菊月町

📍 菊月町今次搵到間平得黎又高性價比既鐵板燒😎餐廳位於牛頭角同觀塘中間，地鐵站行10分鐘就到～店裏面提供各款鐵板燒套餐同Omakase, 價錢嚟講都幾合理，唔使過千！！！ 同時水準都好掂🤌💫[匠人料理］美國安格斯厚燒鐵板 $538/位🥗前菜🔺沙律係一碗沙律，有大量蕃茄仔、火龍果同沙律菜，伴明太子醬，開胃前菜～🔺螢光魷魚配鱈魚乾魷魚煙煙韌韌，味道咸香；鱈魚乾口感酥脆🔺茶碗蒸蒸蛋滑捋捋，放咗好多菇，好有提鮮嘅效果🦪廣島蠔係嚟自日本嘅廣島蠔，生蠔脹卜卜，肉質肥美，入口嫩滑！最重要係好新鮮，唔會有腥味🐟銀鱈魚烹調過程好靠廚師功夫，特別在佢係魚皮同魚肉分開整！首先魚皮會拉長，變得更加薄身，口感酥脆，似食緊薯片；魚肉細膩，仲食到魚油味，一啲雪味都冇！而菇作為配菜一啲都唔失色，食落有爽口嘅口感而且好夠味😇🦐原隻虎蝦又蝦頭、蝦身同蝦尾嘅位置全部都食得！每個位置嘅口感都好唔同🤣最好食嘅一定係蝦肉，啖啖肉😋肉質爽口彈牙，沾埋配既蝦醬一齊食係幾好嘅選擇；蝦頭同蝦尾會壓成片狀，食落脆卜卜🐮美國安格斯厚燒鐵板配菜牛扒見到粉嫩既顏色，肉汁鮮嫩，食落牛肉味濃，每啖都好juicy，肉質非常柔軟🥰勁厚身所以食落更加有口感，配埋自家製蜜糖芥末醬🍯可以解膩～配菜有雞髀菇、蕃茄仔同番薯，有特別烹調過，配菜食落一啲都唔普通🍚炒飯炒飯好有鑊氣😌望住師傅炒到每粒飯都沾滿蛋然後炒到金黃色，香氣撲鼻🤩食落炒飯粒粒分明，連同啲櫻花蝦同蔥花一齊炒，材料香似簡單，但考師傅既炒飯技巧！🥬炒雜菜椰菜同菇菌同其他蔬菜一齊炒，清爽爽口，亦一解膩感～🥣湯係鰹魚昆布湯黎既🤣用新鮮嘅鰹魚熬製而成，鮮味十足！🍨甜品當晚嘅甜品係栗子雪糕，栗子味香濃，清新解膩…Read More

#MC帶你去觀塘.觀塘一直都係美食集中地，選擇多又性價比高，今次依間日本菜餐廳，真心CP值好高～➖✨ 菊月町.餐廳簡潔明亮，裝潢以海藍色為主調，格調別緻，設有卡座和傳統半開放式吧枱座位環境寬敞舒適。 ➖🥢 匠人料理–鐵板｜$438起／位.鐵板燒套餐非常豐富，每位都包括時令鐵板（肉類四選一），以及前菜、銀鱈魚、廣島蠔、原隻虎蝦、炒飯、炒雜菜及湯品，共八道菜式！➖🥢 前菜.◽️ 鱈魚乾︰口感十分酥脆！◽️ 魷魚乾︰入口煙韌有嚼勁。◽️ 茶碗蒸︰蒸蛋好滑嫩，高湯好鮮甜 搭配香菇及鴻喜菇。◽️ 沙律菜︰有番茄仔、火龍果及沙律菜，清新開胃。➖🥢 烤銀鱈魚·烤魚皮·鴻喜菇.魚肉呈金黃色，肉質滑嫩無骨，入口好有油脂香，魚皮烤得乾身酥脆；搭配鴻喜菇，可以解膩。➖🥢 烤廣島蠔·煙肉·櫻花蝦·香蔥.一份兩隻烤廣島蠔，蠔肉亦算飽滿，香口鮮味；煙肉煎至香脆，加上櫻花蝦及香蔥，口感豐富。➖🥢 烤原隻虎蝦.原隻虎蝦大大隻，烤至半熟後，即席去除蝦殼及蝦腸，蝦肉切成四件，入口爽口彈牙，蝦頭燒到微微焦香，連蝦腳都烤至香脆。➖🥢 時令鐵板配菜.🔶 美國牛板腱牛板腱外焦內嫩，肉質僅熟，入口超軟腍多汁帶濃郁肉味，口感一流。.🔶 美國安格斯厚燒（牛小排）厚切牛小排煎至焦香，肉質軟嫩厚身，好滿足。.🔶 配菜搭配香甜蕃薯、軟嫩杏鮑菇、鮮甜番茄仔。➖🥢 炒飯.炒飯用上日本蘭王蛋，夾雜香濃蛋味與油香，飯粒炒至粒粒通透乾身，搭配少少肉粒及椰菜絲，口感好豐富，好滿足！➖🥢 炒雜菜.鐵板快炒椰菜、紅蘿蔔絲等雜菜，簡簡單單，清脆香甜，解膩一流。➖🥢 湯品.昆布湯味道清香順喉。➖➖➖➖➖➖➖➖➖➖➖➖➖➖…Read More

🤗 同事 “范閑” 大力推介 “菊月町”, 晚市 $1,000 廚師發板, 賣點係 “抵食”, 價錢平, 質素過關.🏘️ “菊月町” 位置吊腳, 喺牛頭角商廈地舖, 餐廳設L型壽司吧枱, 部份鐵板燒, 部份廚師發板, 好嘈好嘈. 單邊落地玻璃, 形住路人甲望到入嚟, 哈哈.😱 今晚煙雨濛濛, 帶著疲憊嘅身軀, 嚟到陌生嘅地方, 餐廳室內紙醉金迷, 影襯玻璃外嘅暗黑. 今餐 “一步攻頂”, 點咗 “焰月”, $980+10%, 共20品.🍀 前菜鱈魚乾, 螢光魷魚, 支豆蟹仔, 水雲配長竽蓉, 蕃茄🐟 剌身華漣蠔右口魚富沙灣螢光魷魚池魚蘋果木煙燻拖羅🍥 茶碗蒸🍣 壽司北海道水八爪魚深海池魚金目鯛鏗魚海膽吞拿魚蓉手卷🤗 魚湯🍉 靜岡蜜瓜, 江戶前玉子, 綠茶蕨餅🍟 鱈魚乾, 螢光魷魚, 支豆. 呢盤小食放正中間, 要食完唒再上其他? 另外鱈魚乾唔夠脆.🦀 蟹仔, 水雲配長竽蓉, 蕃茄. 蟹仔可以直接入口, 原來長竽即係淮山, 蕃茄一般般.🐚 華漣蠔, 配酸汁. 肉厚肥美, 過關!🐟 右口魚. 簿切右口魚, 配肝醬, 我鐘意, 炙燒右口魚邊, 逼出油份, 不俗.🦑 富沙灣螢光魷魚. 飽滿多膏, 炸脆版本 再提升膏香, 出色!🐟 池魚, 三昇漬. 芝麻蔥香撲鼻, 完全結合幼切池魚.🐟 蘋果木煙燻拖羅. 嘩, 即塲用機器煙燻, 煙霧彌漫. 上菜放喺隻 “手” 上面, 抵讚! 拖羅肥美, 配紫菜, 沙甸魚乾. 一, 食落有紫蘇葉, 可惜! 二, 沙甸魚乾唔夠脆, 有點畫蛇添足, 扣分!🍥 茶碗蒸. 熱辣辣, 味道略淡.🍣 北海道水八爪魚. 麻麻地.🍣 深海池魚. 池魚味濃, 調味略甜.🍣 金目鯛. 炙燒版本, 梗係好食.🍣 鏗魚. 柔潤, 遺憾, 哈.🐚 海膽. 鮮甜, 冇怪味. 🌮 吞拿魚蓉手卷. 攪足半晚, 用火搶燒放魚油, 再撈埋吞拿魚蓉, 食落普普通通.🥣 魚湯. 夠熱贏一半, 魚味濃郁, 讚!🍉 靜岡蜜瓜, 江戶前玉子, 綠茶蕨餅. 過關吧!😱 總結: 一千蚊餐飯, 點都有期望, 但用餐體驗怪怪. 師傅距離有點遠, 環境嘈吵, 甚難交流. 可能位置迫夾, 服務唔𣈱順, 左手左腳. 論食物, 材料喺到, 但製作差少少.…Read More

廚師發辦日本餐廳近年愈來愈多，原來在觀塘工業區都有一間開業多年，由小店搬入大舖的菊月町。店內環境寬敞，充滿空間感，木系裝潢體現和式美學，氣氛幽雅恬靜。近距離坐在吧檯就可親眼見證師傅精湛的廚藝與刀工，跟師傅直接交流。今次自選共20品的焰月廚師發辦，每位$980，包括先付、季節刺身、手握壽司、手卷、吸物、時令果物。一如Omakase的慣常順序，菜式是從清淡的口味走向濃郁，先付有鱈魚乾配蛋黃醬、螢光魷魚乾和枝豆，從舌尖上的鮮味為這場豐盛的廚師發辦揭開序幕。前菜擺盤姿態典雅，貫徹和風料理的精髓，包括醋漬水雲配長芋、炸蟹仔、胡麻醬番茄，清新輕盈，喚醒沉睡的味蕾。長崎生蠔於初夏4至7月最盛產，體型碩大肥美，蠔肉嫩滑冰爽，以蒜汁和蔥調味提鮮，蠔味濃郁又鮮甜。一魚兩吃的北海道右口魚，薄切成刺身呈現其原始鮮味，厚切魚肉燒香後亦能將魚油及鮮香發揮到極致。每年的3至6月正值富山灣魷魚的當造期，外層帶爽脆感，一咬鮮甜的汁液一湧而出，熟食的天婦羅製法外脆內軟。九州池魚肉質紮實彈牙帶充沛油份，拌入大量京蔥也不會蓋過魚鮮。大拖羅以蘋果木煙燻處理，隱透陣陣含蓄香氣，中間夾著赤身、紫蘇葉、魚乾等，一口即有多重層次感。漬物有蒜頭、牛蒡和紅酒酸蕎頭，脆嫩爽口，重啟味覺，迎接下半場的壽司omakase，表現出和食的抑揚頓挫與有秩序的節奏感。壽司飯粒握得緊密，軟硬適中，夾起來不易散開。深海池魚以魚油甘香細膩見稱，飯粒已經塗上醬油，調較好味道可以即時入口。北寄貝是日本料理中常用的高級食材之一，味道甘甜、肉質肥厚，口感爽滑，帶有淡淡的甜味和海洋的鮮味。金目鯛本身具有豐富的油脂，肉質豐厚細嫩，牽引出這條魚中貴族的魚油鮮香。劍魚肉質細滑豐腴，保持入口綿軟，配合京蔥辣醬別具風味。金黃色的北海道海膽充滿甘腴鮮味，滑嫩軟綿得像鮮奶油一樣的口感，入口即化，不會澀口。吞拿魚腩手卷以火槍將油脂逼出，猶如一場色香味俱全的美食Live Show。粒粒吞拿魚蓉剁得幼滑無筋，散發濃郁魚油芳香。熱騰騰的茶碗蒸蛋軟軟嫩嫩，猶如豆腐花般彷彿吹彈而破。魚湯熬煮成乳白溫厚的湯頭，魚味特濃不寡淡，卻又完全沒有腥味。甜品一客三件，賣相精緻，集齊水漾甘甜的靜岡蜜瓜、軟糯彈滑的綠茶蕨餅和鬆軟綿密的玉子蛋糕。…Read More

🇭🇰菊月町·焰月$980呢個套餐$980有20道菜 都幾豐富😍我覺得佢啲壽司幾好食 前面嘅前菜同埋料理配搭都好有心思🍣·先付第一個真鯛魚卵一咬落去爆汁 質感唔錯😈之後個三文魚鼻軟骨我都係第一次食 佢係有少少好似海蜇咁 好有咬口🪼之後個靜岡蕃茄都好甜🍅最後個炸蟹仔都熱辣辣 好脆🦀之後仲有個鱈魚乾 螢光魷魚同枝豆拼盤 全部都唔錯 螢光魷魚幾濃味🦑·季節剌身首先有個岩手縣雪解真蠔 呢個都幾大隻 食落幾飽滿🦪之後個伊佐木tataki口感都好好🐟之後個熟成左7日再微微用火槍燒一燒既鰤魚都好香🔥個白象拔蚌切到好薄身 配埋啲柚子皮同淡雪鹽好味🤤最後仲有個煙燻既赤身同大拖羅 呢個師傅仲加埋2塊沙甸魚乾同紫蘇葉 食落口感好豐富 油脂好香得黎完全唔會漏😌😌·手握壽司 l 手卷第一個既青柳貝柱好甜 配埋啲青檸汁同柚子皮超夾🍋之後個北海道櫻鱒都好味 呢個油脂唔錯 配少少wasabi好食🤤石垣鯛就配左少少胡椒 又係好味😋之後就係牡丹蝦 佢個牡丹蝦好甜 而且佢係將啲蝦膏整成一片燒到焦焦地 加埋好特別🦐之後因為我唔食蝦 師傅就比左個活北寄貝比我 呢個好鮮 質感好好 我自己好鍾意🤩最後個海膽手卷都好鮮 海水味好出🌊之後個吞拿魚蓉都好香 因為佢係用吞拿魚腩再燒左啲魚油出黎 加埋啲脆脆口感好好😌😌·吸物 l 時令果物最後個茶碗蒸都好滑🥚個魚湯好夠熱 暖笠笠🐟之後甜品就有個玉子 福岡士多啤梨同綠茶蕨餅 滿足🍓·#rbyeat#rby日本菜 #rbyomakase#rby牛頭角·📍觀塘鴻圖道23號利登中心地下1號舖…Read More

🥢冬冰冰更適合來個日式鐵板燒！我就最鍾意坐係鐵板吧枱前，見住廚師舞動鐵鏟，逐一將新鮮食轉變成高級又精緻嘅美食！《菊月町》嘅席前鐵板燒，嚴選新鮮食材，九道菜色，樣樣色香味俱全，而且價錢親民，非常適合生日或紀念日慶祝！🥗前菜~ 茶碗蒸，野菜沙律，燒魚乾🐟銀鱈魚~ 香滑鮮甜，魚皮煎到乾脆無比🦪 廣島蠔 ~ 配以香蔥，煙肉，鹹香脆口搭配嫩滑煎蠔🦐原隻虎蝦~ 極大虎蝦啖啖肉，加上牛油香煎，鮮味水份都保留，蝦頭嘅蝦膏更是鮮甜甘香🍆時令鐵板配菜~ 牛油加上少量黑胡椒，蔬菜本身嘅鮮甜味完全保留🍚炒飯~ 選用日本蘭皇雞蛋，頂級蛋香，粒粒均勻！煙肉香葱食材簡單，勝在鑊氣十足🥬炒雜菜 ~ 芽菜🥣湯 ~ 海帶麵豉湯鐵板燒主食: 🥩美國牛板腱 ~ medium rare，食到外層熱脆，內鬆軟，肉味香濃🐽 西班牙豬肉眼~ 肉質柔軟，juicy又口感鬆化《菊月町》由資深鐵板燒師傅主理，食物品質反映師傅純熟嘅鐵板燒技術，對烹調時間及溫度嘅準確性。餐廳地點靜中帶旺，非常推介。…Read More

觀塘鴻圖道，位於牛頭角，觀塘站，及觀塘海濱公園之間的中間位，有一間新的日本菜餐廳，其實是已有8年歷史的 #菊月町 ，主打鐵板燒及Omakase 今次點了2人晚市鐵板餐 ($1064), 以及 #sake #越後櫻($188)🔹前菜 🔹燒鱈魚乾, 魷魚乾 - 佐酒一流。茶碗蒸- 非常滑，很清新 銀鱈魚 - 超軟滑肉質 ，🔸廣島蠔 🔸為原粒冰的廣島生蠔燒，配上煙肉，蔥花，蝦乾，充滿鮮味的，帶有煙燻咸香感覺。🔸原隻虎蝦 🔸加上牛油，蝦肉超多，鮮甜度十足🔸時令鐵板配菜 - 美國牛板腱🔸 牛的香味濃郁 ，肉汁超多🔸美國安格斯薄燒 🔸相對我更愛薄燒，難度更高。口感更特別，豐富。🔹食事🔹日本傳統的Omakase ，都是把飯放到最後，讓客人不致太快飽足，可以先行享受菜單上一長串的食物。🔸炒飯 , 湯 , 炒雜菜🔸最後的食物，朋友大讚這款以煙肉，蔥，蒜，蛋等製作的炒飯好食，粒粒分明，真的每道菜也不欺場。…Read More