大隻仔今次覓食嘅店舖就係💥 協成粥品 💥 大隻仔好少放假咁早起身，今日介紹北角呢間餐廳「協成粥品」，下晝三點關門，兩點左右好多食物已經賣晒，而且油炸鬼 $6一條，可能係全香港最平。😂😂⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 荔灣艇仔粥 $16粥底夠綿但味道偏淡，艇仔粥材料好豐富有油炸鬼碎、魷魚、碎牛、豬皮、蔥花等，味道正常，不差。🔥 鴛鴦腸粉（腸粉+炸兩）$12可以一次食曬腸粉同炸兩，而且係即叫即做。腸粉睇落質地好糊好散，但食落反而有少少煙韌，而且腸粉皮夠薄，係好食嘅質感。腸粉蔥花夠多，蔥味好香，但豉油味道偏淡，加入甜醬、辣醬、白芝麻會好食好多。大隻仔覺得蝦米蔥花腸粉比炸兩好食。😂😂🔥 芽菜炒油麵 $13即叫即炒，炒油麵上枱時出晒煙，好有鑊氣。同腸粉一樣，炒油麵味道偏淡，可能因為餐廳用嘅豉油比較偏淡，加入甜醬、辣醬、白芝麻會好食好多。除咗炒麵、炒米粉外，「協成」提供炒河粉、炒油麵、炒烏冬，其他餐廳比較少有。油炸鬼 $6油炸鬼麵團鹹鹹地，味道足夠，但一早炸起，不夠脆身，用嚟浸粥一齊食問題不大，但價錢就真係冇得輸。食後評語：餐廳提供牙籤、白芝麻、胡椒粉、鹽、甜醬、辣醬、麻醬、茶水。家庭式小店，價錢平客人好多，老闆娘一腳踢，而且十分好客，大隻仔當日冇要求，估唔到咁忙都送上一杯熱茶。🙏🙏…查看更多
