蜜滋麻美

Bookmark左呢間珍奶好耐～呢日終於有時間一試🤣全香港得一間 就係中上環PMQ附近位置唔算好方便🙈飲之前都要做下運動行上山先🤭呢間係黎自台中嘅奶茶店🤣香港係佢哋首間海外分店～～一開始就係比佢嘅花生芝麻🧋吸引到所以今日都係叫呢杯🧋花芝黑糖珍珠鮮奶 $38從個名都睇得出 係有花生芝麻成份如果會敏感嘅朋友可能就飲唔到了🙈成杯飲品打卡💯💯花生芝麻舖曬係面 份量好多～好似係一杯飲得嘅湯圓🤣都幾特別可以一試！…查看更多

小店位於PMQ和歌賦街之間那段鴨巴甸街, 位置較僻, 不太起眼。從開業至今, 雖然bookmark了, 但一直沒光顧, 是日在附近閒逛, 終有機會試其推介 - 花芝黑糖珍珠鮮奶。花芝黑糖珍珠鮮奶 $38花芝黑糖珍珠鮮奶對我來說並不陌生, 因尖沙咀曾經有一台式茶飲店有售類似的飲品, 可惜該店現已結業。雖然大家採用的食材比例未必相同, 但概念相若, 相信味道口感不會相差太遠。花芝黑糖珍珠鮮奶名符其實是一杯面頭有大量花生和黑芝麻的黑糖珍珠鮮奶, 由於花生和黑芝麻經過手炒, 入口份外香濃, 豐富了口感。拌勻每口也能嚐到香口的花生和黑芝麻, 故甚為吸引。而黑糖珍珠味道不會過甜, 與鮮奶混和, 甜度適中, 奶泡綿密細滑, 可口美味。冰約有3份1杯, 喝到最後雖然尚有冰粒, 尚可接受。由於這款飲品在其他茶飲店並不常見, 路經還是會想回味。…查看更多

-{中環台式茶飲🧋}🤤花芝黑糖珍珠鮮奶🤤 ($43)走冰加5蚊！黑糖味同花生芝麻都好夾嘅🥰中間仲有cream成杯都好邪惡同heavy 係飲飲下有啲飽肚 啲花生同芝麻粒飲到最後有啲卡住喉嚨😂😂👖褲評: 7.5/10試一次可以！不過encore就未必了 聽落店員口音似台灣人💁‍♀️性價比: 7/10服務: 8/10環境: Nil🚩 蜜滋麻美 🚩地址: 中環鴨巴甸街16A號地下 #fuudjai #fuudjai茶飲 #fuudjai中環…查看更多

睇到網上評價大讚…去開中環就嚟試下星期五夜晚7點左右黎到…吾洗排隊 嗌左一杯招牌既花芝黑糖珍珠鮮奶超好飲 好香口既花生同芝麻味😍😍😍花生有炒過 特別香😋😋😋配埋黑糖珍珠鮮奶 非常夾雖然杯野好邪惡 但絕對要試呀👍🏻👍🏻👍🏻最多跑多幾個圈消耗返😂😂😂…查看更多

📍 蜜滋麻美 店舖位於中環一帶 距離地鐵站大約5分鐘左右路程🤓 店舖入邊有一張小枱 客人可以喺嗰度堂食或外賣都得我同朋友叫咗：花芝黑糖珍珠鮮奶 $38平時黑糖珍珠鮮奶就飲得多 花生同埋芝麻味嘅珍珠奶茶就好少飲😳 而且花生同埋芝麻味都係我嘅最愛😆我叫咗少甜 有唔少黑糖珍珠喺入面 上面鋪滿左花生同埋芝麻碎😍 飲落去奶味濃郁超級綜合嫩仙 $48入面有蜜紅豆、燕麥、芋頭、紫薯、花生、粉圓同嫩仙草😍超級多配料喺入面 食落口感好豐富😍 又甜甜地芋泥同紫薯泥食落細滑😍 仙草份量都好多😍…查看更多

/蜜滋麻美🇭🇰/#sa中環篇 ➖➖➖<必試花芝黑糖珍珠鮮奶❤️>➖➖➖呢間舖岩岩開嗰陣都已經去過真係幾鍾意佢地個花生芝麻黑糖珍珠鮮奶早排忽然好想飲珍珠奶茶再encore 順便試左佢地新推出嘅甜品😆➖➖➖1️⃣ 花芝黑糖珍珠鮮奶 $38🌟珍珠口感煙韌 全部都係佢地手工製嘅味道唔太甜！奶味香濃 如果再重少少黑糖就更好 可能唔係即飲關係淡左啲啲最鍾意一定係佢地炒過嘅花生芝麻碎十分香口😆💛不過都建議即叫即飲➖➖➖2️⃣超級綜合嫩仙 $48 真係好大份足料飽肚😇最鍾意係佢炒過嘅花生碎粒🤩好香口份量都好多下 另外亦有其他配料例如係芋泥、紫薯泥 都好飽肚另外幾鍾意燕麥粒嘅質感Overall 唔錯 係偏甜左少少 🤏…查看更多

聽講蜜滋麻美係來自於台中，我第一次試呢間鋪，地理位置黎講，如果吾係比較熟悉上環既路面既話，應該要搵一陣，我同朋友係路過見到所以試下，佢既位置有種隱世小店既感覺，係鴨巴甸街呢條大斜路上，要行呢條街係要有一定技術，專心行路鋪頭份入面主要做外賣，得一張白色企檯，如果有機會可以增加堂食座位就更好啦～講返佢哋既飲品先，我就簡左佢呢到出名既花芝黑糖珍珠鮮奶(係，我係睇過呢到好似好多人話佢花生出名，花生加芝麻雙重口味，雙重感受)未飲之前都聞到鋪頭有好香花生味道，芝麻味道都有不過花生味比較搶戲朋友話叫多個甜品一share食，於是我們決定叫個超級綜合嫩仙。花芝黑糖珍珠鮮奶呢杯野飲上面既花生碎真係好香，飲落都回甘，鍾意花生同芝麻既朋友仔一定要試下，佢有淨花生碎或者淨芝麻碎既簡，但是我兩樣都想試下，所以我叫左混合版本😉😉黑糖珍珠味道香濃，濃濃的黑糖味，加上煙韌既珍珠，混合起來又是另一番風味，出面好少見到呢種傳統得黎又新潮既飲品，花生碎吾會話好 粒卡喉嚨，適中既粗細度，加上香濃既味道，是比較意外既感覺!超級綜合嫩仙佢個賣相真係不得了，睇落好好味，食落都好好味，咩都有一點，有芋泥，芋泥香香黏黏既口感，是感覺到手工既味道，吾係開粉出黎既感覺，紫薯泥都係一樣，食得出係由一舊舊紫薯手工整成泥既感覺，不得不提佢上面既花生碎，真係好好味，好香突然有種愛上左花生既感覺仙草都吾錯吾會話太甜太膩，加上淋上面有類似牛奶又似淡忌廉既口感中和返佢地既甜味，蜜紅豆既香甜，燕麥健康又甜蜜既口感，珍珠既煙韌，所有野都好夾，係值得我再次幫襯既店舖，如果遲點可以係更多地方開分店就更好了，可以更方便地享受到佢哋既甜品同飲品。ps價錢吾算貴，但是又可以試到新口味。…查看更多

過左中秋天氣都仲係好熱，今日又熱又渴，係中環個頭就醒起呢間鴨巴甸街大斜路嘅蜜滋麻美，上次試過黑糖珍珠鮮奶系列，好好飲。蜜滋麻美飲品包括黑糖珍珠鮮奶系列，經典奶茶，頂級手採茶，現磨手工豆漿，仲新出左甜品，即係傳統手工嫩仙草冰。飲品size分500ml既小同700ml既大。可以選冰度同甜度。又可以再加配料如嫩仙草，蜜紅豆，燕麥，粉圓，花生，芝麻，奶霜，花芝，芋頭，紫薯，芝士奶蓋。今日一於試吓新嘅傳統手工嫩仙草冰先。超級綜合嫩仙 $48傳統手工嫩仙草冰即係嫩仙草基底搭配黑糖刨冰，有6款唔同口味揀。第一次食嫩仙草冰，梗係揀超級綜合嫩仙，貪佢乜配料都有，可以乜都試吓先。餐牌寫明配料有蜜紅豆，燕麥，芋頭，紫薯，花生，粉圓，嫩仙草。係店長推薦。可揀正常冰，少冰，走冰。我叫左少冰同少甜。甜品用一大隻紙碗放好，再用特製紙條封口，之後再用膠袋裝住，返到去完全無漏。店員仲跟左一隻膠叉比我，膠叉係獨立包裝。首先主角沉底嘅嫩仙草超滑溜，味道冇平時涼粉可能帶有嘅苦味，食落感覺好健康，份量亦唔少。紫薯蓉顏色好吸引眼球，成個球咁唔易散開，要自己搞鬆，質感綿密而味道唔會過甜。另外有好多芋頭蓉散落喺碗各方。沉底都有好多極度有嚼勁嘅珍珠，同好多唔過甜嘅粒粒紅豆，配搭無味既刨冰同甜度適中既黑糖，口感味道豐富，集嫩滑嘅嫩仙草，綿密嘅紫薯，有嚼勁嘅珍珠於一身，而唔會係一味死甜，如果燕麥同花生更出就一流啦。份量都幾大兜又足料，食哂成碗好飽，呢個份量唔貴。上次試過花芝黑糖珍珠鮮奶，今次我介紹左俾同行友人一試，我又偷飲左少少。收銀枱上面有塊牌介紹呢度既黑糖珍珠鮮奶系列，係一杯有齊五層豐富口感既飲品，最底係手炒黑糖配手工製作珍珠，上面係鮮奶，中間係冰塊，然後就係鮮奶油，最上面係黑糖粉，同埋可以自己揀既手炒花生同芝麻，或者抹茶/可可。花芝黑糖珍珠鮮奶 $38 服務員首先係入面整好下底幾層，然後係我面前加最頂既黑糖粉，再加手炒芝麻，最後加手炒花生就搞掂。手炒芝麻同花生份量多到滿瀉，完成後店員當然將個杯抹乾净先俾我。最後放入膠袋，個蓋吸到實哂，返到去完全冇漏。收銀枱上面有塊牌教你點飲，先用飲管輕輕攪開沉底既黑糖大概15次左右，然後先由最下層向上層飲，之後再將上層奶蓋同黑糖向下攪。沉底既黑糖係暖暖地既，叫左少甜，完全唔覺過甜。極度有嚼勁既珍珠份量超多，飲極都有。冰嘅份量唔可以減，不過唔算過多。鮮奶好滑，奶油唔覺太膩。重點係花生同黑芝麻真係好香，為成杯野飲加添香脆花生同芝麻口感，個人建議可以早d就將花生同芝麻向下攪一齊飲，會仲好味道！…查看更多

今日去左蜜滋麻美到叫左一杯花芝黑糖珍珠鮮奶 (少甜), 嘩…..好好美呀!!!! d花生令到成杯野好有口感, 加上黑芝麻既美味, 不得了🤤 第一次飲第一次試珍珠奶茶落花生同黑芝麻, 本身仲驚緊會好怪, 但試咗之後一試難忘🥰但唯獨呢杯野等咗成30分鐘…可能太多外賣既關係. 但點都好, 我會再打你飲呢杯咁好味嘅花芝黑糖珍珠鮮奶☺️…查看更多

來自台中嘅百年老店「蜜滋麻美」以前香港未開嘅時候經常係ig見到啲post覺得超正估唔到會兩年前開到嚟香港 又有得飲啦🥳次次嚟到呢邊忍唔住買返杯飲！呢度嘅飲品選擇都好多以花芝黑糖鮮奶最為受歡迎當然亦有奶蓋 奶茶 豆漿系列仲有仙草甜品花芝黑糖珍珠鮮奶我最鍾意嘅一定係呢個花芝黑糖珍珠鮮奶除咗打卡之外 味道亦都好好！店員會係你面前即席灑上手抄花生粉同芝麻粉🤤飲之前一定要攪勻咁先夠滋味❣️外面見到漸層嘅黑糖紋飲落好香嘅黑糖味手煮黑糖珍珠都好多好煙韌有嚼勁愈咬愈有黑糖香重點係加埋芝麻同花生嘅味好正好香完全係一個新境界😂仲會食到沙沙地嘅粉粒可能黑糖同花生芝麻互搶變咗奶味就唔算太濃飲完一杯真係好飽🤰🏻…查看更多

平時都好少出街買野飲，不過今日實在係太熱同太渴，所以買左一杯凍飲嘆下先，就不如入黎鴨巴甸街大斜路呢間蜜滋麻美。呢間蜜滋麻美個名好特別，飲品包括黑糖珍珠鮮奶系列，經典奶茶，頂級手採茶，現磨手工豆漿。可以再加配料如黑糖珍珠，芝士奶蓋，芋泥等，又可以選冰度同糖度。Size分500ml既小同700ml既大。黑糖珍珠鮮奶系列好似係招牌，所以我同同行友人就一人一杯。友人獨愛芝麻黑糖珍珠鮮奶，而我就貪心啲，叫左花芝黑糖珍珠鮮奶，即花生同芝麻都有，比淨芝麻貴$2。收銀枱上面有塊牌介紹呢度既黑糖珍珠鮮奶系列，係一杯有齊五層豐富口感既飲品，最底係手炒黑糖配手工製作珍珠，上面係鮮奶，中間係冰塊，然後就係鮮奶油，最上面係黑糖粉，同埋可以自己揀既手炒花生同芝麻，或者抹茶，可可。花芝黑糖珍珠鮮奶 （左）$38 + 芝麻黑糖珍珠鮮奶（右） $36服務員首先係入面整好下底幾層，然後係我面前加最頂既黑糖粉，手炒花生同芝麻。份量多到滿瀉，完成後服務員當然抹乾净先俾我地。餐牌有教點飲，先用吸管輕輕攪開沉底既黑糖大概十五次左右，然後先由最下層往上層飲，之後再將上層奶蓋同黑糖向下攪。我叫左少糖，所以就算第一啖只係攪開少少，大部分飲嘅都係黑糖，都唔覺過甜。珍珠份量超多，飲到最後都仲有好多，真係食極都有，而且極度有嚼勁，正！冰嘅份量唔可以減，不過我大概隔咗十幾分鐘之後先飲都冇溝啖。鮮奶好滑，奶油唔覺太膩。重點係花生同黑芝麻真係好香，仲食到少少香脆花生同芝麻口感，飲完成杯好似食咗甜品咁。有得飲又有得食，呢個價錢唔貴！仲有膠袋放好兩支嘢飲，個蓋都吸到實哂，完全冇漏。我個杯花芝黑糖珍珠鮮奶…查看更多

呢間叫蜜滋麻美嘅台式飲品店之前一直都喺啲小巴廣告到見到佢，原來睇返先知佢係嚟自台中嘅茶飲店，再加上佢嘅配搭勁新奇，所以前排經過中環PMQ都特登入咗去試試佢😆一場嚟到，當然要嗌佢嘅招牌飲品，下面係黑糖珍珠鮮奶，上面係芝士奶蓋，再加一堆花生同芝麻碎係面，舖到超滿，超足料😝 雖然已經嗌左微糖，但佢嘅黑糖珍珠都偏甜，所以微糖就剛好！而撈埋啲花生碎同芝麻碎一齊飲，每啖幾乎都有花生同芝麻嘅香味，再加上口感真係無得輸，又咁多料，抵飲！另外，我哋仲嗌咗杯青心烏龍，加芝士奶蓋，由於嗌咗無糖，飲落茶味都幾出，唔會太澀，有淡淡嘅清香，再撈埋面頭嘅肥仔奶蓋，十分creamy，確實幾唔錯👍🏻總括而言，️呢間台中過江龍茶飲店好推薦比鍾意花生或者芝麻嘅朋友，味道好出好香濃，加上佢哋啲店員真係落足料，性價比都算幾高，不過位置就偏遠，得閒去開PMQ就可以去下啦😌…查看更多

我自己想飲呢間黑糖珍珠鮮奶好耐咖啦！今日嚟到PMQ，沿途見到佢，所以就二話不說咁買返杯。花芝黑糖珍珠鮮奶 $32 (要求多花生😂)相信佢同平時黑糖珍珠鮮奶最唔同嘅一定係佢嘅花生芝麻top🤤，對於我呢啲勁鍾意食花生碎嘅人真係超開心😍 花生芝麻份量多，因為有炒過特別香，花生嘅甜味同芝麻嘅苦味互相平衡，咁就唔怕芝麻味搶晒。至於黑糖珍珠，珍珠係暖身，幾有咬口，配上黑糖漿都唔會太甜，幾好。店舖用十字奶做底，十字奶本身都好重奶味，同咁多嘅配料一齊，都唔會冇晒啲奶香味。佢中間仲有層奶油，奶油就甜甜哋。整體來說，成杯花芝黑糖珍珠鮮奶口感豐富，層次多，由香脆嘅花生芝麻碎到咬囗珍珠，再加埋鮮奶，唔錯～ 不過飲晒成杯會好飽，可能因為比較多料，我估食完飯後，叫中size就ok。…查看更多

想試呢間過江龍好耐喇花生芝麻都係我愛旣野小孩子先做選擇我兩個要晒！首先價錢係一眾珍奶裡面算好平仲好大杯添CP值超級超級高！再黎杯野飲味道都好唔錯花生同芝麻旣份量都勁多店員一d唔手軟！攪拌好之後飲落真係好似糖不甩好得意再加埋佢用黑糖煮旣珍珠煙煙韌韌口感都好豐富！不過我叫微糖都已經好夠甜唔好甜野旣西友要自己諗諗喇再黎鋪頭雖然唔大但就好貼心咁有打卡位方便大家影靚相總體黎講冇失望如果下次經過都會再買黎飲架…查看更多

食完野就緊係要飲野啦！今次要同大家介紹嘅就係呢間位於中環嘅台中過江龍飲品店 ♥️蜜滋麻美♥️ 經過俾佢個包裝吸近住，係紅色嘅包裝印住個「美」字！好似啲古代酒壺 好得意🥰花芝黑糖珍珠鮮奶啖啖都有芝麻花生🥜 口感十足🤤 黑糖味亦都夠岀 叫咗少甜 甜度啱啱好！呢杯野真係太足料🧋飲完好飽😹 下次可以叫Small size都ok! 奶蓋蜜香烏龍茶正常發揮🍵 唔會太甜🤤唔想咁膩但又想飲奶蓋嘅可以一試！以呢個價錢嚟講真係幾抵飲😝值得一提嘅就係呢間飲品店仲有手工豆漿可以揀🤩如果飲厭咗鮮奶嘅不妨試下 一樣有得揀花生黑糖珍珠架～ 🌟 花芝黑糖珍珠鮮奶(L) ($32)🌟 奶蓋蜜香烏龍 ($32)味道：🌕🌕🌕🌕🌑環境：🌕🌕🌕🌗🌑價錢：🌕🌕🌕🌕🌑…查看更多