更多
2012-05-28
45 瀏覽
同老公, 小蝦等去荃灣荃新天地o既嘉禾睇"復仇者聯盟", 時間緊迫, 6點先到, 離遠見到門口企左好多人, 仲諗住食唔切啦, 點知行到返去先知原來d人等緊卡位, 我地唔介意同人搭枱, 所以即刻入得, yeah!一人4人叫左5樣食品先有蝦丸應該係係即叫即炸, 個面好脆, d蝦肉打得夠實, 中間o既芝士熱辣辣, 一咬d芝士beep晒出黎, 好正 (不過真係好易燙親咀)再黎同鐵板蠔餅我嫌佢煎得唔夠香口, 不過d蠔仔食得出都新鮮o既. 而黃咖哩炒青口就唔辣, d咖哩汁加左旦花, 好香好好味, 配飯一流, 青口就一般, 因為入唔到味, 用汁送住食就ok.串燒就燒到好乾, 由其係牛肉, 乾得黎又冇咩味, 呢樣就真係麻麻.最後就係條魚好味道, 先炸過再淋上酸辣汁, 炸得岩岩好, d魚肉唔會好"鞋", d汁冇想像中咁辣, 但就真係要趁熱食, 一凍左就會好乾, 唔好食.
一人4人叫左5樣食品
先有 蝦丸應該係係即叫即炸, 個面好脆, d蝦肉打得夠實, 中間o既芝士熱辣辣, 一咬d芝士beep晒出黎, 好正 (不過真係好易燙親咀)
再黎 同 鐵板蠔餅我嫌佢煎得唔夠香口, 不過d蠔仔食得出都新鮮o既. 而黃咖哩炒青口就唔辣, d咖哩汁加左旦花, 好香好好味, 配飯一流, 青口就一般, 因為入唔到味, 用汁送住食就ok. 串燒就燒到好乾, 由其係牛肉, 乾得黎又冇咩味, 呢樣就真係麻麻.
最後就係 條魚好味道, 先炸過再淋上酸辣汁, 炸得岩岩好, d魚肉唔會好"鞋", d汁冇想像中咁辣, 但就真係要趁熱食, 一凍左就會好乾, 唔好食.
題外話/補充資料:
唔知係唔係人太多, d阿姐個個都忙到不得了, 有d食物都要三催四請先到., 唔止我地, 附近都好多枱都係咁, 呢樣就真係應該改善一下.
(以上食評乃用戶個人意見 , 並不代表OpenRice之觀點。)
張貼