平成

係棉登徑既呢間平成，舖位細細但睇落都幾吸引，似一間日式居酒屋🍶咁。果然入到去地方唔係好大，數埋都係十個位左右，擺左唔少sake樽同埋貼紙，都幾有氣氛。晚市時間尚早，未有mood飲酒 (加上係星期一…🙁) 所以今次黎食下野為主。店員推薦左叫D小食，見到有個松葉蟹肉🦀炒野菌好似唔錯。剛巧店員話今日未有野菌，建議改為松葉蟹肉炒大蔥🌾，聽落都唔錯，可以一叫。另外就揀左個蛋餅、燒牛舌粒同烏冬🍜。冇幾耐就黎左個蛋餅🥚🍳，好香! 芝士🧀味既幽香，食入口又唔會好膩，夠哂熱同香，仲有D蔥花香味，得wow😉! 鹽蔥醬燒牛舌粒 – 又係一個多蔥之作，但又真係幾香，厚切牛舌🐮口感好好，唔會太so味，燒得剛好熟又唔硬，如果再大份D更好🤣松葉蟹肉🦀炒大蔥係一個幾新的combination，大蔥都幾爽脆好香。蟹肉都好多同鮮甜，同蔥香又幾夾。再來就係個烏冬，又係蔥🥳 好少見有左口魚🐟裙邊配烏冬，估唔到又幾清甜，個左口魚都幾爽口，稻庭烏冬當然又滑又香，我呢個少食澱粉質既人都忍唔住係咁食😆連埋梳打🍹，賣單600蚊，唔算話好平，但都物有所價，幾好食!😋…查看更多

成日都會去尖沙咀周圍搵食，今日嚟到呢間期待左好耐嘅平成餐廳，又可以體驗下我好掛住嘅日本嘅美食啦😭雖然舖頭細細但係都幾有日本風格。咁我哋就帶咗兩杯嘢飲先啦，我見都好多人嗌乳酸梳打飲品。咁我哋揀咗柚子同埋巨峰提子乳酸梳打。我幾鍾意兩杯梳打入邊都各自有一舊檸檬🍋，你可以按自己口味再調配適合嘅味道。咁個乳酸其實本身都唔會好酸嘅，但係有咗個檸檬就可以自己調配，我就鍾意酸啲啱晒我😍呢個飲品好開胃🤤之後再嚟個蒲燒鰻魚丼，嘩，啲鰻魚好大條又肥美好豐富，淨係睇到都興奮！鰻魚肥瘦適中都啱口味。不過就有少少骨同埋如果個燒汁可以再濃少少同埋多少少呢，咁就會更加惹味。之後就係鹽蔥醬燒牛舌粒，我都好鍾意食牛舌㗎，咁佢切到一粒粒呢好方便，夾埋佢嘅蔥鹽，我都好鍾意食蔥，同埋啲鹽一齊去調味，咁就簡單得來但係就好配合。如果可以淋少少就更加好。之後就係我最鍾意食嘅芝士，叫咗個芝士蔥蛋餅，薄薄嘅蛋餅入邊夾左一層薄薄嘅芝士，雖然薄薄地但係就啱啱好，兩樣嘅食材都可以互相襯托。希望呢個疫情快d過，等大家都可以安心搵食。…查看更多

鑱咀萬萬歲!🙌🏻ChamZeoiLongLongLife🙌🏻🦔平成萬歲萬歲萬萬歲！誤打誤撞走咗入去食嘢，結果卻驚為天人，配得上「萬歲萬歲萬萬歲」嘅隱世日式小店—平成！🦔環境設計走簡約親民風，牆上簡單放咗幾排清酒，冇多餘嘅裝飾。餐廳只有四至五張枱，但枱櫈空間寬躺，朋友聚會非常適合！🦔菜式選擇唔算多，小食、串燒丶烏冬、丼飯每類有啲啲，貴精不貴多 ！而且菜式比較特別，好少喺其他日式餐廳見到，相信有部份係店家自己設計研發。芝士蔥蛋餅 $60賣相👅👅👅👅味道👅👅👅👅👅口感👅👅👅👅👅份量👅👅👅👅👅性價比👅👅👅👅👅🦔賣相唔算突出，食落卻超級驚喜！芝士混入左蛋入面，2樣野比例啱啱好，濃郁嘅芝士味又唔會蓋過左蛋香味！而且用咗幾種唔同芝士，造成拉絲效果，外皮煎得非常香口，裏面卻又熱又滑！佩服佩服！海量蔥黑松露牛肉稻庭烏冬 $120賣相👅👅👅👅👅味道👅👅👅👅👅口感👅👅👅👅👅份量👅👅👅👅👅性價比👅👅👅👅👅🦔冇諗過黑松露同牛肉烏冬原來係friend底，黑松露醬混入湯底絕對係味蕾一大享受！烏冬口感煙韌細滑。牛肉雖然唔係上等貨，油花分布唔平均，但店家巧妙地先將牛肉烤香，令香味能夠蓋過本身肉質嘅缺點！蔥非常之新鮮，將成件事提升去另外一個層次！石鍋豚汁煮叉燒腩$150賣相👅👅👅👅👅味道👅👅👅👅👅口感👅👅👅👅👅份量👅👅👅👅👅性價比👅👅👅👅👅🐭裏面有三大片叉燒腩，每片差唔多成吋厚！叉燒腩肥瘦肉比例分佈平均，口感非常淋滑鬆化！豚汁好濃郁，略為鹹咗啲，如果配上一碗白飯就啱晒！叉燒腩吸收晒醬汁嘅精華，味道簡直令人陶醉！龍蝦沙律$100賣相👅👅👅👅味道👅👅👅👅👅口感👅👅👅👅👅份量👅👅👅👅👅性價比👅👅👅👅🐭裏面有明太子丶蟹子丶龍蝦，咬落口啖啖龍蝦肉，鮮甜爽口！海鮮嘅鮮甜味配上明太子嘅鹹鹹香香，絕對係Perfect match ！黑松露鹿兒島和牛丼$150 賣相👅👅👅👅味道👅👅👅👅👅口感👅👅👅份量👅👅👅性價比👅👅👅🐭略為失色嘅一味。白飯有點過濕，和牛有啲筋，肉質太實，比較難咬開，不過牛味香濃。雖然口感失準，但整體味道依然優秀。🐭食神鼠到平成好滿足一遊，拜👋🏻…查看更多

今日放工約左朋友食飯，朋友提議食日本菜，但係平時壽司燒肉已經食得多，於是我地嘗試搵一啲比較特別既餐廳，發現原來係出名拉麵店隔離就有間居酒屋！見啲野食好似都幾吸引，就去試下啦！門面充滿左日式風情，一開門，發現真係好有日式小店感覺，感覺樸實，另外店家提供衣架比客人掛衫，唔需要拎住哂啲野食飯，非常貼心！睇下餐牌先，選擇都唔少，我地幾個餓鬼見到好多樣都好想食首先係紫薯沙律，賣相好得意，成座山咁，上面有魚子，好新鮮，唔會好腥，下面既紫薯沙律都好清新，唔會乾，酸酸甜甜好開胃。牛肉大阪燒：大阪燒食過幾次，但係有牛肉既就真係第一次，份量好足，好厚實，唔會一夾就散哂！黎居酒屋又點少得串燒呢！我地叫左燒華味鳥雞皮、燒華味鳥雞肝同雞肉脆骨棒同燒華味鳥雞翼。雞皮冇炸到乾爭爭，雞肝有濃郁肝味，而雞肉脆骨棒都好食!最推介係個雞翼!雞皮香脆，雞肉嫩滑，仲有淡淡鹽香食到咁上下覺得口渴，於是叫左梳打飲，我地每人叫既款式都唔一樣，由左至右:熱情果乳酸梳打、巨峰提子乳酸梳打、草莓乳酸梳打、荔枝乳酸梳打。飲品大大杯，抵飲!我飲熱情果乳酸梳打，酸酸甜甜好開胃，配野食好夾!仲試左朋友杯荔枝乳酸梳打，荔枝味都好出，相對比較甜。蒲燒鰻魚丼一尾:我本身唔算係鰻魚愛好者，但好多朋友都鐘意食，所以今次又有機會試喇我好怕鰻魚唔新鮮同唔夠熱，但呢度既蒲燒鰻魚完全唔會!好好食!唔會燒到變柴皮之餘仲每啖都有好香燒汁味好岩送飯食!芝士蔥蛋餅:蛋餅放係pan上面，上菜時熱辣辣!店員仲提醒我地唔好辣親添!芝士同蛋係最佳拍檔!滑蛋融合奶味香濃芝士，我地都好鐘意!想encore，但又想試多d款式，於是叫左個 火炙北海道帆立貝三重芝士蛋餅丼。飯上面有大大粒帆立貝，燒到剛剛好熟，三重芝士蛋餅同芝士蔥蛋餅一樣咁好食，而丼飯份量都好夠。仲有巨無霸-->炸物大拼盤!!呢個拼盤真係食到我地捧住個肚走有炸廣島蠔、炸蟹肉忌廉薯餅同炸豬扒，全部都好脆，唔會油淋淋最後叫左個味噌蔬菜鍋，主要有茄子同南瓜，我地試左個湯底，偏咸，但係茄子同南瓜吸收左D味噌味道又剛剛好!好食!…查看更多

之前日本旅行去過一間居酒屋，入面嘅餐牌以人手寫， 裝潢相當簡樸，但食物卻相當出色，至今仍然回味。今日巧遇「平成」呢間居酒屋，一見到牆身手寫嘅餐牌我立即想起當時日本嗰間居酒屋，令我急不及待同朋友坐低試試。餐牌一樣都係用人手寫，而且有中日對照。傳統居酒屋當然先叫飲品，每人叫唔同味道嘅乳酸梳打，從左至右分別係士多啤梨、巨峰提子、荔枝同百香果。份量幾大，冰唔算多。係聚會前當然要先乾杯一次，然後就等待食物嘅來臨。首先有冰鎮秋葵，自己一向鍾意秋葵滑潺潺嘅口感，醬汁應該係芝麻醬加豉油，呢個配搭非常常見，味道亦一如以往地出色。之後喺鹿兒島海鹽燒和牛，肉味幾重，質感冇我想像中咁鬆軟。燒明太子未必個個都鍾意，不過I’m loving it。微焦既外層加上獨特嘅鹹香令我愛不釋手。見到芝士蔥蛋餅既蛋汁非常性感，芝士同蛋合二為一，味道超正。紫薯沙律幾甜，估唔到同鹹味既三文魚籽幾夾。黑松露月見鰻魚飯啱啱好有四串鰻魚，啱曬同朋友share，唔駛自己切到爛晒。鰻魚唔算入口即化但都好肥美，冇咩骨肉質嫩滑，加左黑松露更加冇得輸。三文魚籽胡麻冷麵既麵條偏硬，麵條夠曬凍，加埋百搭既芝麻醬，非常滋味。石鍋三重芝士火山燒鵝肝丼一上菜，我同朋友不斷讚嘆。飯上有三大片既鵝肝，厚身之外外表幾脆。芝士鋪滿晒飯同鵝肝上面都爆晒出黎，火灸過後散發出陣陣既香味，每一啖都係極級享受。平成既月見松葉蟹甲羅燒比起之前食過非常唔同。除左蟹膏蟹肉之外，餐廳仲加左紫菜，鵪鶉蛋，味道中和左無咁鹹，蟹膏特別香甜。相信係香港最接近日式傳統居酒屋非平成莫屬。…查看更多

靜靜地在鮮紅色大招牌旁邊營業的是這家叫「平成」的小店——是只有不足10張枱的那種「小」。是夜，幾個女人相見，竟有點恍如隔世之感。兩個多月的光陰著實過去了，然而那些經歷卻如影隨形，雖死猶生，和店名互相呼應。四杯乳酸梳打紅紅綠綠，叫人看了高興，巨峰提子微酸，百香果一陣甜香，草莓和荔枝偏甜，和食物都很配。先來小食:芥辣八爪魚、蟹肉忌廉薯餅、芝士蔥蛋餅、燒免治雞肉棒、燒阿波酢橘雞皮及紫薯沙律。八爪魚賣相精緻，調味不俗，薯餅忌廉味略略蓋過蟹肉，質感流心，有點失望。芝士蔥蛋餅上枱時還是滾的，很治癒，蔥的份量很足。兩個串燒最驚喜，月見雞肉棒不難做，但要口感豐富，肉嫩有嚼口，脆脆軟骨比例好並不容易呢，讚！至於日本德島的阿波尾雞就久仰大名，想不到連雞皮也如此味道濃郁，配上酸酸甜甜的醬汁，連從不吃雞皮的我也放開懷抱。之後是「飽肚嘢」：黑松露海量蔥月見豚肉丼、三重芝士火山燒咖喱牛肉丼、三重芝士火山燒牛舌丼。店家太慷慨，黑松露不需如此重手，會更突出流心蛋和豚肉的味道，兩個芝士飯好濃芝士味，但不功高蓋主，飯粒仍舊展現米香，靚米一食就知。牛舌、牛肉份量好多，超大方，4個人每人都分到好多件。飲飽食醉，繼續加油。再提多次，店子很小，記住訂位！…查看更多

今日經過先發現原來一蘭隔離開咗間古祖風嘅日式小店，所以放工決定入去試新野店舖雖然細細不過都坐得幾舒服😌我哋四個人叫咗三個丼再加三個小食share三重芝士火山鰻魚丼鰻魚口肉多汁，加埋咁香濃嘅芝士真係好好味。鰻魚一串串方便我哋分嚟食黑松露鹿兒島和牛丼黑松露配和牛雖然兩者都比較濃味，不過食落又出奇地夾。和牛質素唔錯，大大粒有兩大串。三重芝士火山燒咖喱牛肉丼咖喱配芝士真係好嘢未！仲非常邪惡添！日本咖喱送飯一流芝士蔥蛋餅芝士配蛋又香又有咬口又煙韌！加埋啲蔥花，唔知點解好有中式feel🤣牛肉大阪燒估唔到超大份！好彩入邊比較薄，唔算勁多粉漿，反而多牛肉，識落唔會太滯明太子釀雞翼正飲品選擇都幾多而且唔貴草莓乳酸梳打百香果乳酸梳打荔枝乳酸梳打巨峰提子乳酸梳打…查看更多

去完K11行街，行左去對面嘅棉登徑睇吓有咩食，發現一蘭隔離開咗間日本野，見坐爆哂咁我地都入去試試。見到有鰻魚飯忍唔住又想食，揀咗三重芝士火山鰻魚丼。個飯本身冇汁，只有三串用芝士燒嘅鰻魚喺面頭，鰻魚燒得好香脆，但係入邊仍然好鮮嫩多汁，芝士味濃，整體幾好食，但如果個飯有汁會更好。個芝士蔥蛋餅似係招牌菜式，用原個煎pan上，可以keep住熱辣辣，蛋邊煎得脆，但中間部份係半生熟嘅狀態，夾起仲有啲芝士絲，食落好滑好正！煎蛋功夫屬高水準～必試～男胖子叫左月見松葉蟹甲羅燒，超多蟹膏，味道濃郁，推介！芥辣八爪魚，幾好食，會食上癮。燒雞腎同燒雞肝都唔錯，都係即燒。嘢飲叫咗荔枝同百香果乳酸，唔會太甜，good~~…查看更多