的，豚骨湯濃而不膩，先喝兩口，味道可人，麵是幼身的，爽口中帶點煙韌，也不會太腍，兩塊叉燒中間沒有用火炙過，少了點焦香，但也軟滑，椰菜是半生的，和木耳同樣爽脆，放面的芝麻很香，為拉麵增添分數。日本半熟蛋，流心半溶狀態，蛋味濃郁。自製餃子，餃皮煎得香脆，肉餡濕潤有汁，也過得去。日本汽水，是雪碧味，不太甜，吃完熱騰騰的的麵，降降溫，正！…查看更多