Romanne Leisure Food Concept (砵蘭街) (已結業)

朋友介紹, 我地去左朗豪坊隔離呢度食!旺角黎講呢度既環境算唔錯!朋友叫我黎到一定要試佢個沖繩豬鞍扒!我同朋友2個人叫左佢個SET FOR 2有湯, 有SALAD, 有一個PASTA, 一個主菜同一個飲品個SET $378+1, 埋單大概每位$200左右Dinner黎講差不多啦, 最緊要係好食!湯 - 夠熱, 夠濃 簡簡單單, 不過都好飲呀!沙律 - 本身唔食, 比唔到comment~之前上左芝士煙肉焗燒烤菇($78), 好厚好好食!係無論粒菇定係d芝士都好厚!芝士控表示心心眼之後上pasta - 黑松露雜菌意大利飯配63度溫泉蛋一上台已經聞到陣陣黑松露的味道!加埋隻岩岩好的溫泉蛋~好正啊!!跟住主角 - 朋友推薦的香蕉煎沖繩豬鞍扒終於上台~其實我都係第一次咁樣食豬鞍, 並都係第一次係沖繩豬鞍!無失望喎, 好淋身, 好好食!但係感覺又唔會食到成口油咁~overall其實都ok既~唔會趕人走, 我地真係傾到佢收舖先走呀!

今日行過旺角想搵一個靜靜地嘅地方傾吓計上網搵過發現呢間Cafe幾有情調 裝修得好好 結果就簡左呢間 地點係朗豪坊隔離都好方便我哋揀咗二人套餐 有餐湯 沙律 飯/麵 同主菜 先HKD378 計返當然平過分開叫啦而且選擇都幾吸引另外一開始唔知份量以為會好少結果叫多左兩個小食 但點知個套餐都幾多野沙律係煙火雞烤蘑菇粟米沙律火雞肉食落都幾嫩唔會老 成個沙律感覺都唔錯今日嘅餐湯係南瓜湯 淡淡地嘅南瓜味 好香而個飯我哋就揀咗黑松露雜菌risotto仲有一粒溫泉蛋 一嚟到濃濃嘅黑松露味道就已經撲晒出嚟 好香好吸引 仲有粒恰到好處嘅溫泉蛋 真係好正！個主菜 因為我哋好鍾意食鵝肝本來諗住揀牛柳伴鵝肝但係店員推薦下我哋試咗香煎沖繩豬鞍扒個豬扒比我想像中大舊好多通常豬扒好易就會煮到好'嚡'點知食落出奇地肉嫩 原來因為佢個豬肉可以煮到七八成熟 加埋少少嘅脂肪邊 超級香口 冇介紹錯 ！除餐我哋叫咗兩杯mocktail W Games同Zen小食就叫咗檸檬海鹽炸甜薯(HKD68)同埋芝士煙肉焗燒烤菇(HKD78)甜薯超好食 炸到岩岩好 最特別嘅係檸檬汁份量落得岩岩好 甜中帶酸 冇咁易濟 強烈推薦！最後叫得太多所

剛剛旅行完返嚟，一屋都喺行李、雜物，工作就故然積壓咗唔少，所以，是夜少有哋兩公婆出去食，乾手淨腳嘛。早排去咗太子一間酒吧餐廳，所做嘅西班牙小食（Tapas）甚有水準，晌食文都有提及過，依家唔少餐廳都有提供埋西班牙小食，今晚到訪嘅樓上鋪Romanne亦一樣有，而且，有水準之餘，定價十分相宜。旺角朗晴坊唔喺第一次嚟，到達7樓，就見餐廳門面，餐廳佔全層，而一踏入去就喺開放式廚房，更用上較少見嘅藍色燈光，非常型格玄幻， 可以遠觀大廚們做菜嘅姿態。不過，再走入啲喺用餐區，明顯如一般悠閒西餐廳。香港租金貴，就預咗枱櫈編排會有點逼，還好喺佈置有點心思，窗邊有唔少盆栽，枱上又有啲擺設，天花掛上電燈泡，讓整體環境添加少少氣氛，兩邊對外都喺玻璃窗，使空間唔會太侷促。細細嘅餐牌似喺自家印製，啲字開始有啲甩，而菜式分為沙律、前菜、主菜、意大利麵或飯、甜品、西班牙小食及飲品。另外，仲有兩個獨立嘅套餐餐牌，分二人（$368）及四人（$698），本來都有考慮點二人餐，因為認為划算啲，不過，部份嘢唔太啱我老婆，最後都喺散點。飲品選項中，除啡茶、汽水、什飲、果汁之外，更有店員推介嘅無酒精雞尾酒（$58 / 杯），見其中