蓮香樓

營業中

休息中

近百年傳統粵式茶樓-蓮香樓登陸尖沙咀諾士佛台，大顛24小時營業🈺️！飲完酒再飲茶食點心🥧環境: 8/10穿越的時光隧道，上諾士佛台旁的斜路掛滿燈籠🏮，氣派十足！店入延續懷舊特色，保留推車仔點心同傳統茶盅✨食物: 8/10蓮香樓的點心全部都是自家手工製，除了最經典點心蝦餃、燒賣、仲有懷舊馬拉糕，菲林卷🎞️必食嘅花膠魚翅灌湯餃‼️燒味三拼$268燒味是蓮香樓的招牌之選，叉燒帶有濃郁蜜汁香，肥瘦適中。燒腩肉更是驚喜，入口即化，口感層次分明😋。椰皇燕窩燉鮮奶$52🥥椰香濃郁與燕窩滑嫩交織，鮮奶增添溫潤口感，大推‼️💰性價比 6.5/10 蓮香樓係傳統老字號，色香味俱全，所以價錢就貴少少啦💸，不過24小時營業🕛，就有宵夜menu ，任何時候嚟飲茶都咁chill

尖沙咀新開嘅”蓮香樓”，開足24小時，超方便香港人同遊客！今晚約friend嚟飲茶晚飯🫖客人滔滔不絕，超級熱鬧！共有兩層，地方大，用舊式茶盅加功夫茶杯飲茶，加木傢俬圓枱圓凳，雀籠，福祿壽，字畫，雕刻等，好似返咗去五六十年代嗰種老香港style，幾有feel㗎🙌🏻重點有買少見少點心車巡場，影相同感受氣氛就最啱😍亦可以自己去拎點心，款式選擇多，全部熱辣辣👍🏻樓面員工服務親切，笑面迎人之餘，問咩都肯幫手，有人情味。「花膠魚翅灌湯餃」湯底夠香，餃皮厚身，入面餡料足料，飲個湯幾暖胃，大推！！「蝦餃」皮薄但唔會一夾就穿，蝦肉爽口彈牙，唔會死鹹。「鮮豬潤燒賣」豬膶切得厚薄適中，唔腥夠滑，底下燒賣肉餡實淨飽肚。「懷舊小籠包」咬開有湯汁，外皮略厚咗啲，內餡豬肉鮮味啱啱好，唔會有羶味，加少少薑絲醋食仲提味！ 「燒味三拼」叫咗叉燒、燒腩仔同油雞，叉燒夠淋帶少少焦香，甜度啱啱好；燒腩仔皮脆肉嫩；油雞都幾滑。甜品「燕窩燉椰皇」椰香好突出，燉得夠滑，唔太甜，燕窩滋補，推介🥰「西米布甸」面層脆糖焗得焦香，入口滑溜有蛋香，每啖都有西米有咬口。

說起香港的點心，蓮香樓絕對是個繞不開的名字。這家百年老字號，最近在尖沙咀開了新店，地點就在金巴利道，遠遠就能看到那塊綠底粉字的招牌，古樸又顯眼。聽說這裡24小時都有點心供應，這對於夜貓子來說，簡直是個天大的好消息！找了個下午茶時間過去，心想避開人潮，結果還是座無虛席，可見蓮香樓的魅力有多大。店裡既有本地客人，也有慕名而來的遊客，熱鬧得很。服務方面，感覺不錯，點心姐姐們都非常有禮貌，推車點心更是這裡的特色。店內的裝潢幾有特色，鳥籠造型的燈飾別緻有趣，牆上有蓮花造型的壁燈，柔和的光線營造出溫馨的氛圍。窗戶是傳統的中式花格窗，搭配紅色的窗簾，更顯古色古香。太極鴛鴦炒飯，一半是番茄醬炒飯，酸甜可口；一半是白汁炒飯，香濃順滑，一次滿足兩種口味。鮮豬潤燒賣，豬潤嫩滑，燒賣皮也Q彈，一口咬下去，滿滿的幸福感。花膠魚翅灌湯餃，用料很足，湯汁鮮美。懷舊系列：- 懷舊糯米雞，糯米軟糯，淡淡荷葉香氣，雞肉入味，一口咬下去，回憶滿滿。蓮香蝦餃皇，蝦仁飽滿，外皮晶瑩剔透，也是不錯的選擇。北菇棉花雞，雞肉很嫩滑，北菇很香，搭配在一起，口感豐富。西米焗布丁，這個是我的最愛，布丁口感綿密，西米Q彈，甜而不膩，表面還有

蓮香樓係中環既時候已經好出名，最特別既係佢仲少有地仲保留懷舊酒樓既元素，點心車、點心卡、仲有舊式點心雞札、金錢雞等等，連裝潢都非常懷舊。之前見啲遊客會推薦黎香港要黎呢度食，反而自己一路係香港就冇特別去食過😂最近開左黎尖沙咀，仲要24小時營業，終於搵機會去試下🫖佢地黎緊10點後仲會有宵夜時間，啱曬夜貓🤓1️⃣燒味三拼（$298）有小火爐熱住，叉燒半肥瘦，燒腩仔皮脆，雞肉軟嫩，幾個人一齊食叫翻份正👍2⃣️花膠魚翅灌湯餃（$58）湯底清甜，皮薄餡多，一上檯要即刻趁熱辣辣食😋3⃣️懷舊蓮藕餅（$138）食落好香口，入面有啲馬蹄粒增加口感。4⃣️點心（$48/1）攞住張點心卡就可以自己去揀點心，睇到咩想食直接指，比張點心卡姐姐吸翻個印仔就攞得！👉蝦餃👉小籠包👉鮮蝦腸👉炸鮮奶👉炸春捲👉豬潤燒賣👉鮮竹卷👉蟹籽燒賣皇👉雪山叉燒包👉咖喱魷魚5⃣️椰皇燕窩燉鮮奶（$52）燉奶滑身仲食到椰子既清甜味，食完點心仲可以食到個成個椰皇甜品好滿足。6⃣️西米焗布丁（$48）第一次食呢款甜品，食落奶黃味好香，啖啖都係西米粒粒，口感同味道都唔錯。

呢間餐廳自1926年開業，以「推車仔」點心聞名，所有點心均為手工製作，而晚上亦供應多款經典懷舊粵菜🥢💗懷舊金錢雞 ($28/件）懷舊金錢雞真係買少見少嘅菜式，先將雞肝、肥肉、瘦肉串埋一齊，再用叉燒汁、蜜糖等醬汁慢火燒制，甘香甜美，配上酸薑更解膩🍢💗燒味三拼（$298）燒味三拼包括叉燒、燒腩仔同貴妃雞，叉燒肉質軟嫩鬆化，肉汁豐富，滲透蜜糖甜味🍯；燒腩仔肥瘦相間，塊皮卜卜脆🐖；貴妃雞非常嫩滑，而且有雞味🐓💗懷舊蓮藕餅（$138）香煎蓮藕餅非常厚身，厚實嘅免冶豬肉加上爽脆嘅蓮藕粒，肉香四溢🪷💗花膠魚翅灌湯餃（$58）灌湯餃非常大隻，餃皮亦都夠薄，內餡包住鮮蝦、北菇、豬肉碎、香菇等，浸係清甜鮮美嘅湯頭，最重要係真係有魚翅同花膠，都算足料🥟💗鮮蝦炸雲吞（$25）鮮蝦炸雲吞炸到金黃香脆，蘸上酸甜汁一齊，完全食唔停口🥠💗蟹籽燒賣皇（$35）蟹籽燒賣包住爽滑鮮嫩嘅冬菇豬肉鮮蝦餡🍄‍🟫💗咖哩蒸土鱿（$42）咖哩魷魚爽口彈牙，夠哂香濃入味🦑💗蓮香蝦餃皇（$48）蝦餃皮包住有爽口嘅蝦肉餡，但餃皮略厚🦐💗地道豬腳薑醋（$48）薑醋感覺煲咗好耐，味道濃郁而且甜酸可口，尤其豬腳好出色，炆到超軟腍，個人最鐘意都係雞

30/5/2025 星期五，得悉尖沙咀新開了蓮香樓，梗係要去試吓啦！十二點左右去到蓮香樓，見到人客沿着樓梯排隊，我哋都即刻跟著啦！好彩都好快比到位。－張6-8人圓枱，我哋二人，要搭枱坐。點心是出點心counter 排隊自取，期間見到有一兩車點心車推過，而一些另類點心就要經店員落單訂購的。點心質素確係好食，真材實料，足料，亦懷舊，雖然要排隊取點心，都係值得嘅！飲茶的茶具可以同店員講要傳統茶盅，我哋今次冇留意，下次會試吓用茶盅品茶，有懷舊感。店員好友善，勤力清理枱上食完的點心籠，騰出枱上空間。尖沙咀開了蓮香樓，方便九龍新界人客，仲要係24小時營業，真係隨時都可以飲茶。👍🏻